Coach Christina Kashar خبيرة التدريب كريستينا كشر

مصطلحات أنصح بتجنّبها (الجزء 4)

بسمع عبر المقابلات المتنوّعة إن كانت مرئيّة / سمعيّة / مكتوبة مصطلحات متل "الحقيقة the truth is" "بصراحة honestly" "عن جد frankly speaking".

عبر برنامجي التدريبي "قيادة علامتك الشخصيّة Leading Your Personal Branding"، بنصح أنّو نتجنّبهم و ما نستعملهم أبداً لهالأسباب:
بيخفّفوا نسبة ال emotional intelligence + بيضعفوا قوّة المنطق تبع حديثنا + بيخلقوا نقاط ضعف و ثغرات فيه + بيقطعوا الزخم و التسلسل الفعّالين للشرح.
عدا عن أنهم بيّنوا كأنّه العبارة يلّي من بعدهم هيّ الوحيدة الصريحة أو الحقيقيّة...

البديل عنهم: "بحب شدّد على" "بدّي ضوّي على"... إلخ. موفّقين.

فرحت بتدريب 90 مشارك من الفريق الإداري لشركة BeeOrder SYRIA اوردرها، بحضور الأستاذ عبد المالك المزيّن، الأسبوع الماضي في مقر "منزول" يلّي بيجمع بين العمل و الثقافة و الإنتاج.
هالشركة مميّزة بالنسبة لإلي لأنّو أوّل تعاون تدريبي بيناتنا كان سنة 2017، و بعدين بال 2018.

التدريب التفاعلي كان بعنوان "لنتواصل بفعاليّة" Let's Communicate Effectively، و هنّيتهم لهالفريق الديناميكي على شطارتهم و احترافهم بالتخطيط و التنفيذ.

بشكر مديرة الموارد البشريّة رهام الأشمر على التنسيق الديناميكي، و بقدّر الثقة المستمرّة من الأستاذين هادي نحّاس و عبد المالك المزيّن.

فخورة فيكم BeeOrder Syria، و بمركزكم الاستراتيجي المتفرّد و المتمايز ببلدنا. حاضركم قوي و مهم، و مستقبلكم رح يكون أقوى و أهم.

امبارح كان "اليوم العالمي للكتاب"، و بهالمناسبة رح أطلق عرض لاقتناء كتابي "لنقود بفعاليّة"، من بعد ما تم بيع مئات النسخ منّه خلال هالسنة الماضية من لمّا أعلنت عن بيعه مطبوع بأيّار 2025 (عقبال ما يصيروا ألف نسخة).
العرض بيستمر لأسبوع لآخر هالشهر:
- للأفراد: الكتاب رح يكون واصل لعندكم (داخل دمشق + مشروع دمّر + جرمانا) ب 50 ألف ل.س. (العملة القديمة).
يعني بدال: 50 ألف +16 ألف توصيل، صار العرض 50 ألف واصل لإيديكم.
- للشركات و للمجموعات: كل اقتناء ل 10 كتب رح تحصلوا على 3 كتب معهم مجانّاً. و قيمة التوصيل -لأي عدد كان- تحسب لمرّة واحدة 16 ألف ل.س.
متل ما بتعرفوا بالنسبة للطلب و للتوصيل: عبر الشريك الاستراتيجي لبيع كتابي "خدمة ودّيلي" وديلي: رباعي 9692 و خلوي 0953535381
موفّقين و إن شاء الله بهمّتكم منوصل للألف نسخة مُباعة.

كلمة "تقييم" عميقة بمعناها الحسّاس و إلها خصوصيّتها، مشان هيك لاغيتها من قاموسي الشخصي و المهني... أنا ضدها بشكل عام و بلاقيها مانها مناسبة و ياما من خلالها بيتمّ التعبير عن الآراء بأسلوب سادي و بينظلم الشخص المُقَيَّم!
برأيي فقط مسموح للأب و للأم يقيموا أولادهم بعدّة محاور. و غير هيك مو مسموح لأي شخص يقيّم شخصيّة أو أداء شخص آخر... بل ممكن "يشاركه رأيه" بأداؤه الوظيفي مثلاً و لكن مو "يقيّمه"، و في فرق شاسع.

