HomeTone Blueprint - Home Based Fitness

Body Transformation မှာ ရလဒ်ကို ဦးတည်ပြီး ကြိုးစားတဲ့အခါ ဘာကြောင့် လက်လျှော့သွားကြတာလဲ ဆိုတော့ ရလဒ်တွေက သက်တမ်းကုန်ဆုံးတတ်တာရယ် ဘဝမှာ အနှောင့်အယှက်တွေ ဝင်လာတတ်တာရယ်ကြောင့် ပါ။

လူအုပ်ကြီးက "ဝိတ်ကျချင်တယ်" ဆိုတဲ့ ရလဒ်တစ်ခုတည်းကိုပဲ ကြည့်ပြီး စိတ်အားထက်သန်မှု (Motivation) ကို အားကိုးကြတယ်။

ဒါပေမယ့် Motivation ဆိုတာ စိတ်ခံစားချက် တစ်ခုပဲ ဖြစ်တာကြောင့် စိတ်ညစ်စရာ ကြုံလာတဲ့အခါ အလွယ်တကူ လက်လျှော့မိသွားတတ်ပါတယ်။

တကယ့်ရေရှည်ခံတဲ့ ပြောင်းလဲခြင်းဆိုတာ "Behavior follows identity, not motivation" ဆိုတဲ့အတိုင်း အပြုအမူတွေက စိတ်အားထက်သန်မှုနောက်ကို မလိုက်ဘဲ အတွင်းစိတ်ခံယူချက် နောက်ကိုပဲ လိုက်တာကြောင့်ပါ။

"ငါ ဝိတ်ကျဖို့ လေ့ကျင့်ခန်းလုပ်တယ်" (ရလဒ်ကိုပဲ ကြည့်တဲ့အတွက် ခဏပဲ ခံမယ်)။

"ငါက ကိုယ့်ခန္ဓာကိုယ်ကို တန်ဖိုးထားပြီး ဂရုစိုက်တာကြောင့် လေ့ကျင့်ခန်းလုပ်တယ်" (အတွင်းစိတ် Identity ကို ပြောင်းလဲလိုက်တာ)။

ခင်ဗျားရဲ့ အတွင်းစိတ်ခံယူချက် (Identity) ကို Version 2.0 အဖြစ် Upgrade လုပ်လိုက်တဲ့အခါ အတင်းအကျပ် ကြိုးစားရတဲ့ စည်းကမ်း (Discipline) ဆိုတာတောင် အပိုဖြစ်သွားပြီးတော့ နေ့စဉ် အပြုအမူတွေက သဘာဝအတိုင်း အလိုအလျောက် ဖြစ်ပေါ်လာတာမျိုးပါ။

ရလဒ်တွေက ယာယီပဲခံပြီး ပျောက်ကွယ်သွားနိုင်ပေမယ့် ခင်ဗျား ဘယ်လိုလူလဲဆိုတဲ့ Identity ကတော့ ဘဝတစ်သက်တာလုံး ရေရှည်တည်တံ့နေမှာ ဖြစ်ပါတယ်။

ဒီခရီးစဉ်ဟာ ဝိတ်ချဖို့သက်သက်မဟုတ်ဘဲ ကိုယ့်ကိုယ်ကိုယ် ပြန်လည်လေးစားရတဲ့ လူတစ်ယောက်အဖြစ် ပြောင်းလဲတည်ဆောက်ယူခြင်း သာ ဖြစ်ပါတယ်။

ဘာလို့ ဒီလို အမြဲဖြစ်နေရတာလဲ?

ဒီလိုဖြစ်တာ ခင်ဗျား ပျင်းလို့ မဟုတ်ဘူး။

ပြောရရင် "Survival Mode" နဲ့ "Identity" ကြားက လွန်ဆွဲမှုကြောင့် ဖြစ်နေတာ။

၁။ Willpower (စိတ်စွမ်းအင်) ခမ်းခြောက်သွားခြင်း

မနက်ပိုင်းမှာ ခင်ဗျား ဦးနှောက်က အားအပြည့် (100% Battery) ရှိနေတယ်။

ဒါပေမယ့် တစ်နေ့ကုန် အလုပ်တွေလုပ်၊ ပြဿနာတွေရှင်း၊ ဆုံးဖြတ်ချက်ပေါင်းများစွာ ချရတဲ့အခါ ညနေ ၆ နာရီလည်းရောက်ရော Willpower Battery က (1%) ပဲ ကျန်တော့တယ်။

အဲဒီအချိန်မှာ ခင်ဗျား ခန္ဓာကိုယ်က အလွယ်ကူဆုံးနဲ့ သက်တောင့်သက်သာအရှိဆုံး အရာ (ဆိုဖာပေါ်လှဲနေခြင်း) ကိုပဲ တောင်းဆိုတော့တယ်။

