جمهور الأهلي في الإمارات - Al Ahly Fans In UAE

١١٩ عام من التضحيات والبطولات..
فخر مصر وافريقيا والعالم 🦅

ملايين لكن فى حبك كلنا اهل وقرايب

كاس مصر باللون الأحمر
ابطال الرباعيه 🦅

أول خطوة فى طريق الاصلاح ؛ عودة اولتراس اهلاوى ..

الكابتن محمود الخطيب ربنا يديله الصحة وطولة العمر، كفاية عليه لحد كده !!
الاهلى طول عمره مش عزبة حد لا بتاع رئيس نادى ولا عضو مجلس ادارة..
ولا بتاع لاعيبة بتلعب غصب وعافية !
ولا بتاع لجنة كورة وسكواد تيم بيجيب لاعيبة كسر ولا بنجيب صفقات كيدية عشان مجرد بس اننا نكيد بيها المنافس!!
ولا بتاع ادارة انسحبت من متش دربى وخلت جمهورها فى الاستاد والفرقة مجتش!!
ولا بتاع ادارة سايبة لاعيبة بتلعب غصب عن الكل ومع ذلك مكملة عادى!!
ولا بتاع الادارة اللى رايحة تعمل صفقات مباشرة وتحط ايدها فى ايد النادى المصرى وشالت تخليد الشهداء برقم ٧٤ من على التيشرت!!
ادارة سايبة جمهورها محبوس ف السجون ورايحة تدافع عن لاعيب كورة مزور!!
النادى اللى رئيسه بيعمل كل ده طبيعى فريقه ميبقاش موفق لان انت غلط فى كل حاجة عن قصد، عشان عارف ان مفيش جمهور يحاسبك..
حتى لو معتمد على اللاعيبة النجوم اللى بتاخد ملايين تشيلك محدش فيهم بيلعب للتيشرت.!!
كلها مش عايزه تجرى ولا عايزين يموتوا نفسهم!
انتوا منتظرين ايه!
ادارة ضيعت هوية النادى اللى كانت بتميزوا عن اى نادى ف القارة..
فوقوا قبل فوات الآوان فى واحد من اسوء مواسم الاهلى فى تاريخه..

أعيدو الحماس للأداء، لتعود الفئران للإختباء
"فالأموال تصنع فريقاً … والروح تصنع تاريخاً."

هنلعب ماتش ربع نهائي أفريقيا مع الترجي في القاهرة ،، بس من غير جمهور!
قرار غريب ومشهد بيتكرر كل شوية، نفس الأخطاء ونفس الوجوه بتدير المشهد، حتى لو غيروا المسميات من أهلي فاميلي لـ A11 أو حتى قالوا نادي الوطنية أو قالوا تالتة شمال،، وكل ده في الآخر بيعكس قد إيه في قلة وعي بحقيقة المدرج ومعناه.

الحقيقة اللي الكل عارفها إن الكورة من غير جمهور ملهاش روح، والمدرجات من غير أصحابها مجرد كراسي فاضية.
قوة الأهلي عمرها ما كانت في الملعب بس، قوته كانت دايمًا في المدرج،، في الهتاف، في الدعم، في الروح اللي بتيجي من آلاف الناس اللي عايشة للنادي.

الأهلي طول عمره جمهوره هو السند الحقيقي، وهو اللاعب رقم واحد.
المدرج مش مجرد مكان للفرجة، المدرج روح النادي وتاريخه وصوته اللي بيوصل لكل أفريقيا.

علشان كده لازم أصحاب المدرج يرجعوا لمكانهم الطبيعي، لأن وجودهم مش رفاهية ولا اختيار.
وجودهم جزء أساسي من هوية النادي ومن هيبته في أفريقيا.

تالتة شمال النادي الأهلى لا تستنسخ ولا تستحدث .. و غير قابلة للاستبدال

تالتة شمال النادى الاهلى لا تستنسخ و لا تستحدث و غير قابلة للاستبدال ..
لابد من عودة اصحاب المدرج ..

إرث ممتد .. ذكرى خالدة .. فكرة أبدية ..♾️

المجد للشهداء ..