Taraji Live - الترجـي لايــف

Taraji Live - الترجـي لايــف أخبار حصرية..
فيديوهات..
تصريحات..
فقرات متنوعة..
نتائج..
?

حسبي الله و نعم الوكيل في كل واحد يسب الأم..
13/09/2026

حسبي الله و نعم الوكيل في كل واحد يسب الأم..

بسم الله ما شاء الله كلا الأخضر و اليابس.. ✊🔥
13/09/2026

بسم الله ما شاء الله كلا الأخضر و اليابس.. ✊🔥

13/09/2026

ملا مهازل و ملا تحكيم….

جمعـــة مــباركــة 🤍🤲
11/09/2026

جمعـــة مــباركــة 🤍🤲

تدرب الياس مكوانا اليوم رفقة زملائه 🟡🔴
10/09/2026

تدرب الياس مكوانا اليوم رفقة زملائه 🟡🔴

أجواء المجموعة عال العال 🤩و لا عزاء لبلاطوات القلابس و حمام زاجل ❤️
10/09/2026

أجواء المجموعة عال العال 🤩
و لا عزاء لبلاطوات القلابس و حمام زاجل ❤️

‏مهما انشغلت في يومك، استقطع دقيقتانفي أيّ وقت تقرأ فيهما "سورة الملك" ‏فقد قال ﷺ: "إنَّ سورةً في القرآنِ ثلاثونَ آيةًشف...
08/09/2026

‏مهما انشغلت في يومك، استقطع دقيقتان
في أيّ وقت تقرأ فيهما "سورة الملك"

‏فقد قال ﷺ: "إنَّ سورةً في القرآنِ ثلاثونَ آيةً
شفَعت لصاحبِها حتَّى غُفِرَ لَه تَبَارَكَ الَّذِي
بِيَدِهِ الْمُلْكُ"

علاش ندافع على كاردوزو قبل و علاش ندافع على ريجيكامب توة خاتر مشكلتي مع المنظومة، مشكلتي مع الاعلام الي ديما يلقى الاعذا...
07/09/2026

علاش ندافع على كاردوزو قبل و علاش ندافع على ريجيكامب توة

خاتر مشكلتي مع المنظومة، مشكلتي مع الاعلام الي ديما يلقى الاعذار للمدرب التونسي، كل خسارة، كل مستوى تعيس يلقاو ليه ألف عذر بينما المدرب الاجنبي إذا ربح و ما قبلش يشدولك في الأداء ( كاردوزو واصل فينال رابطة ابطال و هز بطولة تونس بإفكتيف عادي من غير بنك شدولو في الأداء) نفس النتائج هاذي إذا عملها مدرب تونسي يقعد يصرف منها عامين اخرين

سمعنا كلامهم، خيرنا مشى لغيرنا، صانداونز هزت بيه التيتروات الكل، أول عام معاهم هز البطولة و لعب فينال رابطة الأبطال و جاب 4 نقاط في كأس العالم للأندية و عمل ماتش يرفع الراس ضد بوروسيا دورتموند 4/3

ثاني عام هز دوري أبطال إفريقيا و هز كأس جنوب إفريقيا و يمكن يكمل يهز السوبر الافريقي

مرتين نخرجو على يديه من رابطة الأبطال، طردوه ما قالش العيب لا فينا و لا في جمهورنا، يخرج رابح ضدنا يهز في المورال للملاعبية متاع الترجي ، هذا عندهم خايب

و الاخر إلي يقول بارازيت و إلي شكى باش ياخو فلوسو و يدرب في الافريقي ( عملهم الكل) لتو مزالو يطح*ولو واحد كيفو المفروض يتدفن من تاريخ الترجي موش تذكر في اسمو و تتحسر عليه

ريجيكامب إلي ما يعرفش يدافع و ما يعرفش يراني، لعب ثمن نهائي اليوروبا ليغ عام 2013 ضد تشلسي ( تشلسي إلي فيها وقتها ماتا و هازارد و اوسكار و فرناندو توريس) و إلي عامتها هزت التيتر و قبلها بعام هازة رابطة الأبطال و إلي يراني فيها مورينهو في اياماتو

ربحها 1/0 في رومانيا و خسر معاها في لندن 3/1 ، بجمعية عادية قبل في زوز اطراح ضد تشلسي كان 3 بونتوات بالملاعبية إلي فيها و غصرها و كان يكفيه بونتو برك غادي باش يترشح عليها للربع النهائي، هذا إلي يوسف الزواوي إلي واكل 7 ضد الجزائر يحب يعطيه دروس في التدريب و في المنظومة الدفاعية ( نفس المنظومة إلي كلى بيها 6 بونتوات ضد الاسماعيلي في طرحين)

