North Vandals 2007- Sec Djerba

Live United Or Die Divided

لَم يرتَبط يوماً شغفُنا وتشجيعُنا لهذا الكيان بالنتائج الإيجابية فقط بل نَحن اول من يقوم بالتشجيع في احلك الظُروف
نعم نُريد الإنتِصار واعتِلاء أعلى المنصَات في كُل وقت ولَكن كُل هذا يَرتبط بأحكام اللُعبة وظُروفها والأهم ان تَجد الشَغف والتشجِيع مُتواصل دون إنقطاع

❤️🇵🇪

Resistiamo 🇵🇪🇨🇺🏴‍☠️

كيما سخن فيراجنا ، كيما سخنت حومنا، كيما تعمّ الفوضى 🏴‍☠️

دولة البوليس هي صمّام أمان كلّ نظام ظالم ، هي الضمان الأكبر لاستمراريّة منظومة غاصبة للحقوق و العدالة ، هي عقيدة "الحاكم" لي قايمة على ترهيب و تعذيب و قتل الفئات المسحوقة ، هي آداة السيستام باش يوسّع هيمنتو و يوئد كلّ صراع يقودنا نحو التحرّر و الخلاص الجماعي ، هي طوق نجاة المسارح البرلمانيّة و الديمقراطيّات المغشوشة و الأبراج العاجيّة ، هي عنوان صريح للإفلات مالعقاب ، هي لي قتلت "عمر العبيدي" و تتركزّ عالجهاز القضائي بش تبيّض جرائم عملائها و تصيغ خطبها البائسة لتبرءتهم ، هي الحاكم و المحكوم الساكت على حقوقو، هي التشريع و التنفيذ و القضاء و أحنا لي نخلّصو الفاتورة ، أحنا لي تاكلنا البطالة ،أحنا لي نتشالو بالمنظر ،أحنا لي نتعدّاو بجونتة، أحنا لي يعبيونا في حبوساتهم و جيولاتهم ،أحنا لي دمّنا يسفك بلاش رحمة ...
روح "عمر العبيدي" اليوم هي خطيئتهم الكبرى ، هي الغلطة لي بش يندموا عليها طال الدهر أو قصر ، هي القطرة لي فيّضت كاس النقمة و الغلّ لي في قلوبنا ، هي مرحلة تاريخيّة تقاطعت فيها كلّ مآسينا و همومنا ، هي عيطة الفيراج و صرخة العزّل ، هي بكية الأم المكلومة على ضناها ، هي غصّة ملات شقوفات الحرقة، هي الدمّ الحق لي تخلّط و ثار ، هي صوت المحروم و المظلوم ، هي مهد الحريّة و الإنتفاضة، هي النور وسط ظلامكم و هي طوق نجاة كلّ نفس تحلم تعيش بكرامة فالبلاد هاذي.
غدوة 3 نوفمبر 2022 هو تاريخ النطق بالحكم في قضيّة شهيد الملاعب "عمر العبيدي" ، القضيّة لي تلاعبت بيها الداخليّة و ناقابتهم كيما حبّت ، القضيّة لي تهرسلو فيها شهود العيان و تدلّست فيها محاضر المعاينة ، قضيّة القتل لي مجرميها المباشرين لعملهم قاعدين يتحاكمو على جنح في حالة سراح ، غدوة ماناش مستنين منكم حاجة كبيرة ، عارفين اللعبة و قواعدها و عارفينكم سوائم بلا همم أذاكا علاه ردّنا قرب و كيما عمّ فسادكم كيما سخن فيراجنا ، كيما سخنت حومنا، كيما تعمّ الفوضى و تاكلكم أخضر و يابس ، وقتها مش بش تلقاو لي يخمّم يأبنكم أو يرثيكم.

#سنثأر

🏴🇨🇺

Winter is coming 🏴☠️…

Winter is coming 🇵🇪🇨🇺
North vandals 2007

Winter ist coming🇦🇹🇨🇺

Winter is coming