12/09/2026
ဆန်းဒါးလန်း Vs အာဆင်နယ် ခန့်မှန်းချက်
--------------------------------------
မီခေးလ် အာတီတာရဲ့ ချန်ပီယံအာဆင်နယ်တို့ ပရီးမီးယားလိဂ်မှာ ၄ ပွဲဆက် အနိုင်ရနိုင်မလား?
ယနေ့ညမှာ ဆန်းဒါးလန်းနဲ့ ရင်ဆိုင်ရမယ့်ပွဲအတွက် ပွဲကြိုသုံးသပ်ချက်နဲ့ ခန့်မှန်းချက်ကို ကြည့်လိုက်ရအောင်။
ဆန်းဒါးလန်း vs အာဆင်နယ် — အဓိကအချက်အလက်များ
• Opta ရဲ့ Supercomputer ခန့်မှန်းချက်အရ အာဆင်နယ်ဟာ ဒီပွဲမှာ အနိုင်ရနိုင်ခြေ 65.1% ရှိပြီး အကြိုက်ဆုံးအသင်းအဖြစ် ရပ်တည်နေပါတယ်။
• ဆန်းဒါးလန်းဟာ အာဆင်နယ်နဲ့ နောက်ဆုံး Premier League တွေ့ဆုံမှု ၂၉ ကြိမ်မှာ တစ်ကြိမ်သာ အနိုင်ရထားပါတယ်။
• အာဆင်နယ်ဟာ Top-flight ရာသီအစ ၄ ပွဲဆက် အနိုင်ရဖို့ သမိုင်းတစ်လျှောက် ၆ ကြိမ်မြောက် ကြိုးစားနေပါတယ်။
• လက်ရှိ ချန်ပီယံအာဆင်နယ်ဟာ ဒီရာသီ Premier League မှာ ရာသီအစကတည်းက အပြည့်အဝ အနိုင်ရလဒ်နဲ့ ဆက်လက်တည်ရှိဖို့ ရည်ရွယ်ထားပါတယ်။
အာဆင်နယ်ဟာ ရာသီအဖွင့်မှာ Coventry City ကို အနိုင်ယူခဲ့ပြီး နောက်ပိုင်း Aston Villa နဲ့ Chelsea တို့ကိုလည်း ခက်ခက်ခဲခဲ ကျော်ဖြတ်ခဲ့ပါတယ်။ အခုတော့ အာတီတာရဲ့အသင်းအနေနဲ့ Premier League ရာသီအစ ၄ ပွဲဆက်အနိုင် ရရှိဖို့ ရည်မှန်းနေပါတယ်။
အာဆင်နယ်ဟာ ရာသီအစ ၄ ပွဲဆက် အနိုင်ရခဲ့တဲ့ နောက်ဆုံးနှစ်ကြိမ်ဖြစ်တဲ့ 2004-05 နဲ့ 2022-23 ရာသီတွေမှာ ဒုတိယနေရာနဲ့သာ ရာသီပြီးဆုံးခဲ့ပါတယ်။ ဒါပေမယ့် အရင် ၃ ကြိမ်ဖြစ်တဲ့ 1930-31၊ 1947-48 နဲ့ 2003-04 ရာသီတွေမှာတော့ အမှန်တကယ် ချန်ပီယံဖြစ်ခဲ့ပါတယ်။
ရာသီအစဖြစ်တာကြောင့် အခုချိန်မှာ စောသေးပေမယ့် အာတီတာရဲ့အသင်းဟာ ရာသီမစခင် ခန့်မှန်းထားခဲ့သလိုပဲ စွမ်းဆောင်ပြနေပါတယ်။ နောက်ဆုံး Chelsea နဲ့ကစားခဲ့တဲ့ပွဲမှာတော့ Morgan Rogers က ပွဲစပြီး ၂ မိနစ်အတွင်း Chelsea အတွက် ဦးဆောင်ဂိုးသွင်းခဲ့တာကြောင့် အာဆင်နယ်အတွက် အခက်တွေ့ခဲ့ပါတယ်။ ဒါပေမယ့် Kai Havertz နဲ့ Martin Ødegaard တို့ရဲ့ဂိုးတွေကြောင့် အာဆင်နယ်က 2-1 နဲ့ ပြန်လည်
အနိုင်ရခဲ့ပါတယ်။
Havertz ဟာ ဒီရာသီ လိဂ် ၃ ပွဲမှာ ၂ ဂိုးသွင်းထားသလို ဘောလုံးမရှိတဲ့အချိန်မှာလည်း အသင်းအတွက် အလုပ်ကြိုးစားပေးနေပါတယ်။ သူဟာ ဒီရာသီ Premier League တိုက်စစ်မှူးတွေထဲမှာ အကွာအဝေးအများဆုံး ပြေးထားသူဖြစ်ပြီး စုစုပေါင်း 32.9 km ပြေးထားပါတယ်။ ထို့အပြင် တိုက်စစ်မှူးတွေထဲမှာ sprint ပြေးမှုအများဆုံးစာရင်းမှာလည်း Fulham ရဲ့ Gonzalo García (52 ကြိမ်) နောက်က 50 ကြိမ် နဲ့ ဒုတိယနေရာမှာ ရှိနေပါတယ်။
