Shqiponjat e Kastriotit

09/10/2026

HISTORI E SUKSESIT NË KAMPIONATIN EVROPIAN – MIGJEN SHALA NË PODIUMIN EVROPIAN!

Ka përfunduar me sukses 9th FAI Paragliding Accuracy European Championships, ku Klubi Aeronautik “Shqiponjat e Kastriotit” dhe ekipi i Kosovës shënuan rezultate të jashtëzakonshme në garën më të rëndësishme evropiane të precizionit në paraglajd, e cila organizohet çdo dy vjet.

Kënaqësi dhe nder i veçantë për klubin tonë që piloti Migjen A Shala arriti të zërë vendin e 3-të në Evropë, duke u ngjitur në podiumin e këtij kampionati prestigjioz. Me vendosmëri, përkushtim dhe nivel të lartë profesional, Migjeni dëshmoi edhe një herë cilësinë e pilotëve tanë.

Suksesit të tij iu bashkua edhe piloti dhe trajneri ynë Fanol Shala, i cili përfundoi kampionatin në vendin e 4-t, duke kontribuar drejtpërdrejt në arritjen e ekipit të Kosovës, i cili u rendit në vendin e dytë në Evropë.

Kosova në TOP 10 të Evropës me tre pilotë:

- Migjen Shala – vendi i 3-të
- Fanol Shala – vendi i 4-t
- Veton Sylaj – vendi i 10-të

Përfaqësuesit e klubit tonë:

- Migjen Shala – medalje bronzi në kategorinë individuale.
- Fanol Shala – vendi i 4-t dhe kontribut i rëndësishëm në suksesin ekipor të Kosovës.
- Lisjeta Thaqi – me një performancë të jashtëzakonshme, duke dëshmuar nivelin e saj të lartë, edhe pse këtë herë fati nuk ishte në anën e saj.
- Albion Hajredini – garoi për herë të parë në një kampionat të këtij niveli, duke përfaqësuar Kosovën në kategorinë Junior dhe duke qenë pjesë e ekipit kombëtar.

Në këtë kampionat, klubi ynë u përfaqësua edhe në nivelin e gjykimit. Lejla Boshnjak, në cilësinë e gjyqtares në target, së bashku me gjyqtarë nga vende të ndryshme të Evropës, kontribuoi në mbarëvajtjen dhe drejtësinë e garës.

Ekipi i Kosovës përbëhej nga:
Fanol Shala, Migjen Shala, Lisjeta Thaqi, Veton Sylaj, Gëzim Statovci, Arlind Krasniqi dhe Albion Hajredini, nën udhëheqjen e Team Leader-it, Avni Kuçi, të cilët me vendosmëri mbajten gjallë frymen ekipore per 12 raunde me radhë!

Ky rezultat është dëshmi e punës së vazhdueshme, përkushtimit dhe talentit të sportistëve tanë. Medalja e bronztë e Migjenit, vendi i katërt i Fanolit dhe medalja e argjendtë ekipore për Kosovën janë arritje që na mbushin me krenari dhe na motivojnë për sfida edhe më të mëdha.

Falënderojmë nga zemra të gjithë mbështetësit tanë, institucionet dhe secilin që na qëndron pranë në këtë rrugëtim sportiv.

Urime Migjenit, Fanolit dhe gjithë ekipit të Kosovës!

Krenarë me Shqiponjat e Kastriotit! Krenarë me Kosovën!

Linku: https://pgacc.app/tabs/competitions/view/232

Federata Aeronautike e Kosoves

28/09/2026

SUKSES I MADH I “SHQIPONJAVE TË KASTRIOTIT” NË SHKODRA OPEN 2026

SAERIA E 6-të e KAMPIONATIT KOMBËTARË SHQIPETAR

Pilotët e KA “Shqiponjat e Kastriotit” kanë shënuar një tjetër sukses të rëndësishëm në garën ndërkombëtare “Shkodra Open 2026”, të zhvilluar në Shkodër të Shqipërisë, duke konfirmuar edhe një herë cilësinë, përkushtimin dhe forcën e klubit në skenën ndërkombëtare të Paragliding Accuracy.

Klubi “Shqiponjat e Kastriotit” rikthehet nga Shkodra me shtatë medalje, përfshirë edhe vendin e parë në kategorinë ekipore.

