Taraji new sport

صحيح الترجي الرياضي التونسي ربح اليوم ضد مستقبل المرسى، أما بصراحة ربح بسيف… 1-0 بضربة جزاء قدام فريق عاشر في الترتيب. فريق بحجم الترجي يلزم يربح ويقنع، موش يخرج بانتصار يتسمّى “نجّينا الماتش وخلاص”.
اللي نشوفو فيه كل جمعة بصراحة يتعب الأعصاب:
لا خطة، لا جمل تكتيكية، لا بناء لعب… حتى التمريرات القصيرة تولّي مغامرة! لاعبين تايهين في الميدان وكأنهم يلعبوا مع بعضهم أول مرة.
أما الصراحة المسؤولية الأكبر على المدرب:
تشكيلة غالطة، اختيارات ما يفهمها حد، وتبديلات وكأنو يستنى في الماتش يوفى. كل جمعة نفس السيناريو ونفس الأخطاء… وكأنو الفريق يلعب بلا فكرة.
وزيد الطين بلة، يخرج بعد الماتش ويعطينا تصريحات تقول: “عملنا مباراة باهية”.
بصراحة ما نعرفوش نفس الماتش اللي شفناه والا ماتش آخر!
واللي يخوّف أكثر هو الماتش الجاي قدام الأهلي المصري في دوري أبطال إفريقيا. بالمستوى هذا، التفاؤل ضعيف برشة. الأهلي فريق يعرف يلعب الكورة وينظم روحو، وإذا الترجي يواصل بنفس الأداء والاختيارات، المباراة باش تكون معقدة برشة.
الانتصار باهي للنقاط، أما الحقيقة المرة:
الترجي اليوم ربح بالنتيجة فقط… أما في الأداء ما زال بعيد برشة على فريق كبير.

الترجي الرياضي التونسي فريق كبير وما عادش وقتو يضيع مع الإطار الفني الحالي. المدرب ماهر الكنزاري باين عليه مهوش قادر يوجّه الفريق، التكتيك غائب واللاعبين يلعبوا كأنهم وحدهم. الفريق اللي كان معروف بانضباطه صار تائه على الميدان.
أما الحارس بشير بن سعيد، اللي من المفروض يكون صخرة الفريق، ضيع الوقت بلا سبب واضح وأظهر ضعف كبير، ما يليقش أبداً بلاعب يمثل الترجي. كل هالمشاكل تثبت أن القيادة داخل النادي عاجزة، والفريق محتاج تصحيح كبير قبل ما ينهار أكثر.
الترجي يستحق أفضل من هذا، واللاعبين والجماهير ما عادش يتحملوا هالفوضى، الوقت ما يتعوضش والمستقبل يتطلب قرارات جريئة وحقيقية.

الأهلي المصري يتعامل مع الانضباط كخط أحمر 🔴
اسمك شكون ما يكون، نجم، هدّاف، ولا حتى محبوب الجماهير… الغلط يتعاقب.
إمام عاشور مثال حيّ:
تأخير؟ غرامة
مشادة؟ غرامة
تصرّف فردي؟ غرامة
و بالأرقام الثقيلة 💰 باش الرسالة توصل: النادي أكبر منك.
توا نجيـو للترجي 🇹🇳
الفوضى ضاربة، الأداء طايح، لاعبين يتمشّاو في الملعب كيما في الحومة،
مدرب يتبدّل، لاعبين بلا روح… و العقوبات؟ يا إما رمزية ولا مفماش أصلاً 😤
الفرق واضح:
الأهلي: قانون، نظام، احترام القميص
الترجي: تساهل، مجاملات، و “نعدّيوها”
و النتيجة؟
الأهلي ديما حاضر قارياً حتى وقتلي الأداء يهبط شوية
و الترجي؟ جمهور يحترق، فريق يتراجع، و نفس الأخطاء تعاود تتعاود
الصرامة موش قسوة،
الصرامة = هيبة نادي
و وقتلي الهيبة تضيع… حتى التاريخ ما ينقذكش ⚠️
كلام يوجّع، أما هذا الواقع.

