أحباء الشبيبة في العاصمة

تاو نكتبولك الفسقية باسمك بعد ما توفى الاشغال 🙈🙈

🙈🙈🙈🙈🙈

قريبا سيكون على ذمة الاحباء

بالنسبة لي
هاذم الابطال 💪
هاذم نواة الشبيبة 🇳🇬
هاذم الي عداو موسم كبير ⚔️ وناجح
هاذم الي أول العام الناس الكل راخية فيهم العين
بعد كيف بمبات الكورة وقفنا على حقيقتهم ومستواهم 🔥
روح وعزيمة وڨرينتة وحب الانتصار
هزنا بعيد واكبر المتفالين ما كانش يشوف فيهم في بلاي اوف فما بالك بسوبر وب نهائي
لاعبين ما شاء الله مستوى عالي استنزفناهم بدنيا خاتر ما عدناش بنك وما عدناش معوضين ولعنة الاصابات خلاتنا بلاش الشيحي
الناس هاذم او الرجال هاذم شهر التالي كانوا حديث الشارع الرياضي ومحط انظار برشا نوادي
الرجال هاذم عباو عزيز ميلاد وخلاو الصالة تتزين ليالي
الرجال هاذم خلاو عباد تعارك على تيكي وماتشوات تتلعب ڨيشي مصكر
الرجال هاذم خلاو ناس تاخذ كونجيات وناس تهبط من الخارج باش تتفرج في ابداعاتهم
الرجال هاذم جابو طرح من مزالي
وجابو طرح من الڨرجاني
الرجال هاذم سهروا على خاترهم رجال يحضروا في دخلات الماتش ورا خوه خاتر ممنين بهم وثقة تبنات معاهم
الرجال هاذم القروان الكل خرجت على خاترهم
الرجال هاذم مش مستحقين منا شي الرجال هاذم اقل حاجة ما تبخسوهمش حقهم ما دوروش عليهم ما تجحدوش وما تنكروش فيهم مش في ليلة ونهار وبقدرة قادر يوليو نص قصبة وبهم وعليهم
نشوف في موجة متاع تقزيم وتمييع وناس تشكك فيهم وناس تقولك ما عندهم وين يوصلو وجوارات نص قصبة الى غير ذلك راهو حتى من العيب عيب
تقزيمهم والاستنقاص منهم ما نعرفش عن قصد والا عن غير قصد لكن نكران وتقزيم ما عندو حتى مبرر
لوم الهيئة شكك في مدرب من حقك تطمح لجوارات اخرين من حقك تنقد اما رفقا بالابطال هاذم الي امس في الايام فرحوا بلاد كاملة أمان الله والشيحي وجابر والدراجي ويوسف والعبودي والقابسي وشفرة وجاءوحدو هاذم مستقبل فريق وعيب تحطموهم بكلام استنقاص وتجريح خاتر عندك رأي اخر ان شاء اللّه الكلام الي نقراو فيه متاع حسن نية
الشبيبة تعيش 🇳🇬 💪

اول قائمة انتخابية منذ سنين
على راسها سيف الدين المرغني
في انتظار نتعرفوا على أعضائها

الان وقد بزغ فجر الباسكات من جديد في القيروان
الجمعية الوحيدة حاليا الي عندها ادارة وعندها مدرب
والجمعية الوحيدة الي خالصة مع جواراتها عمناول وهاذي نقطة تحسب لهيئة وحسن تدبيرها
والوحيدة الي عملت انتداباتها لحد اللحظة
وحتى ولو انها لم ولن تنال رضا الجميع وحاجة عادية صالة تهز 2000 عادي تلقى 1000 تشكيلة وكل حد يغني عن ليلاه وكل حد ماذابيه على اللاعب الفلاني والاسم الفلاني وفما اشكون باش يضغط من اجل التعاقد مع لاعبين اخرين
لكن للضرورة المادية والفنية ما تنجمش تلبي كل الرغبات والشهوات
الي يحب الشبيبة راهي ك جمعية واقفة وموجودة وحاضرة وما علينا الا كجمهور نقوموا بواجبنا في التشجيع والحضور والدعم والمساندة
تقتناء اشتراكات الموسم القادم لازم تبدا من توا
لان المفاجآت لم تنتهي بعد والسوق مازال مفتوح والاولاد الي عدنا راهو من أحسن ما فما على الساحة عدنا فيهم الثقة من أجل موسم استثنائي 💪
ربي يوفق الجميع ان شاء اللّه نزيدوا نسمعوا أخبار طيبة 🤌
الشبيبة تعيش 🇳🇬
الشبيبة باقية وكل الاسامي زائلة وماشية على روحها 🇳🇬

امان الله الحامي لاعب منتخب
محمد المنفذ لاعب المنتخب
بلحسن الشيحي لاعب المنتخب
يوسف الضيف لاعب المنتخب
واصف المثناني لاعب المنتخب
جوهر الجوادي لاعب المنتخب
محمد صنديد لاعب المنتخب
ونزيدوهم أحمد الضيف
منتخب شبيبة القيروان قولا وفعل
فريق الشبيبة حاضر
ادارة عملت المطلوب ومازال العرض
اول جمعية بنات أسس الجمعية للموسم القادم
في انتظار المزيد خلية النحل لا تهدأ ومازال مازال 🤌🤌🤌🤌

حتى لا ننسى ⚔️⚔️📢🤝🤝