06/02/2024
۲۵/۷/۱۴۴۵
د ننګرهار ولایت د کرکټ بورډ نوی آمر مسئولینو ته ور وپېژندل شو.
د ننګرهار ولایت مقام د بشري سرچينو رئيس مولوي محمد طاهر جلالي له لوري د کرکټ بورډ نوی آمر محمد الله نجم د يادې ادارې کار کوونکو او مسئولينو ته ور وپېژندل شو او رسماً يې دنده پيل کړه.
د ولایت بشري سرچينو رئیس د کرکټ بورډ مخکيني آمر ضياءالرحمن قريشي د کړنو ستاينه وکړه او نوي آمر ته يې په چارو کې د بريا هيله وکړه.
نوموړي وويل، چې کرکټ بورډ هغه اداره ده چې په کې ځوانان بهر کې د هېواد نوم لوړولو او هېوادوالو خوښۍ په موخه لوبيږي او ځان سره وياړونه راوړي.
هغه د کرکټ بورډ مسئولینو ته لارښوونه وکړه چې نوي ځوانان د کرکټ په برخه کې ښه و روزي، حقدار او وړ ځوانان ملي لوبډلې ته جزب کړي ترڅو په راتلونکې کې هېواد لپاره ښه لوبه وکړي.
د کرکټ بورډ د کورنيو کرکټ عمومي مسئول نظيم جار عبدالرحيمزي وويل، چې ننګرهار د کرکټ کور وو، چې يو څه موده له پاملرنې غورځول شوی وو؛ خو يو ځل بیا به هڅه کوو ترڅو خپل پخوانی نوم ترلاسه کړي او خوښي يې وښوده چې د مخکيني آمر په هڅو ډېر کار تر سره شوی دی.
د ننګرهار ورزش او بدني روزنې رئیس عبدالسلام وزيروال وويل، چې کرکټ په نړۍ کې معتبره لوبه ده او هيله يې وښوده چې په راتلونکې کې په ملي ټيم کې له دې ولایت څخه ښه لوبغاړي وګورو همدا راز يې له مسئولینو څخه د يووالي غوښتنه وکړه.
د ننګرهار د کرکټ بورډ مخکيني آمر ضياءالرحمن قريشي په دې ولايت کې د کرکټ بېرته په پښو درولو او نوښتونو رامنځته کولو کې د خپلو کړنو په اړه معلومات شریک کړل همدا راز يې د پرمختګونو ساتنې وړانديز ترڅنګ نوي آمر ته په چارو کې د همکارۍ ډاډ ورکړ.
د ننګرهار د کرکټ بورډ نوي آمر محمدالله نجم د مخکيني آمر د کړنو قدرداني وکړه، نوموړي وويل، چې دې ولایت ته پخوا د کرکټ کور لقب ورکړل شوی او هڅه به کوو چې دغه نوم وساتو همدا راز يې د لوبغاړو په ښې روزنې او حق حقدار ته سپارلو کې ډاډ څرګند کړ.
ننګرهار ولایت رسنیو دفتر:
https://twitter.com/nmic8/status/1754821824045543814?t=D2m_5XLLwFvPT9eM99x77Q&s=19
14/06/2022
11/06/2022
23/03/2022