ဒါသည် ဦးနှောက်က ခင်ဗျားကို အားပြန်ဖြည့်ဖို့ Survival Mode (အသက်ရှင်သန်ရေးမုဒ်) ပြောင်းလိုက်တာပါ။

၂။ Identity (ကိုယ်ရည်ကိုယ်သွေး) အစစ်အမှန် မပြောင်းလဲသေးခြင်း

လူအုပ်ကြီးက "ငါ ဝိတ်ချရမယ်"၊ "Workout လုပ်ရမယ်" ဆိုတဲ့ အတင်းအကျပ် တွန်းအားတွေနဲ့ စတင်ကြတယ်။

ဒါပေမယ့် ခင်ဗျားရဲ့ အတွင်းစိတ်အခံ (Identity) ထဲမှာကျတော့ "ငါက အမြဲတမ်း ပင်ပန်းလွယ်တဲ့ သာမန်ရုံးသမားတစ်ယောက်" လို့ပဲ ခံယူထားရင် ခင်ဗျားခန္ဓာကိုယ်က ညနေရောက်တိုင်း အဲ့ဒီအတိုင်းပဲ ဆက်လက်တုံ့ပြန်နေမှာပါ။

တကယ့်ပြောင်းလဲခြင်းဆိုတာ "ငါက ခန္ဓာကိုယ်နဲ့ ကျန်းမာရေးကို ဂရုစိုက်တဲ့သူ" ဆိုတဲ့ Identity အသစ်ကို တည်ဆောက်ခြင်း (Identity Shift) ကနေ စတင်ပါတယ်။

ကျန်းမာရေးကို ဂရုစိုက်တဲ့သူတစ်ယောက်က ပင်ပန်းနေရင်တောင် ဆိုဖာပေါ်တန်းမလှဲဘဲ အနည်းဆုံးတော့ ကိုယ်လက်လှုပ်ရှားမှုလေး တစ်ခုခု လုပ်ဖြစ်ကြပါတယ်။

ဘယ်လို ကျော်ဖြတ်မလဲ?

ညနေဘက်ကြီး Motivation ကို လုံးဝ အားမကိုးပါနဲ့။

ပင်ပန်းနေတဲ့ အချိန်မှာ ၁ နာရီတိတိ Workout လုပ်ဖို့ ကိုယ့်ကိုယ်ကိုဖိအားပေးမယ့် အစား "ငါက ကျန်းမာရေးလိုက်စားတဲ့သူဆိုတော့ ၅ မိနစ်လောက်တော့ လမ်းလျှောက်မယ်၊ ၁၀ မိနစ်လောက် အကြောလျှော့မယ်" လို့ပဲ ပေါ့ပေါ့ပါးပါး တွေးပါ။

ရုံးဆင်းလို့အိမ်ပြန်ရောက်တာနဲ့ ဆိုဖာကို ကျော်ပြီး အားကစားဝတ်စုံ တန်းလဲပါ။

ခင်ဗျားရဲ့ Identity အသစ်ကို သေးငယ်တဲ့ အလေ့အကျင့်လေးတွေနဲ့ စတင်ချေဖျက်ပြီး Survival Mode ကို အနိုင်ယူလိုက်ပါ! 🔥

ရုံးသမားတွေအနေနဲ့ တစ်နေ့လုံး Meeting တွေထိုင်၊ စာရင်းတွေလုပ်၊ ခေါင်းတွေပူပြီး အလုပ်လုပ်ရတဲ့အခါ Energy (စွမ်းအင်) တွေ ကုန်ခမ်းတာ လုံးဝမဆန်းပါဘူး။ အမြဲတမ်း ပင်ပန်းနေတဲ့ ပြဿနာကို ဖြေရှင်းဖို့ဆိုရင် ကျွန်တော်တို့ ခန္ဓာကိုယ်ကြီးက Energy ကို ဘယ်လို စီမံခန့်ခွဲလဲဆိုတာ အရင်ဆုံး နားလည်ဖို့ လိုပါတယ်။

ဒီနေရာမှာ Metabolism ဆိုတဲ့ ဇီဝကမ္မဖြစ်စဉ် အကြောင်းကို နားလည်ရခက်တဲ့ စကားလုံးတွေ ခဏဖယ်ထုတ်ပြီး အလွယ်ကူဆုံး ဥပမာလေးနဲ့ ရှင်းပြပေးမယ်။

