Yaung Ni FC

15/09/2026

လာမယ့် တနင်္ဂနွေနေ့ရဲ့ ညခင်းမှာတော့ Woodleigh Arean ကွင်းကြီးထဲမှာ MPL ရဲ့ ဇယားထိပ် တိုက်ပွဲ တစ်ခုကို မြင်တွေ့ရတော့မှာပဲ ဖြစ်ပါတယ်....။ ‌‌ရေပြင်ထက်မှာ အားကောင်းစွာနဲ့ မြူးထူးခုန်ပေါက် ကစားမယ့် ဧရာဝတီလင်းပိုင်တို့နဲ့ လက်ရှိဇယားထိပ်ကနေ အားကောင်းစွာနဲ့ ဆက်လက်ဦးဆောင်ဖို့ ကြိုးစားနေတဲ့ ရောင်နီလုလင်တို့ရဲ့ ပွဲကတော့ တကယ်ကို လက်မလွတ်ချင်စရာကောင်းပြီး..... မျက်တောင်မခတ်တမ်း ကြည့်ရှုရမယ့် ပွဲတစ်ပွဲပဲ ဖြစ်ပါတယ်....။

တနင်္ဂနွေနေရဲ့ ညခင်း တိုက်ပွဲအတွက် ရောင်နီလုလင်တို့ဟာ သူတို့ရဲ့ နဂါးဝတ်ရုံတွေကို ဝတ်ဆင်ထားပြီး တိမ်တိုက်တွေကြားကနေ အသင့်ရှိနေပြီ ဖြစ်ပြီး..... ဧရာဝတီလင်းပိုင်တို့ကလည်း ဇယားထိပ်ကနေရာကို ရယူဖို့ အင်တိုက် အားတိုက် လှော်ခတ်လာနေပြီပဲဖြစ်ပါတယ်...။

ဒါကြောင့် လာမယ့် စက်တင်ဘာ ၂၀ရက်နေ့ ည၈နာရီအချိန်မှာတော့ Woodleigh Arena ကွင်းကြီးရဲ့ ပွဲကြည့်စင်တွေထက်ကနေ လာရောက် ကြည့်ရှု အားပေးကြဖို့ ဖိတ်ခေါ်လိုက်ပါတယ်ခင်ဗျာ....။

ကဲ...... ဇယားထိပ်ကို ဘယ်သူဦးဆောင်သွားမလဲ???

Idea credit to Irrawaddy FC ညီကိုများ 🙏

See you brothers !!!

ရောင်နီမီဒီယာ

13/09/2026

"Half-Half"

ကျွန်တော်တို့‌ ရောင်နီလုလင်တို့ဟာ ဒီတစ်ပတ်မှာတော့ ပွဲနားထားခဲ့ပြီး.... ပြီးခဲ့တဲ့ တနင်္ဂနွေမှာတော့ ညီကိုအသင်းဖြစ်တဲ့ Burma Union အသင်းနဲ့ အလူးလဲနဲ့ ပူးတွဲ သရေကျခဲ့ကြပါတယ်....။

ဦး‌ဆောင်ဂိုးတွေ သွင်းယူခဲ့ပြီး ပွဲကို ဦးဆောင်ကစားခဲ့ပေမယ့်..... Burma က ညီကိုတို့ရဲ့ မလျော့တဲ့အားအင်နဲ့ မြိုင်မြိုင်ဆိုင်ဆိုင် ကစားခဲ့ပြီး..... အဆုံးမှာတော့ ညိုကီတွေ ဒီလိုနေဆိုပြီး..... တစ်ဖက် ၁မှတ်စီ ခွဲယူပြီး ပုခုံးဖက်ကာ အိမ်ပြန်ခဲ့ကြပါတယ်....။

