Eagle Kabaddi Club Talagang

بمقام کوٹ سارنگ تحصیل و ضلع تلہ گنگ

مولی طاہر عمران ڈھوک کنڈ سدا بہار کبڈی گروپ طارق ہسولہ چکوال کے ایونٹ آرگنائزر منتخب

چکوال (نمائندہ خصوصی) سدا بہار کبڈی گروپ طارق ہسولہ چکوال کے ایک اہم اجلاس میں متفقہ طور پر مولی طاہر عمران ڈھوک کنڈ کو گروپ کا ایونٹ آرگنائزر منتخب کر لیا گیا۔

اجلاس کے دوران عہدیداران اور ممبران نے ان پر بھرپور اعتماد کا اظہار کرتے ہوئے اس ذمہ داری کے لیے منتخب کیا۔ اس موقع پر تمام شرکاء نے مولی طاہر عمران کو دلی مبارکباد پیش کی اور نیک تمناؤں کا اظہار کیا۔

گروپ کے عہدیداران نے امید ظاہر کی کہ مولی طاہر عمران اپنی صلاحیتوں، محنت اور لگن سے اس ذمہ داری کو احسن انداز میں نبھائیں گے اور سدا بہار کبڈی گروپ طارق ہسولہ چکوال کی ترقی اور کامیابی میں اہم کردار ادا کریں گے۔

نالے میں ڈوب کر 3 معصوم سگے بھائی جاں بحق، علاقے کی فضا سوگوار

تلہ گنگ میں انتہائی افسوسناک واقعہ پیش آیا ہے جہاں نہاتے ہوئے 3 کمسن سگے بھائی نالے میں ڈوب کر جاں بحق ہو گئے۔

ریسکیو ذرائع کے مطابق مرنے والے بچوں کی عمریں 7، 8 اور 9 سال تھیں، جو گرمی کی شدت کے باعث نہانے کے لیے نالے میں اترے تھے لیکن گہرائی زیادہ ہونے کے باعث ڈوب گئے۔

ریسکیو ٹیموں نے کارروائی کرتے ہوئے تینوں بچوں کی لاشیں نالے سے نکال لی ہیں، اس المناک واقعے کے بعد پورے علاقے میں کہرام مچ گیا اور فضا سوگوار ہو گئی۔

Sada Bahar Kabaddi Group Tariq Hasola Chakwal