အလွယ်ဆုံးပြောရရင် ဇီဝကမ္မဖြစ်စဉ် (Metabolism) ဆိုတာ ခင်ဗျားတို့ ကျွန်တော်တို့ ခန္ဓာကိုယ်ရဲ့ "ဝင်ငွေနဲ့ ထွက်ငွေကို စီမံခန့်ခွဲတဲ့ ဘဏ်အကောင့်စနစ်" နဲ့ ဥပမာပေးချင်တယ်။ အဲဒီစနစ်မှာ အဓိကအားဖြင့် အပိုင်း (၂) ပိုင်း ပါဝင်ပါတယ်။

📉 Catabolism (Energy ရရှိဖို့အတွက် စားထားတဲ့အာဟာရတွေကို ဖြိုခွဲတဲ့ဖြစ်စဉ်): ဒါကတော့ "ပိုက်ဆံ ထုတ်သုံးတာ" နဲ့ တူပါတယ်။ ရုံးမှာ အလုပ်လုပ်ဖို့၊ အာရုံစိုက်ဖို့၊ သွားလာလှုပ်ရှားဖို့၊ လေ့ကျင့်ခန်းလုပ်ဖို့ အစရှိတဲ့ နေ့စဉ်လှုပ်ရှားမှုတွေအတွက် ခင်ဗျားစားထားတဲ့ အစားအစာတွေကို ခန္ဓာကိုယ်ကနေ ဖြိုခွဲပြီး Energy အဖြစ် ပြောင်းလဲပေးတဲ့ ဖြစ်စဉ်ပါ။ မနက် ၉ ကနေ ညနေ ၆ နာရီအထိ ရုံးမှာ အလုပ်လုပ်နေချိန်ဆိုတာ ခင်ဗျားခန္ဓာကိုယ်က Energy ဆိုတဲ့ ပိုက်ဆံတွေကို အဆက်မပြတ် ထုတ်သုံးနေတဲ့ အချိန်ပါပဲ။

📈 Anabolism (ခန္ဓာကိုယ်ပြန်လည်ပြုပြင်တည်ဆောက်တဲ့ဖြစ်စဉ်): ဒါကတော့ "လစာပြန်ဝင်တာ ဒါမှမဟုတ် ပိုက်ဆံပြန်စုတဲ့ (Income/Saving)" သဘောပါ။ တစ်နေ့လုံး အလုပ်လုပ်လို့ ပျက်စီးသွားတဲ့ ဆဲလ်တွေ၊ ကုန်ခမ်းသွားတဲ့ Energy တွေ လေ့ကျင့်ခန်းကြောင့်ပျက်စီးသွားတဲ့ Muscle Fibers တွေကို အာဟာရပြည့်ဝတဲ့ အစားအစာတွေစားတာ၊ ကောင်းကောင်း အိပ်စက်အနားယူတာတွေကနေတစ်ဆင့် ခန္ဓာကိုယ်ကို ပြန်လည်အားဖြည့် တည်ဆောက်ပေးတဲ့ ဖြစ်စဉ်ပါ။

၉-၆ ရုံးသမားတွေ ဘာလို့ အမြဲ Energy ကုန်နေရတာလဲ? 🤷‍♂️

အကြောင်းရင်းက ရှင်းပါတယ်။ ရုံးသမားအများစုဟာ တစ်နေ့လုံး Energy တွေ အများကြီး ထုတ်သုံးလိုက်ရတယ် (Catabolism အမြဲလုပ်နေတယ်)။ ဒါပေမယ့် အလုပ်များလို့ အစာစားချိန်မမှန်တာ၊ အာဟာရရှိတာတွေ သေချာရွေးမစားဖြစ်တာနဲ့ စိတ်ဖိစီးမှုတွေကြောင့်အိပ်ရေးပျက်တာတွေနဲ့ ရောယှက်ပြီး ခန္ဓာကိုယ်ကို ပြန်လည်တည်ဆောက်ဖို့ (Anabolism) ကို လုံးဝ မျက်ကွယ်ပြုထားကြတာပါ။

စဉ်းစားကြည့်ပါ... ခင်ဗျားရဲ့ ဘဏ်အကောင့်ထဲကနေ ပိုက်ဆံတွေကို နေ့တိုင်း ထုတ်သုံးနေပြီး၊ ပြန်မသွင်းဘူး ပြန်မစုဆောင်းဘူး ဆိုရင် ကြာလာတဲ့အခါ ဘဏ်အကောင့်ထဲမှာဘာကျန်တော့မှာတုန်း။ ခန္ဓာကိုယ်ကလည်း ဒီသဘောတရားပါပဲ။ Energy တွေကို ထုတ်သုံးနေပြီး အာဟာရနဲ့ အနားယူခြင်းဆိုတဲ့ အရင်းအမြစ်တွေ ပြန်မဖြည့်ပေးတဲ့အခါ လူက အမြဲတမ်း နုံးခွေပြီး ဘာလုပ်လုပ် မလန်းမဆန်း ဖြစ်နေတော့တာပါ။ အာဟာရမရှိဘဲ Calories များနေတဲ့ ပေါက်ကရတွေစားပြီး စကားကပ်ပြောဖို့ မစဥ်းစားပါနဲ့။ ဒေါ်လာ ၁၀၀ သုံးပြီး မြန်မာကျပ်ငွေ ၁၀၀ ပြန်ဖြည့်ချင်တာလား။

