Tajikistan National Olympic Committee

Дар шаҳри Турсунзода давраи омӯзишии миллӣ барои маъмурони соҳаи варзиш баргузор гардид

Аз 16 то 18 июли соли 2026 дар шаҳри Турсунзода давраи омӯзишии миллӣ барои маъмурони соҳаи варзиш баргузор гардид.

Дар кори давраи омӯзишӣ Котиби генералии Кумитаи миллии олимпии Тоҷикистон Абдуллозода Муҳаммадшо, Директори генералии Кумитаи миллии олимпии Тоҷикистон Мавзуна Чориева, намояндагони Кумитаи миллии олимпии Тоҷикистон, инчунин Директори Муассисаи давлатии «Маркази зиддидопингӣ» Фарангис Ҷӯраева иштирок намуда, доир ба самтҳои муҳими фаъолияти соҳаи варзиш маърӯзаҳо пешниҳод карданд.

Зимни баргузории омӯзиш Абдуллозода Муҳаммадшо оид ба таърихи Кумитаи байналмилалии олимпӣ, рушди ҳаракати олимпӣ ва таърихи олимпии Ҷумҳурии Тоҷикистон маълумоти муфассал ироа намуд.

Ҳамзамон, Мавзуна Чориева вобаста ба фаъолияти Комиссияи варзишгарони Кумитаи миллии олимпӣ, баланд бардоштани нақши варзишгарон дар рушди ҳаракати олимпӣ ва масъалаҳои баробарии гендерӣ дар соҳаи варзиш суханронӣ кард.

Дар идомаи барнома, Фарангис Ҷӯраева оид ба масъалаҳои пешгирии истифодаи маводи манъшуда (допинг), риояи меъёрҳои байналмилалии зиддидопингӣ ва баланд бардоштани сатҳи огоҳии варзишгарону мураббиён маърӯза намуд.

Ҳадафи асосии баргузории давраи омӯзишӣ баланд бардоштани сатҳи дониш ва малакаи касбии маъмурони соҳаи варзиш, тақвияти фаъолияти онҳо дар самти татбиқи арзишҳои олимпӣ, риояи принсипҳои варзиши пок ва рушди соҳаи варзиш дар мамлакат мебошад.

Дар фарҷоми чорабинӣ иштирокчиён бо сертификати Кумитаи байналмилалии олимпӣ сарфароз гардонида шуданд.

Иштироки Директори генералии Кумитаи миллии олимпии Тоҷикистон дар ҷаласаи роҳбарони дастаҳои Кумитаҳои миллии олимпӣ дар Ар-Риёз

Директори генералии Кумитаи миллии олимпии Тоҷикистон, ҷоизадори Бозиҳои олимпӣ - Мавзуна Чориева аз 6 то 12 июли соли 2026 дар шаҳри Ар-Риёзи Подшоҳии Арабистони Саудӣ дар ҷаласаи роҳбарони дастаҳои кумитаҳои миллии олимпӣ, ки дар доираи омодагӣ ба 6-умин Бозиҳои Осиёии болопӯшида ва ҳунарҳои размӣ – 2026 баргузор мегардад, иштирок намуда истодааст.

Дар ҷараёни ҷаласа роҳбарони дастаҳои кумитаҳои миллии олимпии кишварҳои иштирокчӣ бо барномаи баргузории бозиҳо, омодагии иншооти варзишӣ, масъалаҳои аккредитатсия, ҷойгиркунӣ, нақлиёт, хизматрасонии тиббӣ, амният ва дигар ҷанбаҳои ташкилию техникӣ шинос шуда, масъалаҳои марбут ба иштироки ҳайатҳои варзишӣ ва ҳамоҳангсозии корҳои омодагӣ мавриди баррасӣ қарор медиҳанд.

