Wariye Xasan Faraax Qamaan

Hay’adda sirdoonka Mareykanka ee CIA-da ayaa qorsheynaysa inay fuliso howlgal gaar ah oo lagu dilayo madaxweynaha Venezuela , Nicolas Maduro haddii uusan toddobaadyada soo socda xilka ka degin , halka hay’adda sirdoonka dalka Cuba ee DGI ayaa dhankeeda diyaarisay koox gaar ah oo fulinaysa dilka Maduro, haddii uu iskudayo inuu isku dhiibo Mareykanka, xaaladan oo Maduro gelisay hurdo la’aan iyo inuu xataa mararka qaar seexdo meelo aan laga filaneyn,sida lagu sheegay warbixinno ay baahiyeen Axios iyo Telegraph.

Maxay u doonayaan labadan sirdoon dilka Maduro?

Dhab ahaantii dhibaato ayaa faraqa uga buuxda hoggaamiyihii hadallada adag ee ka dhanka ah reer galbeedka jeedin jiray ee Nicolas Maduro, kaasoo maanta u dhimanaya khayraadka dalkiisa oo ay doonayaan shirkadaha Mareykanka iyo Cuba oo doonaysa inay sii heysato maamulka shidaalka iyo khayraadka kale ee Venezuela.

Sirdoonka Cuba , ayaa muddo dheer gacanta ku haya ammaanka Venezuela, waxayna tababbaro siiyaan ciidamada kala duwan ee dalkaa oo ay xataa ku jiraan saraakiisha gaarka ah ee ilaalisa Nicolas Maduro, sababtoo ah dhaqaalaha Cuba oo dhan ayaa ku tiirsan shidaalka iyo ganacsiga Venezuela , waa dal dhimanaya haddii Mareykanka uu gacanta ku dhigo, taa oo ah waxa ay u diidayaan Maduro inuu xilka ka d**o, haddii uu is dhiibana wuxuu Mareykanka la wadaagi karaa xogta Cuba oo ah dal shuuci ah oo cunaqabateyn dhinac walba ah wajahaya, balse heysta mid ka mid ah sirdoonnada ugu sarreeya ee Laatin Ameerika.
Iman Jama

SOMALIA : Dagaal beeleed sababay dhimashada 1 qof iyo dhaawaca in ka badan 2 ruux ayaa maanta ka dhacay inta u dhaxeysa Tuulooyinka Garaash & Moyko oo dhinaca Koofureed uga beegan Magaalada Jowhar Xarunta Dowlad-Goboleedka Hir-Shabeelle.
Dagaalkaan oo ka dhashay Dhul-daaqsimeed, muranka oo dheeraaday kaddib waxa uu sababay gacan ka hadal galaaftay nolosha mid ka mid ah dadkii goobta ku sugnaa sida ay Warbaahinta u sheegeen ilo kala duwan.
Ciidan katirsan kuwa ilaalada Madaxtooyada Dowlad-Goboleedka Hir-Shabeelle, waxa ay kaashanayaan Odoyaasha dhaqanka labadaan beel si loo helo xabbad-joojin kaddibna looga wada hadlo wixii dhacay iyo qaabka loo xalin karo.
Muddooyinkii u dambeeyay waxaa Gobollada Dalka ka dhacayay Dagaallada Beelaha la xiriira oo sababay dhimasho iyo dhaawac, xiisaddaas ayaa sidoo kale abuurtay cabsi ay muujinayaan dadka ka madaxbannaan dhinacyada dagaalamaya.

WAR DEG DEG AH:Maxkamadda Darajada 1-aad ee degmada Gaalkacyo ayaa ku riday xukun dil ah Hodan Maxamuud Diiriye ina Xaawo Xasan 34 sano jir ah oo lagu helay dilka Saabiriin Saylaan Cabdille.