ခင်ဗျားက ကိုယ့်ရဲ့ အလုပ်အကိုင်၊ ကိုယ့်ရဲ့ Career ကို တန်ဖိုးထားတဲ့ Professional တစ်ယောက်ဖြစ်တယ် ဆိုရင်၊ ခင်ဗျားခန္ဓာကိုယ်ကလည်း ခင်ဗျားအတွက် အရေးအကြီးဆုံး ပိုင်ဆိုင်မှု တစ်ခုပါ။ ကျန်းမာသန်စွမ်းနေဖို့လိုပါတယ်။ ဒါမှလဲ ခင်ဗျား တန်ဖိုးထားတာတွေက ခင်ဗျားဆီမှာမြဲနေမှာပါ။

ကဲ မိတ်ဆွေ!

မနက်ဖြန်ကစပြီး Energy တွေ ထုတ်သုံးသလို (Catabolism)၊ ကိုယ့်ခန္ဓာကိုယ်ကို ပြန်လည်တည်ဆောက်ဖို့အတွက် (Anabolism) အချိန်ပေးပါ။ အလုပ်လုပ်နေရင်း ရေသောက်ဖို့ မမေ့ပါနဲ့။

အာဟာရပြည့်ဝတဲ့ အစားအစာလေးတွေ ရွေးချယ်စားသုံးပါ။ ပြီးတော့ ညဘက်မှာ Phone သုံးတာလျှော့ပြီး အိပ်ရေးဝဝ အိပ်ပါ။ ဒါဆိုရင်တော့ ရုံးဆင်းချိန်မှာတောင် Energy တွေ အပြည့်နဲ့ လန်းဆန်းနေတဲ့ ခင်ဗျားကိုယ်ခင်ဗျား ပြန်လည်ရှာတွေ့လာမှာ အသေအချာပါပဲ။

ဒီနေ့အတွက် ခင်ဗျားခန္ဓာကိုယ် ဘဏ်အကောင့်ထဲကို အာဟာရနဲ့ အနားယူခြင်းဆိုတဲ့ "Deposit" ပြန်သွင်းပေးဖို့ အဆင်သင့်ဖြစ်ပြီလား? ဘယ်လို အလေ့အကျင့်ကောင်းလေးတွေ စလုပ်မယ်လို့ စဉ်းစားထားလဲဆိုတာ Comment မှာ ဝင်ရောက်ဆွေးနွေးပေးသွားပါဦး။ 👇

ညနေ ၆ နာရီ... ကွန်ပျူတာကို ပိတ်၊ ရုံးခန်းထဲက ထွက်လာချိန်မှာ ခင်ဗျားရဲ့ Energy တွေက သုညအောက် ရောက်နေပြီ။

"ဒီနေ့စပြီ ကိုယ့်ကိုယ်ကိုယ် ပြောင်းလဲမယ်၊ လေ့ကျင့်ခန်း လုပ်မယ်" လို့ တွေးလိုက်တာနဲ့ တစ်ပြိုင်နက် နောက်ထပ် အသံတိုးတိုးလေးတစ်ခုက ကပ်ပါလာတယ်—"ဒီနေ့တော့ အရမ်းပျိုင်းနေပြီ၊ မနက်ဖြန်မှပဲ စရင်ကောင်းမလား။"

နောက်ဆုံးတော့ အိမ်ပြန်ရောက်တာနဲ့ အိပ်ရာပေါ် လှဲချပစ်လိုက်ပြီး... "ငါကတော့ အမြဲပျင်းနေတာပဲ၊ စိတ်ဓာတ်မခိုင်မာဘူး (No Willpower)" ဆိုပြီး ကိုယ့်ကိုယ်ကိုယ် အပြစ်တင်စိတ်နဲ့ အိပ်ပျော်သွားပြီး ကုန်သွားပြန်ပြီ တစ်ရက်။

