Once a salesperson… still a salesperson. Destiny 😎
Helping sales pros help themselves 💪
5 طرق تدمر بيهم فريقك من كتاب
The Five Dysfunctions of a Team
للكاتب باتريك لينسيونى
لو المنافس سعره أقل و جودة أعلى؟
جزء من الرد علي اسالتكم , لو عندك سؤال شاركه معايا في الكومنتس 👇❤
لو المنافس سعره ارخص اعمل ايه ؟
جزء من الرد علي اسئلتكم , لو عندك سؤال شاركه معايا في الكومنتس 👇❤
لو مبيعاتك واقفة .. بطلها
الموظف بعد 10 سنين خبرة يعمل ايه ؟
جزء من الرد علي اسئلتكم , لو عندكم اي اساله سيبوها في الكومنتس 👇
ازاي تظهر في الشغل من غير ما تبقي بتاع لقطة ؟
الفيديو ده مش هيعلمك حاجة "في الاخر هتعرف ليه ؟ "
اعمل كومنت بكلمه "سيستم"
والسيستم هيرد عليك في التعليقات 👇😉
عشان نكون متفقين، الغلطات في السيلز تمنها غالي
مش بس فلوس، دي بتخسرك وقت وقيمة.
دول 8 نصايح مهمة ممكن يفرقو معاك ويوفرو عليك وقت ومجهود كبير :
1. إوعى تقول سعرك علي طول قبل ما توضح القيمه
لان توقيت عرض القيمة لا يقل اهمية عن القيمة نفسها.
مينفعش ترمي السعر الأول،
وبعدها تبدأ تشرح القيمة.
الترتيب نفسه بيفرق
لو عرضت السعر قبل ما العميل يفهم قيمة اللي بتقدمه،
هيحكم على الرقم بس.
2. إدي الأول.. عشان تاخد بعدين.
قبل ما تطلب من العميل يشتري،
ابعتله نصيحة سريعة
أو تقرير بسيط عن ثغرة شفتها في شغله ببلاش.
لما بتقدم قيمة مجانية بجد،
العميل بيحس إنه لازم يرد الجميل..
وساعتها هيبقى "عيب" عليه يشتري من حد غيرك.
3. إياك تعمل خصم بسهولة عشان بس "تقفل البيعة".
العميل اللي بيشرط عليك خصم عشان يقفل معاك لو اديته خصم,
هيدور على أي سبب عشان ياخد خصم تاني ,
وكمان هيحس ان السعر كان قليل من البداية وانت كنت رافعه عليه .
متقللش سعرك عشان ترضي حد مش مقدر قيمتك.
4. إديله حق الرفض.
البشر بيكرهوا يحسوا إنهم "مجبرين" على حاجة.
لما تدي العميل مساحة يرفض، هو بينفتح عليك أكتر.
قوله:
"هدفي أتأكد الأول إن شغلنا هيحل مشكلتك فعلاً، لو لقيت إننا مش هنحققلك النتيجة دي، هقولك وأرشحلك بديل".
الجملة دي بتنزل كل "الدفاعات" بتاعته الأرض تماماً.
5. سيطر على إيقاع كلامك ونبرة صوتك.
العقل البشري كسول، وبيربط هدوءك بثقتك في خبرتك.
الشخص المبتدئ أول ما العميل يتحمس، صوته بيعلى وبينشرح ويبان إنه واقع ومبسوط بالبيعة..
وده بيدي انطباع فوري بالاحتياج والضعف.
خلي نبرتك ثابتة.
الهدف إن العميل يحس إن الموضوع طبيعي ومتكرر بالنسبة لك،
مش بيعة حياتك!
6. إياك تبرر سعرك بعد ما تقوله.
قول السعر.. واسكت تماماً.
سيب العميل يفكر ويهضم الرقم.
البيعة مابتموتش عند السعر اللي بتطلبه
البيعة بتموت في الحكايات والتبريرات اللي بتزودها
من توترك بعد ما تنطق الرقم.
7- اوعي تسيب بيعة من غير ما تطلع بترشيح .
الترشيحات ممكن تجيبلك مبيعات بدون أي تكلفة زيادة
لان العميل اللي بيجيلك عن طريق ترشيح ,
مش لسا هنبداء من الصفر.
هو داخل وعنده قدر كبير من الثقة
اتنقله من الشخص الي رشحك ،
عشان كده بتاخد وقت ومجهود أقل في الإقناع،
وفرصة قفل البيعة بتكون أعلي .
8- واهم قاعدة فيهم
البيع بيبدأ من الطريقة اللي بتشوف بيها نفسك.
أول ما تبطل تتعامل كـ "منفذ" بيستأذن عشان يشتغل،
وتبدأ تتعامل كـ "مستشار" بيشخص ويحل مشاكل عملائه
نوعية عملائك وحجم ديلاتك هيتغيروا ١٨٠ درجة.
وطالما اتكلمنا عن عقلية البيع
أغلب البياعين أول ما العميل يضغط عليهم،
بيلعبوا بكارت الخصم عشان يقفلوا التارجت.
وده واحد من أكبر الأخطاء اللي ممكن تقع فيها.
لو أنت Closer برنس بجد,
إيه ردك على عميل بيضغط عليك عشان ياخد خصم؟
وإزاي تقفل البيعة من غير ما تنزل جنيه واحد من سعرك؟
شاركنا طريقتك 👇
❌لو مش موهوب مهما تعمل عمرك ما هتتعلم .
طبعا مفيش الكلام ده , أي مهارة ممكن تتعلمها ,
عشان تتعلم اي skill بتعدي بـ 4 مراحل أساسية.
في الفيديو ده بشرحلك المراحل دي وإزاي تطبقها صح.
هتعرف إزاي تتنقل من الصفر لحد ما تنفذها باحترافية وتلقائية.