محبي المريخ الكيان

⭕.. كترتوا المحلبية

📌.. بابكر سلك

*موش في زول كدة بسألك كلما يلاقيك
*عطرك ده جميل ياخ
*اسمو شنو؟؟؟
*توريهو
*تاني يلاقيك
*ياسلااااام عطرك ده جميل ياخ
*اسمو شنو؟؟؟؟
*تاني توريهو
*بعد فترة يلاقيك في مناسبة صديق مشترك
*وبرضو يسألك
*ياسلااااام ياخ
*عطرك ده جميل اسمو شنو؟؟؟؟؟
*برضو توريهو
*يمشي يلفح ليهو محلبية
*ويكبها بخشم الفتيل
*شووووووو
*لمن تسيل
*شررررررر
*ويجيك قادل
*عامل فيها الود متعطر ولافت الانظار
*الناس كلها تعاين ليهو
*يزيد زهوا
*يفتكر عيون الناس تعبيرا عن استمتاع انوفهم بما تعطر به
*ويقدل محاكيا الطاؤوس
*الناس متضايقة مما يتعطر به ذلك الموهوم
*وهو يظن غير ذلك
*فيقصد اي جمع ولو فيهو نفرين
*ليري فيهم او فيهما مقدار الدهشة من عطره الذي ظن انه لافت للانظار
*لما يجي ماشي علي شلة
*الناس القاعدة في الشلة اعصابهم بتبوظ
*ويقروا المعوذتين
*وآية الكرسي
*ويقولوا محمد معانا ماتغشانا
*حولينا وماعلينا
*ويعاينوا ليهو بالدس
*صاحبنا يفتكر انو دي عين حسد
*حاسدنوا في عطروا ده
*ويفرض نفسو
*ياخ ده يوم يكب عطرو ده شوووووو
*بتصور
*وينزلها في الميديا
*وفي الحالة
*ويكتب معاها شامني؟؟؟؟
*طبعا الناس كلها شاماهو عشان فاكيها في روحو شديد
*وماعارف انو عطرو ده منفر
*وبضايق الناس
*واحد فاض بيهو شديد واتضايق من الريحة
*سأل صاحبنا
*انت يازول متريح بي شنو؟؟؟؟
*صاحبنا اتكيف وزاد خيلاء
*ورجع لي ورا
*اخد ليهو نفس عميق
*وارتسمت علي ثغرو بسمة مميزة
*بسمة زي البصمة
*مميزة
*واتفنس وقال
*متريح بي ريحة اسمها ريحة المطار
*الجمع كلو فتحوا خشومهم قدر الكتلة
*واحدين اتشنقلوا علي قداديمهم زي بوغبا يوم تشاما رسم الشامة
*الزول السألوا حقيقة اتشنقل
*لكن مازي شنقلة بوغبا في قون تشاما التاني
*اتشنغل زي شنقلة جوباك في قون تشاما الاول
*القدوم في النجيلة
*والرجلين فوق عدمانات الحيلة
*واحد كان واقف ساي بتفرج زي كرشوم
*وواحد من ناس المناسبة مشي يجيب عصير من جوة
*زول كريم خلاس
*كلو دقيقة يجيب من جوة
*اسمو فريد
*فريد ده الحفلة كلها يجيب من جوة
*امين مخازن بس
*اها
*الزول السأل السؤال بتاع انت متريح بي شنو
*قال ليهو ماجاوبتني
*انت متريح بي شنو؟
*صاحبنا تاني اتفنس
*اصلو متعود لما الناس تختو في الفوكس بتفنس
*بتفنس طوالي
*قام اتفنس واتنفش وشال نفس عميييق وقال
*ريحتي عارفة عجبتك
*ريحتي دي ماتركيب يامعلم
*ريحتي دي شركة جاية من برة
*ريحة مامحلية
*ريحة جاية من برة
*جاية بالطيارة
*اسمها ريحة المطار
*فانفجر كل الحضور ضحكا
*واحدين يضحكوا ويفرفروا
*وواحد بضحك علي طريقة بوغبا
*واقع في واطات الله دي ويفرفر
*الناس قالوا ليهو يازول مطار شنو؟
*ريحة المطار قايلنا مابنعرفها ولاشنو
*ريحة المطار دي ماكدة
*انت العرفك بريحة المطار شنو؟؟؟؟؟
*انت مالك ومال ريحة المطار؟؟؟؟
*انت متريح بي محلبية يافردة
*صاحبنا اندهش وقال
*محلبية؟؟؟؟؟
*قالوا ليهو بصوت واحد
*وكترت المحلبية كمان
*المهم
*واحد وااااضح
*قال ليهو عطرك ده ذكرني نكتة
*قالوا زماااان ايام التكاسي بقيفن في المظلة المخصصة بالمحطي الوسطي ام درمان
*جات مرة كبيرة اخدت تكس مشوار لابي روف
*سواق التكس كان فاطر جقاجق وفسيخ ومرس بي كسرة حاااااامضة وبايته
*والمسكين كان عندو مصران
*اتنفخ قربة بس
*اتملي هوا وقف لمبة
*وقبل ما يتخلص من زنقتو دي
*جات المرة وطلبت مشوار
*والنمرة كانت عليهو
*واقف ساعتين في الصف
*مافي طريقة يخلي المشوار
*قال ليها اركبي يا حاجة
*لما وصلوا صينية مكي
*صاحبنا اتمكن شدييييد
*قرب يطرشق
*وبقي قدامو مافي حل غير يتصرف
*لازم يخفف ضغط الهوا ده
*اها لما يجي يتخلص من دفعة هوا
*يقوم يضرب البوري
*صوت البوري بغطي علي كل الاصوات
*وهكذا
*كلو خلاص معاهو بوري
*والحاجة متضايقة لكن مافاهمه الحاصل شنو
*في لفة ابو روف جات غنماية قاطعة الشارع
*بتاع التكس داير يضرب ليها بوري
*الحاجة قالت ليهو خصمتك بي الله بوريك العفن ده ماتضربو
*تقول لي ريحة مطار!!!!!
*اها
*انها اعداد
*الكوتش قصد التجهيز
*لانفرح ببطولات كهذه
*الهلال يرفض البطولة ويكسب الاعداد
*عندنا كاس الكنغو
*سيكافا دي بطولة بتفوز بيها الاندية الصغيرة
*كان بامكاننا الظفر بالبطولة ولكنا اخترنا تجويد الاعداد
*واشياء من هذا القبيل
*خصمناكم بي الله بوريكم العفن ده كان تضربوهوا
*ايها الناس
*رأيكم في اغنية المطار بي وين شنو؟
*اغنية اوسكار
*اغنية في التوب من ستة وتمنين
*استمتعوا بها
*بس عليكم الله بوريكم العفن ده كان تضربوهوا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الناس قدر لحافا مفروض تمد رجلينا
*ماممكن ماعندهم انجاز وانجازنا يبخسوهوا لينا