တကယ်တော့ အဲဒါ ခင်ဗျားအပြစ် မဟုတ်ပါဘူး။

ခင်ဗျားမှာ Willpower မရှိတာ မဟုတ်ဘူး။ ရုံးမှာ တစ်နေ့လုံး အလုပ်တွေလုပ်၊ ဆုံးဖြတ်ချက်တွေ အများကြီး ချခဲ့ရလို့ ညနေပိုင်းမှာ Willpower ကုန်ခမ်းသွားတဲ့ "Decision Fatigue" ကို ကြုံနေရတာပါ။
တကယ်တမ်း ကျန်းမာကြံ့ခိုင်ပြီး နေ့တိုင်း ပုံမှန်လေ့ကျင့်ခန်း လုပ်ဖြစ်နေတဲ့ ၉-၆ ရုံးသမားတွေဟာ "Willpower" ကို ဇွတ်အတင်း ညှစ်ထုတ်သုံးနေကြတာ မဟုတ်ဘူး။ သူတို့က "ပတ်ဝန်းကျင်ကို စနစ်တကျ ဒီဇိုင်းဆွဲထားတာ"။

ညနေခင်းမှာ ပင်ပန်းနေရင်တောင် ဇွတ်အတင်း အားမထုတ်ရဘဲ နေ့တိုင်းပုံမှန် ဖြစ်လာစေမယ့် နည်းလမ်း ၃ ခုကို ပြောင်းလဲကြည့်ပါ။ ခင်ဗျားကိုယ့်ကိုယ်ကို ပြန်အံ့သြသွားလိမ့်မယ်။

၁။ ဆုံးဖြတ်ချက် (Decision) ကို မနက်ကတည်းက ဖြတ်ထားပါ

"ရုံးဆင်းရင် လေ့ကျင့်ခန်း လုပ်မလား၊ နားမလား" ဆိုတဲ့ ဆုံးဖြတ်ချက်ကို ညနေကျမှ မစဉ်းစားပါနဲ့။ ညနေခင်းမှာ မင်းရဲ့ ဦးနှောက်က ပင်ပန်းနေလို့ အလွယ်ဆုံးလမ်း (နားလိုက်ဖို့) ကိုပဲ ရွေးမှာပဲ။ ဒါကြောင့် မနက်ကတည်းက "ငါ ဒီနေ့ အိမ်ရောက်တာနဲ့ Workout လုပ်မယ်" ဆိုတာကို အပြီးသတ် ဆုံးဖြတ်ထားလိုက်ပါ။ ကပ်ပါလာတတ်တဲ့ အသံတိုးတိုးလေးအတွက် ၁၀ မိနစ်ပဲလုပ်မယ်။ ၁၀ မိနစ်ပြည့်လို့မှ မခံနိုင်တော့ရင် နားမယ်ဆိုပြီး သတ်မှတ်ထား။ တစ်ခုတော့ ကတိပေး။ ကိုယ့်ကိုယ်ကို မညှာနဲ့။

၂။ မျက်စိရှေ့မှာ Trigger ပေးထားပါ (Environment Design)

အိမ်ပြန်ရောက်လို့ အိပ်ရာပေါ် အရင်လှဲလိုက်ရင် ခင်ဗျား ရှုံးပြီနော်။ ဒါကြောင့် လေ့ကျင့်ခန်းလုပ်မယ့် ဝတ်စုံနဲ့ ဖျာ (Mat) ကို အိမ်ပြန်လာရင် မျက်စိထဲ ကွင်းကွင်းကွက်ကွက် မြင်သာတဲ့နေရာမှာ ကြိုတင်ချထားပါ။ မြင်လိုက်တာနဲ့ လုပ်ရမယ်ဆိုတဲ့ Trigger က ဦးနှောက်ကို ဇွတ်တွန်းစရာမလိုဘဲ အဝတ်အစားလဲပြီး အလိုအလျောက် လှုပ်ရှားလာစေပါလိမ့်မယ်။

၃။ ပွတ်တိုက်မှု အတားအဆီးတွေကို လျှော့ချပါ (Reduce Friction)

ပင်ပန်းနေတဲ့အချိန်မှာ ကားပိတ်ခံပြီး ဂျင်မ်အထိ သွားရတာက အကြီးမားဆုံး အတားအဆီးပါ။ ညနေခင်းမှာ "ပြီးပြည့်စုံတဲ့ Workout" ဖြစ်ဖို့ မလိုပါဘူး။ မိမိအိမ်မှာတင် ၁၅ မိနစ် သို့မဟုတ် မိနစ် ၂၀ ပဲ အချိန်ပေးရမယ့် ရိုးရှင်းတဲ့ လေ့ကျင့်ခန်းနဲ့ပဲ အစပြုပါ။

