Buxoro sport boshqarmasi

🇺🇿Buxoro viloyatida kurash natijalari va yutuqlari bo'yicha yig'ilish bo’lib o’tdi!

▫️Buxoro viloyati hokimi o'rinbosari Mirali Xamrayev boshchiligida viloyat sport boshqarmasi boshlig’i U.Nadjimidinov hamda kurash federatsiyasi va sport mutasaddilari ishtirokida muhim yig'ilish o'tkazildi.

▫️Yig'ilishda dastavval, O‘zbekiston respublikasi prezidentining “Kurash milliy sport turini rivojlantirish va uning xalqaro nufuzini yanada oshirish chora-tadbirlari to’g’risidagi” 4881 – sonli qarori ijrosi bo’yicha so’z bordi. Shundan so’ng, M.Xamrayev dastlab kurash federatsiyasi raxbari S.Umarovni tingladi. Unga ko’ra federatsiya raxbari, sportchilarning jahon chempionatlaridagi muvaffaqiyatlari va xalqaro musobaqalarda qo'lga kiritgan medal va diplomlari haqida so'z yuritdi.

▫️Shuningdek ortda qolib borayotgan mazkur yil bo’yicha kurash borasida qo'lga kiritilgan natijalar, jahon chempionlari va sovrindor sportchilar haqida batafsil ma'lumot berildi. Shu bilan birga, Buxoro viloyati kurashchilari o'z mahoratlarini ko'rsatib, xalqaro arenada o'z o'rnini topishga muvaffaq bo'lishganini aytib o’tildi.
Undan tashqari yig'ilish davomida soha yuzasidan kamchiliklar, kelajakdagi rejalar kabi masalalar ham muhokama qilinib, viloyatda yetishib chiqayotgan jahon chempionlari va boshqa yuqori natijalarga erishgan sportchilar taqdirlangani, ularning yutuqlari yosh avlodga ilhom manbai bo'lishi alohida ta'kidlandi.

▫️Yig’ilishning ikkinchi yarmida, trening jarayonlari, infratuzilma va sportchilar uchun yaratilgan sharoitlar haqida fikr almashildi. Bu muammolarni bartaraf etish uchun kelgusida amalga oshirilishi kerak bo'lgan chora-tadbirlar belgilandi.
Kelgusi musobaqalarda, sportchilarni tayyorlash jarayoni va ularni xalqaro maydonda muvaffaqiyatli ishtirok etishlariga ko'maklashish bo'yicha rejalar muhokama qilindi. Yosh sportchilarni qo'llab-quvvatlash va ularni xalqaro musobaqalarga tayyorlashda tajribali murabbiylar bilan hamkorlik o'rnatish muhimligiga alohida e’tibor qaratildi.

▫️Yig'ilish, sport sohasidagi yutuqlarni yanada oshirish, sportchilarni rag'batlantirish va kelajak avlodni kurashga jalb qilish maqsadida tashkil etildi.

Telegram (https://t.me/buxorosport) | Facebook (https://www.facebook.com/buxsport) | Instagram (https://www.instagram.com/buxoro.sport/) | YouTube (https://www.youtube.com/channel/UCoXX7VPr1O4nzicOvlzsunQ)

‘a

🇺🇿Ikki karra Paralimpiya g‘olibi Sherzod Namozovdan murabbiyiga samimiy sovg‘a!

⚡️Xabaringiz bor, Fransiyaning Parij shahrida bo‘lib o‘tgan XVII yozgi Paralimpiya o‘yinlarida mamlakatimiz sharafini himoya qilgan buxorolik sportchimiz Sherzod Namozov dzyudo bo‘yicha final bahsida muvaffaqiyatli ishtirok etib oltin🥇medali sohibi bo‘ldi.

⚡️Ikki karra Paralimpiya o‘yinlari g‘olibi bo’lgan Sherzod, o’zining Gazli shahrida 1- sinfdan 4-sinfga qadar tahsil bergan murabbiyi Ashurov Rustam Yusupovichga “Damas” avtomashinasi sovg’a qildi.

⚡️Sherzodning muvaffaqiyati, nafaqat sportdagi yutug‘i, balki murabbiyning sabr-toqati va mehnati bilan ham bog‘liq. Rustam Yusupovich o‘z shogirdlarini har doim rag‘batlantirib, ularga o‘z imkoniyatlariga ishonch hosil qilishlariga yordam bergan.

⚡️Bu sovg‘a, nafaqat Sherzodning o‘z murabbiyga bo‘lgan hurmatini ifodalaydi, balki barcha murabbiy va shogirdlar o‘rtasidagi kuchli aloqani ham namoyon etadi.

Telegram (https://t.me/buxorosport) | Facebook (https://www.facebook.com/buxsport) | Instagram (https://www.instagram.com/buxoro.sport/) | YouTube (https://www.youtube.com/channel/UCoXX7VPr1O4nzicOvlzsunQ)