Havertz ရဲ့နောက်မှာ ကစားနေတဲ့ Declan Rice ကလည်း ဆက်လက်ခြေစွမ်းပြနေပါတယ်။ Bruno Guimarães ရောက်လာတာကြောင့် အလယ်တန်းမှာ ပြိုင်ဆိုင်မှု ပိုမိုပြင်းထန်လာပေမယ့် Rice ရဲ့ ဖန်တီးနိုင်စွမ်းက ထင်ရှားနေဆဲပါ။ ဒီရာသီ Premier League မှာ နောက်ဆုံးတတိယပိုင်းအတွင်း line-breaking pass ၄၀ ကြိမ် ပြုလုပ်ထားပြီး ကစားသမားအားလုံးထဲမှာ အများဆုံးဖြစ်ပါတယ်။
အာတီတာရဲ့အသင်းမှာ တိုက်စစ်ဖန်တီးနိုင်စွမ်းလည်း ပိုမိုကောင်းမွန်လာပုံရပါတယ်။ Gabriel Martinelli ထွက်ခွာသွားပြီးနောက် Christos Tzolis ကလည်း သူ့ရဲ့ ပထမဆုံး Premier League assist ကို ရရှိခဲ့ပါတယ်။ Chelsea နဲ့ပွဲမှာ Ødegaard သွင်းယူခဲ့တဲ့ အနိုင်ဂိုးကို Tzolis က ဖန်တီးပေးခဲ့တာဖြစ်ပြီး Havertz ရဲ့ လိမ္မာတဲ့ dummy ကြောင့်လည်း ဂိုးရရှိခဲ့တာပါ။
ဒီရာသီ Open-play chance ဖန်တီးမှုမှာ Chelsea ရဲ့ Rogers (၉ ကြိမ်) ကသာ Tzolis ထက် ပိုများပြီး Tzolis က ၈ ကြိမ် ဖန်တီးထားပါတယ်။
ဒါပေမယ့် အာဆင်နယ်ရဲ့ အဓိကအားသာချက်ဖြစ်တဲ့ ခံစစ်ပိုင်းကတော့ ဆက်လက်ခိုင်မာနေပါတယ်။
ဒီရာသီ Premier League မှာ အာဆင်နယ်ဟာ ပြိုင်ဘက်တွေကို ခွင့်ပြုထားတဲ့ Expected Goals (xG) 0.93 သာရှိပြီး အသင်းအားလုံးထဲမှာ အနည်းဆုံးဖြစ်ပါတယ်။ ပြိုင်ဘက်တွေက အာဆင်နယ်ဘက်ကို ဂိုးပေါက်တည့်ကန်ချက် ၆ ကြိမ် သာ ရရှိထားပါတယ်။ အဲ့ဒီထက်တောင် နည်းအောင် ပြိုင်ဘက်တွေကို ကန့်သတ်ထားနိုင်တဲ့အသင်းကတော့ လာမယ့်ပြိုင်ဘက် ဆန်းဒါးလန်း ဖြစ်ပြီး ဂိုးပေါက်တည့်ကန်ချက် ၅ ကြိမ်သာ ခွင့်ပြုထားပါတယ်။
‼️ Granit Xhaka နဲ့ ပြန်လည်တွေ့ဆုံရမယ့် အာတီတာ
ဒီပွဲမှာ အာတီတာအတွက် ရင်းနှီးတဲ့မျက်နှာတစ်ခုနဲ့ ပြန်တွေ့ရမှာလည်း ဖြစ်ပါတယ်။ အာဆင်နယ်အသင်းခေါင်းဆောင်ဟောင်း Granit Xhaka ဟာ လက်ရှိ ဆန်းဒါးလန်းကစားသမားဖြစ်နေပါတယ်။
Xhaka ဟာ ဒီရာသီ Premier League မှာ ဆန်းဒါးလန်းကစားသမားတွေထဲက—
• Touches — 243
• Chance ဖန်တီးမှု — 7
• Box ထဲကို Pass ပေးမှု — 26
• Fouls ရရှိအောင် လုပ်နိုင်မှု — 8
• Successful passes — 163