Иштироки намояндаи Кумитаи миллии олимпии Тоҷикистон дар ин ҷаласа барои омодагии ҳамаҷонибаи ҳайати олимпии кишвар ба 6-умин Бозиҳои Осиёии болопӯшида ва ҳунарҳои размӣ, ки моҳи декабри соли ҷорӣ дар шаҳри Ар-Риёз баргузор мешаванд, аҳамияти муҳим дорад.

Уважаемый Андрей Хакимович!

От имени Национального олимпийского комитета Таджикистана и от себя лично примите самые искренние и сердечные поздравления по случаю Вашего дня рождения!

Ваше имя по праву занимает особое место в истории спорта Таджикистана. Выдающиеся спортивные достижения, олимпийский триумф, высокий профессионализм и многолетнее служение олимпийскому движению снискали Вам заслуженное признание и глубокое уважение спортивного сообщества.

Для многих поколений спортсменов Вы являетесь символом силы духа, целеустремлённости, верности избранному делу и преданности высоким идеалам спорта. Ваш богатый жизненный и профессиональный опыт, мудрость и высокий авторитет продолжают вдохновлять тех, кто посвящает свою жизнь развитию олимпийского движения.

В этот знаменательный день искренне желаю Вам крепкого здоровья, семейного благополучия, счастья, неиссякаемой жизненной энергии, мира, долгих лет активной и плодотворной деятельности, новых успехов и благополучия.

Пусть Ваш жизненный путь и впредь служит примером для молодых поколений спортсменов, а Ваш бесценный опыт способствует дальнейшему развитию спорта, укреплению олимпийских ценностей, взаимопониманию, дружбе и сотрудничеству между народами.

Примите, уважаемый Андрей Хакимович, уверения в моём глубоком уважении и самые добрые пожелания.

С глубоким уважением,

Уполномоченный заместитель Президента Национального олимпийского комитета Таджикистана - Зулфикор Гулахмадзода.

Уважаемый Андрей Хакимович!

От имени Национального олимпийского комитета Таджикистана и от себя лично примите самые искренние и сердечные поздравления по случаю Вашего дня рождения!

Ваше имя по праву занимает особое место в истории спорта Таджикистана. Выдающиеся спортивные достижения, олимпийский триумф, высокий профессионализм и многолетнее служение олимпийскому движению снискали Вам заслуженное признание и глубокое уважение спортивного сообщества.

Для многих поколений спортсменов Вы являетесь символом силы духа, целеустремлённости, верности избранному делу и преданности высоким идеалам спорта. Ваш богатый жизненный и профессиональный опыт, мудрость и высокий авторитет продолжают вдохновлять тех, кто посвящает свою жизнь развитию олимпийского движения.

В этот знаменательный день искренне желаю Вам крепкого здоровья, семейного благополучия, счастья, неиссякаемой жизненной энергии, мира, долгих лет активной и плодотворной деятельности, новых успехов и благополучия.

Пусть Ваш жизненный путь и впредь служит примером для молодых поколений спортсменов, а Ваш бесценный опыт способствует дальнейшему развитию спорта, укреплению олимпийских ценностей, взаимопониманию, дружбе и сотрудничеству между народами.

Примите, уважаемый Андрей Хакимович, уверения в моём глубоком уважении и самые добрые пожелания.

С глубоким уважением,

Уполномоченный заместитель Президента Национального олимпийского комитета Таджикистана

Табрикоти Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Ноиби ваколатдори Президенти Кумитаи миллии олимпии Тоҷикистон - Гулаҳмадзода Зулфиқор Аҳмад бахшида ба Рӯзи Ваҳдати миллӣ ва қабули Қатъномаи Созмони Милали Муттаҳид оид ба “Даҳсолаи байналмилалӣ барои таҳкими сулҳ ба хотири наслҳои оянда”

Ҳамватанони азиз!
Ҷавонону варзишгарони саодатманди кишвар!

