عشاق الهمهاما

عشاق الهمهاما Instagram: https://www.instagram.com/hamhama_lovers_1944?igsh=OXcweGF0NnJ5MHA4

📢 صوت أبناء مدينة حمام الأنف 🇳🇫.

الصفحة الأولى الخاصة بأخبار النادي الرياضي لحمام الأنف بكل فروعه ⚽🏐🏀🤾‍♂️.

©️ صفحتنا خليط بين المحتوى الرياضي و أخبار المدينة🇳🇫.

👈ترحمنا على روح الفقيد صفوان بوريال، عائلة بوريال تقتحم الحملة ب5 إشتراكات. لن ننساك يا صفوان. 🕊️الإشتراكات موجودة الليل...
31/08/2026

👈ترحمنا على روح الفقيد صفوان بوريال، عائلة بوريال تقتحم الحملة ب5 إشتراكات.

لن ننساك يا صفوان. 🕊️

الإشتراكات موجودة الليلة بمقر النادي من 19h إلى 20h.

بإمكانكم أيضاً إقتناء الإشتراك مباشرة عبر هذا الرابط : cshl.guichet.tn⚡️

أَحْنَا الهَمْهَامَا🌹

الجولة الثالثة: نادينا 🇳🇫 ينزل ضيف على ولاية صفاقس السبت القادم لمواجهة نادي تقدم ساقية الداير في ملعب الطيب المهيري بصف...
31/08/2026

الجولة الثالثة:
نادينا 🇳🇫 ينزل ضيف على ولاية صفاقس السبت القادم لمواجهة نادي تقدم ساقية الداير في ملعب الطيب المهيري بصفاقس.

بنسبة كبيرة ستكون منقولة مباشرة على التلفزة الوطنية، يوم السبت تمت برمجة 2 مباريات فقط مقابلة الهمهاما في صفاقس و مقابلة النادي البنزرتي و الأولمبي الباجي في بنزرت.

اليوم يوم راحة و غدا إستئناف التمارين تحضيرا لمباراة السبت.

إن شاء الله المنتدبين الكل يكونو حاضرين و إن شاء الله نشوفو وجه مغاير لمباراة الأمس، و إن شاء الله مربوحة 🙏💚🤍

رغم الهزيمة، الدعم متواصل. 💪المحبّ الوفيّ باسم العلوي، يقتحم الحملة بـإشتراك 𝐊𝐎𝐏🔥الإشتراكات موجودة الليلة بمقر النادي من...
31/08/2026

رغم الهزيمة، الدعم متواصل. 💪

المحبّ الوفيّ باسم العلوي، يقتحم الحملة بـإشتراك 𝐊𝐎𝐏🔥

الإشتراكات موجودة الليلة بمقر النادي من 19h إلى 20h.

بإمكانكم أيضاً إقتناء الإشتراك مباشرة عبر هذا الرابط : cshl.guichet.tn⚡️

أَحْنَا الهَمْهَامَا🌹

إلغاء حفلة الليلة 👇
31/08/2026

إلغاء حفلة الليلة 👇

31/08/2026

الإنتدابات ضرورية قبل فوات الاوان 🚨 🚨
برافو Mahrez Hamhama قلت كل شيء..

مادام الميركاتو مازال محلول ومن توة عرفنا رواحنا فاش ناقصين لازم نتحركو بكل قوة ونجيبو ملاعبية لاعبة في الرابطة الأولى و حاضرة تعاون النادي 🇳🇫 يزيونا من لوبانة ما عناش فلوس و باهي طلعنا و خلصنا الديون.. ياخي طالعين باش نخلصو الديون و مبعد نطيحو ؟! عاد شنوة الفايدة كي طالعين قعدنا في الرابطة الثانية و كاهاو هوما 4 سنين هوما 5 ..

ركحولنا جمعية باهية ماناش طالبين نهزو التيتروات نحبو جمعيتنا 🇳🇫 تركز ساقيها في بلاصتنا الصحيحة و مبعد كل شيء تاو يتبع..

بلاهي فماش عنا خبير هوني يفسرلنا شنوة معناها تقسم الجمهور على 2 بلايص.. 200 في شيرة و 100 في شيرة اخرى لا يزي هوما موش ب...
31/08/2026

بلاهي فماش عنا خبير هوني يفسرلنا شنوة معناها تقسم الجمهور على 2 بلايص..

200 في شيرة و 100 في شيرة اخرى لا يزي هوما موش برشا بسبب توقيت المباراة و الطقس الحار و الناس الكل سمعت اللي في البيلوز باش تقعد ب 10 د تشري بقلة متع شمس.. و زيد نقسموهم على 2 بيبان ؟! شنوة كان تلمو فرد بلاصة الكل باش يصنعو قنبلة مثلا ؟!