🟡🔴 الترجي ربحت… والمدرّب خسر.
الفوز هذا ما هوش دليل قوة، هو مجرّد ستار يخبي عجز فني واضح.
👔 المدرّب:
صراحة؟
ما عندك لا فكر، لا بصمة، لا شخصية.
كل ماتش نفس السيناريو: لعب عشوائي، اختيارات غالطة، تبديلات متأخرة وكأنك تتفرّج موش تدرّب.
الترجي ولى فريق “نستنى في غلطة الخصم” موش فريق يفرض أسلوبه.
وين الخطة؟
وين الضغط؟
وين الجرأة؟
ولا الترجي ولى حقل تجارب؟
الفوز ما يبيّضش ضعفك، وما يعفيكش من المحاسبة.
👟 اللاعبين:
تائهين في الميدان، كل واحد يلعب وحده.
وهذا أكبر دليل إنو الإطار الفني فاشل في التنظيم والتوجيه.
اللاعب مرآة مدرّبه… واليوم المراية مكسّرة.
👏 الجماهير:
أنتم وحدكم في المستوى.
تشجيع، صبر، ووفاء رغم أداء يقتل الأعصاب.
لو كان الانتماء يتوزّع، ناخذو شوية منكم ونحطّوه في بنك الفريق.
🟡🔴 الترجي أكبر من مدرّب بلا أفكار.
نربحو اليوم؟ نعم.
نقنعو؟ لا.
ونواصلو هكّا؟ كارثة جاية لا محالة.
واللي يحب الترجي بحق،
ما يطبطبش… يفضح الغلط. 🔥🔥

في خطوة احترافية جديدة، يدشن الترجي الرياضي التونسي اليوم بالحديقة "ب" قاعة رياضة وتقوية عضلات عصرية تمتد على كامل مساحة حجرات الملابس. 🏋️‍♂️💎
• تجهيزات عالمية: أحدث المعدات الرياضية لضمان أفضل تحضير بدني لغول أفريقيا.
• بنية تحتية متطورة: استثمار في الحاضر والمستقبل لتطوير أداء أبناء النادي.
هكذا تكون العقلية المحترفة.. الترجي لا يلعب من أجل الألقاب فقط، بل يبني للمستقبل. 🇧🇪🔥

يوم صعب على نفسية منافسي الترجي و خاصة جمهور النادي الافريقي...

يوم يثبت ان الواقعية و الافعال هي ما تغير موازين القوى و ليس الخطابات الشعبوية الجوفاء و معارك الذباب الالكتروني...

جمهور الترجي سيتفرغ لمشاهدة ملامح فريقه الجديدة ، في المقابل سيتفرغ جمهور النادي الافريقي لمتابعة انستغرام محمد الشافعي و متابعة مزاج فرجي تشامبرز و عنتريات مهدي ميلاد الاعلامية

بصراحة اليوم الترجي بدا يخدم بعقلية الكبار 👏🔥: انتدابات لمواهب أفريقية صغار في العمر، تكوين مع النخبة، ومن بعد الطلوع للفريق الأول. الطريقة هاذي ناجحة برشا وما فيها حتى نقاش 💯. تمنّيت الترجي يعملها من قبل خاطرها جمعية كبيرة وتستاهل تكون سبّاقة في إفريقيا.
الطريقة هاذي تخدم بها أكبر الفرق الأوروبية كيما برشلونة وباريس سان جيرمان 🌍⚽.
أما باش المشروع هذا ينجح، لازم مدير فني قنّاص 🎯، فاهم الجوار الإفريقي، يعرف ينتقي صح، وعندو عين على المواهب قبل ما يطيحو في يدين جمعيات أخرى. زادة يلزم متابعة، خدمة، وصبر، موش كل شي بالنتائج السريعة ⏳.
إن شاء الله الترجي يكمّل على السكة هاذي، خاطر المستقبل يبدأ من توا 🚀💛❤️