Бо камоли эҳтиром ва ифтихори ватандорӣ ҳамаи Шуморо ба муносибати Рӯзи Ваҳдати миллӣ яке аз муҳимтарин, муқаддастарин ва сарнавиштсозтарин санаҳои таърихи навини давлатдории тоҷикон самимона табрику таҳният менамоям.
Рӯзи Ваҳдати миллӣ барои мардуми шарифи Тоҷикистон ҳамчун рамзи сулҳу субот, оромиву осоиштагӣ, сарҷамъиву ҳамдигарфаҳмӣ, муттаҳидӣ ва пирӯзии ақлу хирад бар ҷаҳолату низоъ аҳамияти бузурги сиёсиву таърихӣ дорад. Ин рӯзи муборак таҷассумгари иродаи матини миллати тоҷик, фарҳанги таҳаммулпазирӣ, хиради азалии миллат ва саҳифаи нави эҳёи давлатдории миллӣ мебошад.
Ваҳдати миллӣ барои миллати тоҷик на танҳо як санаи таърихӣ, балки неъмати бебаҳо, дастоварди бузурги сиёсӣ ва асоси пойдории давлату миллат маҳсуб меёбад. Маҳз тавассути сулҳу ваҳдат Тоҷикистон тавонист пояҳои давлатдории навини худро таҳким бахшида, барои рушди устувори иқтисодиву иҷтимоӣ, пешрафти соҳаҳои ҳаётан муҳим ва зиндагии шоистаи мардум заминаи мусоид фароҳам оварад.
Мо бо ҳисси баланди ифтихор таъкид менамоем, ки маҳз бо сиёсати хирадмандона, иродаи қавӣ, ҷасорати сиёсӣ ва талошҳои шабонарӯзии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сулҳу субот дар мамлакат барқарор гардида, хатари парокандагии миллат ва аз байн рафтани давлатдории тоҷикон пешгирӣ карда шуд.
Пешвои муаззами миллат ҳамчун меъмори сулҳу ваҳдати тоҷикон тавонистанд миллати парешонгардидаро сарҷамъ намуда, эътимоди мардумро ба ояндаи давлат барқарор созанд ва барои бунёди ҷомеаи демократӣ, ҳуқуқбунёд ва дунявӣ заминаи воқеӣ гузоранд. Имрӯз натиҷаи ҳамин сиёсати созанда ва бунёдкорона аст, ки Тоҷикистон дар фазои орому осуда зиндагӣ намуда, бо қадамҳои устувор ба сӯи рушду пешрафт ҳаракат мекунад.
Боиси сарфарозӣ ва ифтихори бузург аст, ки имрӯз Ҷумҳурии Тоҷикистон дар арсаи байналмилалӣ ҳамчун кишвари сулҳпарвар, ташаббускор ва ҷонибдори ҳалли масъалаҳои глобалӣ аз роҳи муколама ва ҳамдигарфаҳмӣ эътироф гардидааст. Ташаббусҳои байналмилалии Тоҷикистон дар масъалаҳои вобаста ба обу иқлим, ҷавонон, амният ва таҳкими сулҳ аз ҷониби ҷомеаи ҷаҳонӣ пайваста дастгирӣ ёфта, обрӯву нуфузи байналмилалии кишвари моро боз ҳам таҳким мебахшанд.
Дар ин замина, қабули Қатъномаи Созмони Милали Муттаҳид оид ба “Даҳсолаи байналмилалӣ барои таҳкими сулҳ ба хотири наслҳои оянда”, ки бо ташаббуси Ҷумҳурии Тоҷикистон пешниҳод гардид, рӯйдоди муҳими таърихӣ ва нишонаи возеҳи эътирофи нақши Тоҷикистон дар пешбурди сиёсати сулҳҷӯёна дар сатҳи ҷаҳонӣ мебошад.
