Yaung Ni FC

“အိပ်မက်၏ သင်ခန်းစာ”

ဒီနေရာ ဒီမြင်ကွင်း ဒီအခင်းကျင်းပေါ်မှာ သူတို့ အောင်ပွဲတွေ အလီလီ ခံခဲ့ကြဖူးတယ်...။ပြီးတော့ ကျရှုံးမှုတွေ ကိုလည်း ပုခုံးဖက်ပြီး အိမ်ပြန်ခဲ့ကြဖူးတယ်...။ ဒါ‌‌ပေမယ့်.... အဲ့ဒီ တနင်္ဂ‌နွေရဲ့ နေဝင်ချိန်ကတော့ ရောင်နီလုလင်တို့အတွက် တည်နေရာလွဲခဲ့တဲ့ အိပ်မက်စီကို ပြောင်းပြန်ပြတဲ့ သံလိုက်အိမ်မြောင်နဲ့ သွားရသလို့ပဲ..... နီးမလိုနဲ့ဝေးကွာခဲ့ပြီး..... အနောက်ဘက်ကို ဖြာကျလာတဲ့ အလင်းအိုအိုနဲ့အတူ ချန်ပီယံ အိပ်မက်ကိုခေါက်သိမ်း အိမ်ပြန်လမ်းတွေ မှေးမှိန်ခဲ့ရတယ်...။

ဆီမီးဖိုင်နယ်ပွဲဖြစ်တာနဲ့အညီ တောင်ပေါ်သားတို့ရဲ့ တည်တည်ငြိမ်ငြိမ်ရင်ဆိုင်မှု..... ရောင်နီလုလင်တို့ရဲ့ လျင်လျင်မြန်မြန်ထိုးဖောက်မှုတို့က မျှမျှတတ မြင်တွေ့ခဲ့ရတယ်....။ တကယ်ကို အမှားနည်းသူ စားစတမ်းဆိုတဲ့ အတိုင်းပဲ.....ဖြစ်တည်လာတဲ့ အခြေနေပေါ်ကို သွေးအေးအေး အသုံးချသွားတဲ့ တောင်ပေါ်သားတို့ရဲ့ တည်ငြိမ်မှုကလည်း ဗိုလ်ပွဲနဲ့ထိုက်တန်တယ်လို့ပဲ ပြောကြရမှာဖြစ်ပါတယ်...။ ဦးဆောင် ဂိုးတွေ နှစ်ဂိုးဆက်တိုက် ပေးလိုက်ရပြီးတဲ့ နောက်မှာတော့ ရောင်နီလုလင်တို့ဟာ ရှိသမျှ အင်အားနဲ့ မီးကုန် ယမ်းကုန် တိုက်စစ်ဖိအားပေးပြီး တစ်ပွဲလုံး ကစားသွားခဲ့ပေမယ့်..... ရရှိလာတဲ့ အပိုင်အခွင့်ရေးများစွာကို အဆုံးမသတ်နိုင်ခဲ့ချင်းကပဲ ရောင်နီလုလင်တို့ကို ချန်ပီယံ အိပ်မက်ကနေ ဖြတ်ခနဲ နိုးထစေခဲ့ပါတယ်...။

တောင်ပေါ်သားတို့ကတော့ ရရှိလိုက်တဲ့ အနိုင်အခွင့်ရေးကို တည်တည်ငြိမ်ငြိမ်နဲ့ ခုခံကာကွယ်ရင်း တစ်ပွဲလုံးကို ထိန်းပြီး ကစားပြသွားခဲ့ပါတယ်....။ အပေးယူအချိတ်ဆက်များစွာနဲ့ အရပ်မျက်နှာပေါင်းစုံက တိုက်စစ်ဆင်ဖိကစားခဲ့တဲ့ ရောင်နီလုလင်တို့ဟာ ပွဲသိမ်းခရာမှုတ်ချိန်မှာတော့ ဂိုးမရှိရလဒ်နဲ့သာ အဆုံးသတ် သွားခဲ့ရပါတယ်....။ အိပ်မက်ဆိုတာ လက်တွေ့မဖြစ်ခင် ပုံစံငယ်တစ်ခုပါ....။ ကျနော်တို့ဟာ အိပ်မက်များစွာ ကိုထုစစ်ခွင့်ရှိနေပါသေးတယ်....။ပြီး......လက်တွေ့အကောင်ထည်ဖော်ခွင့်များစွာလည်း ကျန်ရှိနေပါသေး တယ်...။ နတ်ကြီးလှတဲ့ MNY ရဲ့ ပွဲစဥ်တွေကနေ သင်ခန်းစာများစွာကို ချရေးမှတ်ပြီး ဆီမီးဖိုင်နယ်လမ်းခွဲမှာ ရောင်နီလုလင်တို့ဟာ မလျော့သော ကြိုးစားမှု လွယ်အိတ်ကိုဆက်လွယ်ရင်း..... တတိယနေရာ စီးချင်းထိုးပွဲ ကိုလျှောက်လှမ်းခဲ့ပြီပဲဖြစ်ပါတယ်.....။

