JM Empowerment Coaching

أحيانًا أكبر هدية ممكن نقدمها لأولادنا…
مش مدرسة أحسن
ولا ألعاب أكتر
ولا حياة مثالية

لكن إنهم يشوفوا:
🤍 أب وأم بينهم احترام
🤍 احتواء وقت الخلاف
🤍 أمان في طريقة الكلام
🤍 وحب حقيقي حتى وسط الضغوط

الأطفال ممكن مايفتكروش كل الكلمات…
لكنهم بيحسوا بالعلاقة بين الاب والام، وبيتعلموا منها معنى الحب، والأمان، والعلاقات طول حياتهم.
علاقتنا ببعض… بتبني عالمهم الداخلي.

#العلاقات #تربية #العيلة #السعادة #الاحتواء #حب #الزواج

من أكتر التحديات اللي بتقابل الأهالي
إنهم مش قادرين يتقبلوا أولادهم

مش لأنهم مش بيحبوهم
لكن بالعكس…
من كتر الحب

الأهل بيشوفوا أولادهم
في أفضل صورة ممكنة
وبيحلموا لهم بأحسن حال

لكن لما الواقع يختلف
ولما السلوكيات تبقى صعبة
ومش عارفين نغيرها

بيظهر إحساس بالعجز

والعجز أحيانًا
بيتحول لرفض
من غير ما ناخد بالنا

بس الحقيقة
إن الطفل مش محتاج نسخة مثالية
هو محتاج يتقبل… الأول

لأن التقبل
مش معناه إننا موافقين على كل حاجة
لكن معناه إننا شايفينه
وفاهمينه
وقابلينه زي ما هو

ومن هنا
يبدأ التغيير

هل التقبل معناه موافقة؟
ولا خطوة أولى للتغيير؟

"التقبل مش ضعف… التقبل بداية التغيير"

أوقات كتير
لما الطفل بيتكلم
بنتسرع نرد
نصحّح
نلوم
نوجّه
أو حتى نقلّل من اللي حاسس بيه

بس الحقيقة
إن الطفل في اللحظة دي
مش محتاج حل

هو محتاج
حد يسمعه بجد

يسمع من غير حكم
من غير عتاب
من غير غضب
من غير نصايح سريعة

لأن لما الطفل يحس بالأمان
يبدأ يعبّر
ويفهم نفسه
ويثق في اللي قدامه

الاستماع مش مجرد سمع
الاستماع احتواء

لو إنت زينا مش بتعرف تمسك نفسك من الرد بسرعة، اعترف فى الكومنتات واكتب "أنا"😅

#التربية

إحنا بنسميه “عناد”
بس هل هو فعلًا عناد؟

ولا ده طفل
بيحاول يقول “أنا موجود”

في بيوت كتير
الطفل بيتطلب منه يسمع…
لكن محدش بيسمعه

بيتقال له يعمل…
لكن مفيش مساحة يختار

بيتقارن بغيره…
وبيتطلب منه يبقى نسخة تانية مش هو

فطبيعي
إنه يبدأ يعاند..
يمكن المشكلة مش في الطفل
يمكن في الضغط اللي حواليه

شايفين العند عند الأطفال
طبيعي ولا نتيجة طريقة التربية؟

#التربية

كلامنا مع أولادنا مش بس بيوصفهم…
هو بيشكّلهم

لما الطفل يسمع بشكل متكرر:
“إنت شاطر”
“إنت مسؤول”
“إنت تقدر”

بيبدأ يصدق
ويتصرف على الأساس ده

ولما يسمع:
“إنت مهمل”
“إنت مش بتفهم”

نفس الشيء بيحصل

وده اللي بنسميهPygmalion Effect
أو تأثير التوقعات

توقعاتنا عن أولادنا
بتأثر على سلوكهم
وبتساهم في بناء هويتهم

علشان كده
الكلمة مش بس لحظة…
الكلمة أثر

أوقات كتير بنستخدم الخوف
علشان نخلّي الطفل يسمع الكلام

“لو ما عملتش كده…”
“هتتعاقب…”
“هزعل منك…”

والنتيجة؟
الطفل بينفّذ فعلًا… لكن بدافع الخوف

المشكلة إن الخوف ما بيعلّمش
هو بس بيوقّف السلوك لحظيًا

ومع الوقت
الطفل ممكن يكبر وهو:

بيخاف يغلط
بيخاف يعبّر
بيخاف ياخد قرار

لأنه اتعلّم إن الأمان مش موجود
وإن الغلط ثمنه خوف

التربية مش إن الطفل يخاف منك
التربية إن الطفل يثق فيك

بيفتح مساحة آمنة للتعبير والشفاء
«اللعب أحيانًا أصدق من الكلام.»
جلسات العلاج بالرمل للكبار والاطفال
مش هتصدق غير لما تجرب 😉

بتعانوا فى التربية؟ تعبانين وجبتوا اخركم؟
إحنا سامعينكوا وحاسين بيكوا.

اكتر حاجة بتساعدنا نوصل لنتايج سريعة جداً مع الأهالى والاطفال هى تجربتنا الشخصية وخبراتنا فى المعاناة 😅
وبعدها، تجرتنا بعد التغيير وزيادة الوعى والفرق الرهيب اللى وصلنا له ولسه بنتعلم

«لما الأهل يتغيروا… البيت كله يتغير.»

أكبر نتيجة بنشوفها مع الناس؟
الأهل بيتحكموا فى إنفعالاتهم وده بيوصلهم ل 3 نتايج:
راحة، هدوء، وعلاقات أحسن.

كتير مننا اتربّى على فكرة
إن الطفل “المؤدب” هو الطفل اللي بيسمع الكلام

بس هل ده فعلًا هدف التربية؟

الطاعة ممكن تريحنا لحظيًا
لكن لو هي الهدف الوحيد
ممكن نكسب تنفيذ… ونخسر فهم

لأن الطفل مش محتاج بس يعرف يقول “حاضر”
هو محتاج يفهم
ويختار الصح
حتى في غيابنا

التربية مش سيطرة
التربية بناء إنسان

شايفين إيه أهم في التربية؟
الطاعة ولا إن الطفل يفهم ويختار؟

لو وصلتوا للنقطة دي، اعملوا Share
يمكن توصل لحد محتاج يسمعها
#التربية