Stade Gabesien غرام سنين

باش نحكي في موضوع كبير ياسر و سبب هلاك الملعب القابسي إلى حد اللحظة هذي هوا السبب في هذا الكل او هاهو التحليل كامل اول ما دخل السيد إلى الملعب القابسي عامين لتالي مع نزار كريديس وقتها تصبو فلوس في حساب الجمعية جبدوهم و صبوهم في حسابه الخاص و بدي يصرف صرف في جمعتين فيهم ماتش في قابس و ماتش خارج قابس و بعد جينا باش نلعبو ماتش مساكن في قابس السيد قال معادش عندي فلوس و ما نيش باش نخلص مبات الجمعية و امشو تصرفو و وقتها هوا المتسبب في خروج نزار كرديس من الجمعية و بقينا نستنو باش يستقيل وقتها هوا ضرب على صدره و قال اني نقيمها و نكمل بيها العام و على فكرة اول مرة في تاريخ الملعب القْابسي ليلة الماتش اللاعبين يباتو كل واحد في بلاصة إلى في دارهم و إلى في القهوة ساهر و إلى الله اعلم عليه اش يعمل و في الوقت هكا السيد جابد من حساب الجمعية 160 مليون حاطهم في جابه باهي نجو للعام إلى بعده تكونت هيئة فيها رئيس محمد طياري و امين مال إلى ما عمره ما كان امين على مال الملعب القابسي على خاطره سارق و متحايل باهي صارة انتخابات و شدو الجمعية و جاب هوا ملاعبية على كيفه و الله اعلم اش صار في جيبانهم و اش صار فيهم من صفقة تحيل إلى جابهم فيها باهي وصلنا يا سيدي إلى ماتش جرجيس في قابس إلى خسرنا فيه 2:0 في قابس وقتها السيد واخذ فلوس من جرجيس و ما فايق بيه حتى حد حتى الرئيس إلى معاه ما فيبالاش و بعد مشينا لدربي إلى السيد صارة قعده هوا و هيئة الزليزة باش يبيعلهم الماتش و ما تفاهموش على السوم و عمل كل شيء باش يقعد هوا في البنك نهار الماتش و هانا الناس الكل تعرف اش صار فينا في الدربي هاكا و كمل العام و كل العاده عام مشوم علينا نجو للعام الجديد إلى هوا العام هذا فما زوز من رجالات النادي حبو يطلعو الجمعية و يرجعوها لبلاصتها إلى هم السيد نبيل الناصفي و علاء بن حسين زوز ما يشك حتى واحد فيهم داخلين لجمعية حب فيها و يحبو يرجعوها لبلاصتها صارت قعده فيها علاء و نبيل و الطياري و فاخر و تفاهمو باش يخدمو مع بعضهم و عطو الثيقة في #فاخر بالرغم من برشا كلام إلى واصلهم عليه اما هم ما حبوش يلوحوه و حطوه رئيس فرع و لاهي بالانتدبات و المدرب و برشا حاجات و هذي غلطة من الهيئة الجديدة على خاطر ما يعرفوش حقيقته و ما يتلاموش هيا يا سيدي سي #فاخر هذا المتحايل شعمل جابو منير راشد تفاهمو معاه 8 ملاين الشهر خرج عمل قهوة مع فاخر بدي طالب 9 ملاين جابو هشام تمتام إلى هوا معد بدني و الطحان #فاخر تفاهمو على 2 ملاين و 500 شهرية إلى هوا يخدم 2 ملاين و زيد تفاهمو هوا و منير باش يجيب واحد من جرجيس لا علاقة بالكرة باش ياكل خبزة معاهم و من فما بدي اللعب متع اللاعبين فاخر هز واكيل الله اعلم سيد حافظ ولا موسى هزه لمكتب علاء و قاله هذا مذابينا يجبلنا ملاعبية و بدت الخدمة تنسيق مع حافظ و منير و فاخر ة جابو ملاعبية و ما يستهلوش حتى يلبسو مريول الملعب القْابسي و صارة برشاااا صمصرا من السيد #فاخر إلى صور برشا فلوس وقتها و دخل رجله في الجمعية و اللحظة هذي السيد مزال موش حاب يعطي تقرير المالي و يطالب بفلوس و السيد واخذ شاك خاص من السيد علاء بن حسين و توا مزال يتلاعب باسم الملعب القابسي يا ناس يا جمهور فيقو السيد موش حاب يخرج التقرير المالي السيد قاعد يلعب بالناس الكل و باسم الملعب القابسي رانا فايقين بيك سارق و متحايل انتي خوك ولد امك ما ربحش فيك باش تربح فيك الملعب القابسي ابعد على الجمعية و شد بلاصتك إلى قاعد تخدم فيها توا هيا بيعان شراب في نزل الاتلنطيك هاكا مستواك يا مسخ هلكتها الجمعية دخلت فيها رجلك الله لا تربحك و لا تباركلك

مدافع محوري جديد يعزز صفوف القلعة الخضراء سيتم الاعلان الرسمي في اللحظات القليلة القادمة
عاش الملعب القابسي الكبير بجمهوره🐊🇳🇬

سيتم الاعلان غدًا على حارس مرمى ممتاز في القلعة الخضراء بالتوفيق إنشاء الله 🤍💚

الحمد لله
رسميا بقرار من الفيفا تم رفع منع الانتداب
عاش الملعب القابسي التونسي و بإذن الله نحن في الطريق الصحيح💚🤍

كلمة الحق تقال للسيد توفيق بن مريم رئيس بعثة الملعب القابسي في المغرب فلقد فعل المستحيل من أجل الفريق لكي يكلل التربص بالنجاح و لكي يترك الأجواء طيبة في مجموعة الفريق بالرغم من تواجد العديد من العراقيل لكن الحمد لله نجح في مهمته لكن للأسف هناك العديد من صفحات فريقنا الملعب القابسي على الفيسبوك أرادت أن تطيح من قيمته و صمعته لأسباب مجهولة و نستطيع أن نقول من أجل المنصب السيد توفيق راجل نظيف و يحب الستيدة بقلب و رب و لا يريد أن يراها سوى في صورة طيبة مليئة بالإبداعات و الإنجازات
إخدم على روحك و ربي معاك إن شاء الله

هيأة ترجي جرجيس تتكفل بإدخال جميع أحباء الملعب القابسي المتنقلة لجرجيس .
مهما كانت النتيجة نبقى إخوة للأبد

سفيان شعبان يلبي نداء الواجب و يرجع للجمعية مكلف بالشبان و الاشهار.ربي معاك و الستاد برجالها