KV. Fer Volley - Ferizaj

🏆 URIME KH. Kastrioti 1958 Ferizaj 💙🤍 ! 🏆

KV Fer Volley shpreh urimet më të sinqerta për KH Kastrioti me rastin e shpalljes kampion i Kosovës pas 15 vitesh pritje.

Ky sukses është rezultat i punës së palodhshme, përkushtimit, sakrificës dhe besimit të vazhdueshëm gjatë gjithë sezonit. Rikthimi në majën e hendbollit kosovar pas një periudhe kaq të gjatë e bën këtë titull edhe më të veçantë dhe më të merituar.

Ky triumf nuk është vetëm krenari për klubin tuaj, por edhe për qytetin e Ferizajt, duke dëshmuar se puna, uniteti dhe ambicia sjellin rezultate të mëdha.

Ju urojmë suksese të vazhdueshme, shëndet, fitore dhe shumë trofe të tjerë në vitet që vijnë.

🤝 Urime kampionë!

Me respekt,

💙 KV Fer Volley – Ferizaj

THANK YOU, COACH. 💙

After two unforgettable seasons, we say goodbye to our coach as he continues his career in Finland. 🇫🇮

🏆 2x Kosovo Championships
🏆 2x Federation Cup Winners
🏆 1x Super Cup Winner
🏆 1x Independence Cup Winner
🥈 Unik League Silver Medal
🥈 Kosovo Cup Silver Medal

Your passion, mentality, leadership and dedication helped write one of the most successful chapters in FER Volley history.

Thank you for every match, every training session, every emotion and every trophy.

We wish you success in this new chapter.

FER VOLLEY FAMILY 🐺💙

Thank you for everything. 🤍

Today we say goodbye to four players who gave everything for the jersey, for the team and for this club.

#6 Joy Banks
#16 Daryna Onishchenko
#19 Ghozlane Moulla
#20 Elena Bego

Thank you for your dedication, passion, sacrifices and unforgettable moments throughout the season.
You will always be part of our story and our family.

Wishing you success in your next chapters on and off the court. 🏐

Fitorja

Një falënderim i veçantë dhe shumë i madh për FITORJA SHPK dhe pronarin z. Jahir Maloku, për mbështetjen e jashtëzakonshme dhe besimin e vazhdueshëm ndaj klubit tonë. 🤝🏆

Pas një sezoni historik, ishte kënaqësi ta mbyllnim këtë rrugëtim me një darkë të përbashkët, ku së bashku prezantuam edhe 4 trofetë e fituar gjatë sezonit.
Momente si këto tregojnë se sukseset nuk ndërtohen vetëm në fushë, por edhe nga njerëzit që qëndrojnë pranë klubit në çdo hap.

Mbështetja e FITORJA SHPK nuk ka qenë vetëm sponsorizim, por një forcë e madhe për klubin tonë gjatë gjithë sezonit.
Respekt i madh për z. Jahir Maloku për përkrahjen, mikpritjen dhe besimin ndaj FER Volley. 💙

Faleminderit për gjithçka. 🏆

FER VOLLEY E MBYLL SEZONIN ME 4 TROFE. 🏆🏆🏆🏆

🏆 KAMPION I KOSOVËS
🏆 SUPERKUPA
🏆 KUPA E FVK
🏆 KUPA E PAVARËSISË

“E QUAJTËN PRESION “
NE E QUAJM STANDART.

Nga dita e parë deri te pika e fundit, ky ekip nuk u ndal asnjëherë.

Nga jashtë, shumë njerëz panë vetëm fundin. Panë kupat, medaljet dhe festën. Por vetëm ne e dimë çfarë ka kaluar ky ekip gjatë rrugës.

Po po, FER Volley u ndërtua si ekip për titull. Dhe ne kurrë nuk ikëm nga kjo përgjegjësi. Por ajo që shumica nuk panë ishte se në mes të sezonit gjithçka ndryshoi.

