5Star Betting Tips

#ပါချုပ်ဆရာတော်
#ဒေါက်တာနန္ဒမာလာဘိဝံသ

#ပါချုပ်ဆရာတော်
#ဒေါက်တာနန္ဒမာလာဘိဝံသ
#ဩဝါဒတရားတော်
#လယ်တီဆရာတော်

#ပါချုပ်ဆရာတော်
#ဒေါက်တာနန္ဒမာလာဘိဝံသ
#ကိုးကွယ်ခြင်း၏အမြင့်ဆုံးရည်းမှန်းချက် တရားတော်

#ရတနာ့ဂုဏ်ရည်
#အရှင်ဇနကာဘိဝံသ

@@မိတ်ဆွေစစ်လေးယောက်@@

(က) ကျေးဇူးပြုသော မိတ်ဆွေစစ်

၁။ မေ့လျော့သူကို စောင့်ရှောက်တတ်ခြင်း၊

၂။ မေ့လျော့သူ၏ စည်းစိမ်ဥစ္စာကို စောင့်ရှောက်တတ်ခြင်း၊

၃။ ကြောက်ရွံ့နေသူ၏ အားကိုးအားထားရာဖြစ်ခြင်း၊

၄။ ပြုဖွယ်ကိစ္စရှိလာလျှင် လိုအပ်သည်ထက် နှစ်ဆ ကူညီခြင်း၊

ဤအင်္ဂါလေးပါးနှင့် ပြည့်စုံသူကို ဥပကာရက မိတ်ဆွေစစ် (ကျေးဇူးပြုသော မိတ်ဆွေစစ်) ဟုခေါ်သည်။

(ခ) ဆင်းရဲအတူ ချမ်းသာအမျှ မိတ်ဆွေစစ်

၁။ သူ၏လျှို့ဝှက်ထားသော အကြောင်းကိစ္စကို မိမိအားသာပြောခြင်း၊

၂။ မိမိ၏ လျှို့ဝှက်ထားသော အကြောင်းကိစ္စကို သူတစ်ပါးအား မပြောကြားဘဲ နှုတ်လုံခြင်း၊

၃။ အခက်အခဲ ဘေးရန်အန္တရာယ်နှင့် တွေ့ကြုံလာလျှင် မိမိကို စွန့်ပစ်မသွားခြင်း၊

၄။ မိမိအကျိုးအတွက် အသက်ကိုပင် စွန့်နိုင်သူ ဖြစ်ခြင်း၊ ဤအင်္ဂါလေးပါးနှင့် ပြည့်စုံသူကို သမာနသုခဒုက္ခ မိတ်ဆွေစစ် (ဆင်းရဲအတူ ချမ်းသာအမျှ မိတ်ဆွေစစ်) ဟုခေါ်သည်။

(ဂ) အကျိုးစီးပွား ပြောကြားသော မိတ်ဆွေစစ်

၁။ မကောင်းမှု မပြုရန် တားမြစ်သူ၊

၂။ ကောင်းမှုပြုရန် တိုက်တွန်းသူ၊

၃။ မကြားဘူးသေးသော သိမ်မွေ့နက်နဲသည့် အကြောင်းအရာကို ပြောကြားသူ၊

၄။ နတ်ရွာနိဗ္ဗာန် ရောက်ကြောင်း လမ်းကောင်းလမ်းမှန် ညွှန်ပြပြောဆိုသူ၊

ဤအင်္ဂါလေးပါးနှင့် ပြည့်စုံသူကို အတ္ထက္ခာယီ မိတ်ဆွေစစ် (အကျိုးစီးပွား ပြောကြားသော မိတ်ဆွေစစ်) ဟုခေါ်သည်။