Ин ташаббуси арзишманд бори дигар собит месозад, ки Тоҷикистон ҳамчун кишвари сулҳофар ва ҷонибдори таҳкими ҳамгироии башарият дар ҳалли масъалаҳои мубрами ҷаҳонӣ саҳми муассир мегузорад. Қатъномаи мазкур барои таҳкими фарҳанги сулҳ, тарғиби арзишҳои инсондӯстӣ, ҳамдигарфаҳмӣ ва таҳаммулпазирӣ миёни наслҳои оянда аҳамияти бузург дошта, ҷавонони ҷаҳонро ба ҳамгироӣ, дӯстиву рафоқат ва ҳифзи сулҳу субот раҳнамун месозад.
Имрӯз ҷавонони Тоҷикистон ҳамчун нерӯи пешбаранда ва ояндасози ҷомеа дар меҳвари сиёсати давлату Ҳукумат қарор дошта, таҳти таваҷҷуҳу ғамхориҳои доимии Пешвои миллат барои онҳо тамоми шароити мусоиди таҳсил, илмомузӣ, фаъолияти эҷодӣ, соҳибкасбӣ, варзишӣ ва иштироки фаъолона дар ҳаёти ҷомеа фароҳам оварда шудааст.
Ҷавонон ва варзишгарони кишвар бо дарки амиқи масъулияти ватандорӣ ва ифтихор аз давлату миллат имрӯз дар тамоми соҳаҳои ҳаёти ҷамъиятӣ фаъолияти назаррас дошта, дар пешрафти иқтисоду иҷтимоиёт, рушди илму фарҳанг, ҳифзи дастовардҳои истиқлолият ва таҳкими ваҳдати миллӣ саҳми арзишманд мегузоранд.
Мо ифтихор менамоем, ки ҷавонону варзишгарони тоҷик имрӯз дар мусобиқаҳои сатҳи минтақавию байналмилалӣ Парчами давлатии Тоҷикистонро баланд бардошта, обрӯ ва нуфузи Тоҷикистони соҳибистиқлолро дар арсаи ҷаҳон боз ҳам баланд мебардоранд.
Ин дастовардҳо натиҷаи сиёсати ҷавонпарварона ва дастгириҳои пайвастаи давлату Ҳукумати мамлакат мебошад.
Дар шароити ҷаҳонишавӣ ва тағйирёбии босуръати вазъи сиёсии ҷаҳон ҳифзи сулҳу субот, таҳкими ваҳдати миллӣ, эҳтиром ба арзишҳои давлатдорӣ, муқовимат ба ифротгароӣ ва ҳимояи манфиатҳои миллӣ вазифаи муқаддаси ҳар як шаҳрванди ватандӯст, махсусан ҷавонон ба ҳисоб меравад.
Мо бояд ҳамеша шукронаи истиқлолу озодӣ, сулҳу оромӣ ва ваҳдати миллиро намуда, барои ҳифзу таҳкими ин неъматҳои бузург саъю талош намоем. Зеро маҳз ваҳдати миллӣ ва сулҳу субот асоси пойдории давлат, рушди иқтисод, пешрафти ҷомеа ва зиндагии шоистаи мардум мебошад.
Итминони комил дорам, ки ҷавонону варзишгарони сарбаланди кишвар ҳамчун пайравони Пешвои муаззами миллат минбаъд низ бо ҳисси баланди ватандӯстиву худшиносӣ, иродаи қавӣ ва садоқат ба давлату миллат дар татбиқи сиёсати созандаи Ҳукумати Ҷумҳурии Тоҷикистон саҳми арзандаи худро мегузоранд.
Бо истифода аз ин фурсати фараҳбахш ба тамоми мардуми шарифи Тоҷикистон, бахусус ҷавонону варзишгарони кишвар, пеш аз ҳама саломатии бардавом, саодати рӯзгор, рӯҳияи шикастнопазир, иродаи мустаҳкам ва дар роҳи хизмат ба Ватани азиз муваффақияту комёбиҳои нав ба нав орзу менамоям.
Бигзор сулҳу субот, ваҳдати миллӣ ва оромиву осоиштагӣ дар Тоҷикистони азизи мо ҷовидона пойдор бошад!

