Halich Jawad

دير في حسابك ايها لبونادم انو اسوء فطور و اسوء كابوس لجسمك هوا صباح كي تخبطو بطاس حليب معاه قنطار سكر و زيد ميلفاي ولا قاطو !!!
هنا صاي جسمك درتلو بلوكاج لعملية الحرق قعدتو غير انتم لي تفطرو بلحليب و سكر على صباح ربي
نحو عقلية هذي سبحان الله افطرو بفواكه افطرو بتمر و زيد علمتوها لولادكم
و على وجه ربي ديرو لاطاي راني كرهت و انا نعاود في لهدرة

صحا

التذكير اليومي بلي فليل لوقت هذا تجغمو لما و طيرو تتغمو مكان لا سقايط لا قوازز تحوسو ديرو للطاي ساعة رملية و انتم ساعة تع لحيط مدرتوهاش
و. على وجه ربي ديرو لاطاي راني كرخت و انا نعاود في لهدرة
صحا

هل تعلم ايها لبونادم أنه في وحد لبلاد ياكلو كلش و صباح يشريو كاس ما دافي مع قطرات قارص بش يدخلو لكرش وحدها 😒

👇👇👇👇👇👇

الدهون في الجوانب من ابشع المناظر للرجال والنساء
وتشوه الجسم ... حتى لو كنتي نحيفة وعندك دهون
في الجوانب راح يشوه المنظر . 😲😲😲.


1️⃣ واش هوا سبب وجود الدهون في هذي المنطقة؟
سبب وجودها انه العضلة في هذه المنطقة نائمة
.. يعني لا تتحرك ولا تتمرن ... فكثافة العضلة فيها
ضعيفة ... ويتراكم الدهون فيها بين الجلد والعضل 😷 . .



2️⃣ معلومة مهمة ... اذا وجدت الدهون في هذه
المنطقة ؟ فهذا دليل على وجود دهون ايضا في احشاءك
على الكبد والامعاء وباقي الاحشاء ( لانه المكون الاساسي لهذه المنطقة هو سكر الفركتوز ... والدهون
في احشاءك لها نفس مكون الفرتكوز) . .😬😬😬😬


3️⃣ كيف نحل هذي المشكلة ؟ . . .😳😳😳

.
1- عند المشي نحاول نحرك الخصر وانت تمشي ... بش تتحرك العضلة فيها ... مثل عارضات الازياء . و هذي ديروها فدار مش برا.😅😅😅



2- تمارين مقاومة لتقوية العضلة فيها
باستخدام ( الاوزان والاثقال ) .⁦🏋️⁩⁦🏋️⁩⁦🏋️⁩ . . .

3- تناول الدهون الصحية وعدم قطع الدهون كليا بمقدار 10 غرام لكل وجبة ( 10 غرام تقريبا مغرف ماكلة) ...
والابتعاد عن الدهون الغير صحية 😋
ومن الدهون الصحية ( زيت الزيتون وزيت جوز الهند
وزيت السمك اوميجا 3 ... )
فهي تعمل على زيادة عملية الأيض . . . .

4- رفع نسبة البروتين للرجال والنساء بنسبة قليلة ..
يعني البروتين اللي موال تاكلو ؟ ... زيد عليه شوي
شوية واحسبها من ضمن سعراتك الحرارية . .😊

☑️ واهم شي يا بومادم المشي المشي ... وانت تمشي
و على وجه ربي ديرو للطاي راني كرهت و انا نعاود في لهدرة
ايا صحا

أيها لبونادم أيتها لبونادمات
وصفة تع طاكوس صحية برو ماكس
اول شي لازم تكون عندك طابلية حمرة سينو مدرنا والو

الرغيف : 3 مغارف دقيق اسمر+ مغرف نشاء الذرة+ بيضة + فنجان حليب دافي + ملح. نخلطوهم في كسرونة لازم حمر يخلط سعدكم
يولو سائل و يطيبو ..نقلبوهم بالعقل. يقلب مصارنك ما تعرفو طيبو ما درتو لاطاي غير تكونيكتيو
الحشوة: صدر جاج مقطع مكعبات كيما موالفين تقطعو في ناس مع بصل و معدنوس و عقاقر و ثوم و بصل و مغرف زيت زيتون وموتارد نخلوهم يحمارو شوية براف .
كي يوجدو نحشوهم فالرغيف ونغلقوه مليح ونحطوهم فالمقلة لازم حمرة تيفال نبريسوهم بكاش حاجة. و ناكلوهم مممممم

