Coach Mousa

20/10/2026

الرد علي اشهر 5 اعتراضات في المبيعات

1️⃣ السعر غالي جدا
نادراً ما بيكون السعر هو المشكلة.

ممكن يكون 1) مش مقتنع بقيمة المنتج،
2) ميزانيته فعلاً متسمحش،
3) مكسوف يرفضك في وشك فبيتحجج بالسعر.
❌ "يا فندم بس إحنا بنقدم جودة كذا وفينا مميزات كذا.."
(كده إنت بتبرر وموقفك ضعيف).
✅ "اكيد السعر عامل مهم لأي عميل.
بس خلينا نفترض إن السعر مناسب،
لسا في حاجة في العرض مش مقتنع بيها بنسبة 100%؟"
إنت كدا عزلت اعتراض السعر.

لو قالك "لا في مشكلة كذا"،
يبقى إنت كشفت الاعتراض الحقيقي.

ولو قال "السعر بس"، يبقا هنا المشكله فعلا في السعر
قلل من حجم الباقة وامسك في سعرك للاخر.
ولو منفعش اتفاوض على خطط الدفع بشكل مدروس .

--------------------

2️⃣ هفكر وأرد عليك
دي طريقة شيك للهروب.
العميل مش هيفكر، هو بس مش عايز ياخد قرار دلوقتي أو مش مقتنع.

❌ "تمام، تحب أتابع معاك كمان يومين؟" (كده البيعة ماتت إكلينيكيا)
✅ "أكيد طبعا ,بس عادةً لما العميل بيقول هفكر،
يا اما بيختفي ومبيرجعش تاني
يا إما في سبب تاني فا انت قولي ايه اللي محتاج تفكر فيه؟
انا اكتر واحد هفيدك ,
ولو فعلا الي بقدمه مش مناسب ليك ,
هرشحلك البديل المناسب ليك ولحالتك حتي ولو من المنافسين .

إنت كدا بتجبره يختار سبب وساعتها تقدر تهندل قلقه في نفس المكالمة.

--------------------

3️⃣ إحنا شغالين مع شركة تانية ومرتاحين
هما مستقرين، بس طالما وافق يقعد معاك أو يسمع عرضك،
يبقى أكيد في حاجة ناقصة في الخدمة الحالية.

❌ "طب إيه رأيك تجربنا وهنديك سعر أحسن منهم؟" (الاسترخاص بيقلل قيمتك).
✅ "ممتاز جداً إنكم مستقرين
بس طالما شغالين معاهم ومبسوطين،
إيه اللي خلاك تستثمر جزء من وقتك النهارده وتسمع عرضنا؟"
السؤال ده بيعكس الترابيزة،
لو رد وقال:
"مجرد فضول أعرف السوق فيه إيه "
هقوله : الفضول دايما بيبدأ لما يكون في تفصيلة
صغيرة ناقصة أو خدمة مش بتتقدم بأفضل جودة..
إيه هي النقطة اللي لو اتطورت في شفلكم الحالي
هتنقل شفلكم لمستوي اعلي ؟

العميل هو اللي هيقول نقطة الضعف اللي بيعاني منها مع الشركة التانية،
وساعتها هتدخل بمنتجك كحل للنقطة دي بالذات.

--------------------

4️⃣لازم أرجع لشريكي / مديري الأول
ممكن يكون فعلاً مش صانع القرار،
وممكن يكون بيستخدم شريكه كدرع عشان يهرب بسببه.

❌ "خلاص تمام، هستنى ردكم."
✅ "ممتاز , بس خلينا نفترض إن شريكك شاف العرض دلوقتي ووافق فوراً..
إنت شخصياً إيه رأيك؟ هل مقتنع إن ده هيحل مشكلتكم؟"
او " تفتكر لو شريكك شاف العرض دلوقتي ايه الي ممكن يعترض عليه "

الرد ده بيفصل قناعة العميل الشخصية عن قرار الإدارة.

لو قالك "بصراحة أنا شخصياً مش مقتنع" ابداء حل مشاكله
قالك مقتنع يس ممكن شريكي يعترض علي كدا انت عرفت الاعتراض

لو رد وقال: "بصراحة معرفش!"
هقوله : " من 1 ل 10 ،
إنت مقتنع بينا بنسبة كام؟
بعدها اساله ليه اختار الرقم ده؟

--------------------

5️⃣ "إيه اللي يخليني أثق فيك أو في منتجك؟"
العميل اتلسع قبل كده من شركات تانية،
وخايف يدفع فلوس وياخد مقلب
❌ "إحنا أحسن شركة وبقالنا سنين وعندنا سابقة أعمال ضخمة..." (أي حد يقدر يقول كده).
✅ "سؤال منطقي ، خصوصاً لو مريت بتجربة سيئة قبل كده
إحنا بنقلل المخاطرة عليك تماماً بـ
(ذكر الضمان بتاعك: استرجاع كامل / فترة تجربة مجانية / ريفيو عملاء مشابهة لحالته).
العميل لما بيحس إن مفيش خسارة، دفاعه بينزل ونسبه انه يقفل بتعلي

الفكر كلها في انك تفهم السبب ورا كل اعتراض،
دورك هنا إنك تاخد الفكرة،
وتفصلها على مقاس منتجك والعميل بتاعك.

