Cricket with Ahsan

🇵🇰 پاکستان کی ٹیسٹ کرکٹ میں آخری 5 وکٹوں کا مسلسل بحران!

پاکستان کی ٹیسٹ کرکٹ میں 2024 سے ایک انتہائی تشویشناک سلسلہ جاری ہے۔ 16 مسلسل اننگز میں پاکستان 6 وکٹیں گرنے کے بعد اپنی آخری 5 وکٹوں سے 100 رنز کا اضافہ بھی نہیں کر سکا۔

اعداد و شمار دیکھیں:

انگلینڈ کے خلاف: 21 رنز پر 5 وکٹیں
ویسٹ انڈیز کے خلاف: 76 رنز پر 5 وکٹیں
ویسٹ انڈیز کے خلاف: 67 رنز پر 5 وکٹیں
ویسٹ انڈیز کے خلاف: 34 رنز پر 5 وکٹیں
بنگلہ دیش کے خلاف: 62 رنز پر 5 وکٹیں
بنگلہ دیش کے خلاف: 82 رنز پر 5 وکٹیں
بنگلہ دیش کے خلاف: 11 رنز پر 5 وکٹیں
بنگلہ دیش کے خلاف: 37 رنز پر 5 وکٹیں
جنوبی افریقہ کے خلاف: 33 رنز پر 5 وکٹیں
جنوبی افریقہ کے خلاف: 17 رنز پر 5 وکٹیں
جنوبی افریقہ کے خلاف: 17 رنز پر 5 وکٹیں
جنوبی افریقہ کے خلاف: 16 رنز پر 5 وکٹیں
ویسٹ انڈیز کے خلاف: 57 رنز پر 5 وکٹیں
ویسٹ انڈیز کے خلاف: 24 رنز پر 5 وکٹیں
ویسٹ انڈیز کے خلاف: 25 رنز پر 5 وکٹیں
ویسٹ انڈیز کے خلاف: 33 رنز پر 5 وکٹیں

یعنی 16 اننگز، اور ایک بار بھی آخری 5 وکٹیں 100 رنز کا ہندسہ عبور نہ کر سکیں!

آج انگلینڈ کے خلاف بھی پاکستان کی بیٹنگ اسی پرانی بیماری کا شکار ہوئی اور 6 وکٹیں گرنے کے بعد باقی 5 وکٹیں صرف 21 رنز کا اضافہ کر سکیں۔

یہ صرف ایک میچ کی ناکامی نہیں، بلکہ پاکستان کی ٹیل اینڈ بیٹنگ کی ایک مسلسل اور سنگین کمزوری بن چکی ہے۔ ٹاپ آرڈر ناکام ہو تو نچلے نمبروں سے رنز کی توقع تقریباً ختم ہوجاتی ہے۔

🇵🇰 پاکستان پہلی اننگز میں صرف 171 رنز پر ڈھیر!

انگلینڈ کے خلاف پہلے ٹیسٹ میں پاکستان کی پوری ٹیم پہلی اننگز میں 171 رنز پر پویلین لوٹ گئی۔ پاکستانی بیٹنگ ایک بار پھر شدید دباؤ میں نظر آئی اور صرف دو بلے باز ہی قابلِ ذکر مزاحمت کر سکے۔

عبداللہ شفیق نے مشکل حالات میں شاندار حوصلہ دکھاتے ہوئے 61 رنز کی اننگز کھیلی، جبکہ امام الحق نے 42 رنز بنائے۔

لیکن ان دونوں کے علاوہ باقی پوری بیٹنگ لائن اپ نے مایوس کیا۔
وکٹیں وقفے وقفے سے گرتی رہیں اور پاکستان بڑا مجموعہ بنانے میں مکمل طور پر ناکام رہا۔

انگلینڈ کی جانب سے شاندار باؤلنگ:
اولی رابنسن — 5 وکٹیں
جوش ٹنگ — 5 وکٹیں

انگلش باؤلرز نے پاکستانی بیٹنگ کو کھل کر کھیلنے کا موقع ہی نہیں دیا۔

اب پاکستان کے باؤلرز پر بڑی ذمہ داری ہے کہ وہ انگلینڈ کو بھی کم سے کم اسکور پر روک کر میچ میں واپسی کی راہ ہموار کریں۔

کیا پاکستانی بولرز مقابلہ کر پائیں گے؟

عبداللہ شفیق کی ایک اورشانداراننگز

پاکستان صرف 6 رنز پر 2 وکٹیں گنوا چکا تھا، انگلینڈ میں عبداللہ شفیق کا یہ پہلا ٹیسٹ تھا، اوپر سے ابر آلود موسم اور مشکل پچ پر انگلش پیسرز کا سامنا۔

لیکن ’’کتابی‘‘ پلیئر عبداللہ شفیق ڈٹ گئے اور شاندار، پُراعتماد بیٹنگ کرتے ہوئے کلاسیکی نصف سنچری مکمل کرلی۔

ایسے مشکل حالات میں کھیلی گئی یہ اننگز عبداللہ کی کلاس اور صلاحیتوں کا منہ بولتا ثبوت ہے۔

جس گیند پہ عبداللہ آؤٹ ہوئے بہت اچھی گیند تھی، 123پہ پاکستان کی آدھی ٹیم آؤٹ ہوکر پویلین لوٹ چکی ہے.

