Loriku Adventure / LOAD

Hafoin kondisaun klima ne’ebe diak ituan, Loriku Adventure iha loron Sesta Feira, 06-03-2026 to’o Domingo, 08-03-2026 aranka fali ba Ataúro hodi kontinua halao survey ba Eventu “Dalan ba Ai-Laran 4”.







Loriku Adventure “Semo Lemorai” 🦜🦜❤️❤️🇹🇱🇹🇱

Avizo!

Ho respeito Loriku Adventure hakrak hatoo informasaun katak, Eventu DBA 4(Dalan ba Ai Laran) sei muda nia data, ho razaun kestaun klima nian.

LOAD sei Aviza fila fali iha Tempu badak nia laran.

Obrigado Wa'in.

*Semo lemorai*

Coming Soon!!

Em Breve!!

Sei Mai!!

Eventu Dalan Ba Ai-Laran “DBA” ba dala IV iha Ilha Atauro hamutuk ho Loriku Adventure.

Akompanha nafatin pagina Loriku Adventure.






Loriku Adventure “Semo Lemorai” 🦜🦜❤️❤️🇹🇱🇹🇱

Natal Hodi Fahe Domin no Caridade!

Loriku Adventure (LOAD) Selebra Evento Anual Christmas Ride 2025, Hamutuk Ho Familia, Belun Diak Sira no Komunidade Balun Iha Aileu Seloi.
Agradese mos ba Belun Diak Sira husi Rai Laran no Rai Liur Hanesan Mana Lorette Monaghan Nebe Hakarak Mai Fahe Domin Caridade Hamutuk ho Familia Bot Loriku Adventure (LOAD) ba ita nia Maluk Balun Nebe Ita Precisa Hatutan ita Nia Domin!

Loriku Adventure “Semo Lemorai” 🦜🦜❤️❤️🇹🇱🇹🇱

NOTA AGRADESIMENTU

Dia 5 de Novembru tinan ida-ne'e, Loriku Adventure (LOAD), hahú fali nia programa DALAN BA MEMÓRIA (DBM) ba dala-8.
Hafoin simu bandeira RDTL no bandeira C12N husi Prezidente C12N em exercício maun Bo'ot Rodrigues Pereira ho nia estrutura iha Semitériu Santa Cruz, LOAD hahu nia aventura hodi Semo Lemorai haleu Rai doben Timór hodi komemora loron Massakre Santa Cruz 12 Novembru 1991.
Tinan ida-ne'e LOAD mós konvida membru balun husi komunidade motor sira seluk ne'ebé hamahan an iha Trail Timor-Leste, husi munisípiu oioin atu partisipa mós iha eventu ida ne'e.

''Dalan ba Memória'' mak viajen ho motór trail ba área izoladu sira, liuhusi dalan aat no ai-laran. Durante loron 8, ami ba vizita maun-alin Mate-restu 12 Novembru balun ne'ebé hela iha foho ne'ebá, ba sunu lilin iha Saudozu sira nia rate hodi presta omenajem ba Juventude Loriku Ass'wain vítima Massacre 12 de Novembru 1991 sira, ba vizita família no faluk husi vítima sira.
Aleinde ne'e, ami mós hasoru Autoridade sira, dada-lia no halibur komunidade, liuliu joven sira, hodi halo reflesaun, atu fó hanoin nafatin ba sira kona-ba valor husi istória no mensajen husi Masakre Santa Cruz nian.

Maské ami hasoru difikuldade oioin, balun moras no tenki hodi ba Sentru saúde atu hetan tratamentu, balun iha kalan labele kontinua viajen ho motor no tenki pára iha dalan klaran tanba moras maibé ami kontinua apoiu malu lao nafatin, balun motor aat no tenki evakua, balun monu, balun kondisaun saúde la permite atu kontinua viajen Maibé, sira kontinua hatudu sira nia espíritu Nasionalismo ne'ebé Aas no kontinua nafatin misaun ida ne'e to remata.
Maské ho difikuldade sira ne'e, ami nafatin agradese ba Nai Maromak, Bei'ala, Lulik sira, Matebian 12 no natureza tomak, ne'ebé akompaña nafatin ami-nia viajen to'o fila mai ami idaidak nia fatin.
Ami hakarak agradese ba PNTL Aileu ba halo Evakuasaun ba ami nia Rider ne'ebé moras iha kalan bo'ot no hodi kedas ba hospital Aileu no hetan kedas tratamentu.
Agradese ba prontidaun Dr. Selvio nian tamba bele fó nia tempo iha kalan boot hodi atende kedas Rider ne'ebé moras.

Ami hakarak agradese ba Comité 12 de Novembru, ba maun Boot Gregório Saldanha, ba Prezidente em exercício maun boot Filipe Rodrigues Pereira, ho nia estrutura tomak, ne'ebé sempre fó apoio, fó motivasaun no liafuan murak mai ami atu bele kontinua nafatin halao programa ida ne'e.

Ami hakarak agradese ba Prezidente KO selebrasaun loron Massakre 12N91 Sequeira husi Jerasaun 12 Novembro ho nia estrutura tomak ne'ebé sempre kolabora no fó apoiu mai ami atu kontinua realiza eventu ida ne'e.

Ami hakarak agradese mós ba responsável C12N nian iha Munisípiu, kompañeirus Mate Restu no família faluk 12 de Novembru sira hotu, ne'ebé tinan-tinan ho pasiénsia sempre apoiu no prepara fatin no ai-han no simu ami ho laran luak bainhira ami ba to'o iha imi nia fatin.