Рӯзи Ваҳдати миллӣ муборак бод!

ПАЁМИ ТАБРИКОТИИ
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, ноиби ваколатдори Президенти Кумитаи миллии олимпии Тоҷикистон ба муносибати Рӯзи байналмилалии олимпӣ

Ҳамватанони азиз!
Варзишгарони муҳтарам!
Мураббиён, собиқадорони соҳаи варзиш ва ҷавонони
сарбаланди кишвар!

Бо эҳсоси баланди ифтихор ва масъулият ҳамаи Шуморо ба муносибати Рӯзи байналмилалии олимпӣ, ки ҳамасола 23 июн дар саросари ҷаҳон таҷлил мегардад, самимона табрик гуфта, бароятон саломатии бардавом, саодати рӯзгор, иродаи матин ва комёбиҳои беназир дар фаъолияти касбӣ ва варзишӣ орзу менамоям.
Рӯзи байналмилалии олимпӣ яке аз санаҳои муҳими тақвими ҷаҳонии варзиш буда, рамзи дӯстӣ, сулҳ, ҳамдигарфаҳмӣ, эҳтиром ва ҳамбастагии халқҳо маҳсуб меёбад. Ин рӯз ба ифтихори таъсиси Кумитаи байналмилалии олимпӣ 23 июни соли 1894 ва эҳёи ҳаракати олимпии муосир бо ташаббуси мутафаккир ва маорифпарвари барҷастаи фаронсавӣ Пйер де Кубертен таҷлил карда мешавад.
Аз соли 1948 инҷониб Рӯзи байналмилалии олимпӣ ҳамчун ҷашни умумиҷаҳонии варзиш, тандурустӣ ва тарзи ҳаёти солим дар саросари ҷаҳон таҷлил гардида, мардумро ба арзишҳои волои олимпӣ, дӯстӣ, эҳтиром ва камолот раҳнамоӣ мекунад.
Ҳаракати олимпӣ дар тӯли зиёда аз як аср ба яке аз неруҳои пурқудрати муттаҳидкунандаи ҷомеаи ҷаҳонӣ табдил ёфтааст. Агар нахустин Бозиҳои олимпии муосир соли 1896 дар шаҳри Афина бо иштироки ҳамагӣ 241 варзишгар аз 14 давлат баргузор гардида бошад, имрӯз Бозиҳои олимпӣ бузургтарин майдони рақобати солим, ҳамгироӣ ва муаррифии миллатҳо ба ҳисоб меравад.
Барои Ҷумҳурии Тоҷикистон низ ҳаракати олимпӣ аҳамияти махсус дорад. Варзиш ҳамчун ҷузъи муҳими сиёсати иҷтимоии давлат таҳти таваҷҷуҳ ва дастгирии доимии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Президенти Кумитаи миллии олимпии Тоҷикистон муҳтарам Эмомалӣ Раҳмон қарор дошта, барои рушди он тамоми шароит ва имкониятҳои зарурӣ фароҳам оварда мешаванд.
Маҳз ба шарофати сиёсати хирадмандона ва дастгириҳои пайвастаи Пешвои миллат имрӯз соҳаи тарбияи ҷисмонӣ ва варзиш ба яке аз самтҳои афзалиятноки сиёсати давлатии ҷавонон табдил ёфтааст. Дар ин радиф саҳми Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар рушди инфрасохтори варзишӣ, бунёди майдончаҳо ва маҷмааҳои муосири варзишӣ, ташкили мусобиқоти сатҳи баланд ва фароҳам овардани имкониятҳои нав барои ҷавонону варзишгарон басо назаррас мебошад.
Боиси ифтихор аст, ки имрӯз дар мамлакат 135 муассисаи варзишӣ ва 64 федератсияи варзишӣ фаъолият доранд, ки барои омода намудани варзишгарони касбӣ, рушди намудҳои гуногуни варзиш, аз ҷумла намудҳои олимпӣ ва ҷалби ҳарчи бештари наврасону ҷавонон ба машғулиятҳои мунтазами варзишӣ саҳми арзишманд мегузоранд.
Самараи чунин ғамхорӣ ва дастгириҳо дар дастовардҳои байналмилалии варзишгарони тоҷик равшан инъикос меёбад. Тоҷикистон аз рӯзҳои аввали соҳибистиқлолӣ ба ҳаракати олимпии ҷаҳонӣ ҳамроҳ гардида, аз соли 1996 ҳамчун давлати мустақил дар Бозиҳои олимпӣ иштирок менамояд.
