Lama Mardini

في هذا الفيديو بحكي عن الفرق بين اللطف الحقيقي واللطف المزيف…
اللطف اللي بيطلع من حب ووعي، واللطف اللي بيطلع من خوف وإرضاء للآخرين.

كتير مننا تربّينا إنه نكون “لطيفين”،
بس الحقيقة إنه اللطف المزيف ممكن يخلّينا نخسر حالنا… ونخسر علاقاتنا كمان.

بهذا الفيديو رح تعرفي:
• كيف تميّزي بين اللطف الحقيقي واللطف المزيف
• ليش اللطف الزايد ممكن يبعدك عن ذاتك الحقيقية
• كيف تعبّري عن نفسك بصدق وبنفس الوقت بأسلوب راقي ومحترم
• كيف تحطي حدود بدون ما تكوني قاسية

الحقيقة مو إنك تكوني لطيفة وبس…
الحقيقة إنك تكوني حقيقية 💛

إذا حسيتي هذا الفيديو لامسك، شاركيه مع حدا ممكن يحتاجه
واكتبِ لي بالكومنت:
وين بتحسي حالك عم تمارسي اللطف المزيف بحياتك

في أشياء صغيرة كتير…
بس تأثيرها علينا كبير بشكل ما منتخيل 🤍

لما بطعمي بسس الشارع 🐾
لما بابتسم لحدا غريب
لما بمسك الباب لحدا
لما بقول “شكراً” من قلبي…

أنا فعلياً ما عم اعطي بس…
أنا عم بغذي حالي من جوّا ✨

السعادة مو شي بنستناه…
السعادة شي منخلقه بتفاصيلنا اليومية

والأهم كل مرة بختار هيك أتصرف
أنا عم ببني شخصية الي بدي ياها
وبصير أحبها وأحترمها أكتر

السعادة بتيجي… أكيد
بس الأهم؟
إحساسك تجاه نفسك لما تعيشي بهالقيم 🤍

شو الأفعال الصغيرة اللي بتخليكي تعجبي بحالك أكتر؟
شاركوني 👇

#وعي

تأمل الاتصال بالنور الالهي والتجذر بيساعد كتير وقت الاحساس بالتوتر او الخوف

#وعي

كم مرة خفتي من شي لسا ما صار؟

مقابلة.
فاتورة.
مكالمة.
مستقبل.

والحقيقة؟

ولا شي من هاد عم يصير هلأ.

جهازك العصبي ما بيعرف يفرق بين خطر حقيقي… وفكرة براسك.
لما تفكري بالمستقبل، جسمك بيتصرف كأنه الخطر موجود الآن.

بس في جملة بتغير كل شي:

“أنا بخير هلأ. كل شي تمام بهي اللحظة.”

بس ترجعي للحظة…
نفسك بيبطأ.
قلبك بيهدأ.
وجسمك بيرجع للأمان ولمن بتهدا أفكارك
رجعي تتذكري انه الله سبحانه وتعالى معك وعم يسندك ووقتها بتبدأ حلول وفرص وافكار تصلك

ولما تقولي:
“أنا بخير بهي اللحظة”

أنتِ حرفياً عم تعيدي برمجة استجابتك العصبية

جربيها وخبريني بالتعليقات

مو كل توتر بحياتك سببه ظروفك…
أحيانًا سببه المحتوى اللي عم تستهلكيه كل يوم.

جهازك العصبي ما بيعرف إنو هاد “مسلسل بس”.
لما تشوفي خيانة، صراخ، مشاكل، أخبار كارثية…
جسمك بيفرز نفس هرمونات التوتر
كأنك أنتِ عايشة الحدث.

ومع الوقت… بتصيري متوترة من دون سبب واضح
وحاسة بثقل داخلي ما إله تفسير.

بس الخبر الحلو؟
عندك خيار.

استبدلي:
الدراما الثقيلة بسي يضحكك او يلهمك او يخليكِ تحسي بالحب
أو يقربك من الله 🤍

مو لأنك عم تهربي من الواقع…
بل لأنك عم تختاري تنظمي جهازك العصبي.

سؤال لإلك:
شو أكتر نوع محتوى بيغذي روحك فعلًا؟

This Ramadan, lets us set this intention “to gently regulate my nervous system through safety, surrender, and a deep connection with Allah — returning to my original state of peace and inner tranquility.”

تمرين بسيط ومفعوله روعة

جربيه وشاركيني شعورك بالتعليقات