و على وجه ربي ديرو للطاي راني كرهت و انا نعاود في لهدرة
صحا

ايها لبونادم أيتها لبونادمات
عاودو تشو
ديرو تشو وصفة الكيك الموسكوتشو هذي 😎

اول شي لازم تكون عندك طابلية حمرة

كاس فرينة كاملة او دقيق اسمر + نص كاس شوفان مرحي
3 بيض (سمحولي) + شوية مكسرات مرحية و زبيب + نص كاس زبدة حرّة ذايبة + 4 مغارف عسل(سمحولي) 🍯 + حبة بنان كول نص و دير نص + خميرة فورية+ مغرف لافاني + كاس حليب + قشور برتقال.
نخلطو كلش في كاسرونة لازم حمرا نميكوسوهم مليح و ندهنو المول بشوية زبدة و نديرو الفور لازم حمر على 180 درجة ونطيبوه لمدة 35د .
ملاحظة : ما تنخلعوش كي تقراو بنان و زبدة و عسل لاخاطش راهم موزعين على كامل الكيك وتاني راح تاكلو منها مورصو فقط ماشي كامل 😑 سما في هاذاك المورصو تصيب حوالي ربع بنانة و نص مغرف عسل 3 حبات زبيب وهي كمية قليلة جدا لا تأثر اطلاقا على الريجيم . وين تلقاو لي يخمم عليكم هكذا 😎 وين ؟ وين ؟
ملاحظة : كون غير متصلحش
و على وجه ربي ديرو للطاي راني كرهت و انا نعاود في لهدرة
صحا

ايها لبونادم أيتها لبونادمات
- نقولو راك تمشي بارا و عطشت ودخلت لحانوت ضرك نتا علاه تقولو اعطيني قرعة قازوز ب 60دج معمرة حريرات وموراها ب 20دقيقة تزيد تعطش،وما تقولوش ارا قرعة ما صغيرة ب 20دج تجغمها تنحيلك الغمة و فيها 00 حريرة؟ ايا قولولي علاه ؟
- نقولو كملت سيونس تع سبور و تروح تدوش نورمالمو تدوش بلما وحدو يكون دافي .... انا مفهمتش علاش شمبوان و تزيد لكاسة .... و جال دوش ....زيدو جيبو لحفافة معاكم و خلاص
-بروفيتو في لعراس و كثرو لحومات فبهم بروتينات كي تشوفو بقلاوة دير روحك تغاشيت
و كثرو شطيح
- نقولو راك بديت سيونس تع سبور فدار ولا في صالة لي هيا في الأصل 45د دك انت علاه ديرها في 3سوايع 😒
علاش تزيدو عليها ؟؟!!
و في الأخير على وجه ربي ديرو للطاي راني كرهت و انا نعاود في لهدرة
صحا

ايماجيني يتحلبونا في طاليان بلي ناكلو سباقيطي🍲بالخبز في صهد هذا و بيتزا 🍕 فوقها لفربت 🥖😒😱 ياليتني كنت كاسرونة حمرة و مسمعتش الهدرة هذي
و على وجه ربي ديرو لاطاي راني كرهت و انا نعاود في لهدرة

بش تكون عندك طاي شابة ايها لبونادم
مش لازم يكون وزنك كما طولك مثلا 80كلغ و طول 180cm !!?
أو مثلا وزنك 90kg و طولك 190cm !!?

قادر واحد يلعب كمال الاجسام طوله 180cm ووزنه 100كلغ وشكل جسمه تحفة

وقادر طولك 180 و وزنك 80 كلغ و شكلك غير منتظم مثلا عندك كرش أو ارداف

الخلاصة :- القصة في نسبة الدهون وليس الوزن وطول حتى يكون جسمك جيد يجب أن تكون نسبة دهون عندك اقل من 17% من وزن جسمك

وحتى تقضي على كرش و تظهر عضلات البطن يجب أن تكون نسبة دهون اقل من 12%
و في الأخير ديرو لاطاي على وجه ربي راني كرهت
صحا

مالا قالولك اشربي كاس ما دافي على ريق مع قطرات قارص على صباح بش تحرقي دهون تع لكرش وحدها صصصحا