Sepse ta fitosh një titull është vështirë.
Por ta mbrosh atë është edhe më vështirë.

Dhe gjatë këtij sezoni, shumë njerëz mezi pritnin momentin për të thënë:
“FER VOLLEY ka mbaruar.”

Sidomos pas janarit.

FER VOLLEY ishte klubi me më së shumti ndryshime gjatë janarit. Humbëm lojtare shumë të rëndësishme të ekipit. Një nga organizatoret më të mira që ka luajtur ndonjëherë në Kosovë LOGAN CASE u largua për arsye personale. VESA SHABANI, një nga bllokueset më të mira në Kosovë dhe pjesë e kombëtares, u largua gjithashtu. Edhe BIA MAGNABOSCO u largua për arsyet e saj personale.

Dhe papritur, gjithçka që kishim ndërtuar duhej rindërtuar përsëri… në mes të sezonit.

Por ajo që na dhembi më shumë nuk ishin vetëm ndryshimet.

Ishte mënyra si shumë njerëz mezi prisnin të na shihnin duke rënë.

Askush nuk e pa presionin që kishim.
Askush nuk e pa lodhjen mendore.
Askush nuk e pa sa herë ky ekip u detyrua të fillonte nga zero.

Edhe pasi ndryshuam ekipin, vazhduam të trajtoheshim si skuadra që “i ka të gjitha”, si skuadra favorite absolute, si skuadra që nuk ka të drejtë të gabojë. Ndërkohë realiteti ishte krejt tjetër.

Ne po kërkonim zgjidhje në momentet e fundit.
Po merrnim lojtare në javët më të vështira të sezonit.
Po luftonim për të mbajtur identitetin dhe standardin e klubit gjallë.

Madje pati njerëz që edhe netë para finaleve tentuan të na dëmtojnë jashtë fushës. Duke kontaktuar lojtaret tona, duke u ofruar kontrata dhe duke tentuar t’i shpërqendrojnë në momentet më të rëndësishme të sezonit. Kjo nuk është garë. Kjo nuk është sport. Kjo është frikë nga një ekip që edhe kur ishte i lënduar, vazhdonte të fitonte. Por edhe aty, ky ekip tregoi karakter. Sepse kur disa tentonin të na thyenin mendërisht jashtë fushës, ne zgjodhëm të përgjigjemi aty ku ka më shumë peshë.

Ne prapë… nuk u dorëzuam.

Sepse ky klub nuk është ndërtuar mbi justifikime.

Ne nuk kemi folur kurrë për problemet tona kur kemi humbur. Ju kurrë nuk na keni parë të qajmë për mungesa, për largime apo për vështirësi, sepse justifikimet janë streha e atyre që humbin dhe kërkojnë arsye për dështimet e tyre.
Dhe një gjë është e sigurt: JU kurrë nuk do të na shihni duke gënjyer apo duke u arsyetuar për të mbuluar dështimet tona por gjithmonë do të na shihni duke marrë përgjegjësi. Ne zgjodhëm të heshtim, të durojmë dhe të vazhdojmë përpara edhe kur gjithçka dukej sikur po shembej rreth nesh. Dhe në fund, u përgjigjëm aty ku çdo fjalë humbet vlerën: në fushë.

Dhe përgjigjja jonë ishte kjo:

4 TROFE.
NJË TJETËR TITULL KAMPION.
NJË TJETËR SEZON HISTORIK.

Ky sukses nuk erdhi nga komoditeti.
Erdhi nga karakteri.
Nga njerëzit që refuzuan të dorëzohen edhe kur çdo gjë dukej kundër tyre.

Një faleminderim i jashtëzakonshëm për 4 njerëzit pa të cilët ky rrugëtim nuk do të ishte i mundur:

PETRIT LEKAJ
ARLIND IBRAHIMI
DARDAN ISAJ
NAZE SYLEJMANI

Për besimin, sakrificën dhe forcën që i dhanë klubit në momentet më të vështira. Ka njerëz që nuk shihen gjithmonë në fotografi, por janë arsyeja pse këto fotografi ekzistojnë.