Rezultatet individuale:

Kategoria Overall

- Fanol Shala – vendi i dytë

Kategoria e femrave

- Lisjeta Thaqi – vendi i parë
- Anisa Shala – vendi i tretë

Kategoria e Juniorëve

- Anisa Shala – vendi i parë
- Albion Hajredini – vendi i dytë
- Anuar Neziraj – vendi i tretë

Një nga rezultatet më të veçanta të garës është paraqitja e Anisa Shalës, e cila fitoi dy medalje, duke u renditur e para në kategorinë e juniorëve dhe e treta në kategorinë e femrave.

Një vlerë e veçantë për klubin është edhe paraqitja e 13-vjeçarit Anuar Neziraj, i cili me vendin e tretë në kategorinë e juniorëve dëshmoi potencialin e gjeneratës së re të pilotëve.

Kategoria ekipore

- KA “Shqiponjat e Kastriotit” – vendi i parë

Po ashtu, në kuadër të Kampionatit Kombëtar Shqiptar, pas përfundimit të 6 serive të zhvilluara, piloti ynë Fanol Shala vazhdon të mbajë vendin e parë në renditjen e përgjithshme, duke konfirmuar vazhdimësinë e rezultateve të tij gjatë gjithë sezonit.

Këto rezultate janë dëshmi e punës së vazhdueshme të KA “Shqiponjat e Kastriotit”, e cila krahas rezultateve të pilotëve me përvojë, i kushton rëndësi të veçantë zhvillimit dhe promovimit të gjeneratës së re në Paragliding Accuracy.

Me rezultate të shumta individuale, vendin e parë ekipor në Shkodra Open 2026 dhe kryesimin e Kampionatit Kombëtar Shqiptar pas 6 serive, “Shqiponjat e Kastriotit” vazhdojnë ta përfaqësojnë me krenari Kosovën në arenën ndërkombëtare.

Një klub. Një ekip. Një qëllim!.

20/09/2026

SERIA E 5-TË E KAMPIONATIT KOMBËTAR SHQIPTAR – SUHAREKA OPEN 2026

U zhvillua Seria e 5-të e Kampionatit Kombëtar Shqiptar, Suhareka Open 2026, ku Shqiponjat e Kastriotit triumfuan në të gjitha kategoritë.

Overall

1. Fanol Shala – Kosovë
2. Xhonatan Islami – Shqipëri
3. Yasen Neychev – Bullgari

Femra

1. Lisjeta Thaqi – Kosovë
2. Anisa Shala – Kosovë
3. Besmirë Geci – Kosovë

Junior

1. Anisa Shala
2. Albion Hajredini
3. Andi Shala

Ekipore

1. Shqiponjat e Kastriotit
2. Sky Sports Albania
3. Ballanat e Sahot Ukës

Klubi ynë mori pjesë me 9 pilotë, 5 meshkuj dhe 4 femra. Në garë kontribuoi edhe Lejla Boshnjak, si gjyqtare në target.

Një debutim i suksesshëm ishte ai i Anuar Nezirajt, i cili në garën e tij të parë përfundoi me sukses të gjitha 12 raundet.

Falënderojmë organizatorët, gjyqtarët dhe të gjithë mbështetësit tanë për përkrahjen e vazhdueshme.

Shqiponjat e Kastriotit – së bashku drejt rezultateve të reja.

Federata Aeronautike e Kosoves

13/09/2026

NJË TJETËR REZULTAT I RËNDËSISHËM VJEN NGA BOTA!

Pas përfundimit të serisë së tretë dhe finales së World Cup 2026, të zhvilluar në Mongoli, rezultatet tona konfirmojnë edhe një herë punën, përkushtimin dhe vendosmërinë e pilotëve tanë.

Edhe pse për arsye të pamundësisë për të qenë pjesëmarrës në finalen e kësaj Kupe, rezultatet e arritura pas dy garave nuk mundën të mbroheshin në Mongoli, Lisjeta Thaqi renditet e PARA në kategorinë e femrave, duke dëshmuar vendosmërinë dhe besimin e saj në synimet që i ka vendosur vetes.

Ndërkohë, pas dy garave, pilotët tanë Migjen Shala dhe Fanol Shala ishin të renditur respektivisht në vendin e DYTË dhe të TRETË. Në renditjen përfundimtare, ata përfundojnë:
4. Migjen Shala
7. Fanol Shala
10. Lisjeta Thaqi

Këto rezultate janë dëshmi e punës së vazhdueshme dhe e nivelit të lartë që pilotët tanë po arrijnë në arenën ndërkombëtare.

Faleminderit të gjithë njerëzve që qëndrojnë pranë nesh në çdo hap të këtij rrugëtimi. Mbështetja juaj është një forcë e madhe për ne.

