06/10/2026
أوقات الفراغ والخروج من الضغوطات النفسية بهالبلد عم تخلي الاغلبية يلجؤو لتعبية أوقات الفراغ والخروج من الواقع ب أمور عم تخلي الوضع يتعقد أكثر من مجرد وقت فراغ وانقضى بدون اي اثار جانبية اله
1-الانترنيت:
اخي المتصفح ازا ماسك موبايلك ومقضاها ريلزات لمجرد التسلية والضحك دون اي فائدة من المحتوى اللي عم تتابعه واغلبه مقاطع مسلسلات معفنة والباقي منصات وبياخات وقلة أخلاق
لواستثمرت هالوقت بمشاهدة اي شي يفيدك صحيا أو بعملك مو كان افضل وكنت قمت من جلستك ب دوبامين مرتفع ومزاج جيد من مزاج سيئ وصداع بسبب مشاهدة أشياء تافهة
الله خلقلك الفراغ لتقرأ وقرائتك تفيدك بحياتك اليومية وبرزقك وبتميزك عن باقي الناس...
2-الاركيلة والدخان والقهوة:
مع جلسة الانترنيت لابد من وحدة من المذكورين
"كنت شرحت بمنشور سابق عن الدخان واثاره كافة وطريقة تصنيعه وعن الاركيلة والسموم اللي عم تدخل على صدرك منها وعن القهوة ازا زادت عن 200ml فنجان واحد يوميا"
نفس هذا الشخص رح تلاقيه بكبرو مريض قلب او معه ضغط او مقاومة انسولين بداية ل سكري لاحقا او سرطانات بالرئة...ويصير عبء على عيلته وعمله ومجتمعه
الله خلقلك طيبات الفصول من فواكه وغيره ليش عم تترك طيبات ربك وتروح على خبائث صنائع الانسان
3-السهر الى ساعات الفجر :
لوتبحث وتقرأ انه خلايا جسمك هرموناتك ليلا بتدخل بمرحلة خمول بيولوجيا مصممة لهالشي من افراز ميلاتونين ومن خفض ضغط دم والاهم ضبط هرمون الكورتيزول اللي خربطته سبب امراض السمنة والسكري والقلب لاحقا بشكل غير مباشر
الله خلق الليل لتنام والنهار لتصحى ليش عم تعارض الخالق وتمشي ورا المخلوق
4-الاكل ليلا وعدم انتظام اوقات الوجبات نهارا:
لما تنام واكل وجبة ببطنك لسا يرتفع الأنسولين بشكل كبير بعد الأكل لنقل السكر من الدم إلى الخلايا.
عند النوم مباشرة، يقل استهلاك الجسم للطاقة وتتباطأ عملية الأيض، مما يجعل الخلايا أقل استجابة للأنسولين (مقاومة مؤقتة)، ويتحول الفائض من السكر إلى دهون مخزنة خصوصاً في منطقة البطن ايضا هرمون النمو
يُفرز هرمون النمو بكثرة خلال المراحل الأولى من النوم العميق ليلاً ليساعد على تجدد الخلايا وحرق الدهون.
وجود وجبة طعام في المعدة وارتفاع مستوى الأنسولين يثبطان ويقللان من إفراز هذا الهرمون الهام، مما يضعف عمليات الإصلاح الطبيعية للجسم
بعد هالأربع امور اتخيلو شكل واحد او وحدة على طول عالانترنيت وبيشربو قهوة ودخان او اركيلة كثير وبيسهرو وبياكل بوقت متاخر
عم نشوف اشكال بالشوارع منهن مابيشبهو جنس ادم مخلوق ثالث عايش معنا
Coach Basel
