USMO 1923

103 ans de fidélité

روح مدينة، وفخر جماهير، وتاريخ يكتب جيلا بعد جيل ...
103 سنة من التحديات، من الانتصارات، من اللحظات التي لا تنسى…
اليوم نحتفل بماضينا، نعيش حاضرنا، ونمضي بثقة نحو مستقبل أكبر ...
كل عام والاتحاد الرياضي المنستيري بخير 💙🤍

- ما نجحتوش باش تجيبو مستشهر
- ما نجحتوش باش تعملو علاقات تجيبو بيها فلوس
- ما نجحتوش باش تحافظو على ركائز الفريق
- حتى عملية البيع كانت فاشلة لأنكم ما نجحتوش باش تبيعو ملاعبية لخارج تونس و بأسعار باهضة بل بعتوهم لفرق تونسية و زيد بأسعار رخيصة
- ما نجحتوش حتى باش تخلصو ملاعبية في مستحقاتهم
- ما نجحتوش في الإنتداب و ما نجحت ش في إختبار المدرب
- ما نجحتوش باش تعملو حتى شويا علاقات مع الجامعة و الرابطة هاو علاش حقنا ماناش ناخذو فيه
- من اول الموسم 7 أهداف يتسجلو و من بعد يتنحاو لأنكم ما عرفتوش تجيبو حق الجمعية

* تلك العوامل تخلي الجمهور ما عادش يصبر و ما عادش يتحمل تلك الأخطاء و التراكمات و تلزوه باش ينفجر و ياخو حقو بيدو مدامكم فاشلين في كل شي و خاصة في دفاعكم عن حق الجمعية
* يا هيئة كلامي موجه ليكم و تتحملون المسؤولية 100%

في مقابلتنا ضد مستقبل المرسى في المرسى و بعدها ضد النادي الصفاقسي في صفاقس و بعدها ضد النادي البنررتي في بنزرت ، كل مرة نسجلو هدف و كل مرة يتم إلغاده، و بعد كل إلغاء هدف فريقنا يدخل بعضو و يضيع الثوابت متاعو و يكمل بالسيف متعادل 0-0

في مقابلتنا ضد الأولمبي الباجي في باجة فريقنا يسجل هدف التعادل و كالعادة يتم إلغاءه و من بعدها فريقنا يدخل بعضو و يضيع الثوابت متاعو و يكمل خاسر 1-0

يعني 4 مرات نسجل هدف و يتنحا هذيا مسؤولية ما نتحملوهاش

لكن بعد كل إلغاء هدف، فريقنا يتمس و يدخل بعضو و ما ينجمش يربح و هوني نحكي على هشاشة نفسانية لفريقنا

نتيجة التعادل ضد النادي البنررتي في بنزرت ما فرحتنا لكن ليست بمفاجأة نظرا لصعف نتايج فريقنا خارج الميدان متاعنا

هذا الموسم لعبنا 12 مقابلة خارج بلادنا و حققنا فيهم 2 إنتصارات فقط بينما تعادلنا 7 مرات و خسرنا 3 مرات يعني حصلنا 13 نقطة فقط من جملة 36 خارج الميدان متاعنا وهي حصيلة متواضعة جدا

يعني فريقنا أضاع ثقافة الإنتصار خارج الميدان و هذا ما جعل فريقنا موجود في المرتبة 5 فقط

بعد الهزيمة ضد النجم الرياضي الساحلي في سوسة بنتيجة1-0 ،فريقنا كان مطالب بردة فعل للعودة للإنتصارات

خلال الشوط الأول رغم إنو سجلنا هدف عن طريق ضربة جزاء بفضل مالك الميلادي، لكن ترجي جرجيس كان أحسن منا و كان بإمكانو تعديل النتيجة لولا تضييع ضربة جزاء و لولا تدخل لاعبنا سالم بيزيد الذي تصدي لكرة خطيرة على الخط النهائي و أنقذ الإتحاد من هدف التعادل

خلال الشوط الثاني دخل بن محمد مكان الحرش و بصراحة شفنا تحسن واضح على الجهة اليسرى لأنو تحركات بن محمد و الڨنوني مكنتنا من الحصول على ضربة جزاء ثانية و سجلنا بيها الهدف الثاني ببفضل فخر الدين بن يوسف و من وقتها فريقنا تحرر مقابل إنهيار ترجي جرجيس

نتيجة التقدم 2-0 خلات المدرب متاعنا يدخل كل من بوليلة و النيجيري لقمان و السويسي و اليعقوبي و كملنا المقابلة بخطة 4-2-3-1 بعد ما بديناها بخطة 3-5-2 و بتلك التغييرات حسينا إنو الإتحاد إسترجاع شويا من لعبو الي نعرفوه

في الأخير إبراهيم السويسي يعطي تمريرة حاسمة زميله بن يوسف الذي يتمكن من تسجيل الهدف الثالث و ينهي المقابلة نهائيا إنتصار مهم بنتيجة 3-0

صحيح فرطنا في 3 ركايز أساسية على غرار كل من غربال والحرزي والحاج علي وبخلاف هذا الكل غابو علينا 3 ركايز أخرين على غرار العبدلي و الشيخاوي و الميلادي و رغم هذا الكل جمعيتنا ربحت المقابلة

أثناء المقابلة و قبل ما نسجل الهدف، فريقنا ضيع فرص محققة متاع أهداف و حتى بعد ما سجلنا الهدف خذينا ورقة حمراء وكملنا المقابلة ب 10 ملاعبية ورغم هذا الكل جمعيتنا ربحت المقابلة

المقابلة فعلا كانت صعيبة نظرا للظروف الي صارت قبل المقابلة إلا أنو رغم هذا ربحناها بفضل المهاجم غادياغا الي دخل أثناء اللعب