ایک تو پاکستانی پلیرز کی عجیب مصیبت ہے کہ جہاں ریویو لینا ہوتاہے وہاں نہیں لیتے
جہاں نہیں لینا ہوتا وہاں خواہ مخواہ ریویو ضائع کردیتے ہیں.
بھائی جب ارادہ کرہی لیاتھا تو ٹائم پہ لےلیتے.
اب پاکستان کی حالت خراب ہونے والی ہے

کتابی پلیئر عبداللہ شفیق کی کلاس!

انگلینڈ کے خلاف پہلی ہی اننگز میں عبداللہ شفیق نے کتابی انداز کی شاندار نصف سنچری مکمل کرلی۔

کلاسک کرکٹ شاٹس، بہترین ٹائمنگ اور پُراعتماد بیٹنگ—عبداللہ شفیق نے انگلش بولرز کے خلاف اپنی کلاس ثابت کردی۔ امید ہے لمبی اننگز کھیلیں گے.

شاباش عبداللہ! 👏🔥

عبداللہ شفیق اور امام الحق اس وقت کریز پر زبردست بیٹنگ کر رہے ہیں۔ دونوں نے خوبصورت اور پراعتماد کرکٹ شاٹس کھیلتے ہوئے انگلینڈ کے فاسٹ بولرز کا ابر آلود موسم میں بہترین انداز سے سامنا کیا ہے۔

دونوں بلے بازوں کے درمیان تیسری وکٹ کے لیے 70 سے زائد رنز کی شاندار شراکت بھی مکمل ہو چکی ہے اور دونوں بھرپور اعتماد کے ساتھ بیٹنگ کر رہے ہیں۔

بارش کی رات، صبح بھی بارش، آسمان پر بادل چھائے ہوئے اور مزید بارش کی پیشگوئی بھی موجود تھی۔ گزشتہ دس سالوں میں اس گراؤنڈ پر پہلی اننگز میں بیٹنگ کرنے والی کوئی ٹیم ٹیسٹ میچ نہیں جیت سکی، لیکن پاکستانی کپتان نے ٹاس کے موقع پر کہا:

"ہم ٹاس جیت کر پہلے بیٹنگ ہی کرنا چاہتے تھے۔" 😯

پاکستانی شائقین کی تنقید بھی کبھی کبھی سمجھ سے بالاتر ہو جاتی ہے۔ آج اذان اویس کے آؤٹ ہونے کے بعد سوشل میڈیا پر یہ بحث شروع ہوگئی کہ امام الحق نے اننگز کی پہلی گیند خود کھیلنے کے بجائے اذان اویس کو کیوں کھلوائی۔ حالانکہ یہ اعتراض کوئی خاص وزن نہیں رکھتا۔
اذان اویس آج اپنی نویں ٹیسٹ اننگز کھیل رہے تھے اور دلچسپ بات یہ ہے کہ ان نووں اننگز میں انہوں نے ہر مرتبہ پہلی گیند کا سامنا کیا ہے۔ اس لیے صرف آج وکٹ گنوانے پر امام الحق کو ذمہ دار ٹھہرانا غیر منطقی ہے۔
کرکٹ میں یہ کوئی غیر معمولی بات نہیں کہ نسبتاً کم تجربہ کار بلے باز اننگز کی پہلی گیند کھیلے۔ ماضی میں ڈیوڈ وارنر بھی ٹیسٹ کرکٹ میں ایڈ کووان، کیمرون بینکرافٹ اور ول پوکوسکی جیسے ڈیبیو کرنے والے کھلاڑیوں کو پہلی گیند کھیلنے کا موقع دے چکے ہیں۔ جبکہ اذان اویس تو ڈیبیو کرنے والے کھلاڑی بھی نہیں تھے۔
بعض بلے بازوں کی حکمتِ عملی یہ ہوتی ہے کہ نئے اسپیل کی پہلی گیند پر فاسٹ بولر کبھی کبھار اپنی لائن یا لینتھ درست کرنے میں معمولی غلطی کر سکتا ہے، جس سے رنز بنانے کا موقع مل سکتا ہے۔ لہٰذا پہلی گیند کھیلنے یا نہ کھیلنے کا فیصلہ ہر بیٹر کی اپنی سوچ اور حکمتِ عملی ہوتی ہے۔
آج اذان اویس آؤٹ ہوئے، اس کا مطلب یہ نہیں کہ پہلی گیند انہیں کھلانے کا فیصلہ غلط تھا۔ ہر معاملے میں کسی ایک کھلاڑی کو موردِ الزام ٹھہرانے کے بجائے کھیل کی صورتحال اور حکمتِ عملی کو سمجھنا چاہیے۔ 🏏

🌧️ بارش کے باعث کھیل روک دیا گیا 🚨

پاکستان اور انگلینڈ کے درمیان پہلے ٹیسٹ میں بارش کے باعث کھیل روک دیا گیا ہے۔ پاکستان کی صورتحال بھی اس وقت اچھی نہیں، قومی ٹیم صرف 23 رنز پر 2 وکٹیں گنوا چکی ہے۔
بارش کے بعد کھیل دوبارہ شروع ہونے پر پاکستان پر دباؤ مزید بڑھ سکتا ہے، اس لیے اب بیٹرز کو ذمہ داری کا مظاہرہ کرنا ہوگا۔
عبداللہ شفیق سے کچھ امیدیں وابسطہ ہیں باقیوں کا اللہ ہی مالک ہے.