အားကစားစိတ်ဓာတ်အပြည့် အားအင်အပြည့် ကစားခဲ့ကြ‌‌သော ရောင်နီလုလင်အယောက်စီတိုင်းနှင့် တောင်ပေါ်သားအယောက်စီတိုင်းကို အထူးကျေးဇူးတင်ရှိပါတယ်ခင်ဗျာ.....။

ကျနော်များ ရောင်နီလုလင်တို့ဟာ တတိယအိပ်မက်ကို မြန်မာပြည်ကကောင်ဇိုးလေးတွေနဲ့အတူ အပြိုင် လက်တွေ့အကောင်ထည်ဖော်ဖို့ ဆက်လက်ကြိုးစားသွားမှာပဲဖြစ်ပါတယ်....။

အားပေးခဲ့ကြသော အယောက်စီတိုင်းကို အထူးလေးစားကျေးဇူးတင်ရှိပါကြောင်း ရောင်နီ မီဒီယာအဖွဲ့မှ ပြောကြားလိုက်ပါတယ်ခင်ဗျာ....။

Yaung Ni FC 0 - 2 Taung Gyi Zone FC

ရောင်နီမီဒီယာအဖွဲ့
ခေတ္တSafra (Tampines West District)

Happy Birthday to our founder Ko Htoo....

မေလ ၁၄ရက်နေ့မှာ ကျရောက်ခဲ့သော ရောင်နီလုလင်တို့ရဲ့ ပဲ့ကိုင်ရှင်ထဲက တစ်ယောက်ဖြစ်တဲ့ ကိုထူးရဲ့ မွေးနေ့အတွက် ကျွန်တော်များ ရောင်နီလုလင်များမှ ဆုမွန်ကောင်း တောင်းပေးလိုက်ပါတယ်ခင်ဗျာ...။ 🥳🥳🥳

မွေးနေ့မှသည် နှစ်ပေါင်းများစွာ ကျန်းမာချမ်းသာပြီး ချစ်သော မိသားစု.... ချစ်သောရောင်နီအသင်းနဲ့အတူ အေးချမ်းပျော်ရွှင်စွာ ဖြတ်သန်းနေနိုင်ပါစေ....🫶🫶🫶

PS: ဆုတောင်းပေးတာ နောက်ကျနေတာလည်း ကျွန်တော်များ ရောင်နီ မီဒီယာအဖွဲ့က တောင်းပန်အပ်ပါတယ်.....🙏🙏🙏

“အရွေ့”

အဲ့ဒီနေ့က အရှေ့Tampines ဘက်ကောင်းကင်မှာ ရောင်နီတို့လင်းဖြာကြသတဲ့...။ အဲ့ဒီနေ့က အရှေ့ Tampines မြို့နယ်လေးမှာ အောင်ပွဲခံသံတွေ ညံနေသတဲ့...။