الحمد لله و الشكر لله على هذا الإنتصار
الله ولي التوفيق و عاش الإتحاد الرياضي المنستيري

الشي الي نتحملوه و لازمنا نصلحو بيه رواحنا هي طريقة قبولنا للهدف الأول ضد الأولمبي الباجي في باجة و الطريقة الي لعبنا بيها طيلة الشوط الأول ما كانتش ناجحة و هذيا فريقنا يتحمل فيها مسؤولية و لازم الأغلاط الي صارو يتصلحو و ما عادش تتعاود في قادم المقابلة

الشي الي يفوق طاقتنا و فريقنا ما يتحملش فيها مسؤولية هي وقتلي سجلنا هدف التعادل، تم إلغاءه بتقنية الفار بعد ما تم إحتسابه في مرحلة أولى

المطلوب هو إنو المقابلة الجاية ضد المرسى هو على الأقل ما نعاودوش نفس الأغلاط الي صارت طيلة الشوط الأول ضد الأولمبي الباجي و نعطيو الكرة حقها و البقية على ربي

في مقال سابق وضحت و كتبت على بالمنتدبين الي أعمارهم تساوي أو تتجاوز 22 سنة

في هذا المقال باش نكتب على الملاعبية الي أعمارهم أقل من 22 سنة

في المركاتو الصيفي الي تعدا تم إنتداب 7 ملاعبية أعمارهم أقل من 22 سنة و هم :
شايم الجبالي، البرهومي ،الكردي، السويسي،. غادياغا ، سيديبي ، سامي بوعلي

في المركاتو الشتوي تم إنتداب لاعب عمرو أقل من 22 سنة وهونبي نحكيو على الأجنبي من مدغشقر تسيرافا

و عنا الحق ننتدبو قد ما نحبو من ملاعبية أعمارهم أقل من 22 سنة

توضيح
في الميركاتو الشتوي تم إنتداب 10 ملاعبية أعمارهم فوق تساوي أو تتجاوز 22 عام منهم 6 فسخو و 4 تم الحفاظ عليهم

6 الي فسخو العقد هم : المعتوڨي و بوديان و عبيد و أيوب شعبان ،و سيف صابر و موزاس بيدرو عمر

4 الي بقاو : العمري، دويهش ، زموري ، فخر الدين بن يوسف

3 منتدبين متاع ميركاتو شتوي وأعمارهم تساوي أو تتجاوز 22 سنة هم : بن محمد و بوليلة و النيجيري لقمان

مادام جبنا 10 و نحينا منهم 6 و عوضناهم ب 3، يعني مازال عنا الحق في 3 إنتدابات ملاعبية أعمارهم تساوي أو تتجاوز 22 سنة

فرع كرة القدم :
- في أول جولة من مرحلة الإياب فريقنا خرج متضرر خاصة بعد ما إكتفينا بالتعادل مقابل إنتصار كل من الترجي و الإفريقي و صفاقس و لتوال

- صحيح إنو فريقنا ضيع فرص لتسجيل الأهداف لكن زادا ضيع ضربة جزاء الي خلانا نحرمو رواحنا من تحقيق إنتصار

- الحرزي موش أول مرة يضيع ضربة جزاء و هذيا مصيبة على خاترو ما تعلمش من غلاطو و هذيا خلات الجمهور يغضب و عندو الحق لأنو اذا تضيع لأول مرة ممكن الجمهور يسامح لكن كي تعاود الحكاية ما عادش فيها سماح

- الحرزي مخو مشوش بالعروض من المفروض المدرب يعفيه من تسديد ضربة جزاء و يكلف ملاعبي آخر

- ملخر رغم إحترافية الحرزي و كفاءة متاعو كلاعب و كقايد فريق لازم إعفاءه من مهمة تسديد ضربات الجزاء مادامو ما عادش يحط فيهم في الشباك و زيد بأقل مشاكل ليه

- المفيد نصلح و نتعلمو من أغلاطنا الي وقعنا فيهم في ماتش البقلاوة و ما لازمش نعاودوهم و كل هذا من أجل العودة للإنتصارات

فرع كرة السلة
الإتحاد الرياضي المنستيري أنهى المرحلة الأولى ب 10 إنتصارات و 2 هزايم و زيد خسرنا كأس السوبر ضد النادي الإفريقي

بصراحة مع الهيئة الجديدة و خاصة المسؤولين الجدد على فرع كرة السلة لقينا صعوبات و ما كناش موفقين رغم مجهودات هم و رغم الي عاطين من وقتهم في خدمة النادي

وليد بوسلامة عاد للتسيير في فرع كرة السلة و هذه العودة عطات تأثير إيجابي و الدليل إنتصار بفارق 20 نقطة على شبيبة القيروان في الجولة الأولى لمرحلة البلاي أوف

يعني مهما يصير من تغييرات عملية التجديد عمرها ما لازم تصير بنسبة 100% لأنو ديما نحتاجو المسؤولين قدم و خبرة كيما وليد بوسلامة

بعد الإنتصار الي حققناه ضد شبيبة القيروان و الي خلات فريقنا يعاود ياقف على ساقيه، اليوم فريقنا واصل في الإنتصارات و هذه المرة ضد مستقبل سليمان و بالتالي فريقنا أنهى مرحلة الذهاب بطريقة إيجابية من خلال 2 إنتصارات على التوالي

حظوظ الإتحاد مازالت وافرة من أجل مقعد إفريقية خاصة إنو فريقنا متأخر ب 4 نقاط فقط على صاحب المرتبة 3 و لتحقيق هذا الهدف لازم إنجاح الميركاتو الشتوي