م. نورا السعيد - Nora Elsaeed

رمضان العفو والغفران والإحسان
رمضان التزكية والرضوان

كل عام وانتم بخير ☪️

شهر رجب يصب فيه الخير ويكثر
وتصب فيه الرحمة صبا

كل شهر وانتم في بركات تصب اليكم صبا


#رجب #شعبان #رمضان
#كوتش #مستشار

الجهل ، مع عدم العلم بإني جاهل
والمكابرة اني مش جاهل
اذا نمط في الشخص هيحققله نتايج مش رحيمة
ويضر اللي حوله لو…!
لو ما انتبهوش واتعلموا ايه طريقة الحماية والتعامل المناسب! 🤍

دمتم بسلام ءامنين 🤍

#الجهل #خوف

إزرع ودا واملا ورحمة وإملأ عالمك حباً وإحسانا 🤍🙏🏻

بتزيد المعايير والمقارنات في السوشيال ميديا واللي هي معايير ملعوب فيها ومش مقاسك
، بتزيد الضغوط والحاجة الى الكمالية واعلى واعلى منها
وكئننا في سباق ملوش هدف واضح🥲 - بنتسابق لمجرد السباق - مش لمعنى حقيقي ولا لمراد ورسالة بنية حقيقية واضحة
ويزيد التشتت والانقسام ونحكم على بعض اكتر واكتر🤷‍♀️

بتزيد المعايير ويزيد معاها احساسنا بالنقص والخوف والحاجة للهروب
بيزيد معاها قلة البركة وقلة استطعام حلاوة الحياة - دا لو كان في احساس انك حي لسه
بتزيد الغربة وبننسى اننا كائنات بتحب العلاقات والونس والألفة
بتحب تحس العزوة والدعم واني مقبول زي مانا من غير ماعمل اي حاجة

ومن كرم المولى ولطف الوهاب انه بيخلق انتشار عظيم للتشافي وللعلاج النفسي واهتمام واضح بالصحة النفسيه واللي هي سبب اصيل في سلامة الجسد والعقل والعلاقات واطمئنانك وتواصلك بالخالق الحق كمان 😇

يعني مهما زادت الاعيب السوشيال ميديا بيزيد معاها الخير والتشافي والعلاج والوصول للنور الحقيقي اللي اتخلقت بيه واللي بدل مايحصل تشتت وخواء وعدم رضا
تدووق مر الحياة الصعبة تجري وتفر الى الطريق المستقيم اللي كله تزكية وارتقاء وعلاج وتسامح 🤍
تبني علاقات واضحة وصحيحة يرضى عنها الله وترضى انت كمان بأخلاقك ومبادئك عنها

واتأكد انك لما تختار الطريق المستقيم تصدق النيه بالتزامك فيه مهما وقعت ترجع تقف وتفتح عينك وتصحح وتعيش 💗

قال الله تعالى: إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ ۝ نَحْنُ أَوْلِيَاؤُكُمْ فِي الْحَيَاةِ الدُّنْيَا وَفِي الْآخِرَةِ وَلَكُمْ فِيهَا مَا تَشْتَهِي أَنفُسُكُمْ وَلَكُمْ فِيهَا مَا تَدَّعُونَ ۝ نُزُلًا مِّنْ غَفُورٍ رَّحِيمٍ





وجب التنويه : لو بيساعدك معالج او كوتش - قيس مدى تطورك ومدى وصولك لاهداف حقيقية مناسبة لحالتك وبتتحسن اكتر واكتر

دمتم بخير وسلام 🤍

اتوصينا بــ "اصبروا وصابروا"

والعجلة في اننا بنسابق نفسنا.. عايزين وعايزين.. أو مش بنلحق كذا وكذا ...
او مستعجلين واحنا بنخلص حاجة معينة ..
تأكد ان المستعجل هيكون: مش شايف ولا دايق أي نعمة ولا مستمتع بأي حاجة في الحياة 😶
ولا بيشوف أي فرصة كويسة واغلب قراراته غلط عشان متسربع.. دا غير التوتر وقلة الثقة🤯
لا بيشكر ولا حاسس هو حي وللا ميت
هتلاقيه ديما حاسس بملل وقهر وعدم إنصاف من كل اللي حوله فـ انتبه تكون منهم !

كل جمعة واحنا طيبين وراضيين 🤍🤍
#عجول #رضا

غالب الانزعاج من الاطفال ، صورة نمطية تم الحكم عليك فيها منذ صغرك

لاحظت وجود كم كبير من العنف البدني او النفسي في البيوت
سواء ضرب شتيمه او اهانة وتقليل صفات مشتركة وموجودة في عدد كبير من جيل الآباء والامهات اللي فات ..
وكم كبير بردو عايز المثالية والكمال وبيضغط على ابناءه وبيوصلهم بردو لاحساس القلة وتأنيب الضمير المبالغ اللي بيوصلهم لكره نفسهم.

لو بقيتي ام او بقيت اب في الجيل دا خلي بالك
انتبهي كويس اوي انتي شربتي ونسختي طريقة التعامل زمان وبتعيدها اوتوماتيك دلوقت
بتعيد ان اول رد فعل هو الزعيق والمبالغه في العصبية ومد الايد
بتعلمهم ان رد الفعل على اي موقف غضب مش وسع وانفتاح وهدوء ويقين

هتلاقيكي عنيفة غصب عنك حتى مع جوزك او مع مراتك
عايزه تسيطري وتحسي ان كل حاجه بتتعمل بيرفكت

انتبهي حتدمري فطرتك وفطرة عيالك وحتخربي علاقاتك

#انك #توعي بالمشكلة دي بداية الحل
في كل مرة كان رد فعلك اوتوماتيك شديد الانفعالية

حيساعدك الوعي انك توقفي نفسك فورا وتبدلي رد فعلك
بردود فعل انتي مختاراها ومجهزاها مسبقاً

#وعي لك ولعائلتك

كل جمعه وانتي بخير

طول مابتشاور بصباعك على الاسباب انها برة من الناس او الاشياء
طول ما هتفضل عايش في جهل وظلام

انا كمان وقعت ..
وقعت في دور الحكيمة اللي حابة تساعد ونست شوية نفسها
بفكرك وفكرني ..
🌟 احمي نفسك ، اشحني ، اهتمي بحالتك ، اهدي ، فلتري اللي داخل لقلبك وفكرك وبيتك ، اتعاملي باحسان مع نفسك قبلهم!

🌟لما تلاقي نفسك شبطانة في مساعدة حد قبل ما يطلبها – احتمال كبير ما يحافظش عليكي بالشكل اللي تحبيه ومش هيشكر مساعدتك
فــ انصحي بلطف وانتي مستقرة – متقلقيش استقرارك وسلامك

#اعقلها