То имрӯз варзишгарони тоҷик дар Бозиҳои олимпӣ соҳиби 7 медал, аз ҷумла 1 тилло, 1 нуқра ва 5 биринҷӣ гардидаанд, ки ҳар яке саҳифаи дурахшони таърихи варзиши миллӣ ва мояи ифтихори мардуми Тоҷикистон мебошад.
Дастоварди таърихии қаҳрамони Бозиҳои олимпӣ Дилшод Назаров ва муваффақиятҳои дигари варзишгарони кишвар исбот намуданд, ки ҷавонони тоҷик дорои иродаи қавӣ, маҳорати баланд ва қобилияти рақобат дар сатҳи ҷаҳонӣ мебошанд.
Боиси сарфарозист, ки варзишгарони Тоҷикистон дар Бозиҳои тобистонаи олимпии Париж-2024 низ натиҷаҳои назаррас нишон дода, якбора соҳиби 3 медали олимпӣ гардиданд. Ин дастоварди арзишманд бори дигар собит намуд, ки мактаби варзиши тоҷик дар роҳи рушду пешрафт қарор дошта, барои ба даст овардани натиҷаҳои боз ҳам баландтар имкониятҳои фаровон дорад.
Арзишҳои олимпӣ имрӯз бо ҳадафҳои сиёсати давлатии ҷавонон ҳамоҳангии комил доранд. Варзиш на танҳо василаи таҳкими саломатии инсон, балки мактаби бузурги тарбияи ватандӯстӣ, масъулиятшиносӣ, таҳаммулгароӣ, худшиносӣ ва эҳтиром ба арзишҳои миллӣ мебошад.
Ҷавонони Тоҷикистон ҳамчун неруи пешбарандаи ҷомеа имрӯз дар баробари омӯзиши донишҳои муосир ба варзиш ва тарзи ҳаёти солим таваҷҷуҳи бештар зоҳир намуда, бо иштироки фаъолонаи худ дар мусобиқаҳои ҷумҳуриявию байналмилалӣ дар баланд бардоштани нуфузу обрӯи Тоҷикистон саҳми арзишманд мегузоранд.
Хушбахтона, имсол таҷлили Рӯзи байналмилалии олимпӣ ба арафаи ҷашни муқаддаси миллӣ Рӯзи Ваҳдати миллӣ рост омадааст. Ин ҳамоҳангии рамзӣ моро ба он ҳидоят мекунад, ки арзишҳои олимпӣ ва дастовардҳои Ваҳдати миллӣ ҳар ду бар пояҳои сулҳ, ҳамдигарфаҳмӣ, ҳамбастагӣ ва эҳтироми мутақобила устувор мебошанд.
Маҳз ба шарофати Ваҳдати миллӣ, ки бо ҷоннисориҳо ва сиёсати дурандешонаи Пешвои миллат муҳтарам Эмомалӣ Раҳмон ба даст омадааст, имрӯз Тоҷикистон дар роҳи рушди устувор қарор дошта, барои ҷавонон ва варзишгарон имкониятҳои бесобиқа фароҳам овардааст.
Тавре Пешвои миллат таъкид менамоянд, варзиш яке аз воситаҳои муҳимтарини таҳкими саломатии ҷомеа, тарбияи насли солим ва муаррифии давлат дар арсаи байналмилалӣ мебошад. Аз ин рӯ, вазифаи ҳар яки мо аз он иборат аст, ки барои рушди бештари соҳа, тарбияи варзишгарони сатҳи байналмилалӣ ва густариши фарҳанги варзиш дар ҷомеа саҳми арзандаи худро гузорем.
Бо истифода аз фурсати муносиб тамоми варзишгарон, мураббиён, омӯзгорони соҳаи тарбияи ҷисмонӣ, кормандони соҳаи варзиш, собиқадорон ва дӯстдорони варзишро ба муносибати Рӯзи байналмилалии олимпӣ самимона муборакбод гуфта, ба онҳо тансиҳатӣ, неруи созанда, иродаи шикастнопазир ва дастовардҳои боз ҳам бузургтар орзу менамоям.
Бигзор рӯҳи олимпӣ ҳамеша дар қалби ҷавонони тоҷик шуълафрӯз бошад, Парчами давлатии Ҷумҳурии Тоҷикистон дар баландтарин майдонҳои варзишии ҷаҳон парафшон гардад, варзишгарони мо қуллаҳои нави олимпиро фатҳ намоянд ва Тоҷикистони азизи мо ҳамчун кишвари сулҳпарвар, ҷавонпарвар ва варзишдӯст беш аз пеш дар арсаи байналмилалӣ обрӯву нуфуз пайдо кунад.