စတဲ့ စာရင်းတွေမှာ အသင်းရဲ့ နံပါတ် ၁ ဖြစ်နေပါတယ်။
‼️ ဆန်းဒါးလန်းရဲ့ လက်ရှိခြေစွမ်း
Régis Le Bris ရဲ့ ဆန်းဒါးလန်းအသင်းကလည်း ဒီရာသီအစကို မဆိုးတဲ့ပုံစံနဲ့ စတင်ထားပါတယ်။
Ipswich Town ကို 2-1 နဲ့ ရှုံးနိမ့်ခဲ့ပြီးနောက် ဆန်းဒါးလန်းဟာ Fulham ကို အိမ်ကွင်းမှာ 1-0 နဲ့ အနိုင်ရ ခဲ့ပါတယ်။ နောက်ဆုံး Brentford နဲ့ အဝေးကွင်းမှာတော့ 1-1 သရေ ရရှိခဲ့ပါတယ်။
Brentford နဲ့ပွဲမှာ Enzo Le Fée က နောက်ပိုင်းမိနစ်မှာ ပင်နယ်တီကနေ ဂိုးသွင်းပြီး တစ်မှတ်ရယူပေးခဲ့ပါတယ်။ ဒါပေမယ့် ဒီပွဲအတွက်တော့ ဆန်းဒါးလန်းအနေနဲ့ ကိုယ့်အိမ်ကွင်း Stadium of Light ကို ပြန်ရောက်လာရတာ ကျေနပ်စရာဖြစ်နိုင်ပါတယ်။ အကြောင်းကတော့ အိမ်ကွင်းခြေစွမ်းက တော်တော်ကောင်းနေလို့ပါ။
2025-26 ရာသီမှာ ဆန်းဒါးလန်းဟာ အိမ်ကွင်း Top-flight ပွဲတွေထဲက ၄ ပွဲသာ ရှုံးနိမ့်ခဲ့ပါတယ်။
ဒါ့အပြင် လန်ဒန်အသင်းတွေကို အိမ်ကွင်းမှာ ကစားခဲ့တဲ့ နောက်ဆုံး Premier League ၂ ပွဲစလုံးကို အနိုင်ရထားပါတယ်။ ပြီးခဲ့တဲ့ရာသီ နောက်ဆုံးပွဲမှာ Chelsea ကို အနိုင်ရခဲ့သလို ဒီရာသီ Gameweek 2 မှာ Fulham ကိုလည်း အနိုင်ရခဲ့ပါတယ်။
ဒါပေမယ့် လက်ရှိချန်ပီယံ အာဆင်နယ်ကို ကျော်ဖြတ်ဖို့ကတော့ လွယ်ကူမှာ မဟုတ်ပါဘူး။
ဆန်းဒါးလန်းဟာ Stadium of Light မှာ Premier League ပွဲ ၃ ပွဲဆက်အနိုင်ရခဲ့တာ 2012 ခုနှစ်အစပိုင်းကတည်းက မရှိတော့ပါဘူး။ အဲဒီတုန်းက အနိုင်ရခဲ့တဲ့ ၃ ပွဲစလုံးဟာ Manchester City၊ Swansea နဲ့ Norwich တို့လို City-based အသင်းတွေနဲ့ပဲ ဖြစ်ပါတယ်။
‼️ အသင်းသတင်း
ဆန်းဒါးလန်းဘက်မှာ Habib Diarra က အဓိကကစားသမားတွေထဲက ရေရှည်အနားယူနေရတဲ့ တစ်ဦးတည်းသောကစားသမား ဖြစ်ပါတယ်။ သူဟာ အင်္ဂါနေ့က Hull City ကို 1-0 နဲ့ အနိုင်ရခဲ့တဲ့ League Cup တတိယအဆင့်ပွဲမှာလည်း ပါဝင်နိုင်ခဲ့ခြင်းမရှိပါဘူး။
အာဆင်နယ်ဘက်မှာတော့ အခြေအနေ သိပ်မပြောင်းလဲပါဘူး။ William Saliba က ရေရှည်အနားယူနေရပြီး Cristhian Mosquera နဲ့ Jürrien Timber တို့လည်း ဗုဒ္ဓဟူးနေ့က Napoli ကို 1-0 နဲ့ အနိုင်ရခဲ့တဲ့ Champions League ပွဲမှာ မပါဝင်ခဲ့ကြပါဘူး။
‼️ ဆန်းဒါးလန်း vs အာဆင်နယ် Head-to-Head
သမိုင်းကြောင်းအရတော့ ဆန်းဒါးလန်းအတွက် အားပေးစရာသိပ်မရှိပါဘူး။