علاش 2 بيبان محلولين وهو عدد التذاكر لا يتجاوز 1500 تذكرة باحتساب المدارج المغطاة ال Tribune ... كان جات 2500 تذكرة 3000 تذكرة كيف مقابلة القصرين عمناول و حمام سوسة بالطبيعة تحل 2 بيبان و كان لازم 3 أما العدد شويا علاش ما نعرفش؟!

ماذابينا زادة المسؤولين متاعنا يدافعو أكثر على جمهورنا ويتحركو بكل قوة و يطالبو بحقوقنا كيف النوادي الكل.

تي أنظف جمهور جمهور #الهمهاما 🇳🇫 البارح بشهادة الجميع حتى من المنافس لا مشكلة صارت لا دبوزة تلوحت لا رينا حتى تجاوز صار مافهمتش علاش ديما أحنا يحرمو فينا و يطبقو علينا في القوانين الكل..

حتى ال Var شويا إجتهاد من أول الصيف راو حضرت البلاصة متاعو و تم تأمين الكاميرات ب Des Cabines و راي قعدت العباد في بلاصتنا المدارج المعتادة جهة جبل بوڨرنين.

البارح ولاد صغار و رجال كبار و نساء موش معقول في الشمس ملوحين في الغرغور علاش الله و أعلم.

كان ما نعملوش انتدابات أخرى و نزيدو نحسنو الرصيد البشري الحالي.. لا قدر الله ستتوالى الهزائم و نبداو الموسم بأخيب صورة م...
30/08/2026

كان ما نعملوش انتدابات أخرى و نزيدو نحسنو الرصيد البشري الحالي.. لا قدر الله ستتوالى الهزائم و نبداو الموسم بأخيب صورة ممكنة و من بعد نقعدو نجريو..

مازال عنا الحق في انتدابات أخرى و حقيقة لحد الأن مافما حتى إنتداب Confirmés لاعب إسم جاهز مافماش الكل خذيناهم بأقل التكاليف حتى الأجانب..

تحب تعمل جمعية باهية تنافس عالأقل في أول موسم لازم تهون شويا في لاعب ولا 2 باش نركزو في بلاصتنا و نتهناو ديما أول موسم بعد العودة صعيب.. ما نحبوش أغلاط قبل تتعاود ردو بالكم يغلطوكم اللي هكا تهني الجمعية.

جمعيتنا مازالت ناقصة و خلي نتكلمو من توة قبل ما يفوت الفوت و نقعدو نجريو من بعد مادام الميركاتو مازال محلول لازم نتحركو أكثر.

سمعنا في المدة الاخيرة برشا أسامي على غرار منوبي الحداد و عمر زكري و أسامي لاعبين إعارة من النادي الرياضي الصفاقسي أو من الترجي مانعرش وين وصلت حكايتهم لازم إختيار لاعبين قادرين على تقديم الإضافة في أقرب وقت و يزيونا من لوبانة ما عناش فلوس و ما نحبوش نغرقو الجمعية... ياخي كي الجمعية تطيح ما تغرقش و ترجع بالتوالي ...

نعرفوكم الكل عندكم الفلوس و تنجمو تستثمرو في الملاعبية كي نجيب ملاعبي باهي يسعر غالي شويا و ننجح بيه نجم نبيعو و نسوقو و نرجع لي صرفتو و نربح فيه.. يزيونا من هذاك اش نجمو و هذا غالي و هذا ما نعرفش شنوة.. بالسيف ب 2 فرنك تحب تعمل جمعية.. يا خويا عالأقل أختارو ملاعبي ولا ثنين أسامي و حاضرين يعاونونا و أصرف عليهم و الباقي موش مشكل ما نحبوش نمشيو لل CAF من أول عام اما نحبو نتهناو على جمعيتنا 🇳🇫 تمنع عالأقل بعد سنين تمرميد في الرابطة الثانية....

30/08/2026

برافوا 👏 يا رجال 💚🤍
" فالكم عند صغاركم " ✌️

بردنا شويا خلينا نرجعو نحكيو على مباراة اليوم بكل موضوعية.. نادينا 🇳🇫 دخل المباراة بشكل سيئ و ملاعبيتنا مالقاوش les repè...
30/08/2026

بردنا شويا خلينا نرجعو نحكيو على مباراة اليوم بكل موضوعية..

نادينا 🇳🇫 دخل المباراة بشكل سيئ و ملاعبيتنا مالقاوش les repères متاعهم أول 20 دقيقة خاصة.. التشكيلة اللي دخلنا بيها اللقاء حقيقة ما تنجمش تكون التشكيلة الأساسية و بعيدة كل البعد على مستوى التنافس في الرابطة الأولى.

أول اللقاء رينا تباعد كبير بين الخطوط و المنافس ضغط علينا و ما نجمناش نخرجو كورة و خذاو حتى الكرة الثانية علينا أي كرة راجعة توصل للمنافس ..

