Futebol de Timor-Leste 360 Graus

Adidas lansa TRIONDA, bola ofisiál hosi Kopa Mundiál FIFA 2026 nian. TRIONDA hanesan selebrasaun ida hosi nasaun sira ne'ebé uma-nain : Kanadá, Méxiko, no Estadus Unidus Amerika.

📷: Bolalob

Hare hosi esperiénsia Federasi Sepakbola Indonesia (PSSI), hanesan federasaun futebol vizinhu iha rejião ASEAN, hetan susesu iha reorganizasaun estrutura interna liu-liu liuhosi establisementu Komite Kompetisaun, Komite Arbitragem, Komite Disiplina, Komite Etika no Komite seluk relevante, bele aumenta transparénsia, no fo mos diresaun institusionál ne’ebé klaru no forte, hodi hametin governasaun futeból nasional.

Ho esperiénsia ne’e hanesan referénsia ba FFTL hodi adapta, modelu komite ida-ne’e iha konteksu Timor-Leste, hodi fó klaridade no forsa ba funsionamentu internas federasaun.

Komite Prioritáriu

1. Komite Kompetisaun

Sei organiza, monitoriza no regula kompetisaun ofisiál FFTL, hodi garante kalendáriu harmoniza no servisu profisionál.

2. Komite Arbitragem

Sei fó suporte esensial ba regulamentu, administrasaun no dezenvolvimentu árbitro sira, liu-liu iha dirije kompetisaun ofisiál FFTL.

Importánsia Espesiál ba Komite Arbitragem

Bele regula árbitro sira ho kritériu sertefika, transparente no profisionál.

Garante prosesu formasaun, avaliasaun no akreditasaun árbitro, tuir estandár FIFA no AFC.

Fó konfiansa ba parte klube, jogadór, treinadór no publiko katak kompetisaun ofisiál FFTL la’ós de’it justo, maibé mos iha kredibilidade.

Atu nune'e karik arbitro sira dirije sala bele iha sansaun husi Komite Arbitragem, hodi nunee fo transparensia ba Klubu hodi labele sai terus ba inkapasidade arbitro nian, ita rekonhese arbitro ne'e ema, ne'ebe dalaruma bele hu sala ka foti desizaun nebe sala, maibe se laiha Komite arbitragem? Se mak bele fo sansaun ba sira?

Bele forma gerasaun árbitro foun, atu responde ba dezenvolvimentu futeból nasional no internasionál.

Tamba ne'e establisementu Komite Kompetisaun, Komite Arbitragem, no Komite seluk relevante mak sai medida urgente no nesesária. Esperiénsia Federasi Sepakbola Indonesia (PSSI) hatudu ona katak reorganizasaun komite-komite permanentes bele hametin governasaun iha federasaun, aumenta kredibilidade no fó diresaun profisionál ba dezenvolvimentu futeból.
Nune’e, FFTL tenke implementa modelu ne’e ho adaptasaun ba realidade Timor-Leste, hodi garante futeból dezenvolve ho base sólida, justa no kredível.
---

📊 Liga Timorense – Segunda Divisão Tabela Atualizado

Aitana FC sei lídera tabela klasifikasaun Segunda Divisão ho 12 pontos husi 5 jogu, aproveita vitoria direta "head-to-head" kontra Nagardjo FC (1-0). Apesar de Nagardjo FC mós akumula 12 pontos husi 6 jogu, regulamentu "face-to-face" fó vantagem ba Aitana.

Santa Cruz FC kontinua forte iha 3º lugar ho 11 pontos, seidauk derrota iha kompetisaun no iha Vantagem Boot Promove ba Divisiaun 1 sekarik iha Jogu ikus pelu menus empata Kontra Aitana FC.

⚽️ Segunda Divisão seidauk remata, no kontestu promosaun sei hetan intensidade boot iha jogu entre Aitana FC Vs Santa Cruz FC, destino Nagardjo FC iha jogu Entre Aitana FC kontra Santa Cruz FC.

📌 Nota: Aitana FC Vs Nagardjo FC (2-1) no Aitana FC vence Nagardjo FC (1-0) iha “Head-to-Head”, hodi assume topu tabela.

🎯 PARTIDA CRUCIAL – FINAL DIVISAUN 2 | LIGA TIMORENSE
📅 Data: 31 Agustu 2025
⏰ Oras: 18:00
📍 Lokal: Estadiu Municipal Dili

⚽ AITANA FC 🆚 SANTA CRUZ FC
Hanesan jogu final iha Divisaun 2, partida ida ne’e sei deside ekipa ne’ebé mak sei akompanha Aitana FC atu promove ba Divisaun 1 iha époka 2026.

🔵 AITANA FC
✅ Promove ona ba Divisaun 1
🏆 Hakarak Konquista titulu kampeaun, presiza pelo-menos empata, tamba tempu naruk ona Aitana la-hetan titulu, desde 2019/2020.

