လက်ဝှေ့၊မွေထိုင်း၊MMA စတဲ့အကြောင်းအရာမျိုးစုံကို ပုံမှန်တင်ဆက်ပေးနေပါတယ်ဗျ💪✌️
16/05/2026
မွေးရပ်မြေကိုပြန်ပြီး အနားယူတော့မယ့် မာလီခင်
"ကျွန်တော် ဒီမှာနေလာတာ ခြောက်နှစ်ရှိပါပြီ။ ဒီကလူတွေက ကျွန်တော့်ဘဝကို ပြောင်းလဲပေးခဲ့ပါတယ်။
ဒါပါပဲ၊ ကျွန်တော် အော်လ်တိုင်း (Altai) ဒေသကိုပြန်ပြီး ကျွန်တော့်ရဲ့ နွားတွေ၊ ခွေးတွေကိုဂရုစိုက်ရင်းနဲ့ပဲ ပျော်ပျော်ကြီးနေသွားပါတော့မယ်။ သွေးထွက်သံယိုဖြစ်ရတာတွေနဲ့ အိမ်နဲ့ဝေးရာမှာ နေရတာတွေကို ကျွန်တော် ပင်ပန်းငြီးငွေ့နေပါပြီ။"
မာလီခင် 🗣️
#မာလီခင်
16/05/2026
"ဒါဟာ ကျွန်တော်တို့ အားကစားရဲ့ အနှစ်သာရ မဟုတ်ပါဘူး။ ကျွန်တော် ကြမ်းပြင်ပေါ် လဲကျနေတာကို ခင်ဗျားတို့ မြင်တဲ့အတိုင်းပါပဲ၊ ဒါပေမယ့် တာဝန်ရှိသူတွေက ဒီလူတွေကို ကျွန်တော့်အပေါ် ခုန်အုပ်ခွင့် ပြုထားတယ်။
အကယ်၍ Tiger Muay Thai က ဒီလူတွေထဲက ဘယ်သူ့ကိုမဆို ONE ပြိုင်ပွဲကွင်းထဲကို နောက်တစ်ကြိမ် ခြေချခွင့်ပြုခဲ့မယ်ဆိုရင်တော့ ကျွန်တော် တော်ပါပြီ။ ဒီမှာ ဘယ်တော့မှ ထပ်ပြီး ထိုးသတ်တော့မှာ မဟုတ်ပါဘူး။"
အူမာကိန်း ( ရုရု ) 🗣️
16/05/2026
ဒီနှစ်ယောက်တွေ့ရင် ဘယ်သူနိုင်မလဲ?
အော်တီကော့ကတော့ ဒီမနက်မှာပဲ ဂျော်ဒန်အက်စတူပီနန်ကို ဒုတိယအချီမှာတင် ဒိုင်ပွဲရပ်နဲ့ အနိုင်ယူပြပြီး
အီမန်ဂါဇာလီယပ်ကိုပါ စိန်ခေါ်သွားခဲ့ပါတယ်။ ဒီဖိုက်တာနှစ်ယောက်လုံးက ရှုံးပွဲမရှိကြသေးတာမို့ တွေ့ဖြစ်ရင် တစ်ယောက်တော့ ဘဲဉကွဲတော့မှာပါ။ ရော့ထန်ကလည်း ဝမ်းမှာဆက်ရှိမရှိ မသေချာသေးတာဆိုတော့ အခုအချိန်မှာ အော်တီကော့ နဲ့ အီမန်ဂါဇာလီယပ်တို့ကို ဖလိုင်းဝိတ်တန်း မွေထိုင်းချန်ပီယံခါးပတ်လုပွဲတည်ပေးတာက အကောင်းဆုံးဖြစ်မှာပါ။ တွေ့ဖြစ်ရင်တော့ ကြည့်ကောင်းမယ့်ပွဲတစ်ပွဲဖြစ်လာမှာပါ။ ဘော်ဒါတို့ရောဘယ်လိုထင်ကြလဲ။
15/05/2026