Ftojmë edhe të gjithë ata që besojnë në sportin tonë dhe në potencialin e të rinjve tanë që t’i bashkohen dhe ta mbështesin aktivitetin tonë.

Vazhdojmë të fluturojmë drejt rezultateve të reja!

12/09/2026

11/09/2026

KOSOVA NË BALLKANIADËN 2026

Me krenari ju njoftojmë se Kosova po përfaqësohet në Ballkaniadën 2026 në dy disiplina të sporteve ajrore:

Paragllajdizëm – Precizion
Aeromodeling

Përfaqësimi i Kosovës në këtë garë të rëndësishme është një nder dhe përgjegjësi e veçantë për ne. Urojmë që anëtarët e klubit tonë ta përfaqësojnë vendin në mënyrën më dinjitoze, me përkushtim, profesionalizëm dhe respekt për sportin.

Një falënderim i veçantë shkon për Federatën Aeronautike të Kosovës dhe kryetarin e saj, z. Avni Kuçi, për mbështetjen dhe përkrahjen e vazhdueshme.

Falënderojmë gjithashtu të gjithë mbështetësit tanë që kanë qenë pranë nesh gjatë këtij rrugëtimi, i cili aspak nuk ka qenë i lehtë. Përkrahja juaj ka qenë një shtysë e madhe për të vazhduar përpara dhe për ta përfaqësuar Kosovën me dinjitet.

Tani na mbetet të japim më të mirën nga vetja dhe ta përfaqësojmë klubin dhe Kosovën denjësisht.

Na priftë e mbara!
Suksese ekipit tonë dhe suksese Kosovës!

07/09/2026

Vazhdojmë me punë dhe përkushtim!

Klubi ynë tash e disa ditë ka filluar parapërgatitjet për pjesëmarrjen në Ballkaniadën 2026, e cila do të mbahet nga 9–12 shtator 2026 në Bullgari.

Pilotët tanë do të marrin pjesë me krenari dhe përgjegjësi, duke përfaqësuar Republikën e Kosovës në këtë ngjarje të rëndësishme ndërkombëtare.

Falënderojmë të gjithë ata që na mbështesin dhe kontribuojnë në aktivitetet e klubit tonë. Mbështetja juaj është motivim për të vazhduar me përkushtim drejt rezultateve të reja.

Shqiponjat e Kastriotit – me krenari për Kosovën.

Federata Aeronautike e Kosoves
Komuna e Obiliqit- Faqja Zyrtare
Red Bull Kosova Offices
Korporata Rugove

06/09/2026

NJOFTIM PËR OPINIONIN

Klubi Aeronautik “Shqiponjat e Kastriotit” ka kënaqësinë dhe krenarinë e veçantë të njoftojë publikun se, pas rifreskimit të renditjes botërore më 01.09.2026, tre pilotë të klubit tonë renditen ndër 10 pilotët më të mirë në botë në disiplinën e paragllajdizmit në precizion.

Tre pilotë të një klubi nga Kosova në Top 10 të botës është një rezultat i jashtëzakonshëm dhe një arritje historike për Klubin Aeronautik “Shqiponjat e Kastriotit”, për sportin e paragllajdizmit dhe për Kosovën.

Ky sukses është rezultat i punës së palodhshme, stërvitjes së vazhdueshme, përkushtimit dhe profesionalizmit të pilotëve tanë, të cilët po e përfaqësojnë Kosovën denjësisht në arenën ndërkombëtare.

Një rezultat që na bën krenarë dhe dëshmon se edhe nga Kosova mund të arrihen majat e sportit botëror.

Tre pilotë. Një klub. Një Kosovë në elitën botërore.

Klubi Aeronautik “Shqiponjat e Kastriotit”
Krenari që fluturon për Kosovën.
Linku:
https://civlcomps.org/ranking/paragliding-accuracy/pilots

Ministria e Arsimit dhe Sportit
Federata Aeronautike e Kosoves
Kosovo Olympic Committee
Komuna e Obiliqit- Faqja Zyrtare
Red Bull Kosova Offices
Korporata Rugove

04/09/2026

SHQIPONJAT E KASTRIOTIT

Me pasion, përkushtim dhe shumë punë, vazhdojmë të fluturojmë gjithmonë më lart!

Çdo fluturim është një sfidë, çdo garë një mundësi dhe çdo sukses është krenari për klubin dhe Kosovën.

Shqiponjat e Kastriotit – fluturojmë me zemër, garojmë me krenari!

27/08/2026

Pilotët tanë startuan me përgatitje stërvitore ! 🪂