Humera Biker

یہ جو سال کے آخر میں آنکھ نم سی ہے
یہ دل کی وہ ہار ہے جس کا کوئی گواہ نہیں

Good Bye 2025🙂❤️‍🩹

We Bikers❤️

پاک ایڈونچر کلب کے بانی، میاں اعظم صاحب کا وہ خواب جو برسوں پہلے اُن کی آنکھوں میں سجا تھا، آج میری آنکھوں کے سامنے حقیقت بن کر کھڑا ہے۔ وہ خواب جس میں بائیکر کمیونٹی میں خواتین کو پورا احترام، مکمل آزادی اور حقیقی سپورٹ ملے صرف لفظوں میں نہیں، عمل میں۔ اور اتنی مضبوط آواز کے ساتھ کہ وہ حکومتی سطح تک سنی جائے۔

اسی وژن کو دل میں بسائے، میں نے بطور صدر فیمیل پاک ایڈونچر کلب ایک ذمہ داری اٹھائی۔ لاہور سے مری TDCP کیمپنگ گالا تک، بیس سے زائد فیمیل بائیکرز کے قافلے کی قیادت کرنا میرے لیے صرف ایک رائیڈ نہیں تھی۔ یہ ہمت، خود اعتمادی اور یقین کا اعلان تھا۔ یہ اُن عورتوں کی جیت تھی جنہوں نے سڑک پر نکل کر ثابت کیا کہ خواب کسی صنف کے محتاج نہیں ہوتے۔

میں دل کی گہرائیوں سے اُن تمام فیمیل بائیکرز کو سلام پیش کرتی ہوں جنہوں نے میاں اعظم صاحب کے وژن کو حقیقت بنانے کے لیے حوصلہ دکھایا، خوف کو پیچھے چھوڑا اور ایک مثال قائم کی۔ آپ سب نے آنے والی نسلوں کے لیے راستے ہموار کر دیے ہیں۔

آج 25 دسمبر کو، انہی باہمت خواتین کے اعزاز میں ایک خصوصی ناشتہ رائیڈ کا اہتمام کیا گیا۔ مقام تھا چچا بسا حلوہ پوری، مون مارکیٹ، علامہ اقبال ٹاؤن۔ وہاں صرف مسکراہٹیں نہیں تھیں، وہاں فخر، عزت اور اپنائیت کا احساس تھا۔ تمام فیمیل بائیکرز کو گولڈ میڈلز دیے گئے، ان کی حوصلہ افزائی کی گئی، اور یہ پیغام دیا گیا کہ آپ اکیلی نہیں ہیں — پاک ایڈونچر کلب آپ کے ساتھ کھڑا ہے۔

آخر میں ہم تمام فیمیل بائیکرز نے ایک آواز ہو کر یہ عزم کیا کہ ہم پاک ایڈونچر کلب کے سرپرستِ اعلیٰ راشد راؤ، وائس چیئرمین کاشف رمضان اور جنرل سیکریٹری آصف علی کی قیادت میں 5 فروری، یومِ یکجہتیٔ کشمیر کے موقع پر ان شاء اللہ وادیٔ سماہنی کی ریلی میں شانہ بشانہ شریک ہوں گی۔
یہ صرف شرکت نہیں ہوگی، یہ یکجہتی کا اعلان ہوگا۔
یہ حق کے ساتھ کھڑے ہونے کا وعدہ ہوگا۔
اور یہ ثابت کرے گا کہ جب عورت میدان میں اترتی ہے تو وہ صرف اپنے لیے نہیں، پوری قوم کے لیے آواز بنتی ہے۔

یہ سفر یہاں ختم نہیں ہوتا۔
یہ تو صرف شروعات ہے۔
جب عورت اپنے خوابوں پر یقین کر لے، تو سڑکیں بھی راستہ دے دیتی ہیں۔

پاک ایڈونچر کلب ہمیشہ خواتین کے حوصلے، آزادی اور خودمختاری کے ساتھ کھڑا رہے گا۔
کیونکہ بااختیار عورت ہی مضبوط معاشرے کی بنیاد ہوتی ہے۔

میں، بحیثیت صدرِ فیمیل پاک ایڈونچر کلب (حميرا بائیکر)، پورے یقین سے کہہ سکتی ہوں کہ پاک ایڈونچر کلب فیملی گالا نائٹ کیمپنگ محض ایک ایونٹ نہیں تھا، بلکہ یہ میاں اعظم صاحب کے اس وژن کی جیتی جاگتی تعبیر تھی جو وہ خواتین کو ساتھ لے کر چلنے کے حوالے سے برسوں سے دیکھتے آ رہے تھے۔ یہ وژن اُس رات حقیقت کا روپ دھار چکا تھا۔

میں بذاتِ خود آٹھ فیمیل بائیکرز کے ساتھ اس ایونٹ میں شریک ہوئی، اور وہاں جو تحفظ، اپنائیت اور اعتماد کا احساس ملا، وہ بالکل ایسا تھا جیسے میں اپنے ہی خاندان کی کسی تقریب میں موجود ہوں۔ سچ تو یہ ہے کہ پاک ایڈونچر کلب اب صرف ایک کلب نہیں رہا، یہ ہم سب کا خاندان بن چکا ہے۔

انتظامات کی بات کروں تو الفاظ کم پڑ جاتے ہیں۔ منظم انداز میں لگے کیمپس، فیملیز کے لیے بہترین ماحول، پاکستان کے مختلف حصوں سے آئے ہوئے بائیکرز، اور ننھے منے بچوں کی موجودگی نے اس ایونٹ کو واقعی چار چاند لگا دیے۔ لذیذ کھانا، گرم چائے، تازہ پھل، گرم انڈے اور شکر قندی… افف! مزہ ہی آ گیا۔

بون فائر کے گرد لگے بینچز اور اُس لمحے کی فضا اتنی خوبصورت تھی کہ دل وہیں ٹھہر سا گیا۔ خواتین، فیملیز اور خاص طور پر بچوں نے کرکٹ اور بیڈمنٹن کو بے حد انجوائے کیا، اور ہم سب کو اپنا بچپن یاد آ گیا۔

کشمیر سے آئے ہوئے بائیکرز اور ہمارے سرپرستِ اعلیٰ سماہنی راجہ نصیر اختر موجو صاحب کا حب بھنگڑا انجوائے کرنا اس ایونٹ کی ایک اور خوبصورت جھلک تھی، جو ہمیشہ یاد رہے گی۔

آخر میں، میں دل کی گہرائیوں سے پاک ایڈونچر کلب کی ایونٹ مینجمنٹ ٹیم کو اس شاندار، محفوظ اور یادگار ایونٹ کے انعقاد پر مبارکباد پیش کرتی ہوں۔ آپ سب نے واقعی ایک مثال قائم کر دی ہے۔