Viola football club

Maxay Ciyaartoydu Ugu Baahan Yihiin Tababar Joogto ah?

Tababar joogto ah wuxuu ciyaartoyga ka caawiyaa inuu:
1. Kordhiyo xoogga iyo adkaysiga jirka – jirku wuxuu noqdaa mid awood u leh ciyaar dheer.
2. Horumariyo xawaaraha iyo firfircoonida – gaar ahaan orodka iyo dhaq-dhaqaaqa degdegga ah.
3. Kobciyo xirfadaha ciyaarta – sida baasaska, dribbling-ka, kubbad qabashada iyo gool dhalinta.
4. Hagaajiyo fahamka ciyaarta – ciyaartoygu wuxuu si fiican u fahmaa xeeladaha iyo boosaska.
5. Yareeyo dhaawacyada – tababarka saxda ah wuxuu jirka u diyaariyaa culayska ciyaarta.
6. Hagaajiyo caafimaadka guud – wuxuu xoojiyaa wadnaha, sambabada iyo murqaha.
7. Kordhiyo kalsoonida nafta – ciyaartoyga si joogto ah u tababarta wuxuu dareemaa inuu diyaar u yahay tartanka.



Xiriirka Kubada Cagta Degmada Marka Xiriirka K.Cagta Deg. Marka

Cusub

Waxaa jira warar cusub oo baraha bulshada ku faafaya oo sheegaya in Roberto Carlos uu qaatay Diinta Islaamka, laakiin illaa hadda ma helin ilo rasmi ah oo xaqiijinaya inuu si dhab ah Muslim u noqday. Sidaas darteed, waxaa fiican in qoraalka lagu qoro si taxaddar leh oo aan loo soo bandhigin xaqiiqo la hubo.

⚽️ Roberto Carlos – Halyeeygii Brazil, Inter Milan iyo Real Madrid

Roberto Carlos da Silva waa mid ka mid ah daafacyadii bidix ee ugu caansanaa taariikhda kubadda cagta. Wuxuu u ciyaaray Inter Milan, ka hor inta uusan 1996 ugu biirin Real Madrid, halkaas oo uu ku qaatay 11 xilli ciyaareed, isagoo la qaaday koobab waaweyn oo ay ka mid yihiin 3 Champions League. Sidoo kale wuxuu 128 kulan u saftay xulka qaranka Brazil.

Maalmahan waxaa baraha bulshada lagu faafinayaa war sheegaya in Roberto Carlos uu qaatay Diinta Islaamka. Hase yeeshee, warkan weli ma hayo xaqiijin rasmi ah oo ka timid Roberto Carlos laftiisa ama ilo lagu kalsoonaan karo.

Haddii warku mustaqbalka si rasmi ah u xaqiijmo, waxay noqon lahayd arrin si weyn loo hadal hayo, maadaama uu yahay ciyaaryahan dunida oo dhan caan ka ah.

Dadir Amin: “Waxaan u imid Marka Shaqo Qaran, Fursadna Waxaan siinayaa Ciyaartoyda Degmada"

Macallin Amin ayaa ka hadlay taariikh nololeedkiisa iyo xiriirka qotada dheer ee uu la leeyahay Marka, gaar ahaan kaalintii uu kaga jiray horumarinta ciyaaraha iyo kubadda cagta magaalada. Macallinku wuxuu sheegay in uu magaalada Marka ka maqnaa muddo #16 sano ah, balse maanta uu dib ugu soo laabtay isagoo xambaarsan dareen waddaniyadeed iyo rabitaan ah inuu wax u qabto bulshada uu ka soo jeedo.

Macallin Dadir Amin wuxuu mahadcelin iyo bogaadin u jeediyey Degmada Marka iyo 14-ka Oktoobar, isagoo uga mahadceliyey soo dhoweynta iyo taageerada ay u muujiyeen.

Wuxuu sidoo kale caddeeyey in ujeeddada uu Marka u yimid aysan ahayn dano gaar ah, balse ay tahay shaqo qaran iyo adeeg uu bulshada u qabanayo, gaar ahaan sidii fursado loo siin lahaa ciyaartoyda da’da yar ee degmada, loona dhiirrigelin lahaa inay muujiyaan kartidooda iyo hibadooda kubadda cagta.

Macallinku wuxuu si cad uga fogaaday -qabqabsiga iyo khilaafaadka ka dhex jira labada dhinac ee sheegta xiriirka kubadda cagta, isagoo carrabka ku adkeeyey in ujeeddadiisu tahay horumarinta ciyaaraha, mideynta bulshada iyo in ciyaartoyda degmada Marka la siiyo fursad ay ku gaaraan heer wanaagsan.
Dhanka kale, Viola iyo Guddigiisa waxay si diirran ugu soo dhaweeyeen Macallin Dadir Amin magaalada Marka, iyagoo xusay in Marka ay tahay magaalada uu kubadda cagta ka soo bilaabay, isla markaana ay ku faraxsan yihiin inuu dib ugu soo laabtay magaalada uu asal ahaan ku soo barbaaray ciyaaraha.