ريجيكامب نفسو إلي عيطتلو الهلال السعودي وصل بيها فينال دوري أبطال اسيا بعد 14 سنة ما نجمتش تلعب فينال بعد فترتو الذهبية مع اقوى جمعية في رومانيا ستيو بوخاريست، هاذم إلي شادين البلاتوات و يعطيو فيه الدروس و الحكم، ما ذابينا نعرفو شكون دربو و شنوة صنعو في حياتهم، عباد فاشلة في التدريب يستناو جمعية تلعب عالطياح باش يلقطو خبيزة يحبو يعلمو مدرب درب في مستوى كان يبوسو الڨمرة ما يخلطوش عليه كيفاش يدرب

سمعنا كلامهم آخر مرة ، طردناه، جبنا مدرب اخر عندو شومبرار من تالي، خرجنا ضد الحماص كاردوزو قالو موش ذنبو أول ماتش، بعدها بعام في مجموعة فيها سيمبا، بترو أتلتيكو الانغولي، الملعب المالي حتى في كأس الكاف ما تلقاش المجموعة هاذي

في 5 اطراح رابح طرح، تعادل في 3 ، ربح طرح، إلي يحكيو عالمنظومة الدفاعية من 5 اطراح عمل كلين شيت كان في طرحين، قعدنا معلقين في اخر طرح ضد بترو في رادس و خايفين لا نروحو من المجموعات

و المدرب إلي طردناه مشى للهلال السوداني، الاطراح الكل يلعب فيهم خارج القواعد ( بحكم الوضع الأمني في السودان) يطيح في مجموعة حديدية

صانداونز، مولودية الجزائر، فريق كونغولي

يتصدر المجموعة، يربح صانداونز في رواندا و يتعادل معاها في بريتوريا 2/2 على زوز اطراح ضد صانداونز يمركي 4 و ضد شكون ضد كاردوزو إلي العادة 4 بونتوات في رابطة الأبطال يقبلهم في باركور كامل

في الربع النهائي إلي تفرج في طرح الهلال ضد بركان في المغرب يعرف أنو الهلال شاخت بالطول و العرض و تفننت في تضيبع الفرص، نهضة بركان عندها أكثر من 3 سنين ما خسرتش في افريقيا في ستادها

ملاعبية الهلال بالاخص جان كلود و اداما كوليبالي كل واحد منهم ضيع زوز بونتوات متاع قتلان الطرح مبعد الدقيقة تسعين على بينالتي يقبل التعادل في المغرب

في الروتور يمركي الدقيقة 60 بونتو ينحيه الفار و يرجع للقطة إلي قبلها و يحسب بينالتي لنهضة بركان

جمهور الهلال عمناول طمع يهز التيتر، مع ريجيكامب أول مرة كانو يحسو في رواحهم قراب معاه و كانو راضيين بيه و تصدموا كيف رجع للترجي في الصيف

رجع ريجيكامب و رجعت فئة من العباد إلي كانت تحكي بلغة شجع و لا روح تنقد و تسب في المدرب، جوقة الزاجل و ما تابعها، اذاعات، اسلام المدب عملهم الكل معاه و هو رابح امس، حتى الضرب منا فينا ابداهم من الاعلام التابع للصفحة الرسمية

قبل وين ما ملاعبي يكون مغضوب عليه جماهيريا خاصة جماعة الفيستيار ( بن علي، بن حميدة، قبلهم بن شريفية) و حتى مدربين الجمهور مكرز منهم يتعمدو انهم ما يهبطوش تصاورهم باش يحميوهم من السبان

توة ال tension طالعة مع ريجيكامب بعد خسارة ب 3 ضد العمران و كمل شوط أول وفى 1/1 ضد المرسى طول أول ما وفى الشوط الأول هبطو تصويرتو ( معناها يا جمهور تفضل تنجم تسبو)

مناش درواش و لا سيدي تاتا، الظروف الكل توحي أنو معادش مطول، مرهون في تعادل و يتوكل على ربي، ان شاء الله شكري ما يرخش و ما يرضخش للماتراكاج الواضح، من قبل حاربوه من الداخل بعد حكاية تسريب التشكيلة، انسان جاي يخدم موش باش يدبر راسو و يعمل علاقات

أما راهو حتى كان يخرج ريجيكامب المدرب التونسي لا سبيل إليه و باش نقعد نحارب في منظومتكم و اعلامكم حتى كان نقعد وحدي نحكي

مردود ممتاز لكوناتي اليوم بالرغم من إضاعته لهدف محقق.. العمل متواصل.. ✊🔥
06/09/2026

مردود ممتاز لكوناتي اليوم بالرغم من إضاعته لهدف محقق..
العمل متواصل.. ✊🔥

فيرناندز نجم المباراة.. 🔥👋
06/09/2026

فيرناندز نجم المباراة.. 🔥👋

Address

Tunis

Website

Alerts

Be the first to know and let us send you an email when Taraji Live - الترجـي لايــف posts news and promotions. Your email address will not be used for any other purpose, and you can unsubscribe at any time.

Shortcuts

Share

Category