Premier League မှာ အာဆင်နယ်နဲ့ နောက်ဆုံးတွေ့ဆုံမှု ၂၉ ကြိမ်အတွင်း ဆန်းဒါးလန်းက တစ်ကြိမ်သာ အနိုင်ရထားပြီး ၁၀ ပွဲသရေ၊ ၁၈ ပွဲရှုံးထားပါတယ်။
အဲဒီတစ်ကြိမ်အနိုင်ရခဲ့တာက 2009 ခုနှစ် နိုဝင်ဘာလ ဖြစ်ပြီး အဲဒီနောက်ပိုင်း အာဆင်နယ်ကို ၁၇ ပွဲဆက် အနိုင်မရသေးပါဘူး။
အာဆင်နယ်ကလည်း ဆန်းဒါးလန်းအိမ်ကွင်းမှာ နောက်ဆုံး လိဂ်ပွဲ ၁၄ ပွဲအတွင်း တစ်ပွဲသာ ရှုံးထားပြီး ၈ ပွဲနိုင်၊ ၅ ပွဲသရေ ရရှိထားပါတယ်။
နောက်ဆုံး ၇ ကြိမ်တွေ့ဆုံမှုထဲက ၅ ကြိမ်မှာလည်း ဆန်းဒါးလန်းအိမ်ကွင်းမှာ အာဆင်နယ်က အနိုင်ရထားပါတယ်။ ဒါပေမယ့် ပြီးခဲ့တဲ့ရာသီ ဒီကွင်းမှာတော့ Brian Brobbey ရဲ့ နောက်ဆုံးမိနစ်အတွင်း လှပတဲ့ acrobatic finish ကြောင့် 2-2 သရေ ဖြစ်ခဲ့ပါတယ်။
ဒါဟာ အာဆင်နယ်အနေနဲ့ လက်ရှိချန်ပီယံအဖြစ် ဆန်းဒါးလန်းနဲ့ ရင်ဆိုင်ရမယ့် ဒုတိယမြောက် Premier League ရာသီ လည်း ဖြစ်ပါတယ်။
2002-03 ရာသီမှာ Arsène Wenger ကိုင်တွယ်ခဲ့တဲ့ အာဆင်နယ်က ဆန်းဒါးလန်းကို အိမ်ကွင်းမှာ 3-1၊ အဝေးကွင်းမှာ 4-0 နဲ့ အနိုင်ရခဲ့ပါတယ်။
ဆန်းဒါးလန်းဟာ အိမ်ကွင်းမှာ Premier League ချန်ပီယံအသင်းတွေကို အနိုင်ယူခဲ့တာ ၄ ကြိမ် ရှိပါတယ်။ Manchester United (1996-97)၊ Manchester City (2012-13)၊ Chelsea (2015-16) နဲ့ Leicester City (2016-17) တို့ကို အနိုင်ယူခဲ့တာပါ။
ဒီတစ်ကြိမ်မှာတော့ ချန်ပီယံအာဆင်နယ်ကို ထပ်ပြီး အနိုင်ယူနိုင်မလားဆိုတာ စောင့်ကြည့်ရမှာပါ။
‼️ ဆန်းဒါးလန်း vs အာဆင်နယ် — ပွဲရလဒ် ခန့်မှန်းချက်
Opta ရဲ့ Supercomputer ကတော့ အာဆင်နယ်ကို အနိုင်ရဖို့ အခွင့်အရေးအများဆုံးအသင်းအဖြစ် သတ်မှတ်ထားပါတယ်။
25,000 ကြိမ် simulation ပြုလုပ်ရာမှာ—
• 🔴 အာဆင်နယ်နိုင် — 65.1%
• ⚫ ဆန်းဒါးလန်းနိုင် — 13%
• 🤝 သရေ — 21.8%
အဆိုပါအချက်အလက်တွေအရ အာဆင်နယ်က အနိုင်ရဖို့ အလားအလာ အများကြီးပိုမြင့်နေပါတယ်။ ဆန်းဒါးလန်းအိမ်ကွင်းမှာ ကစားရမှာဖြစ်လို့ လွယ်ကူတဲ့ပွဲတော့ မဟုတ်နိုင်ပေမယ့် အာဆင်နယ်ရဲ့ လက်ရှိတိုက်စစ်၊ ခံစစ်ပုံစံနဲ့ Head-to-Head မှတ်တမ်းတွေကိုကြည့်ရင် အာဆင်နယ် အနိုင်ရဖို့ သေချာသလောက်ပါ။
Ref: Opta Analyst
‼️ ယွန်းနဲ့လက်တွဲကာ ဝန်ဆောင်မှုကို မြန်မာကျပ်နဲ့သာမကထိုင်းဘတ်နဲ့ပါ ရယူနိုင်ပါတယ်ရှင့်‼️
Viber .... +66950935044
https://t.me/thailandsoccerbyyoon
