Halich Jawad

هل تعلم عزيزي لبونادم
ان حرق حبة واحدة من هذه البقلاوة البنينة يستغرق 35 دقيقة من الجري و 50 دقيقة من الهرولة😒😒
احرقها.. يحرق سعدك
على وجه ربي ديرو للطاي راني كرهت و انا نعاود في لهدرة
بادين لقلب
صحا

بزاااف بونام انا مفهمتش كيفاش راهم فاهمين سبور و تغذية 😒
بش دير لاطاي لازم تخدم مخك مش كرشك
مهمش فاهمين اصلا واش معناها رجيم و كيفاش يكون رجيم يسودللهم سعد 😒
الرجيم ماشي متتعشاش ولا تاكل زوج مرات ولا لخرطي هاذا كامل
الرجيم هوا استبدال الاكل الغير صحي بالأكل الصحي و تاكل بين 4و 6وجبات في ليوم 😒
و نفس لحكاية تاني كي تحبو تزيدو ما تقلي لا لابيتي مبلعة لا والو بيسك لابيتي مبلعة على أكل صحي برك بصح في سقايط مش مبلعة 😒
واش راح نقلكم ربي ينقص من كرشي و يزيد في كروشكم
و ديرو لاطاي على وجه ربي راني كرهت
صحا

كيفاش تعرف بلي سعدك مسود :
هوا كي دير رجيم تع لخرطي بش دخل لكرش وحدها 😒 مبعد تنقص لاطاي كامل و تبقى غير لكرش خارجة و تزيد تبان كثر 😒
يسود حلايسك
صحا

ارواحو نفهمك كيفاش تخلي جسمك يحرق دهون نهار كامل ماشي تخلط كلش و تقلي نشرب ما دافي وحدو نحرقهم 🔥🔥

1️⃣ ا تشرب لما و ماشي لازم على صباح ربي بسكو يحصل غسيل للكلي والكبد والمعدة وزيد تولد طاقة داخلية في الجسم بش تعادل درجة حرارة الجسم بدرجة حرارة المياه بالذات .. يعني الجسم يبذل مجهود في العملية هذي والمجهود هذا يستهلك من طاقة الجسم *ATP* بالتالي الدهون تتحرق اسرع هك معدل الحرق مع نظام غذائي ماشي وحدو و ماشي مع طاكوس يزييييد. يا بوزيد 😃⁦🤷🏻‍♂️⁩
🔹🔹🔹🔹🔹
2️⃣ الكافيين اللي في القهوة والشاي الاخضر طبعا هم الاتنين اغنية عن التعريف .. الاتنين فيهم مواد مؤكسدة تأكسد الدهون وتحرقها وبالاضافة ان القهوة تزيد تدفق وسريان الدم بشكل جيد و تكون ناقصة سكر 🧐
- اشرب 2 فنجان قهوة في اليوم يعني بمعدل 400 مل غرام يوميا لو كنت معندكش مشاكل صحية. 😊
و ماشي ما دافي وحدو لي يحرقهم 😒
🔹🔹🔹🔹🔹
3️⃣ ا تقلل النشويات البسيطة *الخبز الابيض و المعجنات والرز الابيض* هذا من اهم العوامل في اي نظام غذائي
- سافوديغ جسمك يحرق اكتر يا بونادم عن طريق انه مش يخزن طاقة زيادة عن حاجتو علي شكل دهون
و ماشي ما دافي وحدو لي يحرقهم . ⁦🤷🏻‍♂️⁩
🔹🔹🔹🔹🔹
4️⃣ استخدام الخضروات اللي تساعدك علي الحرق مثل ( التفاح الاخضر البروكلي).
و ماشي ما دافي وحدو
🔹🔹🔹🔹🔹
5️⃣ بعدو عن كل الدهون المشبعة والزيوت الغير الصحية واستبدلها بالدهون الصحية الغير مشبعة في اكلك ونظام حياتك مثل ( زيت الزيتون - الأڤوكادو - اللوز والزيت تاعو - زيت جوز الهند - والزبدة) باسكي هذو اصلا يساعدوا في حرق الدهون المتخزنة القديمة.
- وزيدانهم بيساعدوا في بناء الكتلة العضلية و و يعطوك طاقة تعوضك عن نقص النشويات. 💪
و ماشي ما دافي وحدو
و على وجه ربي ديرو لاطاي راني كرهت و انا نعاود في الهدرة
ياو فهمتو

