03/09/2026
حاجة كانت متوقعة: وقت تتسكّر السبالة على المتمعشين، يبدأوا يحاولوا يأجّجوا الأوضاع داخل الترجي، وهذي في حد ذاتها تتسمّى «رقصة الديك المذبوح».
السيد عامل عريضة، وهو وعماد بن حليمة محامي ساحلي معروف بمواقفه تجاه الترجي، أما السؤال: تره قول لبن حليمة إيجا نعملوا عريضة ضد النجم، تو يعطيك صبع الوسط..
لذلك، نداء لجماهير الترجي: أوّل حاجة ردّوا بالكم تنساقوا وراء المحاولات هاذي، خاطر مازال ينجموا يجرّبوا طرق أخرى لاستغلال غضب الجمهور خاصة بعد هزيمة.. وثاني حاجة، لاحظوا التوقيت: المحاولات هاذي ديما تظهر بعد هزيمة أو خيبة، وقت اللي تكون الجماهير غاضبة ومستعدة تسمع لأي صوت..
على كل حال، عندنا مواقف واضحة تجاه رئيس النادي وتجاه المدير الرياضي، والمواقف هاذي لازمنا نتمسّكوا بيها بعقلانية وثبات، مهما كانت النتائج ومهما ارتفعت الضغوطات.