(ဃ) စောင့်ရှောက်သော မိတ်ဆွေစစ်

၁။ မိမိ၏ ဆုတ်ယုတ်ပျက်စီးမှုကို မနှစ်သက်သူ၊

၂။ မိမိ၏ တိုးတက်ကြီးပွားမှုကိုသာ နှစ်သက်သူ၊

၃။ မိမိအကြောင်း မကောင်းပြောသူကို တားမြစ်သူ၊

၄။ မိမိ၏ ဂုဏ်ကျေးဇူး ပြောဆိုသူကို ချီးမွမ်းသူ၊

ဤအင်္ဂါလေးပါးနှင့် ပြည့်စုံသူကို အနုကမ္ပက မိတ်ဆွေစစ် (စောင့်ရှောက်သော မိတ်ဆွေစစ်) ဟုခေါ်သည်။


@@မိတ်ဆွေတုလေးယောက်@@

(က) ကိုယ်ကျိုးကြည့် မိတ်ဆွေတု

၁။ သူတစ်ပါးထံမှသာယူ၍ မိမိကမူ မပေးကမ်းခြင်း၊

၂။ နည်းနည်းသာပေး၍ များများရလိုခြင်း၊

၃။ ဘေးရောက်သည့်အခါ ခိုကိုးရားအဖြစ် သူတစ်ပါးထံသွား၍ လုပ်စရာရှိသမျှ လုပ်ကိုင်ပေးခြင်း၊

၄။ ကိုယ်ကျိုးအတွက် သူတပါးနှင့် ဆက်ဆံပေါင်းသင်းခြင်း၊ ဤအင်္ဂါလေးပါးနှင့် ပြည့်စုံသူကို အညဒတ္တုဟရ မိတ်ဆွေတု (ကိုယ်ကျိုးကြည့် မိတ်ဆွေတု) ဟုခေါ်သည်။

(ခ) အပြောသမားမိတ်ဆွေတု

၁။ ရှေးက ဖြစ်ထွန်းခဲ့ဖူးသည့် စည်းစိမ်ဥစ္စာကို မပေးခဲ့ရခြင်းကြောင့် စိတ်မကောင်းကြောင်း ပြောလေ့ရှိခြင်း၊

၂။ နောက်အခါမှ ဖြစ်ထွန်းလာမည့် စည်းစိမ်ဥစ္စာကို ပေးမည်ဟု ပြောဆိုလေ့ရှိခြင်း၊

၃။ အကျိုးမရှိသော အရာဖြင့် ချီးမြှောက်ခြင်း၊

၄။ ပေးလို့ဖြစ်နိုင်သော အရာများကို တစ်စုံတစ်ရာ ပျက်စီးနေဟန်အကြောင်းပြ၍ ပေးလို့မဖြစ်ဟု ပြောဆိုလေ့ရှိခြင်း၊ ဤအင်္ဂါလေးပါးနှင့် ပြည့်စုံသူကို ဝစီပရမ မိတ်ဆွေတု (အပြောသမား မိတ်ဆွေတု) ဟုခေါ်သည်။

(ဂ) ချစ်ဖွယ်ဆိုတတ်သော မိတ်ဆွေတု

၁။ မကောင်းမှု ပြုသည်ကိုလည်း သဘောတူခြင်း၊

၂။ ကောင်းမှု ပြုသည်ကိုလည်း သဘောတူခြင်း၊

၃။ ရှေ့မှောက်တွင် ချီးမွမ်းခြင်း၊

၄။ နောက်ကွယ်၌ ကဲ့ရဲ့ခြင်း၊

ဤအင်္ဂါလေးပါးနှင့် ပြည့်စုံသူကို အနုပ္ပိယဘာဏီ မိတ်ဆွေတု (ချစ်ဖွယ်ဆိုတတ်သော မိတ်ဆွေတု) ဟုခေါ်သည်။

(ဃ) အပါယ်ဖော် မိတ်ဆွေတု

၁။ အရက်သေစာသောက်စားရာ၌ အဖော်လိုက်သူ၊

၂။ ညအခါ အခါမဲ့သွားလာရာ၌ အဖော်လိုက်သူ၊

၃။ ပွဲလိမ်းသဘင်ကြည့်ရှုရာ၌ အဖော်လိုက်သူ၊

၄။ လောင်းကစားရာ၌ အဖော်လိုက်သူ၊

ဤအင်္ဂါလေးပါးနှင့် ပြည့်စုံသူကို အပါယသဟာယ မိတ်ဆွေတု (အပါယ်ဖော် မိတ်ဆွေ) ဟုခေါ်သည်။
#ဗုဒ္ဓ

