11/09/2026
လာမယ့် ဇန်နဝါရီမှာ အသင်းဟာ front line ကို အင်အားဖြည့်ဖို့လိုနေတယ်ဆိုတာ နာပိုလီနဲ့ပွဲက သက်သေဖြစ်ခဲ့တယ်။ ပြီးခဲ့တဲ့နွေမှာ အမ်းမရိတ်ဆီ ကွန်ဆာနဲ့ ဘရူနိုဂူမာရေးစ်တို့ရောက်လာခဲ့ပြီးနောက် အသင်းရဲ့ နောက်တန်းနဲ့ ကွင်းလယ်က အများကြီး အင်အားတောင့်သွားပါပြီ။
ဒါပေမယ့် ဂိုးသွင်းကောင်းတဲ့ ထိပ်ရှေ့တန်းကစားသမား၁ယောက်တော့ လိုနေဆဲပါပဲ။ ဒီရာသီမှာ အသင်းဟာ ကစားကွက်ကနေ ဂိုးတွေဆက်တိုက်သွင်းပြနေပေမယ့် Set Piece, Set play တွေကနေ ဂိုးရဖို့တော့ ရုန်းကန်နေရပါတယ်။ ပြီးခဲ့တဲ့နွေမှာ မရနိုင်တဲ့ ကစားသမားတွေဖြစ်တဲ့ ဗီနီစီးယပ်စ်၊ အဲဗာရက်ဇ်တို့ကိုပဲ ခေါ်ယူဖို့ ကြိုးစားနေခဲ့တာက အကောင်းဆုံးဆုံးဖြတ်ချက်တစ်ခုတော့ မဟုတ်ခဲ့ဘူး။
နာပိုလီနဲ့ပွဲမှာ Expected goals xG က 4.05 ရှိခဲ့ပေမယ့် သွင်းဂိုးကတော့ ၁ဂိုးပဲရှိခဲ့ပြီး အိုဒီဂတ်ရဲ့ကန်ချက် ကောင်းလွန်းလို့ရခဲ့တာပါ။ အပိုင်အခွင့်အရေးတွေကို ဆာကာ၊ မာဒူအက်ကေတို့ မလွဲခဲ့ရင်၊ အခြားအခွင့်အရေးတွေကိုလည်း ပိုအသုံးချနိုင်ခဲ့ရင် အသင်းဟာ ၃၊၄ဂိုးသွင်းပြီး အနိုင်ရခဲ့မှာပါ
လက်ရှိ အသင်းရဲ့ front line player တွေဖြစ်တဲ့ ဇောလစ်၊ ဆာကာ၊ ယိုးခရက်စ်၊ ဟားဗက်ဇ်၊ မာဒူအက်ကေတို့က တစ်ရာသီဂိုး၂၀နဲ့အထက် သွင်းယူနိုင်တဲ့ ကစားသမားတွေ မဟုတ်ဘူး။ ဆာကာက level တစ်ခုမှာ ရပ်နေတယ်၊ မာဒူအက်ကေကလည်း Finishing ပိုင်းမှာ ညံ့တယ်၊ ဇောလစ်က assist တွေ လုပ်နေပေမယ့် အသင်းသစ်၊ နယ်မြေသစ်မှာ အကောင်းဆုံး အသားကျဖို့ အချိန်လိုသေးတယ်။
ဟားဗက်ဇ်ရဲ့ အဓိကအားသာချက်က ဂိုးသွင်းစွမ်းရည်မဟုတ်ဘူး။ အက်ဇေးကလည်း LW မှာ ခြေစွမ်းပြဖို့ အချိန်ယူရဦးမယ်။ ယိုးခရက်စ်အပေါ် အာတေတာဟာ ယုံကြည်မှုအပြည့်အ၀ရှိရဲ့လားဆိုတာကလည်း မေးခွန်းထုတ်စရာပါ။
ဒီဝောာ့ ရလာတဲ့ Big Chance တွေကို အကောင်းဆုံး အဆုံးသတ်ပေမယ့်၊ LW နဲ့ CF position မှာ ကစားနိုင်မယ့် ထိပ်တန်းကစားသမား၁ယောက် လာမယ့်ဇန်နဝါရီမှာ ထပ်ခေါ်ဖို့ လိုပါတယ်။ ချန်ပီယံဖြစ်ခဲ့ပြီးနောက် အသင်းဟာ ဂိုးမပေးရရုံနဲ့ ချန်ပီယံထပ်ဖြစ်နိုင်ဖို့ မျှော်လင့်နေလို့မရတော့ဘူး။
ညီအစ်ကိုတို့ရော ဘယ်လိုထင်လဲ၊ လာမယ့်ဇန်နဝါရီမှာ ဘယ်သူ့ကို ခေါ်စေချင်လဲဗျ
#
