Chikao Media

Klabu ya Young Africans Sports Club (Yanga) imetangaza rasmi kumfuta kazi Kocha Mkuu wa kikosi cha kwanza, Pedro Gonçalves, kufuatia maamuzi ya uongozi wa klabu hiyo.

Kupitia taarifa kwa umma iliyotolewa Mei 6, 2026, uongozi wa Yanga umemshukuru kocha huyo kwa mchango wake ndani ya klabu na kumtakia kila la kheri katika majukumu yake yajayo.

Katika kipindi hiki cha mpito, timu hiyo itaongozwa na makocha Abdihamid Moalin pamoja na Patrick Mabedi hadi mwisho wa msimu.

Hatua hiyo inaashiria mabadiliko ya kiufundi ndani ya kikosi hicho huku mashabiki wakisubiri kuona mustakabali wa timu yao katika mechi zilizosalia za msimu.

Clatous Chama huenda akaingia kwenye historia ya soka kutokana na bao lake la kuvutia alilofunga katika dabi dhidi ya Young Africans SC, ambalo linatajwa kuwa na nafasi kubwa ya kuwania tuzo ya FIFA Puskás Award.

Bao hilo la kipekee limeibua mjadala mkubwa miongoni mwa mashabiki na wachambuzi wa soka, wengi wakilisifu kwa ubunifu, umaridadi na ubora wa hali ya juu. Ikiwa litateuliwa rasmi, litakuwa heshima kubwa kwa mchezaji huyo pamoja na ligi ya Tanzania kuonekana zaidi kimataifa.

Sponsored:

Bakari Nondo Mwamnyeto ameendelea kuonyesha ubora wake ndani ya kikosi cha Young Africans SC (Yanga), baada ya kufunga bao muhimu la kusawazisha katika dabi ya Kariakoo dhidi ya Simba SC iliyomalizika kwa sare ya 2-2 tarehe 3 Mei 2026. Nahodha huyo pia ni tegemeo kubwa katika timu ya taifa ya Taifa Stars, akitambulika kwa uongozi wake thabiti na uwezo wa kuiongoza safu ya ulinzi kwa ufanisi.

Mbali na mchango wake uwanjani, Mwamnyeto bado anaendelea kuitumikia Yanga chini ya mkataba wa miaka miwili unaotarajiwa kumalizika Juni 2026. Katika msimu huu, amekuwa sehemu muhimu ya kikosi kilichoshiriki mashindano makubwa k**a CAF Champions League na NBC Premier League, akichangia kwa kiasi kikubwa mafanikio na mwendelezo wa matokeo mazuri ya timu hiyo.

Akiwa na umri wa miaka 30, uzoefu wake mkubwa pamoja na utulivu wake uwanjani vinaendelea kuwa silaha muhimu kwa Yanga katika harakati za kutwaa mataji zaidi, ndani na nje ya mipaka ya Tanzania.

Sponsored:

Klabu ya Inter Miami CF imeongeza juhudi katika harakati za kumsajili kiungo wa Manchester United, Casemiro, huku ikimuweka k**a chaguo lao kuu la kuimarisha safu ya kiungo.

Taarifa zinaeleza kuwa mazungumzo kati ya pande hizo bado yanaendelea vizuri, na kiungo huyo raia wa Brazil anaonesha kuvutiwa na wazo la kuhamia Miami, licha ya kuwa na ofa nyingine mezani.

Inter Miami inaonekana kuwa na dhamira ya kuongeza wachezaji wenye uzoefu mkubwa ndani ya kikosi chao, na Casemiro anachukuliwa k**a sehemu muhimu ya mkakati huo. Endapo dili hili litakamilika, linaweza kuwa miongoni mwa usajili mkubwa zaidi kuwahi kushuhudiwa ndani ya Major League Soccer katika msimu ujao.

Selemani Mwalimu Baada ya kuibuka kuwa mchezaji bora wa kombe la Mapinduzi, timu yake ya Wydad Casablanca imempongeza kwa hatua hiyo nzuri na muendelezo bora ambao ameendelea kuuonyesha katika ligi ya kuu Tanzania tangu alipojinga na Simba kwa Mkopo.

Ikumbukwe mwishoni mwa msimu huu mkataba wa mkopo ambao unamfanya Mwalimu kuichezea Simba unafikia tamati na itambido arejee kwenye klabu yake.