Ali writes

ہر کھو جانے والا شخص اِس بات کا مستحق نہیں ہوتا کہ اُس کو خسارہ لکھا جائے 💯🖤

🤐

🥀

کیا خوب ہے وبال کہ پل پل گھڑی گھڑی
اس کو ہی کیجے یاد جو کرتا نہیں کبھی

ہر بار ہم یقین سے بوئیں محبتیں
ہر بار ہے نتیجہ وہی یعنی بے رخی

جگنو، چراغ ساتھ ہیں، خود آفتاب ہوں
جاتی نہیں ہے گھر سے مرے پھر بھی تیرگی

در پیش حادثات کو پہلے گزار لوں
پھر زندگی بچی تو گزاروں گا زندگی

کٹ جائے عافیت سے یہی دن کسی طرح
اس سے زیادہ ہم نے تو سوچا نہیں کبھی

گو سانحے ہزار ہیں گزرے زمین پر
وابستگی سے بڑھ کے نہیں امتحاں کوئی

دشمن کی چال سے کبھی خائف نہیں ہوئے
دیتی ہے مات ہم کو ہمیشہ یہ دلبری

احوال یہ ہے بعد ترے ، اتفاق سے
مل بھی لیا کسی سے تو ہوتی نہیں خوشی

علی میں کیا قصیدہ لکھوں ایسے چاند کا
سیراب آنکھ کو نہ کرے جس کی چاندنی

۔۔۔۔۔۔۔علی

☺️

🤔