27/09/2026
هل كلكم شفتو البوست النزلتو قبل كدا عن الموضوع ده؟ 👆
لانو السؤال دا متكرر شديد تقريباً بجينا في العيادة كل يوم
"يا دكتورة أنا عندي نقط بيضا في حلقي وريحتها كريهة شديد، دي شنو؟ وليه بتظهر؟ وعلاجها شنو؟" 💔
عشان كدا قلت أرجع أذكركم ..
يا جماعة الحاجة الظاهرة في الصورة دي اسمها حصى اللوز Tonsil Stones
ومسميات آخرى
المهم بتتكون من بقايا أكل وبكتيريا بتتجمع في جيوب اللوز ومع الزمن بتبقى زي الحجار الصغيرة لونها أبيض أو أصفر وريحتها كعبة شديد وبتعمل ريحة خشم ما بتروح حتى لو بتتسوّك طوالي.
بتعمل شنو؟
• ريحة نفس كريهة شديدة • احساس في حاجة واقفة في الحلق • وجع حلق متكرر • مرات بتعمل التهاب لوز متكرر
أنا كنت نزلت بوست مفصل قبل كدا شرحت فيهو بالتفصيل الأسباب والعلاج ومتين نحتاج نشيل اللوز ومتين بتتعالج في البيت وبشنو بتتحسن ..
عشان كدا لو ما شفتو البوست الأصلي، أرجعوا ليهو في الصفحة تحت، حتلقو كل التفاصيل هناك.
وأي زول مهتم بمحتوى الأذن والأنف والحنجرة الاختصاصي ، الصفحة دي أنا عاملاها ليكم كمرجع ، أي معلومة بتحتاجوها حتلقوها مثبتة قاعدة في الصفحة إن شاء الله. 👈 DrSuha Ali
ما تنسوني من دعواتكم بالعافية والتوفيق 🙏
دعمكم بهمني شديد، كل ش-ير ولاي-ك وتعليق منكم بساهم في نشر العلم والوعي وبوصل المعلومة لزول محتاج ليها.