عندها سنوات و سنوات و بلاك انا الوحيد لي هدرتها و قلت بلي شوفان اخطيكم منو بصح دوماج كاين لي سبوني كاين لي قالك انت خاطيك سبور انت كوتش تع خرطي. .... و ليوم كي هدرها واحد براني و درات ضجة ناضو كامل يطبلولو خبز دار ياكلو براني معليش
تيفا فوار

هل تعلم أنه في وحد لبلاد مفهوم لفطور الصحي هوا طاس حليب معاه قنطار سكر و سقايط و ميلفاي و معاه كاس ما دافي العاب العقل
ربي ينقص من كرشي و يزيد في كروشكم
على وجه ربي ديرو لاطاي راني كرهت و انا نعاود في لهدرة

كيفاش نقدر نقنع بونادم انو لفطور الصحي على صباح ربي ميكونش بطاس حليب و قنطار سكر و ميلفاي😒 بيسك جريمة
و كيما يقولو الميلفاي ما يبني لاطاي 😒
و على وجه ربي ديرو للطاي راني كرهت
صحا

انا متابعين تاعي عاقلين و ياخذو راي دك يجغمو شوي ما الله الله و يروحو يتغمو خاطيهم مساكن تخلاط تع سقايط فليل و تغماز
و دك يديرو لاطاي بيسك راني كرهت و انا نعاود في لهدرة

تذكير
👨🏽‍⚕| ماديروش اشياء هذه مور ما تاكلو
ـ~~~~~~~~~

بش يبقى جسمك خالي من الأمراض طبقو واش نقول.

♦90|- لا تشرب الشاي مباشرة بعد ما تاكل بيسك أوراق الشاي تحتوي على كمية من الأحماض، وهذه المادة تؤثر على البروتين المتواجد في الأطعمة وتجعلها جافة وصعبة الهضم. سافوديغ اصبرو شوي تخبط الماكلة و ارهجو شاي

♦2|- لا ترخي حزام البطن حيث أن فك حزام السروال بعد الأكل يؤدي إلى التواء الأمعاء وتتبوشا و تولى تغني مايكل جاكسون في واحد لبلاصة😂

♦3|- لا تأكل الفواكه مباشرة بعد الاكل حتى لا تصاب بانتفاخ في البطن، حيث ينصح بتناول الفاكهة قبل مضي ساعتين من الأكل. سيرتو دلاع ولا بنان

♦4|- من الأخطاء الشائعة المشي بعد الاكل مباشرة لأن ذلك يؤدي إلى ضعف عملية الهضم.

♦5|- ماديروش دوش بعد الأكل مباشرة، حتى لا تصاب بزيادة في تدفق الدم إلى الأطراف، ستادير تقل كمية الدم المتدفقة إلى المعدة، وهو ما يؤدي إلى سوء عملية الهضم.و تولى تعزف فيي السنفوكيات تع بيتهوفن

♦6|- ما ترقدش ديغاكت بعد الأكل، لأن ذلك يؤدي إلى عدم إكمال عملية الهضم، وهو ما يعرضك للإصابة بعدوى معوية.