#သိင်္ဂါလသုတ်
#မိတ်ကောင်းဆွေကောင်း

#ပါချုပ်ဆရာတော်
#ဒေါက်တာနန္ဒမာလာဘိဝံသ
#မိတ်ကောင်းဆွေကောင်းတရားတော်

@@မိတ်ကောင်းဆွေကောင်း@@

ဆရာတင်ပြီး ကိုးကွယ်မယ်ဆိုရင် အဲဒီ အရည်အသွေးတွေ ရှိမရှိ ကြည့်ရမယ်တဲ့။

“ပိယော ဂရု ဘာဝနီယော၊ ၀တ္ထာ စ
ဝစနက္ခမော”

(၁) “ပိယော” ချစ်ခင်လေးစားလောက်တဲ့ သီလ၊သမာဓိ၊ပညာ အရည်အသွေးတွေ ရှိရမယ်။

(၂)“ဂရု” လေးစားလောက်တဲ့ ကိုယ်ကျင့်တရား ရှိရမယ်။

(၃) “ဘာဝနီယော” ချီးမွမ်းလောက်တဲ့ ကိုယ်ကျင့် တရား ရှိရမယ်။

သို့မဟုတ် မေတ္တာဘာဝနာ ပွားတဲ့ မေတ္တာစိတ်ဓာတ်ထားတာ ရှိရမယ်။

(၄) “ဝတ္တာ” မကောင်းရင်လည်း
ပွင့်ပွင့်လင်းလင်း ပြောတတ်တယ်ဆုံးမတတ်တယ်။အကြံပေး တတ်တဲ့ပုဂ္ဂိုလ် ဖြစ်ရမယ်။

(၅) “ဝစနက္ခမော” အပြစ်တွေ့လို့ သူ့ကို သတိပေး ပြောကြားရင်လည်း လက်ခံတဲ့ပုဂ္ဂိုလ် ဖြစ်ရ မယ်။

တချို့က သူများကိုတော့ ကိုယ်ကဆုံးမတတ် တယ်။

ကိုယ့်ကို ဆုံးမရင်တော့ ဘာပြောလဲ၊ “လျှာ မရှည်နဲ့တဲ့' ဟုတ်လား။

ကိုယ့်ကို လာပြောရင် မကြိုက်တဲ့လူက ပိုများတယ်နော်။

အဲဒါမျိုး မဖြစ် စေရဘူးတဲ့။

"ဝတ္တာ” ကိုယ်ကလည်း ဆုံးမတတ်ရမယ်။

“ဝစနက္ခမော” သူက ပြောလို့ရှိရင်လည်း လက်ခံရ မယ်။

အဲဒီအချက်က အင်မတန်ခက်တယ်။ ဘာဖြစ်လို့ ခက်တာတုန်းဆိုရင် လူတွေမှာ မာန ရှိတယ်။

မာနရှိသည့်အတွက်ကြောင့် ကိုယ့်ထက် ငယ်တဲ့ပုဂ္ဂိုလ်ကပြောရင် လက်မခံဘူး။ ကိုယ့် အောက်လူကပြောရင် ရန်သူပဲ။

#ပါချုပ်ဆရာတော်
#ဒေါက်တာနန္ဒမာလာဘိဝံသ
#မဟာဇနကဇာတ်

#ပါချုပ်ဆရာတော်
#ဒေါက်တာနန္ဒမာလာဘိဝံသ
#လောကသားတို့အတွက်မြတ်ဗုဒ္ဓ၏ကြိုးပမ်းချက်

#ပါချုပ်ဆရာတော်
#ဒေါက်တာနန္ဒမာလာဘိဝံသ
#ပြာသိုလပြည့်အမေနေ့