Somali National Olympic Committee

KULAN WADA-TASHIGA HIRGELINTA SIYAASADDA HORUMARINTA ISBOORTIGA 🇸🇴

Wasaaradda Dhallinyarada iyo Isboortiga JFS ayaa maanta kulan wada-tashi ah kula yeelatay xarunta Guddiga Olombikada Qaranka Soomaaliyeed (GOQS), Guddiga Olombikada iyo xiriirrada ciyaaraha ee xubnaha ka ah.

Kulanka oo ay si wadajir ah u Shir guddoominayeen Agaasimaha Guud ee Wasaaradda Dhallinyarada iyo Isboortiga Mudane Axmed Yusuf iyo Guddoomiyaha GOQS Marwo Suad Galow , ayaa diiradda lagu saaray dhaqan-gelinta Siyaasadda Horumarinta Isboortiga ee ay ansixiyeen Golaha Wasiirrada JFS.

Waxaa sidoo kale laga wada hadlay hawlaha mudnaanta leh, gaar ahaan diyaarinta Qorshe-Hawleedka Isboortiga 2026–2030 iyo Sharciga Qaranka ee Isboortiga, si loo dhiso nidaam isboorti oo casri ah, waara, una horseeda dhallinyarada iyo ciyaartooyda Soomaaliyeed fursado iyo horumar wanaagsan.

GOQS waxaa ka go'an iskaashi dhow oo lala yeesho Wasaaradda iyo xiriirrada ciyaaraha si loo horumariyo mustaqbalka Isboortiga Soomaaliyeed. 🇸🇴🏅

🤝 GUDIGA OLOMBIKADA OO SOO DHAWEEYAY WASIIRKA DHALLINYARADA IYO CIYAARAHA KGS

Xarunta Guddiga Olombikada Qaranka Soomaaliyeed (GOQS) waxaa shalay lagu soo dhaweeyay Wasiirka Dhallinyarada iyo Ciyaaraha Koonfur Galbeed Soomaaliya, Mudane Mowlid Xuseen, oo ay wehelisay Xildhibaan Aamino Xasan Eelay.

Waxaa soo dhaweeyay Guddoomiyaha GOQS, Xoghayaha Guud iyo Agaasimaha Maamulka & Maaliyadda.

Kulanka ayaa diiradda lagu saaray xoojinta iskaashiga, horumarinta ciyaaraha iyo ballaarinta fursadaha dhallinyarada ee Koonfur Galbeed Soomaaliya. 🇸🇴🤝

Hambalyo Guuleystayaasha Fasalka 12aad!

Guddiga Olombikada Qaranka Soomaaliyeed (GOQS) wuxuu hambalyo u dirayaa dhammaan ardayda Soomaaliyeed ee ku guuleystay Imtixaanka Qaranka, gaar ahaan ardayda kaalmaha h**e galay.

Waxbarashada iyo Isboortiga waa labada tiir ee lagu dhiso karo jiil aqoon, karti iyo hoggaamin leh.

SOMALIA OO RIKOOR CUSUB DHIGTAY!

Guddiga Olombikada Qaranka Soomaaliyeed (GOS) wuxuu hambalyo u dirayaa orodyahan Abdikadir Osman Suleyman, oo rikoor qaran cusub ka dhigay orodka 800m U20, kaddib markii uu ku dhammeeyay 1:48 tartan ka dhacay dalka Hindiya.

Hambalyo Abdikadir! Soomaaliya way kugu faanaysaa.

Hambaliyo Maalinta Dhalinyaradda Aduunka, Duruufo Kala Duwan Balse Himilooyin mid ah.

🏀 KOOBKA GENERAL DAA’UUD 2026 OO SI RASMI AH U FURMAY

Guddiga Olombikada Qaranka Soomaaliyeed (SNOC) iyo Xiriirka Soomaaliyeed ee Kubadda Koleyga (XSKK), oo kaashanaya Wasaaradda Dhallinyarada iyo Ciyaaraha, ayaa si rasmi ah dib ugu soo celiyay Qabashada Tartanka Kubadda Koleyga ee General Daa’uud, kadib laba sano oo uusan qabsoomin tartankan oo sanad walba la qaban jiray.

Tartanka waxaa Garoonka Wiish Stadium si rasmi ah uga furay Wasiirka Dhallinyarada iyo Ciyaaraha, Mudane Maxamed Cabdulqaadir Cali, iyadoo ay ka qeyb galeen masuuliyiin heer qaran, madaxda SNOC iyo XSKK, halyeeyo isboorti iyo taageerayaal.

Tartanka waxaa ku loolamaya 8 kooxood, waxaana uu qeyb ka yahay dadaallada dib loogu soo nooleynayo laguna horumarinayo kubadda koleyga Soomaaliyeed. 🇸🇴🏀

🏀 GENERAL DAA’UUD BASKETBALL TOURNAMENT 2026 – FURITAANKA

Waxaa galabta si rasmi ah uga furmaya Wiish Stadium Tartanka General Daa’uud Basketball Tournament 2026.

🔥 Kulanka Furitaanka:
Heegan S.C 🆚 Horseed S.C
🕞 3:30 PM
📍 Wiish Stadium – Muqdisho

Taageerayaasha kubadda koleyga Soomaaliyeed, garoonka hala isku arko! 🏀🇸🇴