جمهور النفيضة الرياضية

عن طريق رئيس المجلس المحلي بالنفيضة
السيد كريم اليازيدي:
ملف معمل الإسمنت بالنفيضة: حقائق ومعطيات للرأي العام
نعمل حالياً على إعداد ملف متكامل يتضمن جملة من المعطيات والوثائق المتعلقة بالإشكاليات المطروحة بمعمل الإسمنت بالنفيضة، خاصة ما يتعلق بالجوانب البيئية والمسؤولية المجتمعية للمؤسسة وعلاقتها بمحيطها المحلي. وسيتم رفع هذا الملف إلى وزارة البيئة وإلى إدارة المجمع الأم بإسبانيا، إضافة إلى مختلف الجهات الرقابية والإدارية المعنية، قصد الاطلاع عليه واتخاذ ما يلزم من إجراءات.
وسيتم كذلك التطرق إلى ما يعتبره عدد من متساكني الجهة آثاراً سلبية على البنية التحتية والبيئة المحيطة، بما في ذلك الأضرار التي لحقت بالطرقات نتيجة الحركة المكثفة للشاحنات الثقيلة، وما يترتب عن ذلك من أعباء إضافية على الدولة والجماعات المحلية والمواطنين.
كما ستتم إثارة التساؤلات المطروحة حول مدى قيام المؤسسة بدورها في مجال المسؤولية المجتمعية، حيث يستشهد العديد من أبناء النفيضة بضعف الدعم الموجه للجمعيات والهياكل المحلية، ومن بينها جمعية النفيضة الرياضية، مقارنة بحجم نشاط المؤسسة وتأثيرها بالمنطقة.
إن هدفنا الأساسي هو الدفاع عن حق الجهة في بيئة سليمة وتنمية عادلة، وحماية البنية التحتية، وتعزيز الشفافية، وضمان احترام القانون بما يخدم مصلحة النفيضة وأبنائها.
وزارة البيئة-تونس Ministère de l'Environnement-Tunisie

غريب بين اهله و احبابه
نفيضة مدينة المفارقات
ضيف يلقى كل شيء حاجة باهية و نفيضة ترحب بالناس الكل اما ولادها يعانو و ليهم ربي
طريق زطلةخو فساد في نفيضة اسهل برشة من طريق رياضة و تربية و انظباط.
لك الله

جمعة مباركة على الجميع.
ما ضاعا حق وراءه مطالب

🔥😡🔥😡🔥😡🔥😡🔥😡🔥😡🔥😡🔥😡
شكلها باش تربخ و باش يتعدى صيف سخون و مدامنا على حق مناش باش نخافو من حد و لا باش يوقفنا حد على مطالبة بحق جمعيتنا و شبابنا.
نفيضة مدينة غنية لكن منكوبة
نفيضة فيها متنفس وحيد تقريبا الي هوا ملعب المرحوم صالح بريك و جمعية النفيضة الرياضية الي بعد ثلاثة سنوات تعمل 90 عام .
نفيضة الرياضية قاعد تأطر و تربي و تكون في اكثر من 500 شاب بين جمعية و مركز التكوين.
مكسب كيما هذا ناس دز معاه و تاقف معاه موش تحطلو عصا في عجلة.
برشة ناس تعيش خارج نفيضة تقلك كيفاش عندكم مشاكل مادية في جمعية و عندكم ثلاث مناطق صناعية و مطار و خاصة شركة اسمنت النفيضة الي تعتبر من أكبر شركات في تونس .
صحيح شركة اسمنت النفيضة هيا الداعم التاريخي لنادي لكن للأسف قيمة دعم ليست في قيمة المدعم و لا في في قيمة المدعوم.
احنا في نفيضة عكس بلايص اخرين ناس تمشي و تزيد دعم و تشجع على تأطير و تكوين شباب و ابعادهم قدر المستطاع على مستنقع إجرام و المخدرات احنا لا في نفيضة نحطمو شبابنا.
دعم كان في حدود 45 الف دينار الي هوا دعم يحشم و لا يرتقي لطموحات الجمعية اصبح 25 الف دينار و الله شيء يضحك و يقهر في نفس الوقت.
شركة هاذي تستغل في مقاطع جهة من حجارة
شركة هاذي تستغل في سواعد ابناء الجهة
شركة هاذي تستغل في بنية تحتية لدولة تونسية و بتحديد منطقة نفيضة.
في مقابل شنوة استفادت المنطقة من شركة هاذي
طرقات تهرات و مشات
منازل على وشك سقوط و صار فيها تشقق جراء اعمال في مقاطع جبلية.
حالة تلوث و اكتظاظ في طرقات و عديد مشاكل.
نداء مباشر الى سادة مشرفين على شركة اسمنت النفيضة
نداء لسلطة المحلية و الجهوية
نداء لنواب الشعب و اعضاء المجالس المحلية و المجتمع المدني.
نداء للهيئة المديرة لنفيضة الرياضية
دقت طبول الحرب:
يا تعطيو قيمة للبلاد هاذي و ناسها يا تتحمل مسؤولية 500 شاب غدوة باش يصبحو في شارع
من انذر فقد اعذر و نحن في انتظار توضيح رسمي من كل من له علاقة بالموضوع.
منحبوش توصل لحكاية لتسكير طريق و احتجاجات و فوضى.
مناش مسلمين في حق جمعيتنا
نفيضة تستحق ما خير

النفيضة مدينة العجائب السبعة
نجاح من رحم المعناة
تفوق في وسط كله فشل
# صعود الفريق لرابطة محترفة مستوى اول C1
و تحقيق حاجة مستحيل فريق اخر يعملها انو يصعد و هوا يلعب ذهاب و اياب خارج النفيضة
#تتويج فريق الاصاغر بطولة رابطة سوسة
#فريق الاداني ثالث الترتيب العام و بلغ نهائي كأس رابطة الاحد مقبل ان شاء الله يفرحونا.
#فريق الاواسط نصف نهائي كأس رابطة و ثالث ترتيب عام في بطولة الوسط هذا في جانب رياضي مع تدعيم فريق الاكابر ب سبعة لاعبين على مدار الموسم الرياضي المنقضي .
#فريق المدارس ثالث الترتيب العام مع مبارة منقوصة و ربع نهائي كأس رابطة سوسة.
رغم نجاح هذا الكل ألا انو فما تنكر و تنصل و هروب جماعي تقريب من سلطة محلية و جهوية و من اغلب الشركات المنتصبة بالجهة في دعم شباب النفيضة.
و امام كل هذا تجاهل نريد اعلام الشارع الرياضي في نفيضة:
لن نبقى في انتظار البيروقراطية القاتلة بل سنحارب حتى آخر لحظة و بكل الوسائل المتاحة لحماية هذا الصرح من اندثار.
اكثر من 500 شاب بين اكادمية و جمعية شنوة مصيرهم.
#شارع هوا حل مدام حتى مسؤول ما تحرك
#نحو اعتصام مفتوح في قريب العاجل من اجل حماية مستقبل النفيضة الرياضية

مبروك تتويج أصاغر
🩵🤍
ببطولة 🏆 موسم 2025/2026،
بعد الفوز برباعية ضد هلال أكودة