Faleminderim nga zemra për çdo lojtare që luftoi për këtë fanellë:

GRESA RAQI
VALMIRA RAMADANI
ANETA BEQIRI
AMELA LLUGALIU
DRIOLA AJVAZI
JOY BANKS
DARYNA ONISHCHENKO
GHOZLANE MOULLA
OLTA AHMETI
ELTONA ALIU
ERA BAJRAMALIU
MAJDA SALLAHU
ERISA MEHMETI
VLERA SALLAHU
ELENA BEGO

Secila prej jush la një pjesë të vetes në këtë sezon. Disa luajtën me dhimbje. Disa me presion. Disa ndryshuan role. Disa erdhën në momentet më të vështira. Por asnjëra nuk hoqi dorë.

Falënderim shumë i madh edhe për lojtaret që nuk ishin pjesë e fazës përfundimtare, por kontributi i tyre mbetet i paharrueshëm:

VESA SHABANI
LOGAN CASE – ORGANIZATORE
BIA MAGNABOSCO
AURORA BERISHA

Ky sukses është edhe i tyre.

Faleminderim shumë i madh për stafin teknik dhe njerëzit që jetuan çdo ditë me këtë ekip:

EDON IBRAHIMI – KRYETRAJNER
ALBIN THAQI – ASISTENT
ARMEND BERISHA – ASISTENT
SHPAT PALUSHI
ANDI GARUNJA

Për çdo stërvitje, çdo analizë, çdo sakrificë dhe çdo moment presioni që kaluam bashkë gjatë këtij sezoni.

Faleminderim i veçantë për Kristian Michailov për punën profesionale në përgatitjen fizike, testimet individuale dhe programet e personalizuara që nga fillimi i sezonit. Kontributi i tij në zhvillimin fizik dhe gatishmërinë e ekipit ishte pjesë e rëndësishme e këtij rrugëtimi kampion.

Faleminderim shumë i madh për stafin dhe punëtorët e palestrës:

AGRON PUKA
BARDHYL RAMADANI
FLORENT BEQIRI
BACI MUHAMET
DARDAN DUGOLLI
SHEFQET DALIPI

Për çdo termin shtesë, për çdo ndihmë dhe për faktin që na krijuan kushte të jashtëzakonshme gjatë gjithë sezonit.

Faleminderim për çdo sponsor që besoi në këtë klub dhe qëndroi pranë nesh gjatë gjithë rrugëtimit. Mbështetja juaj ishte pjesë e rëndësishme e këtij suksesi.

Faleminderim edhe për qytetin e Ferizajt, tifozët dhe gjithë njerëzit që qëndruan pranë nesh edhe kur gjërat nuk dukeshin mirë. Ata që besuan kur shumë të tjerë menduan se gjithçka kishte marrë fund.

Dhe ndoshta pikërisht aty qëndron krenaria më e madhe e këtij ekipi.

JO VETËM QË FITOI.

Por fitoi kur shumë njerëz prisnin ta shihnin duke dështuar.

FER VOLLEY.
4 TROFE.
NJË SEZON QË NUK DO TË HARROHET KURRË. 💙

🏆 FINALE

FER VOLLEY – FERIZAJ

📅 E MËRKURË
🕖 20:00
📍 Palestra “Bill Clinton” – Ferizaj

🤝 TOGETHER AS ONE. 💙

Humbim finalen e 4-të!

Seria e finaleve barazohet në 2:2.

Në ndeshjen e katërt nuk arritëm të shfaqim nivelin tonë të zakonshëm. U karakterizuam nga numër i lartë i gabimeve dhe mungesë konsistence në fazat kyçe të lojës.

Fokusi tani kalon plotësisht te ndeshja vendimtare.

Finalja e 5-të luhet të mërkurën, në ora 20:00.