Cabdicasiis Nuur Xaashi Calas ina Ardo Maxamed Cali 65 sano jir ah ayaa lagu waayay in uu dambiga dilka ah wax ka galay, balse waxaa lagu helay dacaayad masuuliyadeed waxaana lagu xukumay 1 sano oo xarig ah & Ganaax lacageed oo dhan 500 Dollar.

DEGDEG:Gabilay - Taliyihii qaybta oo xilkii laga qaaday iyo Gaashanle Sare Yaasiin Maxamuud oo xilkaasi loo magacaabay .

𝐀𝐠𝐚𝐚𝐬𝐢𝐦𝐚𝐡𝐚 𝐆𝐮𝐮𝐝 𝐞𝐞 𝐖𝐚𝐬𝐚𝐚𝐫𝐚𝐝𝐝𝐚 𝐌𝐚𝐚𝐥𝐢𝐲𝐚𝐝𝐝𝐚 𝐢𝐲𝐨 𝐇𝐨𝐫𝐮𝐦𝐚𝐫𝐢𝐧𝐭𝐚 𝐃𝐡𝐚𝐪𝐚𝐚𝐥𝐚𝐡𝐚 𝐉𝐒𝐋 𝐨𝐨 𝐅𝐮𝐫𝐚𝐲 𝐓𝐚𝐛𝐨𝐛𝐚𝐫 𝐥𝐨𝐨 𝐐𝐚𝐛𝐭𝐚𝐲 𝟓𝟔 𝐒𝐚𝐫𝐤𝐚𝐚𝐥 𝐨𝐨 𝐤𝐚 𝐭𝐢𝐫𝐬𝐚𝐧 𝐂𝐚𝐬𝐡𝐮𝐮𝐫𝐚𝐡𝐚-𝐁𝐞𝐫𝐫𝐢𝐠𝐚.
…………………………………………………………………………
𝐇𝐚𝐫𝐠𝐞𝐲𝐬𝐚, 𝟐𝟑 𝐍𝐨𝐯𝐞𝐦𝐛𝐞𝐫 𝟐𝟎𝟐𝟓 –{𝐖𝐌&𝐇𝐃𝐡}-
Agaasimaha Guud ee Wasaaradda Maaliyadda iyo Horumarinta Dhaqaalaha Jamhuuriyadda Somaliland 𝐌𝐝. 𝐌𝐚𝐱𝐚𝐦𝐞𝐝 𝐗𝐚𝐬𝐚𝐧 𝐒𝐚𝐥𝐞𝐞𝐛𝐚𝐚𝐧, ayaa maanta u furay tabobar socon doona muddo afar cisho ah 56 sarkaal oo ka kala yimid xafiisyada Cashuuraha-Berriga ee gobolka Maroodi-Jeex.

Tabobarkan ayaa inta uu socdo waxa lagu baran doonaa mawaadiic muhiim u ah shaqada canshuur-ururinta iyo hufnaanta maamul, kuwaas oo ay ka mid yihiin:

● 𝐂𝐚𝐬𝐡𝐮𝐮𝐫𝐚𝐡𝐚 𝐈𝐢𝐛𝐤𝐚 𝐀𝐝𝐞𝐞𝐠𝐚 𝐢𝐲𝐨 𝐀𝐥𝐚𝐚𝐛𝐭𝐚 (𝐆𝐒𝐓)
● 𝐂𝐚𝐬𝐡𝐮𝐮𝐫𝐭𝐚 𝐒𝐡𝐚𝐪𝐚𝐚𝐥𝐚𝐡𝐚
● 𝐂𝐚𝐬𝐡𝐮𝐮𝐫𝐭𝐚 𝐌𝐚𝐜𝐚𝐚𝐬𝐡𝐚𝐥-𝐌𝐚𝐜𝐚𝐚𝐬𝐡𝐤𝐚
● 𝐀𝐧𝐬𝐡𝐚𝐱𝐚 𝐒𝐮𝐮𝐛𝐚𝐧 𝐢𝐲𝐨 𝐡𝐚𝐛-𝐝𝐡𝐚𝐪𝐚𝐧𝐤𝐚 𝐬𝐡𝐚𝐪𝐨
●𝐇𝐚𝐛𝐫𝐚𝐚𝐜𝐲𝐚𝐝𝐚 𝐒𝐡𝐚𝐪𝐚𝐝𝐚 𝐢𝐲𝐨 𝐬𝐡𝐮𝐫𝐮𝐮𝐜𝐝𝐚 𝐱𝐢𝐝𝐡𝐢𝐢𝐝𝐡𝐤𝐚 𝐥𝐚 𝐥𝐞.
● 𝐈𝐲𝐨 𝐈𝐥𝐚𝐚𝐥𝐢𝐧𝐭𝐚 𝐒𝐚𝐚𝐜𝐚𝐝𝐚𝐡𝐚 𝐒𝐡𝐚𝐪𝐚𝐝𝐚

