روحِ سخن

اسلام علیکم ورحمتہ اللہ وبرکاتہ!

ہر طرف یار کا تماشا ہے
اس کے دیدار کا تماشا ہے

عشق اور عقل میں ہوئی ہے شرط
جیت اور ہار کا تماشا ہے

خلوت انتظار میں اس کی
در و دیوار کا تماشا ہے

سینۂ داغ داغ میں میرے
صحن گل زار کا تماشا ہے

ہے شکار کمند عشق سراجؔ
اس گلے ہار کا تماشا ہے ۔۔

‏کب میری شرط فرشتوں سے لگی تھی یارب
میں نے کب تجھ سے کہا تھا مجھے افضل کرنا.

اے فال گو! ترقیوں کے قصے مت سنا
نامے میں مرے اُس کی ملاقات ہے تو بول

نا نا یہ ساری عمر کی دوری نہیں قبول
ہاں چار پانچ دن کی کوئی بات ہے تو بول

فراز محمود فارز❤

تیرے فراق کے لمحـــے بسر نہیں ہوتے
اگر چـــہ وقت بہتــــــ تیز گام چلتا ہے
سید عبدالحمید عدمؔ

‏ہو تری خیر ، خارِ راہِ حبیب !
اے مرے صبر ! تیری عمر دراز

سیماب ظفر

یوں نہ مل مجھ سے خفا ہو جیسے
ساتھ چل موج صبا ہو جیسے

لوگ یوں دیکھ کے ہنس دیتے ہیں
تو مجھے بھول گیا ہو جیسے

عشق کو شرک کی حد تک نہ بڑھا
یوں نہ مل ہم سے خدا ہو جیسے

موت بھی آئی تو اس ناز کے ساتھ
مجھ پہ احسان کیا ہو جیسے

ایسے انجان بنے بیٹھے ہو
تم کو کچھ بھی نہ پتا ہو جیسے

ہچکیاں رات کو آتی ہی رہیں
تو نے پھر یاد کیا ہو جیسے

زندگی بیت رہی ہے دانشؔ
ایک بے جرم سزا ہو جیسے

احسان دانش