ပြီးခဲ့တဲ့ တနင်္ဂနွေနေ့ဟာ အားကောင်းတဲ့ ပြိုင်ဘက်တွေ အားပြိုင်ကြပြီး..... ပရိတ်သတ်တွေရဲ့ အားပေးသံ တွေကလည်း သောသောညံနေခဲ့ပါတယ်။ Safra ကွင်းထဲမှာ တစ်လှစ်လှစ် ပြေးလွှားနေတဲ့ အဝါရောင်နဲ့ လိမ္မော်ရောင် လူသားတွေဟာ.... မောရမှန်းမသိ..... ပူရမှန်းမသိ.....ပြီးတော့ ပင်ပန်းရမှန်းလည်း မသိကြ....။ သူတို့ကိုယ်စီရဲ့ အသိစိတ်ထဲမှာ နိုင်လိုစိတ်....ယှဥ်ပြိုင်လိုစိတ်တွေသာ အသီးသီး....။

အဲ့ဒီနေ့ ညနေမှာ ကောင်းကင်ဟာ ကျလုကျခင် နေနဲ့အတူ လင်းဖြာနေပါသေးတယ်....။ ပွဲကြည့်စင် နှစ်ခုလုံး ပြည့်လုနီးပါး ပရိတ်သတ်တွေရှေ့ အသင်းကိုယ်စီက ဘောလုံးအားကစားရဲ့ ရသကို အသီးသီးပြခဲ့ကြပါတယ်။ အဲ့ဒီလို ပွဲတွေထဲမှာ ဧရာဝတီမြစ်ထဲက လင်းပိုင်တပ်တော်သားတွေနဲ့ ရောင်နီလုလင်တွေရဲ့ တိုက်ပွဲက စိတ်ဝင်စားစရာအကောင်းဆုံး ဘောလုံးရသအပေးနိုင်ဆုံးပွဲတွေထဲက တစ်ပွဲ ဖြစ်ခဲ့ပါတယ်...။ လူငယ်တွေနဲ့ အတူ MNY ရဲ့ ထိပ်သီး ၄သင်းနေရာကို အရယူဖို့ ခွန်အားအပြည့်နဲ့ ပွဲထွက်လာတဲ့ လင်းပိုင်တပ်တော်သားတွေ ကို အတွေ့ကြုံရှိကစားသမားတွေရဲ့ ဦးဆောင်မှုအောက်က ရောင်နီလုလင်တွေက လှလှပပ အနိုင်ယူသွားခဲ့ပါ တယ်...။

ပထမပိုင်း အစသိပ်မကြာခင်မှာ ရောင်နီလုလင်တို့ရဲ့ ဖိအားပေးမှုကနေ ရရှိလာတဲ့ ပန်နယ်တီ ပြစ်ဒဏ်ဘော ကို အသင်းခေါင်း‌ဆောင် ကောင်းမြတ်ဦးက အမှားယွင်းမရှိ ကန်သွင်းပြီး ဦးဆောင်ဂိုးရယူသွားခဲ့တာကတော့ လင်းပိုင်တပ်တော်သားတွေကို စောစောစီးစီး ဖိအားဝင်စေခဲ့ပါတယ်....။ ကွင်းထဲ အပြန်လှန် လွန်းထိုးနေတဲ့ ဘောလုံး နဲ့အတူ စီးမျောကစားနေကြတဲ့ နှစ်သင်းရဲ့ ကစားကွက် ကစားဟန် အပြန်လှန်တိုက်စစ်ဆင်မှုမှာတော့ ပရိတ်သတ်တွေဟာ မျက်တောင်မခတ် လိုက်ပါစီးမျောနေခဲ့ပါတယ်...။ ဖိအားဘယ်လောက်ပေးပေး ဂိုးသွင်းနိုင်သူသာ နိုင်စတမ်းဆိုတဲ့ စကားအတိုင်း ချေပဂိုးရဖို့ ဖိအားပေးကစားခဲ့တဲ့ လင်းပိုင်တပ်တော်သားတွေဟာ ပြန်လည် ဖိအားပေး တိုက်စစ်ဆင်တဲ့ ရောင်နီလုလင်တို့ရဲ့ တိုက်စစ် ခံစစ်‌အောက်မှု ရုန်းကန်ခဲ့ကြရပါတယ်...။ ဒီလိုနဲ့ပဲ ရောင်နီလုလင်တို့ဟာ ကွင်းလယ် ကစားသမား ခင်ရှင်းရဲ့ ဒုတိယဦး‌ဆောင်ဂိုး..... ကောင်းမြတ်ဦးရဲ့ တတိယ ဦးဆောင်ဂိုးတွေနဲ့အတူ... သူတို့ရဲ့ အိပ်မက်ပြခန်းကို ထုစစ်ပုံဖော်သွားကြရင်း MNY ရဲ့ ထိပ်သီး ၄သင်းနေရာကို အပိုင်တက်လှမ်းသွားခဲ့ ကြပါတယ်....။