တစ်ပွဲလုံး ဒေါင့်ကိုပဲ ကပ်နေတဲ့ ရုရုကို စတုတ္ထ အချီမှာ မာလီခင် တီးထုတ်ပေးလိုက်ပါပြီ။ ရှေ့အချီ သုံးချီလုံးမှာ ဟဲဗီးဝိတ်ချန်ပီယံခါးပတ်လုပွဲလို့ကို မထင်ရလောက်အောင် ပျင်းစရာကောင်းနေခဲ့ရတာပါ။ ရုရုကလည်း ဒေါင့်မှာပဲနေတယ်။ မာလီခင်က ကွင်းလယ်ကိုခေါ်ပေမယ့် ရုရုက မလာရဲဘူး။ နောက်ဆုံး ဒိုင်ကပါ အကြိမ်ကြိမ်သတိပေးရတဲ့အထိပါပဲ။ လေးချီမြှောက်မှာတော့ ဒေါင့်ကပ်နေတဲ့ ရုရုကို မာလီခင်က ဘယ်ဝိုက် ညာဝိုက်တွဲလုံးတွေနဲ့အတူ အမှောက်သိပ်ပေးလိုက်ပါတယ်။ ဘောနပ်စ် ဒေါ်လာတစ်သိန်းကိုလည်းရရှိသွားခဲ့ပါတယ်။ ပွဲအပြီးမှာတော့ အသက် ၃၈ နှစ်ရှိပြီဖြစ်တဲ့ မာလီခင်က အနားယူပြီလို့ပါ ကြေငြာသွားပါတယ်။ နောက်ဆုံးပွဲမှာ ဟဲဗီးဝိတ်တန်းချန်ပီယံခါးပတ်ကို ပြန်ရယူသွားနိုင်တဲ့အတွက ဂုဏ်ယူပါတယ် မာလီခင်ရေ
#မာလီခင်
15/05/2026
ရုရု နဲ့ မာလီခင်တို့ပွဲလာနေပါပြီ
15/05/2026
စူပါလက်ကတော့ အမှတ်အဆုံးအဖြတ်နဲ့ ဒိုင်ယာကာယပ်ကို ရှုံးသွားပါပြီ။ ပထမအချီမှာ ဒိုင်ယာကာယပ်ရဲ့ လက်သီးကြောင့် စူပါလက် Knockdown တစ်ကြိမ်ပေးလိုက်ရပြီး အမှတ်စဉ်ရေခံရပါတယ်။ ဒုတိယအချီမှာ စူပါလက်ပြန်သာပါတယ်။ တတိယအချီမှာလည်း စူပါလက် အနေနဲ့ လိုက်ဖိနိုင်ပေမယ့် သက်လုံကျနေတာကြောင့် knockdown ရအောင်မလုပ်နိုင်ပဲ clinch ပိုင်း ဒူးတိုက်ချက်တွေနဲ့သာ အချိန်ကုန်သွားခဲ့ပါတယ်။ စူပါလက်အနေနဲ့ နောက်နှစ်ချီမှာ ပြန်သာပေမယ့် ပထမအချီမှာ အမှတ်စဉ်တစ်ခါရေခံထားရတာကြောင့် split decision နဲ့ရှုံးသွားခဲ့ရပါတယ်။ ဒီပွဲမှာ ဒိုင်ယာကာယပ်က ဝိတ်သာနေတာကြောင့် ပွဲထဲမှာ လူကောင်လည်းကွာတဲ့အပြင် ပါဝါပိုင်းမှာလည်း သိသိသာသာကွာနေတာပါ။ ဒါကြောင့်မို့ စူပါလက်အနေနဲ့ ပထမအချီမှာ လက်သီးချင်းယှဉ်ထိုးမိရာကနေ knockdown တစ်ကြိမ်ပေးလိုက်ရတာပါ။ စူပါလက်အနေနဲ့ နောက်ပွဲတွေကို ဖလိုင်းဝိတ်မှာထိုးတာကသာ သူ့အတွက်ပိုအဆင်ပြေမှာသေချာပါတယ်။