♦7|- متنوضش بعد النوم مباشرة زيد ارقد شوي و تغطي بكوات حمرة

ولي يدير جام نعرضو في عرسي ونعشيه زوج مرات
و على وجه ربي ديرو للطاي راني كرهت و انا نعاود في لهدرة

و صحا

تبعو تشو
بش دير لاطاي لازم تخدم مخك مش كرشك

- تجري بالكاوي زرڤا ولا تجري بتريكو خفيف حمر ولا دير ساشي كحل في كرشك مكاين حتى فرق. لاعلاقة بين الصهد و حرق الدهون. الجهد و الماكلة الصحية هيا لي تحرق. و مكانش تمارين تنقص كرشك وحدها
- مكاش حاجة اسمها ريجيم البطاطا.. ريجيم الماء.. رجيم سكر و رجيم تقاشر .. ريجيم السباقيطي.. كاين توازن غذائي.
- التحكم في الشهية هو مفتاح 🔑 الريجيم الناجح.
- تحركوا تشيانو 😂.

-مكانش برنامج يمشو بيه الف واحد كل بونادم و جسمو و برنامج لي يناسبو بركاو من لخرطي

راه جاي صيف بروفيتو لوكازيون كثرو شطيح في لعراس احرقو شوي دهون
كولو الخضرة مفورة احسن من مقلية بزيوتات
كولو لفواكه بس جسمك يستفاد بسكرات صحية
لي ياكلو اندومي قليل ربي ينقص من كرشي و يزيد في كروشكم
- ناس دير في تاويل و تخبي في دراهم و نتوما تخبو في دهون
و في الأخير على وجه ربي ديرو للطاي راني كرهت و انا نعاود في لهدرة
صحا

موضوع معندو حتى علاقة بيا بصح مفيد حبيت نشاركو معاكم
و ربي يرزق كل محروم
ويناه خير ؟ السيزاريان ولا الولادة العادية؟

⚠️ما نهدروش على الحالات اللي لازم فيها العملية ، لكن على الحالات اللي نتي يا ايتها لبونادم 💁‍♀️💁‍♀️ تفضلي فيها الولادة القيصرية على العادية بحجة ما فيهاش آلام بزاف، تخاطري بصحتك تحت شعار إذا ما جانيش البلا أنا نروح ليه.

علاش السيزاريان ماشي مليحة ؟
يا بنت الناس الولادة العادية بآلامها أحسن من القيصرية خاطر :

🔰 راح تكوني ملزمة بعدد محدد من الأولاد.

🔰كي تزيدي سيزاريان عادة ما تتحتم تكملي ولاداتك كامل هكاك لأنو الرحم تاعك يولي حساس ويقدر يتقطع إذا ولدتي نورمال بعد ولادة قيصرية ( كل ما كان عدد العمليات أكبر تقل فرصة الولادة العادية)

🔰نسبة الوفاة تزيد ، ديجا الولادة تخليك بين الحياة والموت وزيدلها خطر العملية من عدوى ، نزيف ، انسداد أوعية الرئتين وتتأثر وظيفة الأعضاء الأخرى كيما المثانة مثلا.

🔰كي يقطعولك كرشك ومن بعد يعاودو يخيطوها ، ممكن تتأثر الأمعاء وعملية الهضم اللي تحتاج لعملية أخرى باه نعالجوها ، بلا ما ننساو مضاعفات التخدير ...

🔰خطر المضاعفات في الولادات اللي جاية يزيد ، يعني نتي ولدتي المرة اللولة وعجبك الحال بصح ديري حسابك الخطر راح يبقى معاك.

🔰ولدك تخرج مناعتو ضعيفة ، يمرض فيساع ومن صغرو ديما عند الطبيب.

❗️الجماعة اللي السيزاريان محتمة عليها ما تخلعش بزاف لأنو راهي في صالحك وراح تنقذ حياتك ، أنا هدرت على اللي يقدرو يولدو نورمال بصح يجريو للعملية .

راني هدرتلكم بلعقل وما تقلقتش عليكم بزاف احتراما لمشاعر الأمومة عندكم ، ها بركاونا 😌

لي راح يتزوحو خلونا نعاونوكم تخيرو أسماء مليحة 🙄
صحا
و على وجه ربي ديرو للطاي راني كرهت و انا نعاود في لهدرة
صحا