မျှော်လင့်ထားတိုင်းဖြစ်လာရင် ဘောလုံးဟာ လုံးနေမှာမဟုတ်တော့ပါဘူး.....။အခုတော့ လိဂ်ရဲ့ အမှတ်ပေးဇယားကို ဦးဆောင်ထားတဲ့ ရောင်နီလုလင်တို့ဟာ ရှေ့ဆက်လက်ကျန်ပွဲစဥ်များမှာတော့ အသင်းကောင်းတွေနဲ့ ဆက်လက်ရင်ဆိုင်ဖို့ ကျန်ရှိနေပြီး..... ဆက်လက်ဦးဆောင်နိုင်ဖို့ အားကုန်ထုတ် ကစားသွားကြရဦးမှာပဲ ဖြစ်ပါတယ်....။

လာမယ့်ပွဲစဥ်မှာလည်း ပြိုင်ဘက်ကောင်းတွေ ဖြစ်တဲ့ ဧရာဝတီလင်းပိုင်တို့နဲ့ ရင်ဆိုင်ရဦးမှာမို့ MPL ပွဲကောင်းတစ်ပွဲကို လက်မလွှတ်ချင်ဘူးဆိုရင်တော့ဖြင့် လာရောက် အားပေးကြည့်ရှုကြဖို့ တစ်ခါတည်း ဖိတ်ခေါ်လိုက်ပါတယ်ဗျာ....။

ရောင်နီမီဒီယာ

12/09/2026

"Happy Birthday" ပါ ညီလေးရေ.......

ဒီနေ့ဟာ ဆိုရင် ကျွန်တော်တို့ ရောင်နီလုလင်များထဲက တောင်ပံ တိုက်စစ်တစ်လျှောက် လျှင်မြန်တဲ့ အယိမ်းအနွဲ့ အတိုးအလှုပ်တွေနဲ့ ပြိုင်ဘက် ခံစစ်တွေကို ဖိအားပေးကစားနေကြ....ညီလေး ဘိုဘို ခေါ် Triple Jr ရဲ့ မွေးနေ့ပဲ ဖြစ်ပါတယ်...။

မွေးနေ့မှ အစစ အရာရာ အဆင်ပြေချောမွေ့ ပျော်ရွှင်ကျန်းမာပြီး အသင်းနဲ့ အတူ ဆုဖလားများစွာလည်း ရယူနိုင်ပါစေကြောင်း ဆုမွန်ကောင်းတောင်းပေးလိုက်ပါတယ် ညီလေးရေ....။

ရောင်နီ မီဒီယာ

06/09/2026

03/09/2026

ဒီတစ်ပတ်ရဲ့ MPL ပွဲကောင်း တစ်ကောင်းကို ကြည့်ရှုအားပေး ရင်သတ်ရှုမောချင်တယ်ဆိုရင်တော့ဖြင့်...... UWC ကွင်းကြီးထဲက ပွဲကြည့်စင်တွေက သင့်ကို ကြိုဆိုလျက်ပါ.....။






ရောင်နီမီဒီယာ

31/08/2026

ကျွန်တော်တို့ ရောင်နီညီကိုတွေဟာ ပြီးခဲ့တဲ့ ပိတ်ရက် ရက်သတ္တပတ်မှာတော့ MPL ပွဲနားတဲ့ အချိန်မှာ... 7 Stars အသင်းက ညီကိုတွေနဲ့ အတူ ချစ်ကြည်ရေးပွဲလေး ကစားဖြစ်ခဲ့ပါတယ်...။ ဒီပွဲလေး ကစားဖြစ်တဲ့ အဓိက အကြောင်းရင်းကတော့ တစ်ခေတ်တစ်ခါက ASEAN ဆုဖလားကို မြန်မာဟေ့ဆိုပြီး ကြွေးကြော်ကာ ဆွတ်ခူးခဲ့ဖူးတဲ့ ကျွန်တော်တို့ စလုံး အပျော်တမ်းဘောလုံးလောကရဲ့ မသိသူမရှိသလောက်ဖြစ်ခဲ့တဲ့ မြန်မာ့ လက်ရွေးစင် ကစားသမားဟောင်းကြီး ဦးဝင်း (ဦးဝင်းဇော်အောင်) ရဲ့ စလုံးမြေနှုတ်ဆက်ပွဲလေး ကန်ခဲ့ကြတာပဲ ဖြစ်ပါတယ်...။

