Alaa abosair علاء أبوصير

الملاكمة مش مجرد رياضة الملاكمة اخلاق واحترام.
حبيت أشارككم موقف بسيط حصل معايا، لكنه بالنسبة لي يستحق الكلام عنه.
الفيديو ده من فترة طويلة جدًا، وعملنا فيه Sparring مع بعض في Rock Road Boxing Club. ورغم إن التواصل بيننا قليل جدًا، وكل واحد فينا من بلد وثقافة مختلفة، إلا إن الاحترام كان موجود من أول لحظة.
بعد الـSparring، بعتلي وطلب إذني قبل ما ينشر الفيديو، وقال:
“I wanted to ask you for approval.
موقف بسيط، لكنه خلاني أقدّر الشخص ده أكتر، لأن الاستئذان واحترام الخصوصية من أجمل صور الأخلاق. ❤️
وده بالضبط اللي بنحاول نعلمه لأولادنا: مش بس إزاي يلعبوا ملاكمة، لكن إزاي يكونوا محترمين ويقدّروا اللي قدامهم.
🥊 احترم منافسك، احترم خصوصيته، وقدّر اللي قدامك… القوة الحقيقية مش في قوة اللكمة، القوة الحقيقية في الأخلاق.
وأتمنى من كل الملاكمين إننا نحب بعض، ونخاف على بعض، ونحترم ونحافظ على خصوصية بعض، لأن ديننا أمرنا بالمحبة والاحترام. ❤️
المنافسة داخل الحلبة… والاحترام والأخوة خارجها. 🥊❤️
📌 الفيديو في أول تعليق.

نصيحة من خبرة الحياة ❤️

دايمًا بقول لأولادي في التمرين: خلي الرياضة رقم 4، مش رقم 1.

1️⃣ طاعة الوالدين ❤️
2️⃣ الصلاة 🤲
3️⃣ الدراسة 📚
4️⃣ الرياضة 🥊

الرياضة مهمة جدًا، وبتعلم الالتزام والقوة والثقة بالنفس، لكن عمرها ما تكون أهم من أهلك ودينك ودراستك.

وده دايمًا الكلام اللي بحاول أوصله لأولادي في التمرين، لأن هدفي مش بس أطلع لاعب كويس… هدفي أطلع إنسان كويس قبل أي حاجة. ❤️🥊

ولو حد من أولادي في التمرين فاكر إني قلت الكلام ده قبل كده… ياريت يقولّي 😂❤️

بالتوفيق للجميع

Port Fouad Sports Club
Knockout Boxing academy

سلام وعليكم ورحمة الله وبركاته ❤️🥊
مساء الخير ع الجميع

حبيت أوضح حاجة بسيطة للتوعية فقط… بمناسبة التدريب فى الصيف والشتاء

التدريب معانا مش مرتبط بالصيف ولا بفترة الإجازة فقط، إحنا شغالين الحمد لله صيف وشتاء وعلى مدار السنة.

لما بتختار أي مكان أو نشاط لابنك، طبيعي إنك تدور على المميزات والخدمات اللي المكان بيقدمها، وإحنا مش هنتكلم عن مميزاتنا… إنتوا اللي تقدروا وتحكموا عليها.

لكن الحمد لله بنحاول دايمًا نوفر أفضل خدمة ممكنة، ومن ضمنها إننا موجودين على مدار الأسبوع، بحيث إنك تلاقي مدرب وتقدر تلتزم بموعد مناسب ليك ولابنك.
وفعلا ده ضغط علينا كتير جدا
والحمد لله قدرنا نوفره
وفعلا موجودين وبإستمرارية

والأهم من كل ده إن الرياضة مش مجرد تمرين لفترة معينة، الاستمرارية هي اللي بتعمل الفرق الحقيقي. 💪🥊

فخلوا التمرين جزء من حياة أولادكم، مش مجرد نشاط في الصيف.

مهما اتكلمت عن أسعد أوقاتي… هتفضل دايمًا لحظاتي مع الأطفال في التمرين ❤️🥊
ضحكتهم، حماسهم، وتطورهم بيخلّوا كل التعب يهون.
ربنا يبارك فيهم ويحفظهم، ويفضل التمرين دايمًا من أجمل الحاجات في حياتي ❤️🙏

سمسم سماسيمو أحلى آيام
ايامك كلها كانت جميله مش ناسى فيهم ولا يوم
ولا الصناديق المفخخة ولا تصوير البرتوريهات👌😃
والله احلى أيام واحشني يا حبيبي
❤️ وفي الختام… زي ما وعدتكم ❤️

كل واحد فيكم ليه معايا ذكرى وموقف وحكاية عمرها ما تتنسي 🥊❤️

عايز كل واحد ينزل صورته أو ذكرياته معايا في بوست، ويكتبلي إيه أكتر موقف فاكره معايا.
خلونا نجمع كل الذكريات الحلوة دي في مكان واحد ❤️

مستني ذكرياتكم… وكل واحد ليه حكاية معايا 🥊❤️