ICF Certified Relationship Coach, PCC
Founder @safespace_coachingacademy
👇 احجزي جلستك 1:1
https://beacons.ai/dr.rehabreda
اهلا بيك في مساحتك الآمنة 💛
أنا د. رحاب رضا،
مدربة علاقات – معالجة بالتركيز على المشاعر – استشارية ما قبل الزواج.
هنا أساعدك تنتقل من:
• التعلّق الزائد
• الخوف من الفقد
• العلاقات المرهِقة
• الدوران في نفس الأخطاء
… إلى التوازن، والوضوح، والهدوء الداخلي.
هنا هنتعلم :
– ازاى تفهم مشاعرك وتسمع صوتك
– ازاى تفرّق بين الاحتياج والاختيار
– ازاى تبنى علاقة آمنة تشبهك
– وازاى تختار نفسك بدون خوف
من التعلّق إلى التوازن… رحلتك للسلام تبدأ من هنا.
جلسات أونلاين – الإمارات ومصر
02/05/2026
الحمد لله 🤍
بتوفيق من ربنا.. نجحت في امتحان ICF واتاعتمدت رسمياً بدرجة PCC 🎓
الطريق ده كان مش سهل خالص..
كان فيه تعب، وفيه لحظات شك، وفيه أيام حسيت إن المسافة بيني وبين الشهادة دي بعيدة..
بس ربنا ما ضيّعش يوم واحد تعبت فيه.
ومش هينفعش أعدي من غير ما أشكر مدربينى
badawi
واقولهم
شكرا لانكم امنتو بيا حتى لما احتجت حد يفكرنى اني اقدر
28/04/2026
في حزن مش بيبان…
حزن إنك بتضحك قدام الناس…
وترجع لوحدك مش قادر تفسر إنت مالك.
كل حاجة ماشية…
بس جواك في حاجة تقيلة.
مش عايز تشرح…
ومش لاقي حد يفهم من غير ما تتكلم.
فبتسكت…
وتقول: عادي.
بس الحقيقة؟
مش عادي خالص
24/04/2026
كل واحد مستني دوره…
مش سامع التاني.
هو بيجهّز ردّه…
وهي بتفكر هتقول إيه بعده.
الكلام بيزيد…
بس الفهم بيقل.
والمشكلة مش في اللي بيتقال…
المشكلة إن محدش فيهم سامع بجد.
العلاقة مش محتاجة صوت أعلى…
محتاجة قلب أهدى يسمع.
والنتيجة؟
نفس الكلام بيتكرر…
ونفس الزعل بيكبر.
21/04/2026
عمرك قارنت قبل كده؟
18/04/2026
مش كل مرة العلاقة بتتعب… معناها إن الحل نبدأ من جديد.
أوقات كتير الحل مش في البداية…
الحل في إننا نفهم ليه وصلنا لهنا أصلاً.
الحب لوحده مش كفاية…
لو مفيش كلام واضح، واحترام، ومساحة أمان بين الاتنين.
مش كل حاجة محتاجة فرصة جديدة…
في حاجات محتاجة وعي جديد، وطريقة مختلفة في التعامل.
لأن العلاقة اللي مش بتتصلّح من جذورها…
هتفضل تعيد نفس الدائرة مهما بدأنا من الأول.
15/04/2026
مفيش حد عايز يمشي!
13/04/2026
أوقات كتير بنسكت… مش عشان مش فارق
بس عشان مش لاقيين أمان نتكلم.
وحدة من أخطر الحاجات في أي علاقة
إنك تبدأ تخبي إحساسك…
لحد ما تبطل تحس أصلًا.
العلاقات مش بتموت مرة واحدة…
هي بتختفي حتة حتة… في السكوت.
قولّي…
إنت ساكت عشان مرتاح؟
ولا ساكت عشان تعبت؟
#علاقات
10/04/2026
الحنين لبداية العلاقة
فيه لحظة بتيجي في أي علاقة…
مش بتتقال، ومش بتتكتب.
بس الاتنين حاسينها.
لما بقيت “وحشتني” مجرد رد تلقائي.
لما الاتنين موجودين في نفس الأوضة… وكل واحد في عالم لوحده.
لما الكلام بقى عن الأكل والفلوس والمواعيد…
وصحي الاهتمام اختفى من غير ما حد يقرر.
مش ده اللي كنتوا عليه.
فاكر أول مرة استنيتها وساعتك بتبطّأ؟
فاكرة أول مرة قالك حاجة وحسيت إنه شايفك فعلاً؟
إيه اللي اتغير؟
مش الحب اتغير…
الحب بيفضل موجود لفترة حتى بعد ما الاهتمام يروح.
اللي اتغير إن الاتنين بطّلوا يختاروا بعض كل يوم.
العلاقة مش بتموت من خناقة كبيرة.
بتموت من عادية متراكمة
لو حسيت إن علاقتك وصلت لمرحلة “مش وحشين بس مش قريبين…
ده مش نهاية — ده إنذار.
وفيه فرق كبير بين الاتنين.
ابعتيلي — نشوف مع بعض إيه اللي فات وإيه اللي لسه ممكن. 🤍
#علاقات
06/04/2026
اتعلموا ازاي تتخانقوا مش بس ازاي تتصالحوا
شوفوا الفيديو عشان تعرفوا الطريقة الصح