ဦးဝင်းဆိုတဲ့ လွန်ခဲ့တဲ့ နှစ် ၂၀ကျော်ကာလက လူငယ်လေးဟာ သူရဲ့ ကစားသမားဘဝတွေကို မြန်မာနေရှင်နယ်လ်လိဂ်မတိုင်ခင် ခေတ်ဦး မြန်မာ လိဂ်ပွဲတွေမှာထဲက အကောက်ခွန်အသင်းကနေ စတင်ခဲ့ပြီး.... ထိုကနေတစ်ဆင့် မြို့တော်စည်ပင် အသင်းကိုရောက်ရှိခဲ့ကာ..... နောက်ဆုံး မြန်မာ့လက်ရွေးစင် လူငယ်အသင်းကနေ တော်ကောက်ခဲ့ပြီး..... လက်ရွေးစင်ပွဲတွေမှာ အသုံးတော်ခံ ဖြေဖျော်ခဲ့သူပါ....။

၂၀၀၅ခုနှစ် အာဆီယံ U20 ဖလားကို မြန်မာတို့ သိမ်းပိုက်ခဲ့ချိန်မှာတော့ ဦးဝင်းဆိုတဲ့ အဲ့ဒီအချိန်က လူငယ်လေးဟာ ကွင်းလယ်ဗိုလ်ချုပ် ရာဇာဝင်းသိမ်းနဲ့အတူ သီဟစည်သူတို့နဲ့ပါ တွဲပြီး မြန်မာအသင်းရဲ့ ကစားအားကို မောင်းနှင်ခဲ့ပြီး.... နောက်တန်းကနေ မားမားမတ်မတ်ကြံကြံခံခဲ့တဲ့ မဟာတံတိုင်းကြီး ဖြစ်ခဲ့ပါတယ်....။ မြန်မာ နေရှင်နယ်လ်လိဂ်တွေ စတင်ချိန်မှာတော့ မကွေးအသင်းကနေ ဝင်ရောက်ကစားခဲ့ပြီးနောက်.... မနောမြေအသင်းကို ပြောင်းရွှေ့ကစားခဲ့ပါတယ်....။အဲ့ဒီနောက်မှာတော့ ဧရာဝတီအသင်းနဲ့အတူ ကစားသမားဘဝကို အနားယူခဲ့ပါတော့တယ်....။

လက်ရွေးစင် ပရော်ဖယ်ရှင်နယ် ကစားသမားဘဝကို အနားယူခဲ့ပြီးတဲ့ ဥဦးဝင်းဟာ စလုံးမြေကိုရောက်ရှိလာခဲ့ ပြီး....အလုပ်တစ်ဖက်လုပ်ကိုင်ရင်း.... မိမိကျွမ်းကျင် ဝါသနာပါရာ ဘောလုံးကန်ခြင်း အနုပညာနဲ့ စလုံး အပျော်တမ်း ဘောလုံးလောကက လူငယ်များစွာကို သင်ပြ တွဲခေါ်ရင်း အချိန်တွေကုန်ဆုံးခဲ့ပါတော့တယ်...။ စင်္ကာပူနိုင်ငံကို အကြောင်းအမျိုးမျိုးနဲ့ ပရော်ဖက်ရှင်နယ်လ်ကစားသမားဘဝကနေ အနားယူပြီး ရောက်ရှိလာကြတဲ့ လက်ရွေးစင်ဟောင်းများစွာရှိပြီး.... အားလုံးနီးပါးဟာ အပျော်တမ်း‌ဘောလုံးလောကကို ဆက်လက် ချစ်မြတ်နိုးခဲ့ကြပြီး.....သူတို့မှာ ရှိသမျှ ပညာအကုန်နဲ့ သက်ဆိုင်ရာအသင်း.... နီးစပ်ရာလူငယ်များစွာကို အားသွန်ခွန်စိုက် ပံ့ပိုးပေးခဲ့ကြပါတယ်...။ အဲ့ဒီထဲမှာမှ ဦးဝင်းဟာလည်း လူချစ်လူခင် ပေါများ လူသိများပြီး အပျော်တမ်းဘောလုံးလောကအတွက် ပေးဆပ်သူတစ်ယောက် ဖြစ်ခဲ့ပါတယ်...။