“Ku soo dhowow magaaladaada Marka; waa magaalada aad kubadda cagta ka bilowday.”

Soo laabashada Macallin Dadir Amin waxay noqon kartaa fursad muhiim ah oo lagu xoojin karo horumarinta ciyaaraha, gaar ahaan kobcinta kartida iyo mustaqbalka ciyaartoyda da’da yar ee Degmada Marka fans

Mudane Mowlid Hassan Hussein

Waxaan hambalyo iyo bogaadin u diraynaa Wasiirka Wasaaradda Dhallinyarada iyo Isboortiga Koonfur Galbeed Soomaaliya (KGS), Mudane Hassan Hussein

Waxaan kuu rajeynaynaa in Alle ku waafajiyo xilka culus ee laguu igmaday, kana dhigo mid aad ku gaarto horumar muuqda oo u horseeda dhallinyarada iyo bahda isboortiga guulo waara. Waxaan kuu rajeynayaa caafimaad, garasho, iyo guul joogto ah si aad u hirgeliso himilooyinka lagu horumarinayo dhallinyarada iyo ciyaaraha.

Hambalyo mar kale, waxaana kuu rajeynayaa guul iyo barwaaqo.

KA SOO BAXAY GUDIGA NAADIGA VIOLA

Kadib markii ay wada tashadeen guddiga maamulka Naadiga Viola, oo uu hoggaaminayay Guddoomiyaha Naadiga Mr-Maxamed Mursal Yacqub Viola , waxaa la gaaray go’aan ah in Naadiga Viola uusan ka qeyb geli doonin koobabka ka socda Midnimo Sports iyo tartamada ay qabanqaabiso Xiriirka Kubada Cagta Degmada Marka

Go’aankan waxaa sal u ah walaacyo la xiriira hufnaanta, caddaaladda iyo sinaanta tartamada. Guddiga Naadiga wuxuu aaminsan yahay in aysan jirin jawi ku filan oo lagu xaqiijin karo cadaalad buuxda, maadaama ay jiraan xaalado ay qaar ka mid ah garsoorayaasha iyo xubnaha xiriirka kubadda cagta ay sidoo kale ku leeyihiin xiriir toos ah ama masuuliyado dhinaca naadiyada qaarkood ah.

Naadiga wuxuu mar walba taageersan yahay horumarinta kubadda cagta, tartan daacad ah iyo nidaam ku dhisan sinaan iyo hufnaan. Hase yeeshee, si loo ilaaliyo sumcadda ciyaaraha iyo kalsoonida kooxaha, waxaa muhiim ah in la helo hannaan cad oo ka madax bannaan eex iyo dano is-dhexgal ah.

Ugu dambeyn, Naadiga wuxuu rajeynayaa in mustaqbalka la sameeyo dib-u-eegis iyo hagaajin lagu xaqiijinayo in dhammaan kooxaha ay helaan fursad siman iyo tartan cadaalad ah.

Mahadsanidiin.

Naadiga Viola
Guddoomiye: Maxamed Mursal Yacquub (Gago)

TIIRAANYO LEH

Innâa Lillaahi Wa Innâa Ilayhi Raajicuun.

Waxaan tacsi tiiraanyo leh u diraynaa dhammaan ehelkii, qaraabadii, asxaabtii, bahda ciyaaraha iyo guud ahaan bulshada Soomaaliyeed geerida naxdinta leh ee ku timid walaalkeen Cabdiraxmaan (Gerrard) oo ka mid ahaa ciyaaryahannadii h**e ee kooxda Viola football club .

wuxuu ahaa qof lagu xasuusan doono akhlaaqdiisii wanaagsnayd, dadaalkiisii ciyaaraha iyo xiriirkii wanaagsanaa ee uu la lahaa bulshada. Geeridiisu waa murugo iyo tiiraanyo weyn oo soo gaartay dhammaan intii taqaanay.

Waxaan Alle SWT uga baryeynaa inuu marxuumka ku mannaysto Jannatul Firdowsa, dambigiisana dhaafo, qabrigiisana u waasiciyo. Sidoo kale ehelka, qaraabada iyo asxaabta uu ka baxay waxaan Alle uga baryeynaa samir iyo iimaan.

Aamiin Yaa Rabbal Caalamiin.

Wanaagsan

Dhamaan Ummad Muslimiinta meel walba aad jogtiin , gaar ahaan Reer fans

Afhayeenka Kooxda Mr Maxamed Cawad oo ku sawiran Maaliyada Cusub Bacdul Ramadan Naadiga ku ciyaari doonto.

Guul Wacan Ciyaryahanada Viola football club ✌️

Officially Asharow Fc Appoints New Leadership
Chairman Abdullahi Mohamed Mo'alim Cabdulaahi Bilaan Jeelow

New Leadership, New Vision