كخبيرة تطوير تواصل استراتيجي و قيادة:
- بنصحكم تتجنّبوا لعنة تقييم الأداء! برأيي في خلل بميزان القوّة المبنيّة على افتراض أنو المديرين أعلم و أفضل من أعضاء فريقهم.
عيوبه لنظام تقييم الأداء عديدة بذكر منها: قد يكون مدمّر للمعنويات و مصدر للضغط النفسي + أغلب الناس بتعتبره أمر مرهق، نادراً ما تتم متابعة نتائجه، غالباً ما بيكون حوار من طرف واحد و ليس من طرفين، و الطابع الرسمي لإله بيحدّ من فرص الحوار.
- تجنّبوا استمارات التقييم evaluation الظالمة و الغير إنسانيّة (هالنصيحة بشكل خاص لمسؤولي إدارة الرأسمال البشري و الموارد البشريّة)، و تستبدلوها باستمارات (أو مقابلات) إفادة راجعة و أماميّة feedback و feedforward تكون حكيمة مع أعضاء الفريق (و ذكرت الخطوات العمليّة لهالمبادرة ضمن فصل كامل بكتابي "لنقود بفعاليّة").
- خلال الدورة التدريبيّة، أنا حازمة بهالناحية مع أي جهة بتحب توزّع استمارات الإفادة الراجعة و بشترط أنّو تكون تبادليّة، و بتدخّل بكلّ بند من بنودها لتكون فعّالة و مفيدة تجاه مثلاً: اللوجستيّات + مدّة الدورة + تسلسل المحاور + أسلوب قيادة الدورة + البرامج المرغوبة بالمستقبل.
- ضمن سياسات و إجراءات عملي policies & procedures: أنا كجهة تانية بالدورة التدريبيّة كمان بشترط شارك إدارة الموارد البشريّة بإفادتي الراجعة تجاه المشاركين من نواحي التفاعل النشط + التركيز المحترف + المداخلات الفعّالة + التأخّر في الدخول إلى القاعة من بعد الاستراحة في حال ما كان مبرّر... إلخ. و هيك بيكون تحقّق العدل و الجهتين تشاركوا هالإفادات.
تخيّلوا مثلاً مشارك من بين ال 20 عبّى استمارته بمخرجات و آراء سلبيّة (لمجرّد يفش خلقه بالمدرّب أو يجاكر شركته لأنهم جبروه يحضر الدورة)، و بنفس الوقت أنا كانت إفادتي عنّه أنّو أداؤه كان ضعيف بالدورة، فبهالحالة بيدركوا قسم الموارد البشريّة أنّو هوّ المذبذب و الفوضوي بتعبئة الاستمارة.

بالمحصّلة: خاصّةً ضمن المؤسّسات/الوزارات/المنظّمات/الشركات و جهات العمل بالعالم كلّه:
كلمة "تقييم" صداها سلبي مزعج "تقييم شخصيّة أو أداء وظيفي"! بنصحكم ب "الإفادة الراجعة للأداء الوظيفي".
تجنّبوا استخدام مصطلح و ممارسة فعل "التقييم" و استعملوا "الإفادة الراجعة و الأماميّة-المستقبليّة": رح تفرق معكم لصالحكم و لصالح الفريق.

ّة_مستقبليّة

من تكونون بعيداً عن مسمّاكم / لقبكم المهني؟
Who Are You Without Your Job Title?

بإحدى المقابلات مع لجنة دوليّة، تم سؤالي بالبداية "حكيلنا عن نفسك". جاوبت:

"أنا الإنسانة كريستينا كشر و هادا لقبي الأهم لأنّي بعمل جهدي باستمرار حافظ على نسبة عالية من إنسانيتي. أنا ابنة حنونة و أخت محبّة و صديقة حقيقيّة، أنا بنت بلد و بنت البلد. أمّا بالنسبة لمهنتي فأنا خبيرة تدريب دوليّة و مؤلّفة كتب".