Tabobarkan waxa si wadajir ah u fulinaya
𝐖𝐚𝐬𝐚𝐚𝐫𝐚𝐝𝐝𝐚 𝐌𝐚𝐚𝐥𝐢𝐲𝐚𝐝𝐝𝐚 𝐢𝐲𝐨 𝐇𝐨𝐫𝐮𝐦𝐚𝐫𝐢𝐧𝐭𝐚 𝐃𝐡𝐚𝐪𝐚𝐚𝐥𝐚𝐡𝐚 𝐉𝐒𝐋 iyo 𝐁𝐚𝐚𝐧𝐤𝐚 𝐇𝐨𝐫𝐮𝐦𝐚𝐫𝐢𝐧𝐭𝐚 𝐀𝐟𝐫𝐢𝐤𝐚 (𝐀𝐟𝐫𝐢𝐜𝐚𝐧 𝐃𝐞𝐯𝐞𝐥𝐨𝐩𝐦𝐞𝐧𝐭 𝐁𝐚𝐧𝐤),
kuwaas oo is ka kaashaday sidii kor loogu qaadi lahaa aqoonta iyo xirfadda hawl-wadeennada cashuuraha berriga.

Agaasimaha Guud oo furitaanka tabobarka ka hadlay ayaa uga mahadceliyay Baanka Horumarinta Afrika taageerada joogtada ah ee ay siiyaan Wasaaradda, isaga oo tilmaamay in tababarkani qayb ka yahay dadaallada lagu xoojinayo dakhliga dalka iyo tayeynta shaqaalaha.

Wuxuu xusay in si loo helo nidaam cashuureed oo casri ah ay muhiim tahay in shaqaalaha lagu dhiso aqoon iyo xirfad ay ku shaqeeyaan si hufan, kuna hoggaansamaan shuruucda iyo nidaamka dowliga ah.

Tabobarku waxa uu socon doonaa muddo 4 maalmood ah, waxaana la filayaa in uu wax weyn ku soo kordhin doono fahamka iyo waxqabadka saraakiisha iyo shaqaalaha ka shaqeeya cashuuraha berriga.

=𝑾𝒂𝒃𝒊𝒍𝒍𝒂𝒂𝒉𝒊 𝑻𝒂𝒘𝒇𝒊𝒊𝒒=

𝐖𝐚𝐚𝐱𝐝𝐚 𝐗/𝐃𝐚𝐝𝐰𝐞𝐲𝐧𝐚𝐡𝐚 𝐢𝐲𝐨 𝐗𝐨𝐠𝐭𝐚
🌐 : 𝐒𝐥𝐦𝐨𝐟.𝐨𝐫𝐠
📧 : 𝐈𝐧𝐟𝐨@𝐬𝐥𝐦𝐨𝐟.𝐨𝐫𝐠
☎️ : 𝟗𝟒𝟗𝟒
𝐖𝐡𝐚𝐭𝐬𝐀𝐩𝐩: +𝟐𝟓𝟐𝟔𝟓𝟕𝟕𝟐𝟗𝟗𝟗𝟗