"ပြီးပြည့်စုံဖို့ထက်၊ ပုံမှန်လုပ်ဖြစ်ဖို့ (Consistency)" က ပိုအရေးကြီးပါတယ်။ ခင်ဗျားရဲ့ Fitness Lifestyle က စိတ်ပင်ပန်းရတဲ့ တိုက်ပွဲတစ်ခု မဖြစ်ပါစေနဲ့။

အတင်းတွန်းအားပေးနေရတဲ့ Willpower ထက် စနစ်တကျ ဒီဇိုင်းဆွဲထားတဲ့ ပတ်ဝန်းကျင်ကပဲ ခင်ဗျားကို ရေရှည်မှာ ပိုပြီး အပြောင်းအလဲ ဖြစ်စေပါလိမ့်မယ်။ ဒီနေ့ညနေ ရုံးဆင်းရင် ဇွတ်အားမထုတ်ဘဲ ခင်ဗျားရဲ့ ပတ်ဝန်းကျင်ကိုပဲ အရင်ဆုံး ပြောင်းလဲကြည့်လိုက်ပါ။

ညနေ ၆ နာရီ ရုံးဆင်းတာနဲ့ တစ်နေကုန် အလုပ်လုပ်ထားလို့ အသားကုန် ပင်ပန်းနှုံးချိပြီး အိမ်ပြန်ရောက်တာနဲ့ အဝတ်အစားတောင် မလဲနိုင်ဘဲ ဆိုဖာပေါ် အိပ်ရာပေါ် ပစ်လှဲချ၊ Zombie လို ပျော့ခွေနေရတဲ့ ညနေခင်းတွေကို ခင်ဗျားမမုန်းသေးဘူးလား ?

အပြင်ပန်းမှာတော့ Projects တွေ လက်အောက်ဝန်ထမ်းတွေကို နိုင်နိုင်နင်းနင်း ကိုင်တွယ်နေတဲ့ ဆရာကြီးပဲ။ ဒါပေမဲ့ ညနေရုံးဆင်းချိန်ရောက်တိုင်း သောက်ဖို့စားဖို့ကလွဲရင် ခန္ဓာကိုယ်က ဘက်ထရီကုန်ပြီ။ "ငါ တစ်နေကုန် အလုပ်လုပ်ထားတာပဲ၊ ပင်ပန်းတာ သဘာဝပါ" ဆိုပြီး ကိုယ့်ကိုယ်ကိုယ် ညာ၊ ဆင်ခြေတွေပေးပြီး Drama ခင်းနေမိတာ မဟုတ်လား။

ဒါပေမဲ့ စဉ်းစားကြည့်ဖူးလား? ခင်ဗျား ဘေးကလူတွေ ပင်ပန်းနွမ်းနယ်ပြီး လက်ကျန် Energy သုည ဖြစ်နေချိန်မှာ...

အချို့သော High-Performance သမားတွေက ညနေ ၆ နာရီမှာ ဂိမ်းထဲက သွေးပြည့်တုံးလေးစားလိုက်သလို Energy တွေ ပြည့်နေရတာလဲ?

လူအုပ်ကြီး အလုပ်မဖြစ်ရတဲ့ အဓိကအကြောင်းရင်းက နေ့လည်ခင်းမှာ ကော်ဖီတွေ၊ Energy Drinks တွေဒလစပ်သောက်ပြီး အလုပ်ဖြစ်သလိုလိုနဲ့ Action Faking လုပ်နေလို့ပါ။ တကယ့် Action Taking သမားတွေကတော့ ညနေ ၆ နာရီမှာ လန်းဆန်းနေဖို့ စွမ်းအင်စနစ် (Energy System) ကို နေ့လည်ကတည်းက ကြိုပြင်ဆင်ထားကြတာပါ။

ခင်ဗျား အနေနဲ့ ညနေရုံးဆင်းအိမ်ရောက်ရင် ဆိုဖာပေါ် ပျော့ခွေမနေဘဲ မိသားစုအတွက် လန်းဆန်းနေချင်တယ်။

အင်္ကျီဝတ်ရင်လည်း ဗိုက်ရှုံ့ထားစရာမလိုဘဲ ရင်အုပ်တောင့်တောင့်နဲ့ ယုံကြည်မှုရှိရှိ ညနေခင်း Lifestyle ကိုပါ အပိုင်စား စီမံနိုင်တဲ့ High-Performance Professional တစ်ယောက် ဖြစ်ချင်တယ်ဆိုရင်…

ညနေကျမှ အားကစားလုပ်ဖို့ Willpower Battery ကို အတင်းညှစ်ထုတ်ပြီး ဖြုန်းနေမယ့်အစား ဒီစနစ်အတိုင်း ပြောင်းလဲလိုက်ပါ။