#စူပါလက်
15/05/2026
စူပါလက် ပွဲထွက်လာပါပြီ။ #စူပါလက်
13/05/2026
ပန်တိုဂျာကတော့ ဂျော်ရှုဝါးဗန်နဲ့ပွဲမှာတုန်းက အမြင့်ကန်ချက်ကန်ပြီး အကျမတော်လို့ လက်ဆစ် လွှဲသွားတဲ့အကွက်ကိုပြန်လေ့ကျင့်နေပြီဗျို့။ တော်တော်မှတ်လောက်သားလောက်ရှိသွားတယ်ထင်ပါတယ်ဗျာ။ နောက်တစ်ခါမဖြစ်ရအောင် အခုထဲက ကြိုတင်လေ့ကျင့်နေတာဆိုတော့ သတိကြီးကြီးထားနေတယ်ဆိုတဲ့သဘောပဲဗျ။
#ဂျော်ရှုဝါးဗန်
12/05/2026
ဂျော်ရှုဝါးဗန် ရှုံးမယ်လို့ခန့်မှန်းခဲ့တဲ့ UFc ဖလိုင်းဝိတ်ချန်ပီယံဟောင်း ဟင်နရီဆဲဟူဒိုကို ကာမာရူအူစမန်ကတော့ ဒဲ့ဖဲလိုက်ပါပြီ။ ဖြစ်ပုံကဒီလိုပါ။ ဘာလို့လဲဆိုတော့ ပွဲမတိုင်ခင်တုန်းက ဟင်နရီက တက်ဆူရိုတိုင်ရာက ရှုံးပွဲလည်းမရှိသေးသလို မြေပြင်နပန်းကစားပုံကလည်း ကောင်းလို့ ဒီပွဲကို တိုင်ရာပဲ နိုင်မယ်ဆိုပြီး ယုံကြည်ချက်အပြည့်နဲ့ သုံးသပ်ခဲ့ဖူးတာကိုး ။ ဒါပေမယ့် တကယ်တမ်း ဗန်လည်း နိုင်သွားရော အူစမန်က "မင်း ပွဲမတိုင်ခင်က ဒီလိုပြောခဲ့တာ မဟုတ်ပါဘူးကွာ" ဆိုပြီး ရယ်ပြီးတော့ကို ထောက်ပြတော့တာပဲ ။ ကိုယ်တွေပြောချင်နေခဲ့တဲ့စကားတွေကို အူစမန်ကပြောပေးလိုက်တာဆိုတော့ အားရစရာကြီးဗျာ။အောက်မှာသာ ဖတ်ကြည့်သွားပါတော့။
🗣️ ကာမရူ အူစမန်: ကဲ... ဂျော်ရှုဝါးဗန် အကြောင်းလည်း မပြောလို့မရဘူးလေ ။ တက်ဆူရိုတိုင်ရာကို ၅ ချီမြောက်မှာ TKO နဲ့ အနိုင်ယူပြီး သူ့ရဲ့ ဖလိုင်းဝိတ်ချန်ပီယံခါးပတ်ကို ကာကွယ်သွားတဲ့ပွဲက တကယ့်ကို အမိုက်စားပဲ ။ ဒီပွဲနဲ့ပတ်သက်ပြီး မင်းဘယ်လိုမြင်လဲ၊ ဟင်နရီ ။
🗣️ ဟင်နရီ ဆဲဟူဒို: ဂျော်ရှုဝါးဗန်က တကယ့်ကို အထင်ကြီးစရာပဲကွာ ။ သူက တကယ့်ကို ချန်ပီယံတစ်ယောက်လို အကောင်းဆုံး ထိုးသတ်သွားတာပါ ။ ပြိုင်ဘက်ကို နောက်ဆုတ်သွားအောင် မနားတမ်း ဖိအားပေးကစားနိုင်တဲ့ စွမ်းရည်နဲ့ သူ့ရဲ့ လက်သီးတွဲလုံးတွေက အရမ်းကောင်းတယ် ။ footwork တွေကလည်း မှန်ကန်ပြီးတော့ သူ့ရဲ့ တိကျပြင်းထန်တဲ့ လက်သီးတွဲလုံးတွေက ဗန်ရဲ့ ချန်ပီယံအဆင့်အတန်းကို ပြသနေတာပဲကွာ ။
