Uzbekistan Karate WKF

Oybek Omilovichni tavallud ayyomi bilan muborakbod etamiz!

Hurmatli Oybek Omilovich!

Sizni tavallud ayyomingiz bilan chin qalbimizdan muborakbod etamiz!

Yurtimiz sporti va Olimpiya harakati rivojiga qo‘shayotgan ulkan hissangiz, fidokorona mehnatingiz va tashabbuslaringiz tahsinga sazovor. Ayniqsa, karate sport turini rivojlantirish, uning nufuzini yuksaltirish hamda yosh avlod o‘rtasida ommalashtirish yo‘lida qo‘shayotgan munosib hissangiz alohida e’tirofga loyiq.

Sizga mustahkam sog‘lik, uzoq umr, oilaviy xotirjamlik, baxt-saodat hamda mas’uliyatli faoliyatingizda yangi-yangi zafarlar tilaymiz!

Har bir ezgu maqsadingiz ulkan muvaffaqiyatlarga, har bir tashabbusingiz yangi g‘alabalarga yetaklasin!

Tavallud ayyomingiz muborak bo‘lsin, Oybek Omilovich! 🇺🇿🏆🥋

Hakamlar uchun o’quv-seminari tashkil etildi.

O'zbekiston Respublikasi Prezidentining 2023-yil 3-noyabrda "Karate (WKF)
sport turini yanada rivojlantirish chora-tadbirlari to'g'risida" gi qarorida belgilangan vazifalar ijrosini ta'minlash maqsadida O’zbekiston karate WKF assotsiatsiyasi tomonidan Xorazm viloyatida hakamlar uchun seminar tashkil etildi.

Seminarning ilk kunida sport ta'lim muassasalari, sport
klublari va xususiy sektorlardagi hakamlar uchun kumite hamda kata bo’yicha nazariy bilimlar berildi. Ertaga 8-avgust kuni seminarning amaliy qismiga o’tiladi.

Milliy jamoa mashg’ulotida shifokorlarning o’rni beqiyos.

Xabaringiz bor shu kunlarda milliy terma jamoamiz “Yangiobod” sport bazasida o’quv-yig’in mashg’ulotlarini olib bormoqda. Sportchilarning salomatligi, vitamin terapiyasi, psixologik holati ham muntazam nazorat ostida.

Assotsiatsiyamiz shifokorlari hamda taklif etilgan maxsus mutaxassislar karatechilarimiz bilan individual shug’ullanmoqdalar.

Aichi-Nagoya 2026 yozgi Osiyo o‘yinlariga taekvondo WT va karate WKF sport turlari bo‘yicha tayyorgarlik ishlari ko‘zdan kechirildi

O'zbekiston Milliy Olimpiya qo'mitasi raisi o'rinbosari, O'zbekiston taekvondo WT assotsiatsiyasi raisi Sherzod Tashmatov, Sport vazirligi Oliy sport yutuqlari boshqarmasi Akrom Nizametdinov ayni kunlarda Toshkent viloyati Angren shahridagi Dukent sport sog‘lomlashtirish majmuasida o’quv-mashg’ulot yig’inlarini olib borayotgan taekvondo WT va karate WKF bo‘yicha milliy terma jamoa a’zolari bilan uchrashdi.

Ishchi guruh sportchilarimizning mashg’ulot jarayonlari va sparring bellashuvlarini shaxsan kuzatib bordi va murabbiylar shtabiga amalga oshirilishi lozim bo’lgan topshiriq-vazifalarni belgilab berdi.

Shuningdek, uchrashuv yakunida milliy terma jamoa a’zolariga bo’lajak xalqaro musobaqalarda omad yor bo’lishini tilashdi.

Web-Sayt | Telegram | Facebook | Instagram | Youtube

Yoshlarimiz 2 ta oltin va 1 ta bronza medalini qo’lga kiritishdi.

Xorvatiyaning Porech shahrida o’tgan “yoshlar ligasi” da G’ofurjon Zohidov shogirdlari 2 ta oltin va 1 ta bronza medalini jamg’arishdi.

🥇 Tabriklaymiz!

Zokirov Samandar final bahsida Bosniya va Gersegovina vakilini mag‘lub etib, musobaqaning oltin medalini qo‘lga kiritdi!
Shu tariqa, jamoamiz hisobidagi 2-oltin medal ham qo‘lga kiritildi. 🇺🇿🏆

🥉 Porech. “Yoshlar ligasi”. Live!

Sadullayev Suxrobbek (-61 kg) bronza medali uchun kechgan bahsda Bolgariya vakili ustidan ishonchli g‘alabaga erishib, musobaqaning bronza medalini qo‘lga kiritdi.
Barakalla Suxrobbek!

Porech. “Yoshlar ligasi”. Live!

🥇 OLTIN MEDAL!
Umrbekov Maqsadbek (-55 kg) musobaqaning final bahsida Gretsiya vakilini ishonchli tarzda mag‘lub etib, oltin medal sohibiga aylandi.

Umrbekov Maqsadbekni ushbu ulkan yutuq bilan tabriklaymiz!

Prezidentimiz Sevinch Rahimovani taqdirladi.

Karate WKF bo’yicha milliy terma jamoamiz a’zosi, barcha kompleks musobaqalar chempioni Sevinch Rahimova davlatimiz rahbaridan “Kelajak bunyodkori” medalini qabul qilib oldi.