21/12/2025
Lokraik diak amante bola futsal,
Saudasaun desportiva.
Liu husi biban ida ne'e, Komisaun Organizadora hakarak hato'o agradesimentu espesial ba Timor Telecom ba apoiu no suporta material ba torneiu amizade edisaun dalima ida ne'e .
Komisaun Organizadora mos lahaluha hato'o agradesimentu ba ekipa hotu'' ne'ebe partisipa iha eventu ida ne'e (Mane hamutuk ekipa 16 no ekipa feto hamutuk 7) ho kolaborasaun no kooperasaun ne'ebe diak tebes ita konsege finaliza torneiu ida ne'e ho susesu.
Husi kompetisaun ida ne'e iha ekipa hat (4) feto no mane mak konsege hakatak ba final no sai manan nain iha torneiu ida ne'e, ho nune'e hakarak kongratula ekipa hirak tuir mai ho prestasaun jogu ne'ebe diak tebes bele sai kampiaun.
EKIPA MANE:
Manan nain dahuluk : FC. FRATERNIDADE
Manan nain daruak : FC. BOTE
Manan nain datoluk : FC. IRAKURU
Manan nain dahat : FC. GONSOA
EKIPA FETO:
Manan nain dahuluk : FC. KEJUSS
Manan nain daruak : FC. MAUS
Manan nain datoluk : FC. TCHAI-AMU
Manan nain dahat : FC. KMANEK
Husi faze apuramentu to'o finais, Komisaun Organizadora mos hakarak husu deskulpa karik iha failansu no dezentendimentu ne'ebe akontese iha durante jogu, no espera katak ida ne'e sai lisaun hodi ita hadiak diak liu tan iha torneiu ba edisaun tuir mai nian.
16/12/2025
Dader diak amante bola futsal,
Saudasaun desportiva.
Relasiona ho Torneiu Amizade ba Edisaun da-Lima nian, dadaun ne'e ita finaliza ona faze semi-finais nian husi ekipa Mane iha loron 15 dezembru 2025 no ekipa feto iha loron 14 dezembru 2025, ita konsege hakat ba grande final ne'ebe sei realiza iha loron aban 17 dezembru 2025.
Ekipa hirak ne'ebe atu hadau 1 lugar no 3 lugar husi ekipa Mane no Feto, bele konfere imajen ho orariu sira iha okos.
Komisaun oragniazdora hakarak agradese no fo parabens ba ekipa hotu-hotu ho kolaborasaun no kooperasaun ne'ebe diak tebes to'o ohin loron no hein katak kontinua koopera malu to'o finaliza torneiu ida ne'e.
Bele konfere ita bo'ot sira nia ekipa ida-idak atu mai iha kampu antes 15 minutus imi nia jogu hahu atu nune'e ita bele la'o tuir orariu ne'ebe mak iha.
Keta haluha konvida imi nia maluk sira atu mai asisti jogu final furak ida ne'e.
Torneiu ida ne'e hetan suporta husi:
Timor Telecom Liga Mais
15/12/2025
Lokraik diak amante bola futsal,
Saudasaun desportiva.
Relasiona ho torneiu amizade ba edisaun da-lima nian, dadaun ne'e ita finaliza ona faze eliminasaun 4 finais nian husi ekipa Mane no ekipa hirak nebe'e konsege avansa ba faze semi-finais bele konfere imajen ho orariu sira iha okos.
Komisaun oragniazdora hakarak agradese ba ekipa hotu-hotu ho kolaborasaun no kooperasaun ne'ebe diak tebes to'o ohin loron no hein katak kontinua koopera malu to'o finaliza torneiu ida ne'e.
Bele konfere ita bo'ot sira nia ekipa ida-idak atu mai iha kampu antes 15 minutus imi nia jogu hahu atu nune'e ita bele la'o tuir orariu ne'ebe mak iha.
Keta haluha konvida imi nia maluk sira atu mai asisti jogu furak ida ne'e.
Torneiu ida ne'e hetan suporta husi:
Timor Telecom Liga Mais
