ខេត្តកោះកុង ក្រុមបាល់ទាត់ Koh Kong Soccer League

NSM ISP FT
សកម្មភាពកីឡា និងសកម្មភាពសប្បុរសធម៌ជួយសង្គម

ថ្នាក់ដឹកនាំ ក្រុមការងារ គ្រូបង្វឹក​ និងកីឡាករទាំងអស់ សូមថ្លែងអំណរគុណយ៉ាងជ្រាលជ្រៅជូនចំពោះ លោក​ ស៊ឹម ហុច​ និងក្រុមគ្រួសារ ដែលបានឧបត្ថម្ភទឹកបរិសុទ្ធ និងរ៉ូយ៉ាល់ឌី ប៉ូវកំលាំងកីឡាករ ដល់ក្រុមបាល់ទាត់ខេត្តកោះកុង ដើម្បីត្រៀមប្រកួតបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន​ សែន​ លើកទី២០ ឆ្នាំ២០២៦/២៧ (ថ្នាក់​ខេត្ត) ដែលក្រុមបាល់ទាត់ខេត្តកោះកុង​ ត្រៀមជួបជាមួយ មន្ទីរ​អប់រំ​យុវជន​ និងកីឡា​ខេត្តកំពត​ នាពេល​ខាងមុខនេះ​។

សូមបញ្ជាក់ជូនផងដែរ​ ខេត្តកោះកុង​ ស្ថិតនៅក្នុង ពូល​ ង ដែលមាន​ ៤ក្រុម ÷
១.ក្រុមបាល់ទាត់ខេត្តកោះកុង
២.សមាគមបាល់ទាត់ខេត្ត​ព្រះសីហនុ​
៣.មន្ទីរ​អប់រំ​ យុវជន​ និងកីឡាខេត្តកំពត
៤.ខេត្តកែប

ក្រុមកីឡាបាល់ទាត់ ខេត្តកោះកុង សូមអរគុណ និងសូមជូនពរដល់លោក ស៊ឹម ហុច​ និងក្រុមគ្រួសារ សូម​ទទួលបានសេចក្តីសុខ សុភមង្គល​ ទទួលទាន​រកស៊ី​មានបាន​ និងជួបនូវពុទ្ធពរ​ទាំងបួន​ប្រការគឺ​ ÷ អាយុ​ វណ្ណៈ​ សុខៈ​ និងពលៈ​ កុំបីឃ្លៀងឃ្លាតឡើយ​។

ក្នុងនាម ក្លឹបបាល់ទាត់វ័យចាស់ខេត្តកំពត យើងខ្ញុំសូមសម្តែងនូវការគោរព និងថ្លែងអំណរគុណយ៉ាងជ្រាលជ្រៅចំពោះ លោក លឹម ឆាវរ៉ាត់ ដែលបានចំណាយថវិកាផ្ទាល់ខ្លួន ដើម្បីផ្តួចផ្តើម និងរៀបចំពានរង្វាន់បាល់ទាត់វ័យចាស់ អាយុ ៣៩ ឆ្នាំឡើង ឱ្យកើតមានឡើង។

ការគាំទ្ររបស់លោក មិនត្រឹមតែបានបង្កើតឱកាសឱ្យអតីតកីឡាករបានជួបជុំគ្នាលើទីលានបាល់ទាត់ប៉ុណ្ណោះទេ ប៉ុន្តែថែមទាំងបានរួមចំណែកលើកស្ទួយវិស័យកីឡានៅខេត្តកំពត បំផុសចលនាឱ្យមានសកម្មភាពកីឡាកាន់តែផុសផុល និងបំផុសឱ្យយុវជនជំនាន់ក្រោយងាកមកលេងកីឡា ចៀសឆ្ងាយពីគ្រឿងញៀន និងអំពើអបាយមុខផ្សេងៗ។
ក្នុងនោះផងដែរ យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះ លោកប្រធានមន្ទីរអប់រំ យុវជន និងកីឡា ខេត្តកំពតដែលបានអនុញ្ញាតឱ្យរៀបចំព្រឹត្តិការណ៍នេះឡើង និងបានផ្តល់កិត្តិយសអញ្ជើញមកប្រគល់ពានរង្វាន់ជូនដល់ក្រុមដែលទទួលបានជ័យលាភី។
ក្នុងឱកាសនេះ ក្លឹបបាល់ទាត់វ័យចាស់ខេត្តកំពត សូមគោរពជូនពរ លោក លឹម ឆាវរ៉ាត់ និងក្រុមគ្រួសារ សូមជួបប្រទះតែសេចក្តីសុខ សុខភាពល្អបរិបូរណ៍ កម្លាំងមាំមួន ប្រាជ្ញាឈ្លាសវៃ ជោគជ័យគ្រប់ភារកិច្ច។ សូមអគុណ!