နေမင်းဟာ အနောက်ဘက်ကကို တစ်စစ ဝင်းသွားရင်း လင်းလက်လာမယ့် ရောင်နီသစ်ကို ဦးညွှတ်လက်ပြရင်း အရှေ့ Tampines မြို့နယ်လေးရဲ့ ညနေကို နှုတ်ဆက်သွားခဲ့ပါတယ်...။

Full time result

Yaung Ni FC 3 – 0 Irrawaddy FC

ချစ်ခင်စွာနဲ့ အားကစားစိတ်ဓာတ်ခွန်အားပြည့် ယှဥ်ပြိုင်သွားခဲ့သော ဧရာဝတီမှ ညီကို အယောက်စီတိုင်းကို လေးစား ဂုဏ်ပြု ကျေးဇူးတင်ပါတယ်ခင်ဗျာ....။

Kick-Off soon & See u at the pitch 💪🏻

မင်္ဂလာပါ ပရိတ်သတ်ကြီးရေ …!
Myanmar New Year Cup SG 2026 ရဲ့ ကွာတားဖိုင်နယ်ပွဲစဉ်များထဲက ဒုတိယပွဲအဖြစ် ရောင်နီလုလင်များရဲ့ Yaung Ni FC နှင့် ဧရာဝတီလင်းပိုင်တို့ရဲ့ Irrawaddy FC တို့ ဆုံတွေ့ကြတော့မှာဖြစ်ပါတယ်။

ကွာတားဖိုင်နယ်ဆိုတာ
အမှားတစ်ချက်နဲ့ အိပ်မက်ပျက်နိုင်တဲ့အဆင့် …
စိတ်ဓာတ်အပြည့်အနိုင်လိုစိတ်တွေ
အပြင်းထန်ဆုံး ထိပ်တိုက်တွေ့မယ့်အချိန် ….
ကဲ … အဆင်သင့်ပဲလား ပရိတ်သတ်ကြီး ။

Group B ရဲ့ ရှုံးပွဲမရှိမှတ်တမ်းနဲ့
နှစ်ပွဲနိုင် ၊ တစ်ပွဲသရေ ရလဒ်ကောင်းတွေကိုပိုင်ဆိုင်ထားတဲ့ “ ရောင်နီလုလင်တစ်သိုက် ” ဟာ
ဒီနှစ်မှ စတင်ဝင်ရောက်ယှဉ်ပြိုင်တဲ့ အသင်းသစ်ဖြစ်ပေမယ့်သူတို့ရဲ့ ခြေစွမ်း ၊ စည်းလုံးမှု ၊ ရဲရင့်မှုတွေက ပြိုင်ဘက်တိုင်းကို သတိထားစေခဲ့ပါတယ် ။

တစ်ဖက်မှာလည်း
Group D ကနေ နှစ်ပွဲနိုင် ၊ တစ်ပွဲရှုံးရလဒ်နဲ့
ကွာတားဖိုင်နယ်အထိ ရောက်ရှိလာတဲ့
“ ဧရာဝတီလင်းပိုင်တွေ ”
လှိုင်းလေတွေကြားက မရပ်မနား ကူးခတ်ခဲ့သလို
တိုက်စစ်ဆင်မှုတွေက မြန်ဆန်ပြီး
အခွင့်အရေးရရင် အဆိပ်ပြင်းတဲ့အသင်းတစ်သင်းပေါ့ ။

Tampines Safra ရဲ့ မြက်ခင်းစိမ်းတွေမှာ
ရောင်နီတွေကပဲ အလင်းဖြာမလား …
ဧရာဝတီလင်းပိုင်တွေ လှိုင်းထန်မလား ….