🔴 SANTA CRUZ FC
🔁 Presiza empata deit atu promove
⚠️ Maibe se lakon, entaun Nagardjo FC sei akompaña Aitana ba Divisaun 1.

⚪ NAGARDJO FC
🏁 Remata liga ho vitória kontra Lika Lika FC (2-0)
⏳ Agora okupa iha Segunda klasifikasaun, hein rezultadu Santa Cruz vs Aitana.

📊 Kriteriu Desizaun Promosaun (Head-to-Head):

Aitana FC 1-0 Nagardjo FC

Santa Cruz FC 2-1 Nagardjo FC

📌 Jogu ida ne’e sei determina destino ba ekipa sira, Vitoria ka Empata, Mai assiste rasik Iha Estadiu Dili!



Credito ba Foto: Pagína Liga Timorense
---

🎉 Baru saja menyelesaikan level 3 dan saya sangat bersemangat untuk terus berkembang sebagai kreator di Facebook!

Informasaun atual

TRYOUT

Selesaun Nasionál Timor-Leste U23 hasoru Jogadór Estranjeiru sira iha Liga Futebol Timor-Leste

Estádiu Munisipál Dili, Kick-off: 16:00 OTL

Jogu ne’e hanesan parte ida husi preparasaun Selesaun Nasionál U23 ba Kualifikasaun Kampionatu ASEAN U23 2025.
Mai ita apoia nasaun nia talentu joven sira ne'ebé orgullu!

📢⚽️ Anúnsiu Importante

José Pedro, treinadór Portugés tinan 46, sei ocupa kargu hanesan Diretur Tékniku FFTL no mos hanesan Selecionadór Nasionál Timor-Leste.

Nia karrerasaun profesonál forte ho esperiénsia boot: adjuntu ba Jorge Silas iha BSAD, Sporting, Famalicão no AEL Limassol. Nia mos orienta ekipa hanesan BSAD, Vitória FC (nia hetan subida ba Liga 3) no Alverca. Iha tempu kotuk, José Pedro mos orienta ekipa Sindicato Jogadór sira.

Agora nia sei hahu kapitulu foun ho Timor-Leste, orienta selesaun Nasionál ida-ne’ebé representa Timor Oan Hotu. 🇹🇱🔥

Mai Ita fo ita desejo hodi bele kontribui, mudansa no prestasaun ba ita Nia Selesaun neebe hanesan ita hotu nia orgulho.

Parabéns Ba Avansadu Istimadu DIT FC ‘SANTOS’ Nudar Melhor Marcador Primeira Divizaun Liga Timorense Época 2025.
👏🏻⚽️💪🏻

Liga Timorense loke ona Rejistrasaun ba Divisaun 3 Epoka 2025

📣 ANÚNSIU OFISIÁL
INSKRISAUN BA TERSEIRA DIVIZAUN – LIGA FUTEBOL TIMOR-LESTE (ÉPOKA 2025)

Liga Futebol Timor-Leste (LFTL) hato’o ba públiku katak inskrisaun atu partisipa iha Terseira Divizaun LFTL ba époka 2025 sei loke ofisiálmente.

📌 Kritériu Elijibilidade

1️⃣ Klube tenke:
a) Reprezenta ofisiálmente Asosiasaun Futeból Munisípál ida hosi: Aileu, Ainaro, Baucau, Bobonaro, Covalima, Ermera, Lautém, Liquiça, Manatuto, Manufahi, Oé-Cusse Ambeno, Viqueque, inklui Ataúro.
b) Husi klube fundador Liga Futebol Amadora, rekoñesidu hanesan Membru LFTL.

2️⃣ Klube tenke prienxe rekizitu sira tuirmai:
✔️ Submisaun Formuláriu Entrada (Entry Form) no Akordu Ekipa Partisipante (Participating Team Agreement/PTA).

📅 Períodu Importante

Formuláriu Entrada & PTA:
🗓 27 Agostu – 3 Setembru 2025

Dokumentasaun Legál (hatama hafoin Formuláriu & PTA):
🗓 4 – 11 Setembru 2025
📑 Estatutu Klube nian
📑 Estrutura Klube/Organograma
📑 Sertifikadu Rejistu (Ministériu Justisa TL)

Rejistu Jogadór no Ofisiál sira:
🗓 5 Setembru – 4 Outubru 2025

📞 Informasaun Kontaktu:
Sekretariadu LFTL
📱 WhatsApp: +670 76450023
📧 Email: [email protected]

📍 Eskritóriu LFTL, Díli – Timor-Leste

⚽ Hamutuk ita sei hametin fundasaun futeból nian iha munisípiu hotu-hotu iha Timor-Leste!

Sekretariadu LFTL
Liga Futebol Timor-Leste (LFTL)
Díli, Timor-Leste