အစားအသောက်စာရင်းဇယားတွေ၊ လေ့ကျင့်ခန်း Video တွေပဲ ဖုန်းထဲသိမ်းပြီး အချိန်မဖြုန်းပါနဲ့။

နေ့လည်စာ စစားတဲ့အခါ အချိုတွေ၊ ကာဗိုဟိုက်ဒရိတ်အကြမ်းတွေ အဝစားပြီး ညနေဘက် လူငိုက်စေမယ့် Sugar Crash အဖြစ်ဆိုးကို ရှောင်ပါ။

ရုံးမှာ အလုပ်လုပ်ရင်း ၁ နာရီထိုင်ပြီးတိုင်း ၅ မိနစ်ပဲဖြစ်ဖြစ် မတ်တပ်ရပ် လမ်းလျှောက်ပြီး ခန္ဓာကိုယ်ကို နှိုးဆော်ပေးပါ။

ရုံးအံဆွဲထဲမှာ အခွံမာသီး (Nuts) သို့မဟုတ် Protein Bar တွေ ကြိုဆောင်ထားပြီး ညနေ ၃ နာရီလောက်မှာ ဗိုက်အရမ်းမဆာအောင် စွမ်းအင်ကို ကြိုထိန်းထားဖို့လိုတယ်။

ညနေ ၆ နာရီမှာ Energy ပြည့်နေဖို့ဆိုတာ တစ်နေ့တည်းနဲ့ အပြင်းအထန် ကြိုးစားရုံနဲ့ မရပါဘူး။ နေ့လည်ခင်းကတည်းက "မလုပ်ဖြစ်တဲ့နေ့" မရှိအောင် စနစ်တကျ စီမံသွားရမှာ ဖြစ်ပါတယ်။

ကိုယ့်ခန္ဓာကိုယ်အတွက် စနစ်တစ်ခု တည်ဆောက်ရတာက ခင်ဗျားနိုင်နိုင်နင်းနင်းကိုင်တွယ်နေတဲ့ ‘မ’ တစ်ထောင်သား တွေ ကို Management လုပ်နေရတာလောက် မခက်ခဲပါဘူး။ ကိုယ့်ကိုယ်ကိုယ် ယုံကြည်စမ်းပါ။

ကဲ မိတ်ဆွေ... ခင်ဗျားက ညနေ ၆ နာရီမှာ ပျော့ခွေနေမယ့်သူလား? ဒါမှမဟုတ် အားအင်အပြည့်နဲ့ ကိုယ့်ဘဝကိုယ် တည်ဆောက်မယ့် Action Taking သမားလား? Comment မှာ ဆွေးနွေးခဲ့ပါဦး။

ရေလုံလောက်အောင် သောက်ဖို့ မမေ့နဲ့။

စားသမျှ အစားအသောက်တိုင်းကို App ထဲ ဒိုင်ခံရိုက်ထည့်၊ ထမင်းစားပွဲရောက်ရင် ကယ်လိုရီ ဘယ်လောက်ရှိမလဲဆိုပြီး ဦးနှောက်ခြောက်အောင် လိုက်တွက်နေရတဲ့ ခင်ဗျားအစား ပင်ပန်းလိုက်တာဗျာ။

အပြင်စာ တစ်ခါစားတိုင်း၊ သူငယ်ချင်းတွေနဲ့ ဆိုင်ထိုင်တိုင်း ဖုန်းထုတ်ပြီး ကယ်လိုရီစာရင်း လိုက်စစ်နေရတာ ခင်ဗျား မပင်ပန်းဘူးလား။ "ငါ ဝိတ်ချဖို့ စနစ်တကျ ကြိုးစားနေတာကွ" ဆိုပြီး ကိုယ့်ကိုယ်ကိုယ် ညာ၊ ဆင်ခြေတွေပေး နေပေမယ့်... တကယ်တမ်း ခင်ဗျားဟာ ကယ်လိုရီ နံပါတ်တွေရဲ့ ကျွန် ဖြစ်နေတာပါ။

လူအများစု အလုပ်မဖြစ်ရတဲ့ အဓိကအကြောင်းရင်းက Action Faking လုပ်နေလို့ပါ။ ကယ်လိုရီတွက်တဲ့ App တွေ တစ်ပုံကြီး ဒေါင်းတယ်၊ Fitness ဗီဒီယိုတွေ နေ့တိုင်း လိုက်ကြည့်တယ်။