တစ်သင်းက အိပ်မက်အသစ်ရေးချင်နေပြီး
တစ်သင်းက သမိုင်းအသစ်ဖန်တီးချင်နေတယ် .. ။

“ ကွာတားဖိုင်နယ် ” ဆိုတာ
နာမည်ကြီးသူမနိုင်ဘူး
နှလုံးသားကြီးသူပဲ ရှင်သန်မယ် ။

ဘယ်အသင်း Semi Final တက်မလဲဆိုတာ
May 10 ရက်နေ့ Tampines Safra Stadium မှာ
သက်သေပြကြတော့မှာမို့ လာရောက်အားပေးကြပါဦး ပရိတ်သတ်ကြီးရေ ။

✍️📸 MNYC သတင်းနှင့်မီဒီယာ

"The Clash of Beasts"

ပြီးခဲ့တဲ့ တနင်္ဂနွေနေ့မှာ Jurong မြို့နယ်လေးရဲ့ အနောက်ဘက်ကောင်းကင်ဟာ ကြည်လင်တောက်ပနေခဲ့ပါတယ်။

လှပတဲ့ကောင်းကင်အောက်မှာ အားကောင်းတဲ့ သားကောင်ကြီးနှစ်ကောင်ဟာလည်း စည်းချင်းထိုးဖို့ အသင့်အနေထားမှာ ရှိနေခဲ့ကြပါတယ်။

ခမ်းနားတဲ့ မြစ်ဖျားရဲ့အစက သူရဲကောင်းတို့နဲ့ အရာရာရဲ့ စတင်မွေးဖွားခြင်း ရောင်နီသူရဲကောင်းစစ်သည်တို့ရဲ့ အားပြိုင်ပွဲ မြင်ကွင်းလို့လည်း ပြောလို့ရပါတယ်။

တစ်ဖက်က နောက်တစ်ဆင့်ကို ဦးဆောင်ပြီး တက်သွားပေမယ့် အနိုင်မခံအရှုံးမပေးပွဲတိုင်းကို အာရုံစိုက် ကစားမယ့် ရောင်နီလုလင်တွေနဲ့ တစ်ဖက်က နောက်တစ်ဆင့်ကို တက်ဖို့ မျှော်လင့်ချက်ရောင်ခြည်ရှိနေသေးတဲ့အတွက် ရေကုန်ရေခန်း ကန်ကြမယ် မေခရဲ့သားတော်တစ်စု....။

ပွဲစ ခရာသံနဲ့အတူ ခြေကုန်သုတ်တဲ့ ခြေထောက်တွေ....အားကုန်ရုန်းတဲ့ ခန္ဓာတွေနဲ့ Jurongရဲ့ အနောက်ဘက်ဝန်းကျင်က မှုန်ထလို့...။ လာကြည့်ကြတဲ့ ပရိတ်သတ်ကလည်း ဟာခနဲ ဟင်ခနဲ.... ပြီးတော့ ဟေးခနဲ...။

ပထမပိုင်းမှာတော့ အပြိုင်ဆိုင် ဖိအားပေး ကစားကြရင်း နောက်တစ်ဆင့်အတွက် အားကုန်ဖွင့်ဆော့လာတဲ့ မေခအသင်းရဲ့ ဟာကွက်အချို့ကို အခွင်းရေးယူပြီး ရောင်နီလုလင်တို့ ဦးဆောင်ဂိုး နှစ်ဂိုး ရယူခဲ့ကြပါတယ်။ ပထမ ဦးဆောင်ဂိုးကိုတော့ အသင်းခေါင်းဆောင် ကောင်းမြတ်ဦးက ဂိုးဧရိယာထိပ် အလွတ်တည်ကန်ဘောကနေ မေခဂိုးသမားရဲ့ ဘယ်ဘက်ထောင့် ဂိုးပိုက်ထဲကို လှလှပပ ဘောလုံးနဲ့ မိတ်ဆက်ပေးရင် ရယူသွားခဲ့ပါတယ်။
ဒုတိယမြောက် ဦးဆောင်ဂိုးကိုတော့ တိုက်စစ် အပေးယူ ချိတ်ဆက်မိမိ ကစားရင်း ကွင်းလယ် အင်ဂျင် အဆုပ် ၄လုံး လူသား ကိုထူးကနေ တိုက်စစ်မှုး ဂျွန်ဂျော့ရဲ့ လမ်းကြောင်းထဲ ပြန်ထည့်ပေးရာကနေ ဂျွန်ဂျော့က လှလှပပ သွင်းယူသွားခဲ့တာပဲဖြစ်ပါတယ်။