بلّشت بهالمقدّمة لأشرح عن ناحية مهمّة لمّا يتم سؤالنا عن أنفسنا:
أغلب الناس بيبدؤوا بمسميّاتهم و ألقابهم المهنيّة / الوظيفيّة "أنا محامية مختصّة ب...." "أنا مبرمج تطبيقات"، و هيك منكون عبّرنا أنّو مهنتنا بتمثّل هويّتنا! و هويّتنا أهم بكتير من ألقابنا...

نحنا أكتر من مسميّات و ألقاب مهنيّة... نحنا أصحاب قيم و مبادئ، نحنا مزيج من مشاعر، أفكار، علاقات اجتماعية، و أسياد قراراتنا -ما بيغرينا مدح و لا بيهزمنا انتقاد-... هويّتنا الحقيقيّة بتنبع من جوّاتنا، خاصّةً إذا كنّا منسجمين مع مبادئنا و قيمنا، و عمنطوّرها لسمعتنا.

أمّا إذا تم سؤالكم بشكل مباشر "شو بتشتغلوا؟" فيكم تجاوبوا بأسلوب شغوف تدمجوا فيه عملكم بقيمكم الإنسانيّة، و تتجنّبوا تجاوبوا عن عملكم كأنكم روبوتات بتمارس مهام روتينيّة (و هادا يلّي بدربه ضمن leading & strategizing your personal branding).

بنهي باستفسار: هل إذا دعيتوا لتجمّع بالطبيعة لمدّة يوم واحد بلباس غير رسمي عبارة عن جينز و تي-شيرت، و -الشرط كان ما تذكروا شو بتشتغلوا-، فهل رح تنالوا إعجاب الناس فيكم و احترامهم لشخصيّاتكم من بعد التفاعل معهم بهاليوم؟

You’re more than what you “do as work”

Your identity is more about:
What’s your purpose & what you care about in the world
Your other interests and hobbies beyond work (volunteering, …etc)
What excites you that you’re looking forward to exploring
What you’re doing right now to shape who you’re becoming (personal development)

When you start to see your identity as more than just your job title, you begin to understand the layers that make you, YOU.

من بعد عطلتي السنويّة الطويلة، رجعت من كم يوم للعمل المكتبي و التدريبي، و خلال الفترة الجاية رح نفّذ جلسات تدريبيّة ثنائيّة one to one عديدة مع القطاع الحكومي و الخاص باللغتين العربيّة و الإنكليزيّة (بالإضافة لتدريب فرق و مجموعات).

من زمان بدرّب ضمن جلسات تطويريّة ثنائيّة، و حكيت عن أهميّتها ضمن مقابلة إذاعيّة عام 2018 (كنت مبلشة بتنفيذها من قبل هالسنة).
منبدأ بتحليل و تحديد الاحتياجات التدريبيّة عبر جلسة تعارف مجانيّة لمدّة 25 دقيقة (من بعد حصول المتدرّب هاتفيّاً على كافّة التفاصيل المطلوبة) + بتحوي الجلسات بينها مهمّات وظيفيّة assignments + شهادة إتمام الدورة بتكون نفسها + جلسة / جلسات المتابعة مطبّقة فيها كمان + قيمة الساعة التدريبيّة بتكون ذاتها.
-يمكن- أنا كنت أوّل خبيرة بالتدريب التوجيهي coaching expert بدرّب بهالأسلوب ضمن و خارج الشركات، و -بظن- أنّي الخبير الوحيد بالبلد المعتمد عبر شهادة بالتدريب التنفيذي-الثنائي من جهة عالميّة متعارف عليها Marshall Goldsmith.

فئة كبيرة من العملاء بيرغبوا أنّو الجلسات التدريبيّة تكون خاصّة: للخصوصيّة بمشاركتهم تحديّات عملهم و مكان عملهم، بالإضافة أنّو الوقت بيكون كلّه لإلهم كتفاعل، و لأسباب متنوعة.
و لمّا خرّجت مجموعتين من المدرّبين التوجيهيّين coaches بالفترة الماضية، أكيد تشاركت معهم بمحور ضمن البرنامج التدريبي المتكامل عن تقنيات التدريب الثنائي و شجّعتهم على تنفيذه.

موفّقين، و المهم أنكم تستثمروا باستمرار بتطوّركم المهني و الأكاديمي و الشخصي.

