Usm Monastir

الموسم هذا وفى…وفى بخيبة، ببرشة وجيعة، و بنتائج ما تشبهش الاتحاد المنستيري الي عرفناه السنين الأخيرة. أما أخطر من النتائج نفسها، إنو الفريق فقد الهوية متاعو.

منذ 2019، الاتحاد المنستيري بنى شخصية واضحة:فريق عصري، منظم، يعتمد على transition rapide، على jeux vertical، على النسق العالي و الخروج السريع بالكرة. أي فريق يواجه المستير كان يعرف إنو باش يلقى فريق عندو شخصية و فكرة واضحة.

السنة هذي؟ شفنا فريق بلا ملامح.مع كل تغيير مدرب، تبدأ الحكاية من جديد.كل إطار فني ياخذ شهر، شهرين بش يفهم المجموعة، بش يكتشف اللاعبين، بش يجرب، بش يغلط… وفي كل مرة الجمعية تخسر وقت، استقرار، و نقاط.وفي الآخر تضيع موسم كامل.

كرة القدم الحديثة ماعادش تعيش بالعشوائية.اليوم الكرة ولات علم:تحليل أداء، data، video analysis، scouting، suivi individuel، و قاعدة بيانات تحفظ هوية النادي مهما تبدلت الأسماء.

لهذا، مجموعة من أبناء النادي بالخارج، خاصة في ألمانيا، ناس عندها شغف حقيقي بالمستير، و عندها تكوين و اطلاع على الكرة الحديثة، تخدم حاليا على مشروع متكامل لإنشاء:
🔵⚪ خلية تحليل أداء دائمة داخل الاتحاد المنستيري 🔵⚪

مش مشروع مرتبط بمدرب أو بشخص.بل نواة ثابتة للنادي، تمثل “الذاكرة التقنية” للجمعية.
الفكرة ببساطة:أي مدرب يجي للمستير يلقى:
قاعدة بيانات كاملة للفريق
أرشيف مباريات و تحاليل
تقارير فردية للاعبين
تحليل المنافسين
هوية لعب واضحة
متابعة علمية متواصلة
يعني الجمعية ماعادش تبدأ من الصفر كل مرة.
المشروع يشمل:
✔ تحليل فيديو للمباريات
✔ إنشاء Base de données تقنية
✔ متابعة أداء اللاعبين
✔ تحليل المنافسين
✔ أرشيف تكتيكي دائم
✔ تطوير الشبان
✔ مساعدة الإطار الفني بقرارات مبنية على المعطيات موش الانطباعات

والأهم… المشروع هذا قابل للتنفيذ و موش مكلف كما يتصور البعض.بالعكس، مقارنة بالمصاريف العشوائية و الحملات المتكررة، تكلفة بناء هيكلة علمية تبقى صغيرة برشة أمام القيمة الكبيرة متاعها على المدى الطويل.
الأندية المحترفة اليوم ما تبناش فقط بالمال…تبنى بالهيكلة، بالاستمرارية، و بالمعرفة.

لذا، هذا نداء:
🔹 لأي هيئة قادمة تؤمن بالعمل المؤسساتي
🔹 لأي محب يحب يشوف المستير تكبر بعقلية حديثة
🔹 و خاصة لجماهير الاتحاد بالخارج

باش نؤمنو بالمشروع هذا و ندعموه.

في صورة وجود تفاعل و استعداد حقيقي، باش يتم نشر المشروع كامل للعموم في جلسة عامة في شكل dossier مفصل يشرح:
الهيكلة
المعدات المطلوبة
البرامج المستعملة
التمويل
طريقة العمل
مراحل التنفيذ
و كيفاش المشروع هذا ينجم يغير مستقبل الجمعية رياضياً و تنظيمياً.