Рӯзи байналмилалии олимпӣ муборак бод!

23 июн — Рӯзи байналмилалии олимпӣ

Бозиҳои олимпӣ яке аз бузургтарин ва маъруфтарин чорабиниҳои варзишии ҷаҳон ба ҳисоб мераванд. Маънии асосии ҳаракати олимпӣ — дӯстӣ, эҳтиром, сулҳ, ҳамдигарфаҳмӣ ва рақобати одилона байни варзишгарони кишварҳои гуногун мебошад.

Таърихи Бозиҳои олимпӣ аз Юнони қадим оғоз меёбад. Аввалин Бозиҳои олимпии қадимӣ соли 776 то милод дар шаҳри Олимпияи Юнон баргузор гардиданд. Онҳо ба шарафи худои Зевс гузаронида шуда, варзишгарон дар намудҳои гуногуни варзиш қувваозмоӣ мекарданд. Бозиҳои қадимӣ баъди чанд аср қатъ гардиданд.

Бо ташаббуси омӯзгор ва варзишпарасти фаронсавӣ Пйер де Кубертен, ҳаракати олимпии муосир эҳё гардид. Соли 1894 дар шаҳри Париж (Фаронса) Конгресси байналмилалии варзишӣ баргузор гардид.

Панҷ ҳалқа маънои панҷ қитъаи ҷаҳон-ро ифода мекунанд:

* Кабуд — рамзи Аврупо
* Зард — рамзи Осиё
* Сиёҳ — рамзи Африқо
* Сабз — рамзи Австралия ва Океания
* Сурх — рамзи Амрико

Ҳалқаҳо ба ҳам пайвастаанд, то нишон диҳанд, ки ҳамаи қитъаҳо тавассути варзиш бо ҳам муттаҳид мешаванд.

Инчунин, панҷ ранги ҳалқаҳо бо ранги сафеди парчам якҷо гирифта шудаанд, зеро дар парчамҳои кишварҳои ҷаҳон ҳадди ақал яке аз ин рангҳо вуҷуд дорад. Аз ҳамин сабаб нишони олимпӣ рамзи сулҳ, дӯстӣ, баробарӣ ва ваҳдати байни миллатҳо дониста мешавад.