🗣️ ကာမရူ အူစမန်: နေပါဦး... မင်း ပွဲမတိုင်ခင်တုန်းက ပြောခဲ့တာက ဒီလိုမဟုတ်ပါဘူးကွာ။
🗣️ ဟင်နရီ ဆဲဟူဒို: ဟုတ်ပါတယ် ။ ငါခန့်မှန်းတာ မှားသွားတယ်ဆိုတာကို ပွင့်ပွင့်လင်းလင်း ဝန်ခံပါတယ် ။ တိုင်ရာရဲ့ နပန်းစွမ်းရည်က ဗန်ကို ဒုက္ခပေးနိုင်မယ်လို့ ငါထင်ခဲ့တာ ။ ဒါပေမယ့် တကယ့်လက်တွေ့မှာတော့ ဗန်ဟာ ငါထင်ထားတာထက် အများကြီး ပိုပြီး တည်ငြိမ်နေခဲ့တယ် ။
🗣️ ကာမရူ အူစမန်: ၅ ချီအထိ သွားရတဲ့ ပွဲစဉ်တွေမှာ အရေးအကြီးဆုံးဖြစ်တဲ့ အမောခံနိုင်စွမ်း သက်လုံပိုင်းမှာ ဗန်က အပြတ်အသတ် သာလွန်နေခဲ့တာ ။ အခက်အခဲတွေကြားထဲကနေ စိတ်အေးတည်ငြိမ်စွာ ကစားနိုင်ပြီး အခွင့်အရေးရတာနဲ့ ပြိုင်ဘက်ကို အဆုံးသတ်နိုင်တဲ့ဗန်ရဲ့ ဦးနှောက်သုံး ကစားနိုင်စွမ်း (Fight IQ) ကိုတော့ ငါအထူးချီးကျူးချင်တယ်ကွာ ။
🗣️ ဟင်နရီ ဆဲဟူဒို: အခုဆိုရင် ဂျော်ရှုဝါးဗန်ဟာ ကံကောင်းလို့ နိုင်နေတာ မဟုတ်တော့ပါဘူး ။ ဖလိုင်းဝိတ်တန်းရဲ့ ထိပ်တန်းဖိုက်တာတိုင်းကို ယှဉ်ထိုးနိုင်တဲ့ တကယ့် ချန်ပီယံစစ်စစ် (Legit Champion) ဖြစ်ကြောင်း ငါအတည်ပြုတယ် ။ ဒါ့အပြင် သူ့ရဲ့ တိုက်ခိုက်ရေးစွမ်းရည်ဟာ တစ်ပွဲထက်တစ်ပွဲ ပိုပြီး တိုးတက်လာနေတယ် ။
အင်တာဗျူးအပြည့်အစုံကိုတော့ အူစမန် နဲ့ ဟင်နရီတို့ရဲ့ "
Pound 4 Pound with Kamaru & Henry " ဆိုတဲ့ ယူကျူ့ချန်နယ်မှာ သွားနားထောင်လို့ရပါတယ်။
#ဂျော်ရှုဝါးဗန်
10/05/2026
နောက်ဆုံးအချီမှာ ဂျော်ရှုဝါးဗန် နိုင်သွားပါပြီဗျို့🔥🔥 ချန်ပီယံခါးပတ်ကို ကာကွယ်ပြီး ချန်ပီယံအစစ်အမှန်ဖြစ်ကြောင်းသက်သေပြသွားပါပြီ
#ဂျော်ရှုဝါးဗန်
10/05/2026
ဂျော်ရှုဝါးဗန်ပွဲလာပြီနော်🔥🔥 အားပေးကြစို့
#ဂျော်ရှုဝါးဗန်