МД "Мактаби варзишии 1"-и н. Шоҳмансури ш. Душанбе

03/10/2026

#ШОҲМАНСУР: «ВАРЗИШ — САРЧАШМАИ САЛОМАТӢ ВА НЕРӮМАНДӢ»

03.10.2026. н. Шоҳмансур

Субҳи имрӯз дар ноҳияи Шоҳмансури шаҳри Душанбе, тибқи Нақшаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Раёсати кор бо ҷавонон ва варзиши шаҳри Душанбе, бо ташаббуси Бахши кор бо ҷавонон ва варзиши ноҳия бо мақсади таҳкими тарзи ҳаёти солим, рушди соҳаи варзиш ва густариши оммавияти он бо иштироки ҷавонон ва сокинони ноҳия дар боғи фароғатии ба номи Алишер Навоӣ таҳти унвони «Варзиш — сарчашмаи саломатӣ ва нерӯмандӣ» машқи пагоҳирӯзӣ, солимгардонӣ ва роҳгарди доир карда шуд.

02/10/2026

Тибқи Нақша - чорабиниҳои Муассисаи давлатии “Мактаби варзишии рақами 1”-и ноҳияи Шоҳмансури шаҳри Душанбе миёни машқварзони муассиса аз намуди футбол, ки зери дастпарварии мураббӣ Бобоёров Муҳаммадлатиф тамрин менамоянд, хонишҳои сиёсӣ гузаронида шуд.

29/09/2026

26/09/2026

22/09/2026

Аввалин медали тиллои Тоҷикистон дар Бозиҳои Осиёӣ-2026 насиби варзишгари ноҳияи Шоҳмансур гардид

22.09.2026

Варзишгари муассисаи давлатии «Мактаби варзишии №1»-и ноҳияи Шоҳмансури шаҳри Душанбе Мирзобек Умаров дар Бозиҳои Осиёӣ-2026 дар риштаи санъати муҳорибаҳои омехтаи Modern дар вазни то 60 кг сазовори медали тилло гардид. Ӯ дар сабқати ниҳоӣ бар намояндаи Ҷумҳурии Ӯзбекистон Фирдавс Атамуратов бо ҳисоби 3:0 пирӯз шуда, парчами давлатии Ҷумҳурии Тоҷикистонро дар ин мусобиқаи бонуфузи қитъавӣ баланд бардошт.
Медали тиллои бадастовардаи Мирзобек Умаров 7-умин медали тиллои Тоҷикистон дар таърихи Бозиҳои Осиёӣ ба ҳисоб меравад. Ин дастоварди арзишманд барои варзишгари ҷавон ва муассисаи давлатии «Мактаби варзишии №1»-и ноҳияи Шоҳмансур мояи ифтихор буда, аз рушди варзиши касбӣ, баланд гардидани маҳорати варзишгарони ҷавон ва иштироки фаъоли онҳо дар мусобиқаҳои сатҳи байналмилалӣ шаҳодат медиҳад.

21/09/2026

21.09.2026. ноҳияи Шоҳмансур

Баргузории Ҷоми Ҷаҳон оид ба гуштини самбо санаи 18-20 сентябри соли 2026 дар шаҳри Душанбе!
Варзишгарони муассиса аз намуди самбои разми сазовори ҷойҳои намоён гардиданд!

Ҳалимов Беҳрӯз дар вазни 71кг ҷои 3 🥉
Солеҳов Сиёвуш дар вазни 58кг ҷои 3 🥉

19/09/2026

19.09.2026. ноҳияи Шоҳмансур

БАРГУЗОРИИ МУСОБИҚАИ ВАРЗИШӢ АЗ РӮЙИ НАМУДИ ТЕННИСИ РӮИ МИЗ БАЙНИ КОРМАНДОНИ ТАШКИЛОТУ МУАССИСАҲОИ НОҲИЯИ ШОҲМАНСУРИ ШАҲРИ ДУШАНБЕ.

Дар доираи нақшаи чорабиниҳои Мақомоти иҷроияи ҳокимияти давлатии ноҳияи Шоҳмансур ва Раёсати кор бо ҷавонон ва варзиши шаҳри Душанбе, аз ҷониби Муассисаи давлатии «Мактаби варзишии №1»-и ноҳияи Шоҳмансур дар ҳамкорӣ бо Бахши кор бо ҷавонон ва варзиш ноҳияи Шоҳмансур мусобиқаи варзишӣ аз рӯйи намуди тенниси рӯи миз байни кормандони ташкилоту муассисаҳои ноҳияи Шоҳмансур баргузор гардид.

19/09/2026

19.09.2026. ноҳияи Шоҳмансур

БАРГУЗОРИИ МУСОБИҚАИ ВАРЗИШӢ АЗ РӮЙИ НАМУДҲОИ ШАШКА ВА ШОҲМОТ БО УСУЛИ «МАҲАЛЛА БА МАҲАЛЛА» ДАР НОҲИЯИ ШОҲМАНСУРИ ШАҲРИ ДУШАНБЕ

Дар доираи нақшаи чорабиниҳои Мақомоти иҷроияи ҳокимияти давлатии ноҳияи Шоҳмансур ва Раёсати кор бо ҷавонон ва варзиши шаҳри Душанбе, аз ҷониби Муассисаи давлатии «Мактаби варзишии №1»-и ноҳияи Шоҳмансур дар ҳамкорӣ бо Бахши кор бо ҷавонон ва варзиш ноҳияи Шоҳмансур мусобиқаи варзишӣ аз рӯйи намудҳои шашка ва шоҳмот бо усули «маҳалла ба маҳалла» миёни наврасону ҷавонон ва сокинони ҳудуди ноҳия баргузор гардид.

Ҳадафи асосии баргузории мусобиқа тарғиби тарзи ҳаёти солим, рушди тафаккури зеҳнӣ, баланд бардоштани маҳорати варзишии наврасону ҷавонон, ҷалби онҳо ба машғулиятҳои мунтазами варзишӣ, инчунин таҳкими дӯстӣ, ҳамдигарфаҳмӣ ва ҳамбастагӣ миёни сокинони маҳаллаҳои ноҳия мебошад.