الاتحاد المنستيري يستحق يكون أكثر من مجرد فريق يبدل المدربين و يعاود يبدأ كل مرة.يستحق يكون مؤسسة كروية حديثة… عندها هوية، ذاكرة، و مشروع واضح للمستقبل.
و البداية تكون بالإيمان إنو التطور ماعادش اختيار… بل ضرورة. ⚽📊

بالبركة يا حسن 💙😂

مبروك للاعبنا السابق الاتحاد أمين نجاح بعد تحقيقه الصعود إلى الرابطة الأولى مع فريقه ساقية الداير...👏💙
نتمنى التوفيق للاعبنا السابق في بقية مشواره الكروي ...💙

يوم آخر تعدى مازلنا ماريناش أي بوادر إستقالة للأعضاء
اليوم النجم الساحلي كامل الهيئة إستقالوا و عملوا سبونسور جديد و خلاو المجال للعباد إلي قادرة تعاون و أحنا مازلنا نستناو في سيادة الأعضاء يرضاو علينا و يسيبوا الجمعية

من الذاكرة
كريستيانو رونالدو يجري تيران كامل فرحان ببونتو ضد الإتحاد المنستيري 💙

مسرحية سيئة الإخراج من مسلم سلامة الإستقالة ثم رفضها من إلي مسمين رواحهم أعضاء و صحابوا
اخرجوا و سيبوا الجمعية أعضاء قبل الرئيس مطالبنا واضحة إستقالة جماعية
مسلم سلامة ماهوش وحدوا في الهيئة الأخطاء و الفشل إلي صار الموسم هذا تتحملوه الكل الأعضاء قبل الرئيس

لا علينا في الكأس و السوبر زوز يمسحوا بيه أما عجبتني الأفروأسياوية معناها عامين اخرين يوليوا يقولوا هزينا الأفروأسياوية مش بطولة دبي الودية 😂
ثلاثية هي بطولة و كأس و بطولة إفريقيا إلي هي البال براو إسألوا رضوان سليمان تو يعلمهالكم

جوارات الباسكات بش تخلصو في فلوسكم على قريب أما تقعدو وصمة عار في تاريخ الاتحاد .

بعد ماوفى موسم البسكات خلينا نحكيوا على كل لاعب الموسم هذا للغربلة
نبداو بالأجانب
-المدرب أرتورو و مساعده علامة إمتياز للثنائي للإسباني في وقت قصير حطوا بصمة واضحة و تحسن كبير في الأداء في البطولة
- تروي فرانكلين ملاعبي لحقيقة بعد طرح القيروان و التتويج قلنا إلي هو من أحسن الأجانب إلي جاو للمستير أما كي نجيوا نشوفوا إحصائياته و خاصة طرح اليوم نجموا نقولوا من أسوأ 3 أجانب اخر 5 سنين
- أوزيريس ( باخانوا ) لاعب جيد صحيح ضعيف في التهديف أما عندوا إمكانيات كبيرة دفاعية على عمناول طاح برشا في الثلاثيات ماهوش باخانو متع البال أما دفاعيا كان ممتاز حتى ربيع البحوري أكد الكلام هذا و قال عليه إليث هو من أقوى المدافعين إلي دخلوا تونس نعتبروها عودة ناجحة
الفريق مطالب بتغيير الأجانب سوى في البطولة و في البال لازم تبدى تتفاهم مع اللاعبين من توا
نمشيوا للمحليين
- فراس لحياني موسم من أحسن المواسم في مسيرته أرقام كبيرة حضور كبير في النهائيات و كان نجم الفريق بدون منازع نقطة سوداء الموسم هذا كان الإضراب إلي عملوه قبل طرح النهائي
- مختار غيازة يا حسرة على مختار عامين و 3 سنين للاعب طاح برشا بدنيا أي إرتكاز قوي بدنيا ماياكلش معاه الخبز لحقيقة واحد مالناس نرى وقت غيازة إنتهى مع المستير خاصة الإضراب إلي عملوا عالفلوس رغملي هو القائد و أقدم لاعب فيهم أما ماصلحش كان معاهم في الإضراب
- بلال الجزيري بداية موسم كارثية تحسن برشا في نصف النهائي ضد النجم و زادة كان موجود في نهائي البطولة نهاية موسم لازم يبني عليها إذا يحب يلقى بلاصة العام الجاي
- بشير بن يحيى لاعب كان مظلوم من جميع المدربين قبل أرتوروا إلي عطاه وقت لعب محترم و حطوا على غيازة أداء مميز و حضور كبير في وقت إستحقينا نجم جديد في الفريق
- إسكندر بالراشد لاعب متوسط بأتم معنى الكلمة لاعب متع إحتياط يدخل متع ماكس 8 دقائق بدنيا باهي أما إمكانيات ناقص برشا تقريب على 5 ماتشوات يعمل طرح باهي ملاعبي لازموا برشا خدمة على الثلاثيات و Fast Break تحسوا كل مايطلع 1V1 يخاف و يضيع بصفة غريبة
- حسام المهملي كيف بلال الجزيري ولدنا صحيح أما لحقيقة خيبة أمل ملاعبي طلع للأكابر عندوا على الأقل 8 سنين 0 تطور 0 تحسن نفس المستوى نفس الأداء على عام كامل يعطيك طرح ماكس 2 باهين في مركز مهم واحد مالناس نرى المهملي يلزم يخرج إعارة ياخوا وقت لعب حاجة كانت لازم تصير عامين لتالي أما على الأقل توا وقتها
- مهدي السايح لاعب متوفي من أشهر ماظهرش ريناه في الإحتفالات متع البطولة يضحك شايخ و قال للناس الكل بش يكمل معانا العام الجاي لاعب كان ينجم يعاون بالخبرة متاعوا اليوم ملاعبي بناك لأجنبي مركز 1 ينجح
- أحمد العدامي ملاعبي بإمكانيات كبيرة و بدنية ضعيفة ملاعبي كان قادر يكون أحسن برشا مالمستوى الضعيف إلي ريناه العام هذا أما لاعب تحسوا ماعندوش رغبة للتطور بالنسبة ليا ماعندوش بلاصة معانا
- واصف المثناني كالعادة يخرج مالمستير يطرشق سوى مع النجم ولا القيروان معانا يتقلب حاجتين يا مضروب مايلعبش يا يلعب و يكسرلنا كرايمنا بالأغلاط ملاعبي للأسف تمنيت يعمل موسم باهي أما عالموسم هذا ألف في المئة ماعندوش بلاصة معانا

