Akademia KF Vëllaznimi

Pas përfundimit të fazës së grupeve, gjenerata jonë U9 siguroi kualifikimin në fazën tjetër të turneut. Në ndeshjen e fundit të grupeve barazuam 1-1 ndaj FC Dajti.

Tani na pret një sfidë e re në fazën eliminatore, ku do të përballemi me FC Dinamo në ora 20;00. Ekipi është i motivuar dhe i gatshëm të japë maksimumin për të vazhduar rrugëtimin në turne.

Urojmë suksese futbollistëve tanë dhe falënderojmë prindërit për mbështetjen e vazhdueshme! ❤️🖤⚽️👏

Momente nga dita e parë e turneut Rilindja kids tournament! ❤️🖤
Gjenerata U9
🔴⚫️ 🔴⚫️

Ditë shumë e mirë për gjeneratën U9 në turneun Rilindja Kids Tournament.

Sot zhvilluam dy ndeshjet e para të fazës së grupeve, ku djemtë treguan karakter, disiplinë dhe futboll cilësor.

⚽ KF Vëllaznimi 1-1 KF Rilindja
⚽ KF Vëllaznimi 7-1 FC Prishtina

Me 4 pikë të grumbulluara pas dy ndeshjeve, ekipi ynë vazhdon rrugëtimin në turne me shumë besim dhe motivim.

Nesër na pret sfida e radhës ndaj FC Dajti në ora 14:00, ku synimi mbetet vazhdimi i paraqitjeve të mira dhe arritja e rezultateve pozitive.

Urime lojtarëve për angazhimin dhe faleminderit prindërve për mbështetjen e vazhdueshme. Forca Vëllaznimi! 🔴⚫️

Fundi i një sezoni të mbushur me emocione për gjeneratën U15!

Sot përfundoi rrugëtimi ynë në këtë sezon pas një ndeshjeje të jashtëzakonshme dhe plot karakter. Edhe pse u gjendëm në disavantazh prej 2 golave, djemtë tanë treguan shpirt luftarak, besim dhe vendosmëri duke arritur ta përmbysin rezultatin.

Fatkeqësisht, mungesa e fokusit në momentet vendimtare të ndeshjes bëri që kundërshtari të rikthehej në lojë dhe takimi të përfundonte me rezultat 4-3 në favor të tyre.

Pavarësisht rezultatit, jemi krenarë për secilin lojtar që dha maksimumin gjatë gjithë sezonit. Ky ekip ka treguar përkushtim, disiplinë dhe progres të madh në çdo ndeshje e stërvitje.

Një falënderim i veçantë shkon për prindërit, të cilët na kanë mbështetur pa rezervë gjatë gjithë sezonit, si dhe për të gjithë ata që kanë qenë pranë ekipit në çdo sfidë dhe sukses.

Ky nuk është fundi, por një hap tjetër në rrugën e zhvillimit të këtyre futbollistëve të rinj. Krenarë për atë që kemi arritur së bashku dhe të motivuar për sfidat që na presin.

Faleminderit lojtarëve dhe prindërve për një sezon të mbushur me sfida, përkushtim dhe suksese. Krenarë me ju! ⚽❤️🖤

Akademia e KF Vëllaznimit njofton se nipat dhe mbesat e dëshmorëve, invalidëve dhe martirëve të luftës do të lirohen nga pagesa e anëtarësimit, duke filluar nga data 01 Korrik 2026, si shenjë mirënjohjeje dhe respekti për sakrificën dhe kontributin e familjeve të tyre.

Po ashtu, ftojmë të gjitha vajzat dhe djemtë që e duan futbollin t’i bashkohen akademisë sonë për të zhvilluar talentin e tyre, për të ndërtuar miqësi të reja dhe për t’u bërë pjesë e familjes së madhe të Vëllaznimit.

Për regjistrim dhe informata shtesë, na kontaktoni në:

📞 +383 49 388 587 ⚽️ ❤️🖤
🔴⚫️ 🔴⚫️

⚽️Ndeshja e Parë e Play-Off Nacional U15

Të premten na pret një sfidë shumë e rëndësishme në kuadër të Play-Off Nacional. Klubi ynë do të përballet me FC Olti në ndeshjen e parë të kësaj faze vendimtare.

Takimi zhvillohet të premten nga ora 10:00 në Stadiumin Kosova VR në Bërnicë, ku djemtë tanë do të kërkojnë të tregojnë cilësitë, disiplinën dhe punën e palodhshme që kanë bërë gjatë gjithë sezonit. Besojmë në potencialin e ekipit tonë dhe jemi të bindur se me përkushtim maksimal do të japim më të mirën në fushë.

I urojmë suksese futbollistëve dhe stafit teknik në këtë sfidë të rëndësishme. Forca Vëllaznimi! 🔴⚫️💪

🔴⚫️ 🔴⚫️

Momente nga seanca e stërvitjes me trajnerin Alban.🥅🧤
Stërvitjet e trajnerit janë të destinuara për zhvillimin teknik, reagimin, pozicionimin dhe përmirësimin e aftësive individuale. Me punë, disiplinë dhe përkushtim, portierët tanë vazhdojnë të rriten çdo ditë, duke ndërtuar siguri dhe karakter brenda fushës. Çdo pritje, çdo ushtrim dhe çdo detaj është një hap më afër zhvillimit të një portieri të kompletuar. 🧤⚽

Një sezon për t’u mbajtur mend për gjeneratën U11! ❤️🖤
Me shumë punë, disiplinë dhe përkushtim gjatë gjithë vitit, ekipi arriti të përfundojë sezonin pa asnjë humbje. Çdo ndeshje tregoi karakter, cilësi dhe frymën e fortë të grupit, duke dëshmuar se puna e vazhdueshme në stërvitje jep rezultate. Kjo është meritë e futbollistëve, trajnerit Jon Haxhiu, stafit dhe mbështetjes së vazhdueshme nga prindërit.

Ndërkohë, gjenerata U9 vazhdon të dhurojë ndeshje shumë të bukura, me energji, dëshirë të madhe dhe futboll të luajtur me zemër. Në këtë moshë më e rëndësishmja është zhvillimi, mësimi dhe kënaqësia në lojë, ndërsa talenti dhe pasioni që po tregojnë këta futbollistë të vegjël japin shenja shumë pozitive për të ardhmen.

Urime të gjithë futbollistëve për angazhimin dhe vazhdoni me të njëjtin ritëm! 💪🥇

Gëzuar Kurban Bajramin te gjjithë besitarëve!
🕌🌙