Ami mós agradese no fó omenajen nafatin ba ita-nia Loriku Tasi-balu, Stahl ba kontribuisaun bo'ot ne'ebé nia halo mai rai doben ida ne'e.

Ami hakarak agradese ba Prezidente Autoridade Munisípiu Manatuto no Foin Sa'e Manatuto ne'ebé ho laran luak organiza hodi simu ami-nia vizita.

Ami hakarak agradese mós ba Komandu Jerál PNTL no nia membrus tomak iha fatin-fatin, ne'ebé sempre atentu sintoniza no akompaña ami-nia viajen iha ne'ebé deit ami liu, inklui Nai Autoridade Lokal sira.

Ami hakarak agradese ba Pe. Norberto da Conceição Soares, responsável másimu Colégio Infante de Sagres Maliana ne'ebé ho laran luak simu ami hodi realiza kalan reflesaun hamutuk ho estudante sira iha Colégio.

Ami hakarak agradese ba Prezidente Autoridade Ainaro no Juventude KO Ainaro ne'ebé simu ami hodi realiza kalan reflesaun hamutuk ho komunidade Ainaro.

Ami hakarak agradese ba komunidade Jeep "LOCA" ne'ebé kontinua akompanha no sintoniza ami-nia viajen no prontu iha kualker situasaun atu ajuda no halo evakuasaun ba motor ne'ebé aat.

Ami hakarak agradese ba Uma Lisan hotu-hotu ne'ebé oferese ona fatin atu ami bele rai Bandeira Lulik ne'ebé ami lori no ami bele deskansa no simu bua malus/KUTA, atu Beiala no Lulik sira nafatin haraik matak malirin no akompanha ami iha ami-nia viajen.

Ami hakarak agradese ba ofisina/bengkel sira iha territóriu Timor laran tomak nebe'é oferese sira-nia fatin no sasan iha kualker tempu atu ami bele halo manutensaun ba ami nia motor hodi kontinua ami-nia viajen.

Ami hakarak agradese ba família Loriku sira nian hotu, membru Loriku sira ne'ebé hela iha foho ne'ebá, komunitas motor hotu ne'ebé ho domin sempre simu ami, oferese fatin no ai-han, kuidadu ami nia kondisaun saúde no físika atu ami bele kontinua ami nia viagem ho diak.
Espesial ba Família Nokomata Baucau, Família Serebu’u, família Aking Titilari, Família Iliomar, Família Warik Buikaren, Família Joelda Same, Família Kintal Manisu, Família Loriku Mutin Maliana, Família STRAC ho Aninhas nia Mãe, Família Saudozu Florentino Zumalai, Saudoza Eulália Ainaro, Mestre Edu (TCA), Família Loriku El- Campos no Black Box Loriku Ahasuibere.

Ami hakarak agradese ba belum sira hotu, ba ami nia família, ne'ebé ho orasaun, ho pasiénsia hein nafatin ami atu fila ho diak, no ba sira ne'ebé akompaña husi do'ok ami-nia viajen no ba belun sira ne'ebé apoiu nafatin ami.

Hakarak agradese espesiál ba Rider jovem Loriku Foun sira ne'ebé ho espíritu Nasionalismu no espíritu voluntarismu partisipa ona, hodi semo hamutuk ho LOAD iha eventu DALAN BA MEMÓRIA VIII ida ne'e, espesialmente ba:
1. Presidente Trail Timor-Leste
Deus José Delteti ''El Conquista''
2. Emiliana Fame Teixeira Lopes "Aninhas" - husi Suai Trail Club (STRAC).
3. Vicente Vaz "Maun Vaz" - husi Lifau Trail Adventure (LTA).
4. Valente Soares Freitas Belo "Abay' - husi Abay Racing Team (ART).
5. António Silveira "Nokomata" - husi Matakoy Trail Shop (MTS).
6. Eduardo da Costa Cristovão "Aking" - husi Moto Club Lospalos (MCL).
7. Augusto Gomes "Warik" - husi Wekeke Trail Club (WTC).
8. Jojo Oliveira "Captain" - husi Lafaek Off-road Challenge and Adventure (LOCA).
9. Mr. Nero "Katar" husi Trail Maute Club (TMC).

Ami hakarak agradese especialmente ba ami nia Média Noemio Soares "XAKOKO" ne'ebé servisu makas, lahatene kolen foti foto no halo filmajen durante viajen perkorre fatin hotu hotu too remata.

Tinan-tinan ''DALAN BA MEMÓRIA'' sai difísil liutan, tanba tinan-tinan, iha fatin balun, ami la hasoru ona kompañeiru mate-restu balun, la hasoru ona avó balun, la hasoru ona inan-aman balun, la hasoru ona oan balun tanba sira-nia jornada iha mundu ida ne'e remata ona.
Ami mós sei sunu lilin iha sira nia rate.

Ami sei nafatin ba vizita rate Loriku As'wain sira nian, sei nafatin hakuak no hamnasa hamutuk ho kompañeiru sira, ho inan-aman sira, ho faluk sira, ho oan no belun sira maské tinan ida dala ida deit.

Ami sei kontinua ami-nia tradisaun ida ne'e hodi presta nafatin omenajen ba ita-nia Juventude Loriku As'wain 12 de Novembru sira iha Timor laran tomak.

Viva Timór-Leste!
Viva Juventude Loriku Ass'wain
Viva Loriku Adventure
"Semo Lemorai"