سلك كهربا

ننساك كيف والكلب قال فتحية لو كترت المحلبية حنتها مابتشيل…. جربي النشادر

وإلى لقاء

سلك

¶ كبد الحقيقة
¶ دكتور مزمل أبوالقاسم

¶ المقامة الصفرية

¶ الصفر العجيب.. الغلب الدوا والطبيب.

¶ عاصر التُرك والإنجليز، وواكب حريق المك، وزامل كتشنر وسلاطين، وعاشر المستر كلارك واللورد كرومر، وشهد لحظات رفع العلم وثورة أكتوبر واستشهاد القرشي والديمقراطيات الثلاث!

¶ الصفر العنيد، قاتل مع قوة دفاع السودان، وتطوع مع سلاح الهجانة، وحضر الأزهري وعبود والنميري والصادق وزروق.. وما راضي يروق!
* حضر استفتاء الوحدة أو الانفصال، وصوّت للوحدة.. مع الهلال!
* حتى الانقلابات ما فاتها، خالد الكد وهاشم العطا وحسن حسين ومحمد نور سعد!
* وفي زمن الإنقاذ.. رفض أي إنقاذ!
* الصفر الخطير، حضر سقوط البشير، ورفض يطير.
* وشهد طيران أبو عوف، بدون خوف.
* والآن.. قاعد مع البرهان، في أمنٍ وأمان.
* حضر التطبيع وشهد لقاء البرهان ونتنياهو وقال (شالوم.. مع فطومة وكلتوم).
* الصفر الباتع حضر انتفاضة اكتوبر، وشارك ثورة مارس أبريل، وزامل تجمع المهنيين!
* هتف (وكان القرشي شهيدنا الأول)، وردد (لن يحكمنا طيش حنتوب)، وصباها في القيادة مع (جردل مان)، وهتف لي ود اللباد قبل الميعاد.
* صفر المغارز.. هتف معانا: تسقط بس.. وردد (تسقط تاني)!
* الناس شافوهو مسطح في القطر مع سوار عطبرة الحجل بالرجل.
* ردد مع الدقير عبارة (مولاي الصفر الأعظم)، وشغال يهتف مع الثوار (شكراً حمدوك)!
* الصفر حضر قفلة خط الأنابيب وعارض رفع الدعم عن الخبز والوقود، وحرق اللساتك مع الثوار.
* الصفر أقدم من الكسرة، وقاعد من زمن (الزمام أب رشمة)!
* حضر زمن الكركار، ودق الشلوفة، والرحط.. وشهد زمن البوتكس والسيلكون والتاتو.
* الصفر متحكر من زمن البرش بي قرش.. والدُقّة بلاش.
* غنى مع زنقار.. وكمل حقيبة الفن مع كرومة وسرور وأولاد شمبات.. والصفر ما فات.
* عاصر زمن أم بلينة السنوسي وعشة الفلاتية ومهلة العبادية، وغنى مع ريماز ونانسي وشموس، وحضر زمن الكنداكات.. وما فات.
* حضر العبادي وود الرضي وود البنا وود القرشي والسر قدور، وغنى في (أغاني وأغاني) مع فرفور!
* كرومة لعب وفتر.. وسرور غنى وما قصر.. والصفر لسه محكّر!
* حضر زمن الأنادي والدلوكة والرايات.. وعاصر زمن الشريعة والكشات.
* عايش من زمن الناس بتضبط ساعاتها بالقطر.. وتركب المفتخر!
* حضر زمن اللحمة بالوقّة، والعيش بالملوة، وجوز الحمام 3 فردات!
* الصفر العنيد.. قدل في الطريق الشاقي الترام، وباع واشترى بالمليم والفريني والشلن والريال والطرادة، وحضر زمن اليورو والدينار والدولار الحار!
* اتعالج بحبوب السلفة في الشفخانة، وحكمة الله.. لي هسة قاعد معانا!
* حلق الكاري والخنفس، وشق شعرو مع إبراهيم عوض، وحضر المارينز والراستا، وأكل المديدة والباسطة!
* كتب عنه كوركين أسكندريان وعمر علي حسن وأبو آمنة حامد، وحضر زمن دسوقي وشجرابي وخالد.
* الصفر أمانة ما جامد!!
* الصفر حضر ولادة خالد عز الدين، وكان ما أخاف الكضب أقول قاعد معانا لي يوم الدين!