ပထမပိုင်းဦးဆောင်မှုဟာ ပွဲသိမ်းခရာမှုတ်မှ သေချာမှာဆိုတဲ့အတိုင်းပဲ မေခအသင်းရဲ့ ရေကုန် ရေခမ်း ရုန်းသွားတာက သက်သေပြသွားခဲ့ပါတယ်။ ဒုတိယပိုင်းမှာတော့ အပြန်လှန်ဖိအားတွေပေးရင်း ရောင်နီအသင်းရဲ့ အမှားအချိူ့ကို စောင့်ဖမ်းရင်း မေခမသင်းဟာ ခြေပဂိုးတွေ ရယူသွားခဲ့ပါတယ်...။

ဒီလိုနဲ့......ပွဲသိမ်းခရာမှုတ်ချိန်မှာတော့ ၂-၂ ဆိုတဲ့ ရလဒ်နဲ့အတူ သရေ ၁ မှတ်စီ အိတ်ထဲကိုစီထည့်လို့..... တစ်သင်းက နောက်တစ်ဆင့်ကို ဆက်သွားပြီး တစ်သင်းကတော့ အိမ်ပြန်သွားခဲ့ပါတယ်...။

အစဉ်လာကြီးမားတဲ့ သုံးနှစ်ဆက်ချန်ပီယံ မေခ သူရဲကောင်းတို့ရဲ့ စတုတ္ထမြောက် ပြိုင်ပွဲဟာတော့ အုပ်စုအဆင့်နဲ့ပဲ ပြီးဆုံးခဲ့ပြီး....ရောင်နီလုလင်တို့ကတော့ ရှေ့ဆက်တောက်ပဖို့ ခရီးဆက်ခဲ့ကြပါပြီ....။

Jurong အနောက်ဘက်ကောင်းကင်ဟာ ရောင်နီတို့ဖြာလင်းလျက်.....။

အတွေ့ကြုံများစွာပေးပြီး အင်တိုက် အားတိုက် ယှဉ်ပြိုင်ကစားခဲ့ကြတဲ့ မေခအသင်းရဲ့ ညီကို အယောက်စီတိုင်းကို ကျေးဇူးအထူးတင်ရှိပါတယ်။

Quarter Final သို့တက်လှမ်းသွားတဲ့ ရောင်နီလုလင်တို့ကိုလည်း ဝမ်းမြောက်ဂုဏ်ယူကြောင်း ပြောကြားရင်း နောက်တစ်ဆင့်မှာ ဧရာဝတီအသင်းနဲ့ ရင်ဆိုင်ယှဉ်ပြိုင်သွားမှာဖြစ်ကြောင်း သတင်းကောင်းပါးရင်း ဆက်လက်အားပေးကြဖို့ တိုက်တွန်းဖိတ်ခေါ်လိုက်ပါတယ်...။

ယခုနှစ်ရောင်နီအသင်းရဲ့ အိမ်ကွင်း ဂျာစီ အနီရောင်ကို Sponsor ပေးပါသော Mandanlay Style Restaurant ကိုလည်းကျေးဇူးတင်ရှိပါတယ်ခင်ဗျာ။

မြန်မာ့ရိုးရာ နှစ်သစ်တာသင်္ကြန်ရောက်ခါနီးနားမှာ..... ရောင်နီအသင်းနဲ့ ထိုင်းရောက် မြန်မာ့လက်ရွေးစင်ဟောင်းများ All Star အသင်းတို့ ချစ်ကြည်ရေး ရံပုံငွေခြေစမ်းပွဲကစား....။ 🫶

ပွဲနေ့မှ အမှတ်တရဓာတ်ပုံများ မျှဝေလိုက်ပါတယ်.....။

Jersey များ Sponsor ပေးပါသော Upper House Restaurant ကိုလည်း ကျေးဇူးအထူးတင်ရှိပါကြောင်း.....🙏