ဦးဝင်းဟာ အပျော်တမ်းဘောလုံးလောကထဲက 7 Stars ညီကိုတွေအသင်းကို စလုံး အပျော်တမ်းဘောလုံး‌ လောကရဲ့ နာမည်ကျော် လိဂ်ပြိုင်ပွဲ တစ်ခုဖြစ်ပြီး.... နိုင်ငံပေါင်းစုံက လူမျိုးပေါင်းစုံ အသင်းပေါင်းစုံ ပါဝင်တဲ့ ပြိုင်ဆိုင်မှု အားကောင်းတဲ့ UAFL Cup ဖလားကို ထိုက်ထိုက်တန်တန် စွတ်ခူးအောင်လည်း ပံ့ပိုးပေးနိုင်ခဲ့ပါတယ်...။ 7 Stars အသင်းဟာလည်း စလုံးဘောလုံးလောကရဲ့ အသင်းကြီး စာရင်းဝင် တစ်သင်းအဖြစ် နာမည်ကျော်ခဲ့ပါတယ်....။

ပြီးခဲ့တဲ့ အပတ် ချစ်ကြည်ရေးပွဲမှာတော့ ဦးဝင်းဟာ 7 Stars အသင်းဘက်မှာရော ရောင်နီအသင်းဘက်မှာပါ တစ်လှည့်စီ ပါဝင်ကစားခဲ့ပြီး....ရောင်နီအသင်းရရှိတဲ့ ပန်နယ်တီ ပြစ်ဒဏ်ဘောကို ကိုယ်တိုင် ကန်သွင်း ပေးသွားခဲ့ပါတယ်...။ ဒီပွဲစဥ်မှာတော့ ကျွန်တော်တို့ ရောင်နီအသင်းရဲ့ ဦးဆောင်သူ ကပ္ပတိန်လည်းဖြစ်ပြီး..... မကွေး အသင်းမှာ ဦးဝင်းနဲ့အတူ တက်ညီ လက်ညီ တစ်သင်းထဲ တူတူကစားခဲ့ဖူးတဲ့ ကောင်းမြတ်ဦးလည်း ပါဝင် ကစားခဲ့ပါတယ်....။ အရာအားလုံးဟာ အမှတ်တရများစွာနဲ့ ပြီးဆုံးခဲ့တဲ့ ညနေခင်းပဲဖြစ်ပါတယ်....။

Upper Changi ရဲ့ ညနေခင်းဟာ Legend တစ်ယောက်ရဲ့ နှုတ်ဆက်ပွဲ.... Legend နှစ်ယောက်ရဲ့ ချစ်ခင်စွာ ကစားနဲ့တဲ့ မြင်ကွင်း..... ပြီးတော့ စလုံးအပျော်တမ်း ဘောလုံးလောကရဲ့ ကစားအားကောင်းတဲ့ ညီကိုနှစ်သင်းရဲ့ ချစ်ကြည်ရေးပွဲ..... အဲ့ဒီလို အခင်းကျင်းတွေအောက်မှာ........ ရောင်နီတွေ တောက်ပနေတဲ့ အနောက်ဘက်ကောင်းကင်ကြီးနဲ့ ညရောက်ခါနီး မလင်းတလင်းအောက်က ပြိုးပြိုးပျက်ပျက် ၇စင်ကြယ်တို့ဟာ လက်ဆွဲ နှုတ်ဆက်လိုက်ကြပါ‌တော့တယ်.....။

‌ရှေ့ဆက်မယ့် ခရီးလမ်းမှာ အရာရာ အဆင်ပြေချောမွေပါစေကြောင်း ရောင်နီလုလင်တို့က ဆုမွန်ကောင်းတောင်းပေးလျက် အစဥ်မြဲ သတိရနေမှာ ဖြစ်ကြောင်း ထပ်လောင်းပြောကြားလိုက်ပါတယ် ဦးဝင်းခင်ဗျာ.....။