* في مصر.. الصفر عاصر الخديوي توفيق والملك فؤاد والملك فاروق ومحمد نجيب وعبد الناصر والسادات ومبارك وطنطاوي ومرسي وعدلي منصور.. وفي إعادة ترشيح السيسي برضو حضور!!
* في إفريقيا حضر زمن نيلسون مانديلا وهيلاسيلاسي وتمبلباي وحسين هبري وجكوني عويدي وعيدي أمين وموسفيني ووشهد خلافة محمد كاكا لإدريس ديبي.. ولي هسه (يدبي)!
* عاش مع الملك الحسن وشهد خلافة ابنه في المغرب، وحضر زمن الملك حسين وابنه الملك عبد الله، وعاصر عهود الملك عبد العزيز، والملك سعود، والملك فيصل، والملك خالد، والملك عبد الله، والملك سلمان.. وقاعد معانا للآن!
* الصفر الشبعان.. خالف كراعو ومنتظر تتويج محمد بن سلمان!
* في السودان عاصر زمن الناس بتسمي خشم الموس، والكجم وتور القوز واللدر والدود وعشا البايتات، وحضر زمن مهند وهيثم ورامي والراستات!!
* الصفر شاف سعدية الداية، وتخرج في كلية غردون التذكارية.. وبعد الاستقلال درس في الأهلية والنيلين والأحفاد.. وحضر زمن مأمون حميدة والمشرق والرباط!
* الصفر الخطير حضر زمن فاطنية وعشوشة والسُرة وأم ضيفان، وعاصر زمن نانسي وسوسو وناريمان!
* عاصر بوكاسا.. ولعب (الرمة وحراسها)!
* الصفر عايش من زمن الدوم بالطبق، وقراصة النبق!
* أكل البيتزا واللازانيا والهوت دوغ والكرانشي بيرغر!
* اتطبب بالجردقة والمحريب والقرض والحرجل، ومشى لي بت بتي الحجل بالرجل!
* اتعالج بالبنسلين والتتراسيكيلين والإمبسلين، وحضر زمن العلاج بالليزر!
* صفر الجن.. حضر الضلام والدمبعلو والبعاتي وحجى الحبوبات!
* شهد زمن الحمام الزاجل والجواب والتلغراف، وقعد لي زمن زمن الموبايل والنت واللاب توب والياهوو والهوت ميل والفيس بوك والواتساب!
* الصفر حضر زمن الخوسة والسيف والسفروق!
* وعاصر زمن الليزر والقنابل العنقودية والأسلحة النووية!
* شهد الحربين العالميتين، وحضر تشييد وسقوط حائط برلين، وشارك في بناء سور الصين!
* الصفر قاعد من زمن كتلة عدم الانحياز والاتحاد السوفيتي وحلف وارسو والحرب الباردة!
* الصفر الصداح.. غنى مع كابلي لناصر وجومو وسوكارنو ونهرو وتيتو، وشارك في حرب فيتنام، وتابع أزمة خليج الخنازير، وشهد مقتل كيندي، ونضال جيفارا، وثورة كاسترو، وعاصر ثورة ماو في الصين!
* شهد زمن الكلبة لايكا، وتابع صعود الأمريكان للقمر، ووثق انفجار تشيرنوبل وهيروشيما وناجازاكي!
* عاصر زمن الهمباتة، وغنى مع خلف الله حمد (الكنداكة سيدي سيد الأراكة)!
* الصفر ركب مع طه الضرير وود ضحوية في جمل واحد، وحضر زمن (بكرة الهمر جاية)!
* قاعد من زمن القراية أم لوح، وما بعيد يكون ركب سفينة نوح!
* الصفر نده سيدي الحسن أب قبة لبنية، وزار الشيخ حسن ود حسونة طباب المجنونة، وعاش معانا عهود ريماز وندى القلعة وستونة!
* هز مع الدلوكة والشتم، ورقص التويستي، ولبس الشارلستون، والساعة الرومر، والنضارة البيرسول!
* حضر زمن توب الزراق الجابوهو النقادة، والقنجة، وأب قجيجة، ورسالة لندن، وجكسا في خط ستة، وتحرمني منك،وعاش لي زمن الكارينا والبودي والسيستم!
* الصفر الجميل.. لعب الليدو في شارع النيل.