⭕ وعشان اسهل عليك التطبيق ،
جهزتلك برومبت بمجرد ما تديه لاي اداة AI
وترد علي اسالته
هيحلل المشكلة ويطلعلك ردود استباقية
متفصلة على البيزنس بتاعك بالظبط.

اكتب كومنت ب "برومبت" والسيستم هيرد عليك 🤝📩❤

17/10/2026

ازاي تبيع نفس المنتج اغلي من منافسينك

16/10/2026

في البيئة التوكسيك بسسسس مش عموما ❌

16/10/2026

خدني معاك يا سي جوني 🙏🙈😂

15/10/2026

14/10/2026

فيه فرق ضخم بين حد اتعين مدير لمجرد أقدميته أو علاقاته،
بيخليك تعد الساعات والدقايق عشان تمشي

وبين حد هو قائد بطبعه بيخليك تعمل أرقام
ونتايج مكنتش تتوقعها من نفسك

القائد الحقيقي في بيئة العمل اليومين دول بقى عملة نادرة جداً
وقليل لما تلاقي زيه،
ولو اكتشفت إنه موجود في حياتك يبقى لازم تعرف قيمته كويس جدا

دول 8 علامات لو لاقيتهم في مديرك امسك فيه ب ايديك وسنانك

1- بيهتم بالنتيجة مش بساعات الحضور
القائد الصح بيقيس الإنجاز مش المدة ومابيهتمش إنت قعدت كام ساعة قدام الشاشة المهم عنده النتائج اللي اتحققت

2- النزاهة
بيعمل الصح دايما حتى لو مفيش حد شايفه أو بيراقبه والنزاهة عنده خط أحمر مفيش فيه فصال

3- المرونة
القائد الحقيقي بيتشكل مع الظروف زي الماية ما بتاخد شكل الكوباية
ومش بس بيتقبل التغيير ده هو اللي بيقوده وبيشجع عليه

4- الذكاء العاطفي
عنده قدرة إنه يقرا الناس والمواقف صح وبيعرف يتعامل مع المشاعر المعقدة
وديناميكية الفريق بذكاء وسلاسة

5- التواضع وسام على صدره
مابيتكسفش يعترف إنه غلطان أو إنه مايعرفش
ودايما عنده شغف يتعلم من غيره مهما كان منصبه في الشركة

6- الابتكار
بيبني ثقافة بتشجع على الإبداع والتفكير بره الصندوق
وبيشجع فريقه ياخد مخاطرات محسوبة

7- مابيلبسش ماسكات ولا بيلعب سياسة
اللي في قلبه على لسانه حقيقي وواقعي وتقدر تتواصل معاه بسهولة
والوضوح هو اللي بيبني مصداقيته وسط فريقه

8- بيتواصل بشفافية وشجاعة
بيقول الحقيقة في وشك بشجاعة لأن دي أعلى درجات الاحترام ليك

كام علامة من الـ 8 دول موجودة في مديرك؟
❌ولو مفيش خالص قولي في الكومنتات
إيه أسوأ حاجة بيعملها معاك؟
واحكيلي ايه اسوء موقف عمله معاك
وأنا هقولك تتصرف معاه إزاي البوست الجاي 🤝

07/10/2026

عارف ايه اسواء رد ممكن تقوله للعميل المصمم علي خصم ؟

قوله والله دي اسعار شركة وبعد حبه تقوله ممكن اظبطهالك وتديله خصم
كدا العميل بدأ يشك إنك كنت مغفله ومغلي السعر من البداية

وساعتها هتلبس في عميل استغلالي هيتعبك في الدفع
ويجادلك في كل تفصيلة
أنا فاهم حجم الضغوطات والتارجت اللي بيجري وراك،
بس خليني أقولك إن العميل اللي بتجيبه بخصم
عشان أنت مضغوط،
هو نفس العميل اللي هيسيبك
أول ما يلاقي حد أرخص منك بر يـال واحد

⭕الرخيص و الجودة العالية
عمرهم ما بيجتمعوا في جمله واحدة
واجه العميل بالحقيقة وخليه هو الي يختار قوله :
“ ممكن أعملك خصم عشان نوصل للبادجت بتاعتك،
بس هنحتاج نستغنى عن (كذا وكذا) من الخدمة..
هل ده مناسب ليك؟ “

هنا أنت مش بس بتحافظ على قيمتك..
أنت بتفهم اللي قدامك إن الشغل النضيف ليه تمنه.
لو هو عايز النتيجة كاملة، هيدفع (وده غالبا الي هيحصل)
ولو مش عايز يبقى وفرت مجهودك لعميل يقدرك.

دلوقتي بقا عندي ليك سؤال
تخيل معايا عميل بيقولك: شغلك ممتاز جداً،
بس فلان قدملي نفس العرض بسعر ارخص
إيه ردك عليه؟ بس بشرط
من غير ما تنزل جنيه من سعرك