Coach Asmaa كوتش أسماء

برنامج سلامة هو رحلة تشافي داخلي عميق على مستويات مختلفة

بيبدأ معاك بفهم نفسك والطريقة اللي عقلك بيكون بيها العادات وازاي تبني عادات أكثر صحة وتلتزم بيها مدة طويلة

بياخدك بعدها لرحلة الفهم الأعمق لعلاقة مشاعرك بالآلام والأمراض المزمنة اللي ممكن جسمك يكون بيتعرض ليها (علم الميتاهيلث)

وتأثير كل هرمون وغدة على جسمك وازاي هما كمان مربوطين بالمشاعر في علاقة تكاملية (الطب الوظيفي)

وبعد الفهم العميق بتبتدي رحلة التطبيق العملي على بناء أسلوب حياة صحي يساعدك تخفف الالتهابات والأمراض وتعيش حياة فيها توتر وقلق أقل

وتشفي جسمك - بإذن الله - من آلام وأمراض عايش بيها سنين على مسكنات لحد ما نسيت معنى الراحة

كل ده هندرسه مع بعض في رحلة ممتدة لأكتر من ٨ شهور هكون معاكم فيها Co-Mentor مع زميلتي الجميلة

والبرنامج بقيادة الدكتوره المؤثرة صاحبة الروح الجميلة أ.

تقدروا تتواصلوا على الواتساب مع الرقم الموجود في البوست لمعرفة تفاصيل أكتر عن البرنامج

#وعي #جلسات #صحةنفسية

جربت كتير تخس ورجعت تتخن تاني ؟

حاسس إنك فشلت وانك محبط ومش عايز تجرب كمان مرة ؟

فقدت الثقة في كل انظمة الدايت والتغدية الصحية والرياضة ؟

أحب أقولك ان دايماً في أمل ولكل داء دواء، واللي كتير من دكاتره التغذية مش بيشتغلوا عليه هو الشغل على المشاعر والنظرة الذاتية قبل الشغل على الأسباب السطحية للسمنة

لو مستعد تخوض الرحلة المرادي من منظور مختلف وتشوف نتايج فعلية ملموسة متترددش في التواصل وهيتم توفير كل وسائل الدعم الحقيقي في رحلتك للوصول للوزن الصحي

#صحة #السمنة #مشاعر

تغييرات بسيطة في روتينك اليومي هتحسسك بالفرق في صحتك على المدى البعيد

لو هتختار عادة واحدة من دول أو غيرها وتبدأها من النهارده ممكن تكون ايه ؟

#عادات

افتكر ان شعورك بالذنب اللي بيمنعك توقف متابعة اخبار بتتعب نفسيتك هو هو نفس الشعور اللي بيخليك تعبان ومش قادر تتحرك في حياتك

حدد اولوياتك واسعى واجتهد مع إخلاص النية والإحسان والدعاء المستمر .. دي اقوى ادوات تملكها في الوقت الحالي

#وعي #اخبار #الخليج

لو حاسس إنك بتمر بأي شعور من دول وبتدور على حل حقيقي وجذري .. تقدر تسجل في الماستر كلاس المجاني من خلال الرابط التالي:

https://forms.gle/v3gEPmpJG1NyV3k66

التعلق بالماديات يقتل الروحانيات

لأن النفس تميل للمادة لكن الروح تميل لما وراء الماديات

دي بعض النصائح اللي تساعدك تفك التعلق بممتلكاتك اللي مبقتش محتاجها ..

وتخليها تروح لحد تاني يفرح بيها

ايه اكتر نصيحة في دول حاسس إنها هتفرق معاك لو طبقتها ؟

#وعي #مال #روحانيات

جهازك العصبي هو أحد أكبر عوامل حصولك على طاقة أو فقدانها لو عرفت تنظم جهازك العصبي طاقتك هتتوازن #تحرير_المشاعر #وعي #طاقة

على قدر الوجع بتيجي القوة والحكمة

شكراً لكل العلاقات اللي مكملتش في حياتنا

لأنها كانت رسول عشان نبص جوانا ع اللي بيوجعنا

ونحرره ونتشافى منه

ونشوف الدنيا بنظرة أعمق وأرقى وواقعية أكتر

شكراً للوجع والألم اللي علمنا نتخلى

ومنمسكش في علاقات مش شبهنا ولا بتساعدنا نكبر

ونتطور في رحلة تزكية نفسنا في الحياة

#كوتشينج #وعي #صداقة #علاقات

على قدر الوجع بتيجي القوة والحكمةشكراً لكل العلاقات اللي مكملتش في حياتنالأنها كانت رسول عشان نبص جوانا ع اللي بيوجعناونحرره ونتشافى منه ونشوف الدنيا بنظرة أعمق وأرقى وواقعية أكترشكراً للوجع والألم اللي علمنا نتخلىومنمسكش في علاقات مش شبهنا ولا بتساعدنا نكبر ونتطور في رحلة تزكية نفسنا في الحياة #كوتشينج #وعي #صداقة #علاقات

الناس اللي بتتجح في حياتها هي اكتر ناس

عاشت ألم ومعاناة بصور وأشكال مختلفة

لكن قرر ميستلمش للألم والحزن والانهيار

شخص خد وقته في الانعزال والحزن والشعور بكل

المشاعر المتلخبطة .. لكن أدرك إن الألم ليه حكمة

ف قام ودور وبحث واستشار وطلب العون من الله

ف عرف الحكمة وشاف النور جواه واستمد القوة

إنه يحاول ويبدأ من جديد رغم كل التحديات

ودي كانت قصة عميلتي المميزة بعد فقد والدها

#فقد #وفاة #شفاء #تشافي

فطرتنا بتحب الطبيعة وبترتاح فيها

ربنا خلق الطبيعة عشان نتواصل معاها ونتصل بيها

التواصل معاها بيهدي جهازنا العصبي وبينقله

من حالة الجري والحركة والتوتر لحالة الهدوء والسكينة

امشي ع الرمل، اسمع صوت البحر، العب مع حيوان، احضن شجرة

وخلي جسمك ياخد منهم طاقة الهدوء والجمال 🤍

#طبيعة #شجر #تواصل #فطرة