* 96 سنة.. والصفر الثقيل ما راضي يستقيل!

* الصفر الدولي أعرق من الطابية المقابلة النيل، وأقدم من بوابة عبد القيوم، وأشهر من دهليز صالح جبريل، وأقدم من سبيل خلف الله!
* وجلدو أتخن من سور سجن أم درمان!
* حضر زمن السحارة والدواليب.. وعاصر الديب فريزر والمشلعيب!
* الصفر قاعد من زمن دار الضلمة، وقهوة جورج مشرقي، وسان جيمس، والسينما المتجولة والعيادة المحولة!
* دخل سينما برمبل وكلوزيوم والوطنية!
* ويا زوووول، الصفر حضر افتتاح (عفراء مول)!
* الصفر مشى في سوق أم دفسو، وفرش في سوق أم سويقا، وباع في سوق خمسة دقايق، واشترى من (مليون صنف)!
* وعمرو طال لغاية ما شاف المول والأسواق الحرة والتجارة الإلكترونية!
* الصفر حضر زمن صفرجت وسكج مكج والسيجة وشليل وينو!
* ولعب بلاي ستيشن وأتاري، مع أولاد مكسيم وأوتارا وديمبا باري!
* عاصر زمن الهيلمان والهينو والكندة والهنتر وكومر الكشة.. وركب الأمجاد والركشة!!
* الصفر الدولي الخطير.. ركب الترماي واتحكر في باصات أبو رجيلة، وحضر زمن بيع التمر بالكيلة!
* قاعد من زمن (الشِّدة) و(تموت تخلي)، والهلال ما راضي يخلي!
* صفر معمر، لعب مع منزول وممي وقاقا والدحيش وجكسا وباكمبا، وزامل كاريكا والطاهر سادومبا!
* الصفر لعب ورا وقدام.. مع هاليفا وصدام.. وحضر زمن أندريا وجوليام وفارياس والعراقي الحمام!
* الصفر معنا من زمن فتح الله بشارة ولي زمن قناة كردنة وأكياس فطومة الطائرة.

" جماهير المريخ العظيمة ❤️💛

عايزين نعمل حملة كبيرة لدعم الصفحة الرسمية لنادينا على فيسبوك حتى نوصلها لـ 500,000 متابع ودي أبسط خدمة ممكن نقدمها للزعيم

الفكرة بسيطة جدا:
🔴 كل زول يعمل دعوة لكل أصدقائه للإعجاب بالصفحة الرسمية من خلال الخيار الموضح أدناه.
🔴 لو نحن مثلا 100 شخص بس اتفاعلنا مع البوست وكل واحد تم قبول دعوته دي من 10 من أصدقائه وعملوا متابعة ده معناها زدنا 1000 متابع
🔴 ولو كل القروبات والصفحات المريخية نفذت الفكرة دي بإذن الله نوصل نص مليون وبعدها طريقنا للمليون متابع إن شاء الله في فترة وجيزة

🔴ده رابط الصفحة الرسمية للمريخ على فيسبوك 👇
https://www.facebook.com/Almerrikh08

Al Merrikh SC The Official Al-Merrikh SC Page

الصفحة الرسمية لنادي المريخ السوداني

الف مبروووووك منتخبنا صقور الجديان الانتصار الكبير والتاريخي على سور نيجيريا وتصدر المجموعة

الأمم الأفريقية للمحليين

السودان (4) ❌️. نيجيريا (0)

#المريخ || #الزعيم || ||



❤️💛