الشوط الثاني بعد التغييرات تحسنا شويا لكن هذا غير كافي و الحقيقة المنافس صحيح ربحنا لكن هوما كذلك يشكيو من العديد من النقائص ويعتبر منافس في المتناول و قادرين نفوزو عليه و ما نجمناش نعملو حتى تعادل بالنسق هذا باش نتعبو ضد كل المنافسيين.

الواضح للجميع وجب تطعيم الرصيد البشري الحالي ب 2 أو 3 انتدابات أخرى خاصة لاعب وسط هجومي يوصل كورة ويربط بين الخطوط و لاعب جناح مهاجم ثاني في ال 3/5/2 يلعب خلف المهاجم و يصنع الفارق في الهجوم.

كذلك الدفاع في حاجة للتطعيم فريقنا يلعب ب 3 مدافعين أساسيين و عالبنك لازم يكون موجود 3 مدافعين أخرين أقل شيء على طول الموسم فما إصابات فما أوراق حمر...

لازم المنتدبين الجدد معز بن شريفية و ال 4 أجانب يقدمو الإضافة و يغيرو وجه الفريق في أقرب وقت و إلا النتيجة باش تكون كارثية لا قدر الله.

برشا ملاعبية من أبناء النادي 🇳🇫 نحبوهم و ندزو معاهم و خذاو فرص كثيرة في النادي ولتوا مازالنا نستناو منهم أكثر و لازم يستغلو الفرصة هذي و يقدمو الإظافة و يوريو اش عندهم ولا باش يفوتهم ال Train..

من النقاط الإيجابية القليلة في مباراة اليوم :
نقولو برافوا 👏 للمجتهد أيمن العباسي قلب الدفاع إبن النادي 🇳🇫 اللي بالحق تحسو يحط دمو في التيران و يلعب بلاش حساب حتى يغلط فيسع ما يصلح و يعطي 200 %.

إن شاء الله في قادم الجولات يتحسن الأداء و تجي النتيجة.. ما ندخلوش بعضنا خسارة أول موسم لازم نتعلمو منها ونصلحو و ندعمو الفريق رد بالكم يغلطوكم يقلك مريڨلة الجمعية و تهني.. مازالت ناقصة قد ما تجيب و تحسن باقي ناقص و موش مضمون تعدي عام باهي في الناسيونال.. المنافسين الكل صعاب داخل أو خارج الديار.

نكملو مع الجمعية 🇳🇫 في الحلو والمر وإن شاء الله الجاي خير 🙏💚🤍

هذا شنوة تربح من الكورة كان العلاقات و معرفتك في الناس من كل بلاصة.مرحبا بالفرق التونسية 🇹🇳 الكل و أحبائها بدون استثناء ...
30/08/2026

هذا شنوة تربح من الكورة كان العلاقات و معرفتك في الناس من كل بلاصة.

مرحبا بالفرق التونسية 🇹🇳 الكل و أحبائها بدون استثناء في مدينة حمام الأنف 🇳🇫 وخلينا نعديو رسالة باهية للناس الكل.

لكلنا كيف كيف من بنزرت لبن ڨردان و لكلنا توانسة و لكلنا وخيان في الإسلام.. يزيونا من التعصب و الجهويات و التكسير و الفتن في مواقع التواصل الاجتماعي و في الملاعب.

نحبو ترجع كرتنا كيف قبل بحضور الجمهور منا و منا و ترجع Les déplacements .. راو كي تنحي الجمهور و تحرم العباد تعيش غرامها و تبع جمعيتها العنف ما تنحاش و ما نقصش بل بالعكس تزاد في المناطق الكل.. كي ماعاش التوانسة يمشيو و يجيو على بعضهم و يعملو علاقات بعدنا برشا على بعضنا و نسبو في بعضنا وراء écran.. جيل كامل تربى من الثورة لليوم ما يعرفش اش معناها Déplacement مع الجمعية و عندك صحاب في سوسة و صفاقس و باجة و بنزرت و تفرح بيهم و يفرحو بيك...

العنف ظاهرة لازم تتعالج عاقب المخرب عاقب المتجاوز للقانون فما ناس نظيفة و تحترم القانون و تحب الكورة تحب تعيش غرامها علاش تخلص ضريبة حاجة ما عملتهاش، علاش ما توقفوش المخربين عند حدهم كي طبق القانون عليهم و تخلي الناس النظيفة تعيش غرامها و تبع جمعيتها من بلاد لبلاد..

✌️

Address

Hammam-Lif

Website

Alerts

Be the first to know and let us send you an email when عشاق الهمهاما posts news and promotions. Your email address will not be used for any other purpose, and you can unsubscribe at any time.

Shortcuts

Share