7 Stars FC မှ ညီကိုများကိုလည်း အထူး ကျေးဇူးတင်ရှိပါကြောင်း....။

ရောင်နီမီဒီယာ

24/08/2026

"သစ်တောထဲက ညဘက် အမဲလိုက်ခန်း"

ပြီးခဲ့တဲ့ တနင်္ဂနွေနေ့ ညနေဘက်မှာတော့ Tampines အနောက်ဘက် သစ်တောတွေရဲ့ အထက်ဘက်နားမှာ နေမင်းကြီးက ရောင်နီတွေဖြာဆင်းပြီး.... ညအခင်း ကျင်း ကို ခင်းကျင်း နေခဲ့ပါတယ်...။ အဲ့ဒီအချိန်မှာပဲ ရောင်နီလုလင်တို့ဟာ သစ်တောတွေထဲ အမဲလိုက်လို့နေကြပါတယ်....။ ပြီးခဲ့တဲ့ တိမ်တိုက်တွေကြားက ရခဲ့တဲ့ နဂါးဝတ်ရုံတွေနဲ့ ‌ရောင်နီလုလင်တို့ဟာ သစ်တောတွေထဲ သည်းကြီး မဲကြီး အမဲလိုက်ခဲ့ကြပါတယ်....။

မာယာများလှတဲ့ သစ်တောတွေထဲ ရောင်နီလုလင်တို့ဟာ ထင်သလောက် ခရီးမပေါက်ခဲ့ပဲ..... လိုချင်တဲ့ ရလဒ်ကို ရဖို့ ရွှံ့နွံ အင်းအိုင် သစ်တောတွေထဲ အတော်လေးကို ရုန်းကန်ခဲ့ကြရပြီး.... အဆုံးသတ်မှာတော့ လိုချင်တဲ့ ရလဒ်တစ်ခုကို ခက်ခက်ခဲခဲ ရယူနိုင်ခဲ့ပါတယ်....။

ဘယ်အသင်းကိုမှ လျော့တွက်လို့ မရပါဘူးဆိုတဲ့ MPL မှော်ရုံတောကြီးထဲက ခက်ခဲ့တဲ့ အမဲလိုက်ခန်းတစ်ခုပါပဲ.....။

ညခင်း ပြိုးပြိုးပြက်ပြက် ကြယ်တွေနဲ့အတူ ရောင်နီလုလင်တို့ဟာ ပင်ပန်း မောဟိုက်နေခဲ့ကြပေမယ့်..... လိုချင်တဲ့ ရလဒ်တစ်ခုနဲ့အတူ အိမ်ပြန်လမ်းတွေက တော့ လှပခဲ့ကြပါတယ်......။

ဒီရလဒ်ကြောင့် MPL ခရီးစဥ်မှာတော့ ရောင်နီလုလင်တို့ဟာ အမှားယွင်းမရှိ ဆက်လက်ပြီး အနိုင်ရလဒ်နဲ့အတူ ဦးဆောင် ချီတက်နေစဲဖြစ်ပြီး.... ၄ပွဲမြောက် ပေးဂိုးမရှိ စံချိန်ကို ရယူနိုင်ခဲ့ကြပါတယ်......။

စက်တင်ဘာလရဲ့ အခင်းကျင်းတွေမှာလည်း ရောင်နီလုလင်တို့ဟာ မြန်မာပြည်က စုစုစည်းစည်း ကောင်လေးတွေ တစ်သိုက်နဲ့ရော....... ဧရာဝတီရဲ့လင်းပိုင်တို့နဲ့ပါ ဆက်လက်တွေ့ကြုံ ရင်ဆိုင်ရဦးမှာမို့..... MPL ခရီး အမောမဖောက်ဖို့တော့ လိုနေပါတယ်....။

စိတ်ဝင်စားစရာ ပွဲစဥ်တိုင်းကို ဆက်လက်ပြီး လာရောက်အားပေးကြဖို့ လည်း တိုက်တွန်းလိုက်ပါတယ်....။

ရောင်နီမီဒီယာ