اليوم بعد ماتش تونس ونيجيريا، اللي وفّاتو نيجيريا 3–2، الرعشة جات موش من النتيجة برك، أمّا من الواقع المُرّ. نيجيريا بعد الهدف الثالث هبّطت الريتم، لعبت بالعقل، كان كملوا بنفس النسق راو تونس تاكل خمسة بالمرتاح، بلا مزية وبلا نقاش.
توا نحكيو عالمنتخب التونسي بالحق، بلا تزيين وبلا نفاق: مدرّب وإطار فنّي، مع احترامي، بهائم كرويًّا. ما يعرفوش من الكرة كان كيفاش تتقسم الفلوس. سامي طرابلسي؟ بالله وين درّب؟ شنوّة إنجازاتو؟ كيفاش يولي مدرّب أوّل للمنتخب؟ على خاطر الاسم؟ ولا على خاطر العلاقات؟
وزيد عليهم اختيارات لاعبين تضحّك وتبكّي في نفس الوقت:
برون؟ فالري؟ دحمان؟
تحبّوا تقنعونا اللي برون خير من مرياح؟
وعشوري خير من كوناكتي؟
وفالري خير من بن علي؟
ودحمان خير من بشير بن سعيد؟
لا يا ولدي، لا. هذا موش كورة، هذا تصفية حسابات. هذا ولاءات لأشخاص وأندية معيّنة. هذا كره الترجي يجري في دمهم. حقد، غلّ، وبغض على فريق واقف وحدو ضد الجامعة، ويقاوم وينجح رغم كل شي.
قلك مستوري، وشواط، وجزيري!
تبًّا لكم، ولجامعتكم، ولمنتخبكم، ولمدرّبكم.
منتخب بلا روح، بلا شخصية، بلا هوية.
عاش الترجي، فوق كل فرق تونس، وفوق منتخب فاشل تسيّروه بالعقلية هاذي.

بصراحة الشوط الأوّل بين المغرب وجزر القمر كان ظلام تحكيمي موش عادي.
بيلانتي تزفّرت قدّام العينين خيالية، ومخالفات للمغرب بالعاني، وكأنّ الحكم مهمّش وما عندوش قرار. واضح يحبّها تمركي بالسيف.
وزيدها الطين بلّة: يمشي يرجع للفار على لقطة ما تتسحّقش حتى تشوفها، وفي نفس الوقت لقطة حارس جزر القمر كي ضربو دياز ضربة خطيرة وكان ينجم يكسّرلو ساقو، لا شافها لا شي ، وكأنّو ما صارتش!
بصراحة، هذا موش تحكيم، هذا عبث.
كورة إفريقيا طول ما هي بهالمستوى، بالتحكيم هذا وبالقرارات المضحكة، ما تنجمش تطوّر كورتها.
كيفاش تحبّ ترتقي وإنت تضرب في اللعب النظيف وتقتل الماتشات بصفرة وصفّارة؟
كورة إفريقيا لازمها ثورة تحكيمية، موش هكّا…
بهالطريقة، الجمهور يفقد الثقة، واللعب يتفرّغ من المتعة، وتولي الكورة فضيحة أكثر منها فرجة.

اليوم بش نحكيو على نهائي تاريخي بين المغرب والأردن، ماتش كان في برشا فرجة وحماس. مبروك للمغرب وللإخوة المغاربة الكل 👏🇲🇦
أما بصراحة لاحظت برشا حاجات في الماتش تقلّق. اللاعب العربي مازال يطيّح برشا، حتى في لقطات ما فيها حتى مخالفة تلقاه يطيح ويتجبّن.

لقطة أولى: حمد الله، مهاجم المغرب، كان وحدو وحدو ومسيطر على الكورة، أما طاح وحدو، الكورة رجعت مرتدّة شوية وتمركت.
وزيد لقطة مدافع الأردن عبد الله نصيب، طاح وبقى طايح لين جا الحكم والطاقم الطبي وخرّجوه برا الملعب، وفي الوقت هذاك المغرب مركّز وجاب الهدف. بصراحة الهدف جا بسبب تصرّفات صبيانية.

اللاعب العربي لازم ينحّي اللعب السلبي هذا، كرة القدم لعب، رجولة وتركيز، موش تمثيل وتضييع وقت. هكاك نرتقيو ونشرفو كورتنا العربية. 💪⚽