بحب عايد أصدقائي، جيراني، زملائي، عملائي، و معارفي بحلول شهر رمضان المبارك ✨️
و من بعد الدورات التدريبيّة مع فرق عمل أحد الوزارات، و من بعد جلسات تدريبيّة ثنائيّة مع ١٤ عميل/ة بدءا" من أوّل السنة، بستاهل هالعطلة الطويلة لكامل هالشهر (متل عادتي السنويّة).
منلتقى على الخير و التطوّر بأواخر آذار.

أوّل بوست بهالسنة الجديدة هوّ من نصيب إدارة و فريق "خدمة وديلي ".

شكراً من قلبي السوري على احترافكم خلال 2025 بإيصال عدد هائل من نسخ كتابي الأخير "لنقود بفعاليّة"، من بعد ما تمّ اعتمادكم من قبَلي كمصدر معتمد للتخزين و للتوصيل ضمن دمشق.

من وقت إطلاق نسخته المطبوعة بأواخر أيّار الماضي، و أنتوا كإدارة و فريق تنسيقي و كباتن توصيل، عمتعملوا كلّ جهدكم لتوصلوا بأسلوبكم الاحترافي -الكتاب داخل كيسه الكرتوني الخاص- لكلّ الجهات و الأفراد المهتمّين باقتناؤه أو بإهداؤه ضمن دمشق و بالمحافظات.

فرحانة بهالشراكة الفعّالة، و مكملين مع بعضنا لننشر علم القيادة الفعّالة لأكبر قدر من الناس الحضاريّين يلّي لسّا بيؤمنوا بقراءة الكتب.

بعتبر هاللقطتين أكتر معايدة أكابريّة وصلتني بموسم هالأعياد 🌟

فخورة بالتعاون مجدّداً مع شهبا بنك، و هالمرّة مو عبر دورات تدريبيّة بل عبر اقتنائهم لعدد كبير من النسخ لكتابي "لنقود بفعاليّة"، لتكون هدايا آخر السنة لأغلب فريق العمل.
الأسلوب يلّي تم تنفيذه لمنح الكتاب للمُهدى إليه اعتبرته متمايز:
طباعة الاسم على الكيس، بالإضافة لإرفاق بطاقة كبيرة مطبوع عليها عبارات معايدة آخر السنة و من وحي تطوير القدرات القياديّة.

شكراً من قلبي السوري للإدارة العامّة و لإدارة الموارد البشريّة لأنكم سابقين عصركم، و لإيمانكم بتطوير قدرات أعضاء فريق البنك.
بتمنّى لفِرَق عملكم بكافّة الأفرع بكلّ المحافظات عام 2026 يكون متميّز بمحطّاته المثمرة. تبقوا بخير و تألّق.

فخورة بتنفيذ ورشة عمل مع مدراء أفرع دمشق القياديّين لبنك الشام المميّز Cham Bank بنك الشام
و فرحت بهالشراكة التطويريّة الجديدة من بعد تدريبي لفريق من البنك من عدّة سنوات مضت.

من بين المصارف، بنك الشام كان أوّل مصرف اقتنى نسخ من كتابي "لنقود بفعاليّة"، لهالسبب بقدّر مبادرتهم و إيمانهم بتطوير القدرات القياديّة leadership capacities development.

بالإضافة لاقتنائهم النسخ، تشاركنا خلال الصيف بتحديد "خطّة للتطوّر القيادي" تتضمّن عدّة محاور زمنيّة و تنفيذيّة، منها إعطاء فترة مدروسة لقراءة الكتاب، تحليله، تقديم الفصل المُختار بحضور الإدارة و الزملاء، و للخطّة تتمّة و ختام بتقدير مميّز بآخر السنة.

ممتنّة للإدارة العامّة و لإدارة الرأسمال البشري لجرأتهم المتمايزة باختيار خطّة عمل متفرّدة و مغايرة للدورات التدريبيّة المألوفة، و شكر خاص لمدراء الأفرع القياديّين لمشاركتهم للتقنيات / الاستراتيجيّات / الأدوات / و الحلول من محتوى الكتاب بأسلوب احترافي فعّال خلال الورشة.
موفّقين تجاه العام القادم 2026، و بتمنّالكم مستقبل متمايز.