ဒါပေမဲ့ တကယ်တမ်းကျ ရုံးအံဆွဲထဲမှာ ဆာရင်စားဖို့ Protein Snack တစ်ခုတောင် အဆင်သင့် မရှိဘူး။ အဲဒါ တကယ်ကြိုးစားနေသလိုနဲ့ ကိုယ့်ကိုယ်ကိုယ် လှည့်စားနေတဲ့ Action Faking ပဲ။ တကယ့် Action Taking သမားကတော့ ခေါင်းရှုပ်ခံ စာရင်းတွက်မနေဘူး။

သူတို့က စားသောက်မှု ပတ်ဝန်းကျင် (Eating System) ကို ကြိုပြင်ဆင်တယ်၊ အာဟာရပြည့်တာကို ရွေးစားပြီး လက်တွေ့ လှုပ်ရှားမှုဆီ တန်းသွားတာပါ။

အစားအသောက်တစ်ခု စားတိုင်း ဂဏန်းတွေကို တွက်ချက်မနေချင်ဘူး။

အင်္ကျီ အဝတ်အစား ဝတ်ရင်လဲ ဗိုက်ရှုံ့ထားစရာမလိုဘဲ ရင်အုပ်တောင့်တောင့်နဲ့ Meeting Room ထဲ ယုံကြည်မှုရှိနေချင်တယ်။

ညနေ အလုပ်ကပြန်လာရင် ဆိုဖာပေါ် အိပ်ရာပေါ်ပျော့ခွေမနေဘဲ မိသားစုအတွက် လန်းဆန်းနေချင်တယ်။

အလုပ်မှာလည်း ဆရာကြီး ဖြစ်သလို၊ ခန္ဓာကိုယ်နဲ့ပတ်သတ်ပြီးတော့လဲ စည်းကမ်းကောင်းတဲ့သူတစ်ယောက် ဖြစ်ချင်တယ်ဆိုရင်?

ကယ်လိုရီတွက်ပြီး Willpower Battery ကိုဖြုန်းနေမယ့်အစား Lifestyle နဲ့ ခန္ဓာကိုယ်ကို စနစ်တကျ တည်ဆောက်ပေးနိုင်မယ့် ဆောင်ရန်၊ ရှောင်ရန်တွေကို သေသေချာချာ သိထားဖို့လိုတယ်။

စာရင်းဇယားတွေ၊ ဗီဒီယိုတွေပဲ ထိုင်ကြည့်ပြီး အချိန်မဖြုန်းပါနဲ့။ လေ့လာရုံသက်သက် လေ့ကျင့်ခန်း Video တွေ ဖုန်းထဲ သိမ်းထားရုံသက်သက်နဲ့က ခန္ဓာကိုယ်ကို ပြောင်းလဲလို့မရပါဘူး။

ကယ်လိုရီ ကိန်းဂဏန်းတွေထက် အစားအသောက်ရဲ့ အရည်အသွေး (ဥပမာ- Protein နဲ့ အမျှင်ဓာတ်) ကို ဦးစားပေးတဲ့ Eating System ကို ပြောင်းလဲဖို့လိုတယ်။

ရုံးအံဆွဲထဲမှာ အခွံမာသီး (Nuts) သို့မဟုတ် Protein Bar တွေ ကြိုဆောင်ထားပြီး ဗိုက်အရမ်းမဆာအောင် ကြိုထိန်းပါ။ ၁ နာရီထိုင်ပြီးတိုင်း ၅ မိနစ်ပဲဖြစ်ဖြစ် လက်တွေ့ လှုပ်ရှားလိုက်။

ခန္ဓာကိုယ် ပြောင်းလဲဖို့ဆိုတာ တစ်နေ့တည်းနဲ့ အပြင်းအထန် စာရင်းတွက်ရုံနဲ့ မရပါဘူး။ တစ်ခါတွက်ပြီးမှတ်ထား "မလုပ်ဖြစ်တဲ့နေ့" မရှိအောင် စနစ်တကျ ထိန်းသိမ်းသွားရမှာ။

ကိုယ့်ခန္ဓာကိုယ်အတွက် စနစ်တစ်ခု တည်ဆောက်ရတာ ခင်ဗျားလုပ်နေရတဲ့ Projects တွေလောက် မခက်ခဲပါဘူး။

ကဲ မိတ်ဆွေ... ခင်ဗျားက App ထဲမှာပဲ အချိန်ဖြုန်းမယ့် Action Faking သမားလား? ဒါမှမဟုတ် ခန္ဓာကိုယ်ကို စနစ်တကျ တည်ဆောက်မယ့် Action Taking သမားလား? Comment မှာ ဆွေးနွေးခဲ့ပါဦး။
ရေလုံလောက်အောင် သောက်ဖို့ မမေ့နဲ့။