برشا ملاعبية ماعندهمش بلاصة معانا إذا تحب تبني جمعية صحيحة لازمك تخطف ملاعبية مالشبيبة و مالإفريقي و تطرد الملاعبية إلي ماعندهمش بلاصة

بصفة عامة الملاعبية هاذم صحيح رجعولنا البطولة أما في المستير مادام مش دوبلي مش إنجاز ملاعبية إختارت الفلوس على الجمهور إضرابات موسم كامل مستحيل يترناو شهر على بعضوا نهائي الكأس بدى تحضيروا قبل 3 أيام بعد راحة 3 جمعات تقريبا حاجة كارثة رغم إلي يعرفوا إلي فلوسهم جاية جاية منا ولا منا

قبل كل شيء برافو وألف برافو لكل جماهير الاتحاد التي تنقلت إلى قاعة رادس اليوم علما وأن المباراة دارت تحت شبابيك مغلقة مع دخلة من طراز عالي ..💙
بالنسبة لفينال الكأس الحقيقة الإفريقي إستحقت اللقب اليوم ، جوارات تتمنيك ملول ظاهرين وقتلي صوروهم كيفاه يسلمو على الرئيس مهمش معبرينو أصل .. فاش تستنا من جوارات ترشحت للفينال نهار 18 أفريل ورجعت تترانا كان نهار الإثنين أي قبل ب4 أيام من الماتش؟ باهي ماكمش خالصين ونمشيو معاك؟ في ٱخر حلقة ماكم بش تخلصو على ٱخر مليم؟ فراس اللحياني ومختار غيازة هاكم كل عام معنا فماشي مرة مخلصتوش فيها؟ علاه الأضراب مالا؟ تتحداو فينا؟ إنتوما قائدي الاتحاد فيبالنا والملاعبية كيف يراوكم في اضراب ماو يتبعوكم؟ خممتو في الجمهور إلي مسيب خدمتو وقرايتو جمعة كاملة وهو يعمل في الدخلة ؟
لا فيكم واحد راجل اليوم.. فينال البنات يفرج خير منكم .
جواراتنا كيما التاكسيفون .. تسقطلهم يربحولك إلى تحب ماتسقطلهمش يوليو ڨرمبالية مع كافة الإحترام لڨرمبالية .
كلكم ذاهبون ويبقى الاتحاد الرياضي المنستيري فوق الجميع وسيشهد التاريخ أنكم غلّبتم المال على الشعار .
عاش الاتحاد الرياضي المنستيري والحرية ليوسف دائما وأبدا 💙 ✊